نــــــــزف شـعراء منتـــــــــــــــــ ( ويــلان ) ــــــــــدى

[بروق الشمال]

السلام عليكم ورحمة الله

ارجوا ان يكون الجميع بخير

المفروض شخص اخر ينزل هالفكره
ولكن تاخر فحبيت اني انزلها كي نستمتع بعبق الشعر واجوائه فارجوا منه السماحه

فكرت هالصفحه
طبعا هي للشعراء
او اي انسان يستطيع ان يكتب ابيات ولو قليله
يجب ان تكون من ابداع الشاعر نفسه ولايجوز يستلفها من اي شاعر اخر


احيان نكتب بعض الابيات قمه في الابداع والتصوير ولانستطيع اكمالها
فيعني مراح نقول عنها قصيده

فتبغى حبيسة الادراج

القسم هذا مو من افكاري للاامانه

كنت في منتدى وكان موجود فيه
كان احب الاقسام الى قلبي
ومشاركت الشعراء فيه تفوق بقية الاقسام

ولا يوجد اي مشكله في الارتجال او مجارت الشعراء لبعضهم في الابيات القلائل
على ان لاتتعدى 6 ابيات


الدعوه للجميع عامه وللشعراء خاصه

وارجوا تثبيت هالموضوع
اختكم بروق

[بروق الشمال]

احم احم ببداء انا


اللي زعل يزعل بكيفه ويرضيه= وقته على جبرت جروحه يعينه
لاصار هاوي والمزايين تبغيه= وشله على نبش الجروح الدفينه
دربي المفقي ماتبعه يوم واتليه =لوي من الهفه اموت بحنينه
من صد صد وجايز الوقت منسيه=العمر اقفى وش بقى من سنينه

[نواف ابن ثويني]

فكره راااائعه وراااااقيه

شكرآ بروق الشمال

ولي عوده حاملآ معي مشاركتي

[نواف ابن ثويني]

ياصاحبي ضاق صدري لاتقول اصبر=والشوق ابشتاق دامي فاقد عيونه

ياخوك واللي خلقك وصورك ما اقدر=اسلى وأعيش العمر لحظات من دونه

اظيق,وأشتاق,وأحزن,وأحترق,وأسهر=وأعصابي امن الفراق المر مشحونه

شوفه وطن يوم فرقا صاحبي مهجر=شف عاد شوق الغريب لداره اشلونه

انا بخطر بس تدري وشو الأخطر=لو المشاعر بحكم البعد يسلونه

[بروق الشمال]

شكرا اخي نواف على ثنائك
وعلى نزف ابياتك الاجمل


اسقيتني فرقا وانا طالبك وصل=ياكيف قلبك في عشيرك يقسى
يومن غلاك بدنيتي دايمن اصل= وبوسط قلبي لك مكانن مرسى
خليت هالعالم مابي اصلن وفصل=جيتك وانا جرحي عصيبن يمسى

[فاطمه الجعفري]

فكره مميزه غاليتي بروق الشمال وانشالله لي عوده محمله بالابيات

[بروق الشمال]

يسلموووووووو اختي فاطمه والدار دارك باي وقت

[بروق الشمال]

ماعاد بوجيه البشر خير يا بروق=يقولها شخصن محبته ساحت
وانا معه لو نختلف طرحن وسوق=وهقوتنا بكبار الاشخاص طاحت
يما عطينا والعطايا من النوق=ويما حصدنا دمعتين تلاحت
ياخوي لاتشكي من الهم مخنوق=هاته لصدري راحتيني تلاحت
ليت التعب فيني ولا فيك ياشوق=ليت الخناجر عن صميمك تناحت

[عناد الغريب]

الاخت الشاعره بروق

لاهنتي على الطرح الجميل

وحتى لو انه مكرر مافيه مشاكل الموجود نشارك به

وهذه مشاركه كيبورديه:


مد كفك بالوصال وهاك كفي=خلها عندك دخيلك لاتجيني
دام وصلك غايتي ورضاك شفي=انت تكفي لاحلفت انك يميني

[خلف الغريب]

بما ان الفكرة تكررت اذن لا مانع من بقائها هنا مع اعتذاري للاخ محمد الموسى على نقل الموضوع وسيتم بحول الله الحاقه بهذا الموضوع ..

[بروق الشمال]

الاخت الشاعره بروق

لاهنتي على الطرح الجميل

وحتى لو انه مكرر مافيه مشاكل الموجود نشارك به

وهذه مشاركه كيبورديه:


مد كفك بالوصال وهاك كفي=خلها عندك دخيلك لاتجيني
دام وصلك غايتي ورضاك شفي=انت تكفي لاحلفت انك يميني


هلا فيك زود اخوي عناد
وبكل تاكيد لايحتاج ان ارد عليكم في المشاركات
لان هالصفحه منكم واليكم
تذكرت تلفزيون السعويه قبل 15 سنه
ههههههههههههههههه

كيبورديه رائعه تستحق الثناء
تقبل احترامي اختك بروق

[نواف ابن ثويني]

يعطيكم العافيه جميعآ وبصراحه انا تفاعلت مع هالموضوع اللي طرحته اختنا بروق الشمال

والشي المهم بالمنتدى هو المشاركه والمشاركه الجديده بغرض قراءة شي جديد بغض النظر عن تكرار عنوان الفكره.

تحياتي للجميع

دمتم بود

[بروق الشمال]

مد كفك بالوصال وهاك كفي=خلها عندك دخيلك لاتجيني
دام وصلك غايتي ورضاك شفي=انت تكفي لاحلفت انك يميني


[center]
وهذي مجارتي لك اخي
وللعلم لاقصد من مجارتي اي امر اخر
انما مجراه لاخ عزيز فقط لاغير

هات كفك للوصال وهاك كفي
خلها عندي دخيلك في يديني

ووعدك نهر الغلا لك مايجفي
ولو يزيد البعد يزداد الحنيني

[بروق الشمال]

بما ان الفكرة تكررت اذن لا مانع من بقائها هنا مع اعتذاري للاخ محمد الموسى على نقل الموضوع وسيتم بحول الله الحاقه بهذا الموضوع ..


يؤيؤ
يعني خلاص المحقق كونان اقتنع

حياك وانا اختك
مو مهم التثبيت يجماعه
المهم ان هالموضوع ماينحذف
فقط لاغير

اما ابو موسى هو راعي الاوله بكل تاكيد

[بروق الشمال]

يعطيكم العافيه جميعآ وبصراحه انا تفاعلت مع هالموضوع اللي طرحته اختنا بروق الشمال

والشي المهم بالمنتدى هو المشاركه والمشاركه الجديده بغرض قراءة شي جديد بغض النظر عن تكرار عنوان الفكره.

تحياتي للجميع

دمتم بود

هلا بك اخ نواف
عندي ثقه ان هالموضوع راح يحرك القسم
طبعا بمثل هذا الكوكبه الرائعه من الشعراء

واتمنى اشوف مشاركات الجميع

يعني والي حاب يجاري لامانع

منور وانا اختك
تقبل احترامي

[نواف ابن ثويني]

ابيات كتبتها قبل حلول الشهر الكريم بأيام وارسلتها لعدد من الاشخاص المقربين

اليكم ماكتبت:





الله يعيد الشهر دايم علينا وعليك=لو أن الاعمار عند الرب بس امنيه

وقلت التهاني بقرب الشهر لازم تجيك=دامه دنا وحان وأيامه غدت محريه

يالله عسى الرب من كل الشرور ايحميك=ويالله عسى اعمالك امن الهاويه منجيه

[بروق الشمال]

تصدق اخ نواف
على قولت اخوانا الكويتيين
فيني ضحك

ليه شسبب ماعرفش
حياك اخوي

[بروق الشمال]

انــا انـــا لامتغيرني القاب= ياللي تقول ان القب غر سني
بنتك يبه واخت اولدك بنت مهاب= وتفخربي رجالي اليا قيل عني

[نواف ابن ثويني]

شكرآ لمرووووووووووورك بروق الشمال

وعسى الله يديم الفرح

تحياتي لك

[بروق الشمال]

هذا الزمن اكثر تماثيله اوهام
لاصار واقع مجتمع مجانين

[محمد بن موسى]

بروق الشمال
بروق الشعــر


فالبدايه / اهلاً وسهلاً بك بين اخوانك واخواتك في شبكة ويلان
وثانياً / لاتعلمين مدى سعادتي بطرحك لهذا الموضوع بالذات لأنه يعني لي الكثير
رغم عتبي على ادارة الملتقى بسبب حذفهم لنفس الموضوع قبل فترة بسيطه بسبب تكراره

ولكن كما اشرت في تعليقي على احد المراقبين في موضوعي السابق ان الهدف هو تفاعل الاعضاء وليس بأسم كاتبه
فهو بعتبر بالنسبه لي شخصياً متنفس وبأمكان الشخص ان ينثر فيه مايجول بخاطره وماتجود به قريحته
ولو كانت ابيات بسيطه ومعدوده

فلك كل الشكر والامتنان على هذا الطرح ...
والشكر موصول للشاعره / اميرة الحرف على موضوعها السابق بنفس الفكره





ومشاركتي ...



ياشينها وان جت من انسان تغليه = تبي غلاه وصعب ترضي مزاجه
تحتار من كثر العتب والمشاريه = وتخاف من قول الصدق والمواجه
مدري خطاي اني له السر مبديه = وصادق ولا اخبي معه اي حاجه
والا خطاي اني من القلب مغليه = حتى تمكن من خفوقي وتاجه

[نواف ابن ثويني]

الشاعر محمد بن موسى

صح لسانك اخوي على هالابيات

تقبل مروري

تحياتي لك

[محمد بن موسى]

نواف ابن ثويني


صح بدنك يالغالي

ونورت الموضوع بطلتك





طال انتظاري في رجاء دق جوال=ولادق جوالي ومّل انتظاري
سبحان رب(ن) غير الحال بحوال=اللي على قلوب المخاليق داري
هوالذي يعلم وش بخافقك جال=ويعلم خفايا النفس سر وجهاري
والا انت عندي دايماً منزلك عال=تسكن صميم القلب بأمر وزاري

[عناد الغريب]

وهذي مجارتي لك اخي
وللعلم لاقصد من مجارتي اي امر اخر
انما مجراه لاخ عزيز فقط لاغير




هات كفك للوصال وهاك كفي
خلها عندي دخيلك في يديني




[center]ووعدك نهر الغلا لك مايجفي


ولو يزيد البعد يزداد الحنيني

صح كلك يابروق

مجاراتك للبيتين اتت افضل منهن
معبره اكثر من ابياتي

دمتي كما تودين

[عناد الغريب]

للي نشد عن قصيدي واخر اخباري=الوضع مزري والاجوا غير صحيّه
فقدت لذة غرامي وأجمل أشعاري=مكسور قلبي وشعري منكسر زيّه

[نواف ابن ثويني]

اخوي الشاعر عناد الغريب تقبل مني هالمجاراه المتواضعه جدآ جدآ جدآ:





ياعناد وضعك تقل عن حالتي داري=والشوق ماعاد باقي غير طاريه

اقفى وسافر قبل مايسمع اعذاري=وأمسيت منه بحاله لاطبيعيه

خلاص ابنساه قبل ابوح بأسراري=حتى اني افكر اكتب فيه مرثيه

[عناد الغريب]

اخوي الشاعر عناد الغريب تقبل مني هالمجاراه المتواضعه جدآ جدآ جدآ:






ياعناد وضعك تقل عن حالتي داري=والشوق ماعاد باقي غير طاريه

اقفى وسافر قبل مايسمع اعذاري=وأمسيت منه بحاله لاطبيعيه

خلاص ابنساه قبل ابوح بأسراري=حتى اني افكر اكتب فيه مرثيه


جميل يانواف مجاراه ولا اروع
وهذي مجاراه لمجاراتك:فيها مزوح لاتحسبونها حقيقيه نتونس انا ونواف نهيجن اسمع يابن ثويني:

هذا الزمن حُب ليله واسر ياساري=محبت(ن) للتسلي بالشقاويه
نادر تحصل محبه نهْرها جاري=وتحب كوعك ولاتلقا حقيقيه
لكن طلبت العزيز الواحد الباري=يسخّر لنواف وحده واختها ليّه

[نواف ابن ثويني]

هههههههههههههه الله يسعدك اخوي عناد

عز الله ونستني بهالابيات

مالها مرد ابياتك ابد

ننتظر فرج الله هههههههههههه

تحياتي لك وسعدت بأبياتك يالغالي

دمت بصحه وعافيه اخي العزيز

[عناد الغريب]

العشير ابن ثويني اسعد الله ايامك

دامت الوناسه تحوفك

[عناد الغريب]

واقعي

تدري وش اصعب جرح يبلش مداويه=جرحن مـع الايـام يكبـر نطاقـه
لياجرحك اللي عـن الضيـم واقيـه=وخان المبادي والرحـم والصداقـه
هذا هو اكبر جـرح يمكـن تلاقيـه=واحقر جروح الوقت جرح الرفاقه

[غربة إحساس]

شكرا اختي بروق الشمال ع الفكره الرائعه والمميزه والله يعطيكم العاافيه

[محمد بن موسى]

والله وانا سلطان بالشعر لأكسيك=من هامتك حتى حواف المواطي
لأنك سكنتي بالغلا قلب مغليك=وصرتي له بحور الشعر والشواطي

[محمد بن موسى]

كلش يهون وينسي لاعدمنآك=الا مواقف عصبتك والقرابه
لاجت على عكس اتجاهك ومشهآك=وصار البعيد اصخى بكف وحبابه
تدور بك من تحت الاقدام دنيآك=لانه تجمّل يوم بار الرفاقه

[بروق الشمال]

شكرا اختي بروق الشمال ع الفكره الرائعه والمميزه والله يعطيكم العاافيه

بكل تاكيد مرورك اتحفني كثيرا
وشاكره لك اخيه

[بروق الشمال]

بروق الشمال
بروق الشعــر


فالبدايه / اهلاً وسهلاً بك بين اخوانك واخواتك في شبكة ويلان
وثانياً / لاتعلمين مدى سعادتي بطرحك لهذا الموضوع بالذات لأنه يعني لي الكثير
رغم عتبي على ادارة الملتقى بسبب حذفهم لنفس الموضوع قبل فترة بسيطه بسبب تكراره

ولكن كما اشرت في تعليقي على احد المراقبين في موضوعي السابق ان الهدف هو تفاعل الاعضاء وليس بأسم كاتبه
فهو بعتبر بالنسبه لي شخصياً متنفس وبأمكان الشخص ان ينثر فيه مايجول بخاطره وماتجود به قريحته
ولو كانت ابيات بسيطه ومعدوده

فلك كل الشكر والامتنان على هذا الطرح ...
والشكر موصول للشاعره / اميرة الحرف على موضوعها السابق بنفس الفكره





ومشاركتي ...



ياشينها وان جت من انسان تغليه = تبي غلاه وصعب ترضي مزاجه
تحتار من كثر العتب والمشاريه = وتخاف من قول الصدق والمواجه
مدري خطاي اني له السر مبديه = وصادق ولا اخبي معه اي حاجه
والا خطاي اني من القلب مغليه = حتى تمكن من خفوقي وتاجه


انت راعي الاوله وانا اختك
وطرحي للموضوع يعلم الله انه من باب التواصل بين الاعضاء
فقط لاغير
واختي اميرة الحرف لها كل الشكر على طرحها المميز
تقبل احترامي اخي الكريم

[بروق الشمال]

ليت الآماني يازمــاني تحقق= واشوف فيصل لو زماني تلاكيع
شوفه شفا جرحي لو البعد فرق=وصوته دواء حزن القلوب المشاليع
ودنياي من غيره فلا هي تورق=لوتنكسى خضر الزروع المنافيع

[عناد الغريب]

يلي تغيب ولا تجي غير لاضقت=شكلك مسميني:حبيبي لو أضيق!
لاتشرح ظروفك ولا تلعن الوقت=الوقت شماعة جحود المخاليق

[عناد الغريب]

قال مدري!
قلت كيف؟
قال مدري وش تكون؟
قلت روحك
وانت روحي
ماتقول اني الحبيب!
قال متضايق
وش انت؟ وقلت:
انا الصدر الحنون.
قال :
وش كثره غلاي.؟
قلت:
اعكس حروف
الغريب <<<<<<<بيرغلا

[بروق الشمال]

يانور عينن تدخليها متاهاتك= تضيع من غير ماتدري عن اليمه
وياروح بنتن تعلمها عباراتك=تنثر شقاها وله وتعود تلمه

[بروق الشمال]

وايليه بنت ابوي وبنت جدي
من رجالن ماييهبون المنايا

من رجالن كفها بالخير مدي
لاعطت تعطي جزيلات العطايا

وايله وافتخر من فيه قدي
يرتفع راسي اليا قالوا نبايا

[محمد العاند]

احدا يشم الورد ويطيح بشوك = واحدا يجيه الورد وده يشمه

وحدا رقى للمجد وحباله اسلوك= وحدا يطيح وله سلالم مهمه

ولله يعطيك الف عافيه وان اس على التاخير

[بروق الشمال]

احدا يشم الورد ويطيح بشوك = واحدا يجيه الورد وده يشمه

وحدا رقى للمجد وحباله اسلوك= وحدا يطيح وله سلالم مهمه

استسمح اخي الكريم (( محمد العاند)) حبيت اجاري ابياتك وارجوا ان ارتقي لمستوى ماتكتبه اخي



كم واحد جاب العنا قالك دوك=وكم واحدن جاب الولد قال سمه
لو تطلب عيونه رضا قال يفدوك=مافكر بقرص الافاعي وسمه

[بروق الشمال]

قبل امس انا وياه ضحك وتهاريج= واليوم وجه لشمال العذيه
اقفى واخلى في ضلوعي تفاريج=تحن مع هبة هبوب المسيه
اقفى رحل واشواق قلبي مساريج =وخيولها دمع العيون الشقيه
يارب فكه من صدوف ومعاريج=وحفظه من نظرت عيون البريه

[محمد بن موسى]

بروق الشمال

صح بوحك اختي ونبض قلبك



ياليت مابالقلب ياخوك ينذاع=وترتاح نفس(ن) زاد والله جهدها
مير البلا اكتم ورى عوج الاضلاع=هم(ن) أسر نفسي وزود لهدها
هم(ن) ولو انه على جاهد القاع=زلزل مبانيها وكسر عمدها

[بروق الشمال]

يـالــيــت مـابـالـقـلـب يــاخـــوك يـــنـــذاع=وتـرتــاح نــفــس(ن) زاد والله جـهـدهــا
مير البلا اكتم ورى عوج الاضلاع=هــــم(ن) أســــر نـفـســي وزود لـهـدهــا
هـم(ن) ولـو انـه عـلـى جـاهـد الـقـاع=زلـــــــزل مـبـانـيــهــا وكـــســــر عــمـــدهـــا



مجارتي لك اخي محمد




ياخوك لاتشكي من الهم ينذاع =تفرح قلوبن بالبلاوي سعدها

اصبر عسى تلقى مع الصبر منفاع=واضحك عسي ينفل حبلن عقدها

حكم الولي حنا مع الناس ننصاع=مكتوب مع مهده الخلايق لحدها

[بروق الشمال]

الصفحه الي تشوفونه مهي ليا
هذي لنزف المشاعر من خواطركم

فلو حبال القصيد وهاتوا الديا
جزلات الاشعار تنخط بمحابركم

ويلان ربعي من جنوب وشماليا
في حزت الهيا تنومس فعايلكم

[أبو غرام]

ياحبي للكيبورديات .. وياحبي للتواصل مع ابو موسى
وكيبورديه لكم طالت اعماركم عسى ان تنال على رضاكم واستحسانكم



ياعين .. ياعين الفرح والتباشير=ما لاح لك يالعين خلٍ تعفى ؟
ما لا حلك بالمزن .. رعادةٍ غير=سحابةٍ صوته يقض المخفى
الهجر هم وديمة الوصل تنوير=والضم نارٍ من سناها اتدفى
ياعين قولي للغضي بالتصاوير=وبل الغلا ما يروي اللي تهفى
ان ما نثر حرصه على حسن تبرير=والا زرعت القلب بارضٍ تشفى
الود نوض القرب والحب تقدير=والعين يا عيني حياها توفى
يعني يجيني الخل من دون تقطير=والا لبراد الغير عني يتقفى
وياعين .. ياعين الفرح والتباشير=ما لاح لك يالعين خلٍ تعفى ؟

[محمد بن موسى]

برووق الشمال

صح بوحك اختي


ابو احمد

صح بوحك واتشرف بتواصل امثالك يالغالي




ياعين لاتبكين مامن حسايف=الله خلق غيره كثيراً من الناس
مهما حلفلك ماتفيد الحلايف =الغدر عنوانه والاعذار له ساس
ماعاد اي طاريه ولابي ولايف=مادام قلبه خان حبي والاحساس
القلب من صده ترى اليوم عايف =له في رصيد القلب صفرين بأقواس

[بروق الشمال]

ابو ااحمد دام نبضك وانا اختك
اخ محمد بن موسى حياك وانا اختك

الصاحب الي له علينا مشاريه
كذا بلا عذر وسبب وش جراله

يرحل يصد ويبتعد عن محاريه
ويترك فقلبي حرقتن و اشتعاله

الله حسيبه ناسين حي يطريه
والله يسامح من نوى بستماله

[محمد بن موسى]

عشنا وشفنا (( للكدش )) ياهل الخير=وبريك دانس وراب بأرض الطهاره
واشياء تغث البال تحتاج تفسير=متنثره في كل شارع وحاره
مدري من اهل الدين ياناس تقصير=والا من اللي ساهمو بأنتشاره
اصبح لهم مكسات عرض وجماهير=على الهوى تعرض بأسم الحضاره

[محمد بن موسى]

ياصاحبي منته على الود مجبور=ومافيه داعي للعبّط والكلاحه
انا معك واضح ولا ألف وادور=طبعي صريح ان كان تبغى الصراحه
ماني من اللي كل يومً لهم دور=ويلعب على كل الوجيه بكلاحه
يحلف بربه وان شهد زور في زور=اهم شي انه يحقق نجاحه
والا انا ياصاحبي وافي شبور=ولا اطرد ورى أيات فرصه متاحه
امشي طريقي يا ابيض الوجه بالنور=ولاهمني كلب العرب مع نباحه

[بروق الشمال]

صح لسانك اخوي محمد واخوي جايز
بس ماعليش حاولوا ماتنسقون القصيده في التنسيق حق تنسيق القصيده عشان ماتطلع عندي لاني ادخل من الجوال فماتطلع القصيده المنسقه


جيت اضمك وسط حضنن يبيك سنين
ودفيك من لاهب الشوق باعماقي

بخبيك عن كره الناس وسط العين
واحطك بين جفني واحداقي

ابزرعلك وفا ينبت غلا كل حين
وبشعلك ضلوعي جمر وادفيلك اشواقي

عليك الله وامانه والغلا منحوت بالاثنين
ضما لهفة هواك ودمعة الشاقي

عليك الله ترفق في خفوقي زين
اليا جيت لعناقك وله زيد بعناقي

[محمد بن موسى]

لاتختـبرني في غــلاك ومعـزتك
تـراك من بين المخــاليق غالي

انشهد ان الروح ياصاحبي جتك
مــني هــديه ياحسـّـين الـــدلالي

ابــيك تقبلــها بصـــادق مـودتك
وتــرفـق عليها يارفــيع المعالي

[مشهور الرشدان]

فكره اكثر من رائعه اليكم مشاركتي عباره عن بيت واحد اتمنى يعجبكم ولو اني كتبته في منتدى اخر وصار في قسم الماسنجر والتوبيكات الــــيكــــم

أحـــــلامـــــــنا أقـــــــرب شـــــبه للعـــــصافير

تــــمسي مـــعانا ولصــــبح الصـــــبح طـــــارت

[أبو غرام]

تصبح معانا ولصبح الصبح طارت

جيت ابكتب ولقيت هالبيت

وفعلا مجنووووووووووون

فاكتفي باستعارته من اخي مشهور لوضعه ها هنا

وكل عام وانتم بخير

[بروق الشمال]

♥♥♥♥♥♥♥♥♥♥♥♥♥♥♥♥♥♥♥♥♥♥♥♥
حلتي النفسيه على حافة السقوط

وماطلع معي الا هالابيات


ماقولك عود قلبي على الهم متعود
.............................والحزن لانود حط الركاب السود

[بروق الشمال]

قل للحزن يرئف على قلبي شوي
....................‏ وقل لسعاده تعتجل في وعدها

[محمد بن موسى]

لاعاد ترجيني ولا عاد ابرجيك=كلاً يرّوح يالغلا في طريقه
دربك خضر واللي يجيبك يوديك=حان الفراق وبان نور الحقيقه
دامك بخستي حق من كان شاريك=وبعتي غلاه وعشرته في دقيقه

[بروق الشمال]

هذي اليوم جادت قريحتي على الصبح وين في طريقي للجامعه
وطلع معي هذه الابيات





حبن كتب فرقى على غير ميعاد=وحبن كتب ميعاد من غير فرقى
وحبن ترك عامي بلا فرح واعياد=وحبن ترك عيني من الدمع غرقى
وحبن نمى مع زرع الايام وازداد=وحبن لقى مع سود الايام حرقى
وحبن معد ينعاد لو قيل ينعاد= وحب نحفظ مع طول الايام يرقى
وحبن خذا من روحي سنين اجداد= وحبن انسرق من بين الاحباب سرقى

[محمد بن موسى]

كلش يهون وينسي لاعدمناك=الا مواقف عصبتك والقرابه
لاجت على عكس اتجاهك ومشهاك=وصار البعيد اصخى بكف وحبابه
تدور بك من تحت الاقدام دنياك=لانه تجمّل يوم بار الرفاقه

[مشهور الرشدان]

اهدا الى الشاعر محمد البويليد

الطيب كايد ماكسبه كل مخلوق ..مايكسبه ياكود شايل حموله
والمرجله مايهزها طير غرنوق ..مايهزها غير الصقور العجوله
وانت الذي هزيتها غصن وعروق .. راسك تصافق فيك عز ورجوله