× عـــ آلمجنون ـــالمي [] و آنا بكيفي {}

[مازن الفهد]

عالمي الذي كالما حلمت باحتضانه لي ..
سأكتب هنا كل شيء لعلني أنسى ما هو واقع في حياتي ..
نعم .. ليس إلا هربآ من الواقع ..
( افهموها مثل ما تبون ^_^ )
.
بكتب كل شيء ..
إيه بكتب كل شيء ..
.

[مازن الفهد]

استغرب ..
رجعت فلانه بعد انقطاع دام لأشهر
.
عارفين لازم يكون هناك اسأله قبل اصارحها بشعوري ..
.
وش ذكرك فيني ؟
وش اسباب تركك لي كل هالمده ؟
و الكثير الكثير ..
.
طبعا جاوبتني و قالت ..
انت قلت لي انك تحبني موت ..
قلت : و بعدين ..
قالت : انت قاسي ..
( تبغاني اترجاها .. )
طبعا قلت ..
الله يوفقك و انتي اخترتي دربك ..
صرخت و صراخه حرك اشياء داخلي كانت غافيه ..
.
ما رديت عليها ..
.
مازن
مازن
مازن
.
وش فيك ..
قلت : انتي قلتي لي قاسي ..
بس وش تقولين لغيابك اللي فجأه طرا ..
لا لا شكل هذي مو قسوه عندك ..
قالت ظروف ..
قلت عآآآآآدي دايم غيابنا نتركه تحت الظروف ..
قسوتنا سببها الظروف ..
صراخنا سببه الظروف ..
كل شي نحاول نصلحه نتركه تحت الظروف ..
.
و انا كفاني ما جاني و ماراح انسى وحده ولعتني فيها و بعدها رحلت و لما انتهت من حياتي جايه ترتكب ذنب ثاني ..
انا نسيتك ..
نسيتك
نسيتك
.
( وانا ادري اني ما نسيتها )
.
و آخر كلمه قلتها ..
..

يا ؟؟؟ أودعك حان الوداع
و العزا في مقبره للعاشقين
ما بكيت إلا على قطع الذراع
و لا فرحت إلا اني احيا مرتين
هي سفينة عشق يبكيها شراع
و الشراع لحاله و ماله معين
و الحزين اللي فقد موت اليراع
جاك فاقد زهرته بين اليدين
ايه جاهل وادري الدنيا متاع
و البلا ليا صرت بالدنيا حزين
أصعب الاشياء موتي و الوداع
و اسهل الاشياء دمعي و الونين ..
.
.
صاحت و قفلت السماعه ..
.
.

[مازن الفهد]

.
.
ناس غريبه ..
.
دنيا عجيبه .
.
( أحس هالكلمتين متردده واجد مع الناس )

بس من يقولها من قلب ..
.
طبعا ..
.
.
راح تختلف كثير ..
.
قبل يومين ..
بالضبط ..
احتجت مجموعه من الأشخاص و كانت تربطني بهم علاقه أكثر من جيده ..
و للأسف ..
خذلوني ..
.
ماراح أغير شيء تجاههم بس هل هم حاسين بخطأهم ..
استغرب ..
بس أهم شيء راحت البال و الدنيا ما تسوى ..
بصراحه ..
اتعبتني هالكلمه ..
الدنيا ما تسوى ..
.
كنت اسمع ..
( علامك تبكي الدنيا علامك ... ترا دنياك ما تسوى دموعك )
.
فعلا الدنيا ما تسوى ..
و احيانا احس انها تسوى اني أزعل و اتنرفز و اشره ..
.
المهم ماعلينا ..
.
قبل يومين اكتشفت ان الصداقه انواع ..
طبعا ماراح اقول كل الانواع لأنكم عارفين أغلبها ..
.
بس فيه صداقه غريبه إلى الحين ما أدري وش راح اسميها ..
بس هي أقسى أنواع الصداقات ..
.
عادي ..
اليوم ننجرح و بكرا ننسى و بعده ننجرح و بعده ننسى ..
.
اذا زعلت عندي ابوي كان يقول ( بكره تنسى و تاخذ عجوز ٍ فنسى )
.
مدري وش معناها بس متأكد اني ابوي قصده انك راح تنسى كل شي مر عليك ..
.
و الله مدري وش الموقف اللي حصل و ابوي قال الكلام هذا على شانه ..
بس أبشركم ما أخذت عجوز فنسى للحين ..
ههههههه
.
الزبده ..
( ما فيه زبده بدون مخض )
بس الحين بجيب الزبده و بدون مخض ..
.
الصاحب اللي ما كسبت محبته لا تخسره ..
.

[مازن الفهد]

,
.

مشكله اذا حبيت وحده و تزوجت و تركتك مع الذكريات ..
و فجأه بعد خمس سنوات من الضياع ..
تحب اختها و تحاول تطلب يدها ..
بس المشكله ..
هل توافق على الزواج من اللي كان يحب اختها ..
و إيش ردة الفعل للحبيبه الأولى و هل يتم الزواج ..
و إذا لا سمح الله تم الزواج وش راح تكون حياتك مع حبيبتك الثانيه اخت حبيبتك الأولى ..
و هل تستمر علاقتكم الزوجيه أو تهوي إلى القاع ..
و السبب في الطلاق وش راح يكون ..
.
قاعد أحط احتمالات بس الأكيد إني ضد الزواج اللي كذا ..
يا أخي ملايين البنات و تضيق فيك الدنيا إلا أخت حبيبتك ..
.
تصدقون هذا أغرب تفكير أشوفه ..
.
يا ...... اغسل يدك انه بيتم الزواج ..
عندي اقتراح انك لو تحب خدامة جاركم أبرك من أخت حبيبتك ..
.
مجرد اقتراح ..
.
.
شوفوا مازن قاعد يعطي اقتراحات ..
بس المصيبه ..
.
اذا كنت أنا شاهد على هالزواج و الله ماني فاضي أكون شاهد على طلاقهم ..
.
.

[مازن الفهد]

ميل الجذع لليمين ثم للشمال مع العدّ أربع مرات ..
يمين ..
ثنين ..
ثلاثه ..
أربع ..
.
شمال ..
ثنين ..
ثلاث ..
أربع ..
.
التمرين الثاني ..
.
ثني الذراعين أمام الصدر مع العد أربع مرات ثم مد الذراعين مع العد أربع مرات ..
.
ثني ..
ثنين ..
ثلاث ..
أربع ..
.
مدّ ..
ثنين ..
ثلاث ..
أربع ..
.
.
مازن و يسوي تمارين الصباح خخخخ
.
تذكرت مدرس الرياضه الله يذكره بالخير ..
كان يقول اتنين ما يقول ثنين كأنه رابي مع أهل جده ..
.
و أربع كان يقولها أبّع .. مدري وين راح حرف الراء ..
.
و الكارثه إذا سوى انحناء الظهر للخلف و الفانيله قصيره .. و قعد يحسب أربع عدات ..
.
و على طاريه و الله قاعد أشوف طبعة أصابعه على صابري ..
الله يا شخصيته ..
كنت أتحلم بشنبه بس و اقوم مفزوع كيف لو أشوفه الأستاذ بهيئته ..
.
دخلت الجامعه و كنت أخاف يكون ناقل للجامعه بس كان عندي أمل إنه يتقاعد قبل أدخل الجامعه ..
و فجأه ..
و أنا داخل الجامعه و مقدم أوراقي شفت رفيقي أيمن خخخخ لا أبشركم ما شفت مدرس الرياضه ..
المهم ..
مشيت في ذاك السيب اللي لو تمشي معه البعارين تهلك و بآخر السيب شفت مدرس الرياضه و من الفزع رجعت لأول السيب و قلت ما عاد أبي جامعه .. و قلت لرفيقي حسّان ما دام مدرس الرياضه موجود هنا أفضل إني عاطل و لا أشوفه يتكلم علي و انا كاشخ بعقال .. كنت متحمله لأني مو لابس عقال ..
المهم قال حسّان .. لا تفهم خطأ .. المدرس مقدم أوراق لولده فيصل .. و من الفرحه حبيت راس حسّان و قلت عشاك الليله عندي بمطعم كنتاكي ..
المهم ..
قدمت اوراقي و انتهيت و أبشركم عديت بمعدل حلو ..
ما يهم المعدل أهم شي ما يقطعون المكافأه ..
.
و الله اشتقت لمدرس الرياضه بجد ..
و ذكريات المدرسه ..
.
عرفت قدر الكف اللي جاء بوجهي لأني ارتكبت خطأ فادح ..
كنت مايل عن الطالب اللي قدامي بتقريباً 2 سنتيمتر ..
لازم أكون وراه بالضبط و لو كان دب اللي قدام أحاول أحافظ على التمركز بالوسط ..
( و الله لو انه استعراض جنود قدام اللواء )
بس الله يذكره بالخير و يوفقه ..
.
و ما أنسى رفيقي حسّان اللي واعدته بالعشاء ..
اكتشفت ان ما معي فلوس و طبعاً بعت الجوال n95 و عشيته ..
و الرجال راح فيها .. غص باللقمه الخامسه .. لأن العشاء مو من نفس ..
و قعد يشرب ثلاث علب كوكاكولا ( طبعا المطاعم تجبرك تشرب كوكاكولا لأن سوقه مو ماشي برا .. و هي اتفاقيه بين الشركه و المطاعم ) ..
المهم الرجال ترك المطعم و قعد يلعن الحظ اللي جابه للمطعم ..
بصراحه ما تمنيت تكون كذا لأني دفعت ( ليه ما غص قبل أطلب العشاء ههه )
.
على طاري حسّان .. قطعوا عنه المكافأه ..
و انتظره الايام هذي يتسلف لأنه مو فاكني من شره و هو مستلم المكافأه كيف و هو بهالحاله ..
.
الله يعين ..
.

[مازن الفهد]

كتبت قصيده قبل شهر ..
و سببت ضجه بالمجتمع لأني اكتشفت مدرسه جديده للشعر ..
بصراحه اخترت قافيه صعبه ..
و البحر متلولس يعني معقد ههه
.
المهم ماراح امدح نفسي واجد ..
و القصيده طويله على الرغم من اني تعبت في البيت الثالث لكن الحمدلله ..
.
القصيده قلت فيها ..
.
ركزوا ..
.
كل واحد يترك الجوال و يستمع ..
.
ورجاءاً لا أحد يقتبسها و يسرقها لأني أثق فيكم ..
.
القصيده .
.

ياحيف يا حيف يا حيف يا حيف = ياحيف يا حيف يا حيف يا حيف
ياحيف يا حيف يا حيف يا حيف = ياحيف يا حيف يا حيف يا حيف
ياحيف يا حيف يا حيف يا حيف = ياحيف يا حيف يا حيف يا حيف

.

و سلامتكم ..
.

و ادري بتقولون صح لسانك و انا بقول صحت ابدانكم ..
.
و على فكره القصيده راح تعرض على قناة الضيعه الشعبيه بصوتي المبحوح ..
و في قناة السلتحه الفضائيه و راح يشيلها المنشد / مالي حظ .. و فيه عروض اتحفظ ماراح اقولها حالياً ..( مفاجأة الساحه الشعبيه )
.
و فيه قصيده قادمه بعد نجاح هالقصيده بعنوان ( ياليت ) و و احب اعطيكم مطلع من القصيده .. و انا ما ودي احرقها لكن البيت الاول ما يضر و هي على الطرق الطويل ..
.


ياليت ياليت ياليت ياليت ياليت ياليت ياليت = ياليت ياليت ياليت ياليت ياليت ياليت ياليت

.
و هناك ديوان مقروء سيرى النور قريبا بإذن الله ..
و القصائد المرفقه بهذا الديوان كالتالي ..
.
يا حيف
ياليت
ونيت
البارحه
طق طق طق
يا حمود

.
و شكرا لكم على حسن الاستماع ..

[مازن الفهد]

قاعد اتصفح أقسام الشبكه ..
و حبيت أوسع صدري ..
واااااا
تفاجأت برفض دخولي و حاولت مع المفتش يدخلني و قلت صاحب الشبكه أخوي و مانفع و قلت ولد عمي ما نفع و حسيت ان بينهم مشاكل و يمكن مأخر الراتب عليه و قلت ما أعرفه و شالني مع حلقني و طردني و قال لا أشوفك إلا بـ 100 مشاركه ..
بس راجع له راجع له .. و 100 مشاركه قريبه و الله لا يعوق بشر ..
.

[مازن الفهد]

مشآعر شامخه ..
شكر كتير كتير على مرورك و رسالتك الرائعه ..
و ياهلا بك و حياك الله بأي وقت ..
و ان شالله تعجبكم شخابيطي ع طول ..
.
.

[مازن الفهد]

جلست مع مجموعه من شلتي المعروفين بـ ( شادو قروب ) و كان بيننا واحد ما يفتح فمه إلا يطلع سؤال .. ودي أشوفه مره بس يسولف زي الرجال ههه و الله انه حبيب .. و فجأه و انا قاعد اسولف نط بوجهي قال : يا أخي أنت ما عمرك بكيت قلت : لا و حتى طلعت على هالدنيا و أمي تقول إني فاطس من الضحك .. وش فيك يا متعب قاطع سالفتي ع شان هالسؤال اللي مدري كيف طرا عليك .. قال : اتكلم جدّ .. قلت ....
.
مو معناها إذا ضحكت و فرفشت ان الدنيا صافيه لي .. و ان ظروفي تمام .. و ان حياتي كلها من صالحي .. بالعكس تمر علي ظروف لكن .. اتحداها و انا استمتع اذا تحديت الظروف لأن الحياه وحده وحرام نحرم ارواحنا لذتها .. و ضحكت ..
قال و هو يعدّل نظارته اللي كنها دربيل ( و الله مدري كيف خشمه متحمل هالنظاره ) إجابه صحيحه .. قلت : الله أكبر يا جورج قرداحي ..
المهم كملت سالفتي للشباب ..

[مازن الفهد]

.
تابعت أمسيه بقصر و الله مدري وش اسمه .. مو مضيّع الأسم بس اسمه غريب شوي .. ( و الله مدري وش هالتعقيد بأسماء القصور حتى الواحد يستحي لا يحجز القصر من اسمه ) المهم ... قعدت مع ابو مشاري قدام الشعّار حقين الأمسيه .. و طبعاً ابو مشاري شاعر من الدرجه الثانيه و ما يمدح قصيده إلا أم مشاري .. و الشيخ استانس ( الله يهاديك يا خالتي طيرتيه بالعجه .. ما صدق ع الله أحد يمدح قصيده ) المهم .. قاعد أبو مشاري ينقد ع الشعّار .. هذا بيته ضعيف و هذا بيت مكسور و هذا مدري وش فيه .. و أنا يا مازن اكتب بويتات بس متواضعه جداً و ما أشوف في قصيدهم شي إلا شاعر غص بحرف و كسر البيت غصب عليه .. و الباقي تمام .. و ابو مشاري من بداية الأمسيه إلى نهايتها و هو ينتقد حتى عريف الأمسيه ما سلم من شرّه ( يقول عنده كسر ) .. يا بو مشاري اهجد خلنا نسمع .. و انتهت الأمسيه و قلطنا ع العشاء .. و قعد ينتقد بالرز و اللحم .. لا و الكارثه يقول ليه ما حطوا المفاطيح بالجهه اليمنى و إلى آخر انتقاداته .. و قلت يا ابو مشاري فشلتنا مع العيال اللي معنا بالصحن .. آخر شي طلع اللي معنا بالصحن أخو العريس ( ماشفتوا وجه ابو مشاري ) .. طلعت انا وياه و كان يرقع السالفه و يقول أنا أدري انه يقرب له و انا ما قلت الا الصحيح .. قلت .. أوخص يا رجل خالتي منت بسيط ..
و جيت ام مشاري قلت الليله عدت ع خير و بكرا يرجع لك ابو مشاري بسيارة اسعاف .. بس ارحميه و لا تمدحين قصيده بالحيل ..
.
و هذي آخر حفله اتواجه فيها مع ابو مشاري ..

[مازن الفهد]

.
.
أنا : الووووو
هو : الو
أنا : السلام عليكم
هو : و عليكم السلام .. من معي ..
أنا : معك اللي خثع بالكافتيريا قبل كم يوم
هو : هههههههههههه هلا مازن .. وش صار على كراعك ..
أنا : لا الحمدلله .. مافيها شي .. أنت وش اخبارك ؟
هو : و الله أنا بخير .. و أنت ..
أنا : أبشرك بخير و ما ناقصني غير اشوف خشتك ..
هو : ان شالله دوم بخير و على شوفت خشتي أبشرك هاليومين بتشوفها ..
أنا : ايوالله تكفى حدد لي بالضبط على شان الصغار ما يشوفونك وربي ما يرقدون من الخرعه ..
هو : وش قصدك ..
أنا : لا و لاشي .. إلا وش صار على دراستك ..
هو : الحمدلله دراستي تمام بس احتمال أشيل خمس كورسات معي و انحرم من ثلاث بس الأوضاع تمام ..
أنا : ماشالله ..الله يوفقك و تستاهل ..
هو : الله يسلمك ..
أنا : وش اخبار وليدوه؟
هو : ما عليه .. وليد ماشالله بشركه و يستلم راتب مدير ..
أنا : ماشالله .. كم راتبه ؟
هو : راتبه 1500 ريال .. بس 500 حسومات و 500 يسدد قيمة صابون و 200 قطة الفطور مع اخوياه و 200 قطة الشاهي و القهوه و 100 قطة راتب العامل و يتسلف من ابوي مصاريف السياره ..
أنا : ماشالله و الباقي وين يوديه أخوك ..
هو : و الله مدري بس شكله ناوي على مشروع فخم ..
أنا : لا تنساني .. اذا تخرجت بجي عنده ..
هو : ان شالله ..
أنا : طيّب .. ماودي أطول علي .. لأن توي شحنت 10 ريال و ما ودي تروح كلها على صوتك ..
هو : لا تتمنن علينا .. 10 ريال أنا اشحن لك و لا تطوّلها ..
أنا : لو فيك خير ما أرسلت ( كول مي ) يالله .. اشوفك على خير ..
هو : هيّن يا مازنوه .. أوريك ..
أنا : أمزح يا ابن الحلال .. خلاص أرسل بطاقة الشحن الحين ..
هو : خلاص فاتت ..
أنا : اقول .. مع السلامه ..
هو : مع السلامه..

.

[مازن الفهد]

اهني الجميع بالشهر الفضيل أعاده الله علينا و عليكم سنوات و سنوات و اقول كل عام و انتم بخير ..
.
و انتظروا مفاجآتي الرمضانيه ..
.
أوخص يا قناة mbc >>

[مازن الفهد]

قصيدة اعجبتني ..

فـجـأه عـلـى الـجــوال ؟ جــانـــــي إتـصـالـي
ـــــــــــــــــــــــ مــن رقـم والـلـه فـيـه خـمـسـة ثـــــلاثـــــات

قـالـت مـسـاء الـخـيـرات ! يــــــــاكـل غــالـي
ـــــــــــــــــــــــ تــسـمــح ادردش معـك ؟ لو بـضع لـحـظـات

ابــا اتــونــس ؟ دام لـلــيــل ! تـــــــــــــالـــي
ـــــــــــــــــــــــ ومـعــك بــدردش ؟ دردشــه فــالـثـقـــافــــات

قـلـت اعــذريـنـي ؟ مـــــارتـخــي لـلـهــزالـي

ــــــــــــــــــــــــ طـبـعـي كــذا ؟ مــــاحــــب اكـــلــم بـنــيـات

قـالـت مـصـــــيـبـه ؟ وي ! يــــــــاهـمـلالـي

ــــــــــــــــــــــــ غـــريــب هـــــــاذا مــايـكـلــم ؟ جـمـيــــلات

قـلــت اقـفـلــي ؟ قـالـت تـرى مـن حـــــــلالـي

ـــــــــــــــــــــــ شــكـلـك بـخـيــلاً ؟ مـاتـحــب الـكـــــــلافــات

قــالـت عـزوبـي ؟ قــــــلـت راضـي بـحـالـي

ــــــــــــــــــــــــ افـضـل مـن إنـي اعـتـنـق ؟ قــصـر الاهــات

قــالـت هـذا ؟ قـصــراً مـهـو قـصـر خــــــالـي

ــــــــــــــــــــــــ قـصــراً بـه الــراحــه ؟ وكــل الـمـســـــرات

قـلـت (( شسمــه )) ؟ الـلــــــــــي ابـيـهـا حــلالـي

ــــــــــــــــــــــــ لـلـحـيـن ادورهــا ؟ ولـلــحـيـن مـاجــــــــات

قــالــت انــا ؟ يـمــكــن يــهـــزك جــــــمــالـي

ــــــــــــــــــــــــ جــرب ؟ وربـي مـاتـشـــوف الــــحـسـوفــات

قـلـت الـجـمـال ؟ الـلـي احـتـواه الــــــــدلالـي

ـــــــــــــــــــــــــ ضــمــيــه ؟ لايـصـبـح مـــع الـريــــح ذرات

قـالــت عـن الـغـلـطــات ؟ خـلـك مــــــثــالـي

ـــــــــــــــــــــــــ تـرى سـلـوبـك ؟ يـرفـــع الـضـغـط سـاعـات

ضـحـكـت مـنـهـا ؟ ضـحـكـه بـصـوت عـالـي

ـــــــــــــــــــــــــ ومـع ضـحـكـتـي زودت ؟ بـعـض الـتـنـهـات

قــالـت غـبـي ؟ قـلـت الـغـبـاء شـي خـيــالـي

ـــــــــــــــــــــــ خـصـوص لـلــي ؟ مـثـل نـوعــك ؟ غــبــيـات

قـالـت خـبـل ؟ قـلـت افـتـخـر ؟ فـي خـبـــالـي

ـــــــــــــــــــــــ احـب اكـون الـخـبـل ؟ لاشـفـــــــــت خــبـلات

وقــبــل مـهـبــول ؟ اقـول مـاحـلـى هـبــــالـي

ــــــــــــــــــــــــ ترى الـهـبال يـطـيـب لي ؟ فـبـعـض الاوقـات

قـالـت احـسـك ؟ مـــاتـــحــمــل جــــــــــدالـي

ــــــــــــــــــــــــ وراك مـتــذمــر ؟ وداخــــــلـك حــــــســرات

قـالـت بـجــد ؟ ابــي تـجــاوب ســــــــــؤالـي

ــــــــــــــــــــــــ ارجـوك جـاوبـنـي ؟ وقـــــــول الـصـراحــات

هـل لـك حـبـيـبـه ؟ قـدرهـا بـجـد غـــــــالــي

ــــــــــــــــــــــــ والا تـــونــس خــاطــرك ؟ بـالـصـــــــداقـات

قـلـت احـتـفـظ ؟ فـي هـالاجـابـه لــحــــــالـي

ــــــــــــــــــــــــ وصــكــي تــرى مـاحـب بـعـض الـتـفـاهــات

قــالــت قـهـر ؟ لـيـتـك مـن اعـيـال خـــــالـي

ــــــــــــــــــــــــ والا امــي وامـــــــــك ! خـــواتً شـقـيـقـات

والـلـه لـحـبـك ؟ لـيـنـه إيـبـيـد حــــــــــالـي

ــــــــــــــــــــــــ ووالـلـه لـسـوي فـي غـلاك الـمـصـيــــــبـات

لاكن ؟ تـبـي الـمـنـتـوج ؟ يـابـــــــن الـحـلالـي

ـــــــــــــــــــــــ لـقـيـت رقـمــك ؟ عــنـد اعـز الـــصـــديـقـات

قـالـت هـذا شـاعـر ؟ وصــوتـه خــيــــــــالـي

ـــــــــــــــــــــــ شــوفــي عـنــه ؟ يـمـكـن يـســـوي عـلاقـات

وهــزيــت راســي ؟ مــــن جـنـــونً بــحــالـي

ـــــــــــــــــــــــ جــنـــون مـن يــونـس مـن الـوقـت طـعـنـات

لـيـه الــورود الـيــــــــوم ؟ مـــن غـيـر والـي

ـــــــــــــــــــــــ وشــلـون تـرمــى ؟ فـالخـطر ! والـمـتـاهـات

[مازن الفهد]

واحد راح يبي يشتري تذاكر، قال الموظف: تبي ذهاب وإياب والا ذهاب فقط؟

قال ذهاب واياب ...وهوطالع ..يضحك ويقول لعبت عليهم ابي اروح ولا انيب راجع
.
.
قديمه .. دور غيرها يا فهد ..

.
.
عجوز في محو الأمية.... سألتها المدرسة: أعطينا جملة فيها إدغام بغنة ؟ قالت: عمن يعميك..
.
خخخخخخخ
.
يعني ... بس من وين جبتها يا حمدان ..
.
واحد قصير...... اهله مايخلونه يدخن في البيت ؟؟؟ يخافون يحرق الفرشة

.
ههههه .. يا أخي انتظر لين أخلص الكاسه و بعدين قول النكته ..
.
واحد معاه أرنب ومحتار فيه ،، مر عليه واحد محشش قاله ويش فيك محتار قال: ياأخي ما أدري هذا الأرنب ذكر وإلا أنثى رد عيه المحشش ... إطلقه ،، إذا إنحاش ذكر وإذا إنحاشت إنثى ..
.
ههههههه حلوووه ..
.
واحد اسمه نادر تزوج وحدة اسمها نادرة جابو ولد سموه مهدد بالانقراض
.
.

الله يقطع بليسك يا محمد ..
.

( جلسة شلة شادو قروب ) ..

[مازن الفهد]

.
الهنود ما ينقدون على أفلامهم ..
تابعت فلم هندي .. و آخر الفلم المجرم يصير أخو الضابط ..
و فلم ثاني .. قائد عصابه و عنده ثلاثين مجرم من عصابته و آخر شي يكتشف ان واحد منهم ولده بعد اربعين سنه خخخخخ
أحس الهنود يستعبطون علينا ..
يا حظ المخرج الهندي ما يبلش .. آخر الحلقه يموت المجرم بأي طريقه .. لو يغص بفلفل .. أهم شي ان الفلم ينتهي ..
لا .. و مضارباتهم .. على باله مطبقين المضاربه صح .. الواحد يمد يده و بينها و بين وجه اللي يضاربه 10 أمتار و اتفاجأ .. انه يطير لآخر الشارع .. و المشكله إذا جته طلقه على كتفه تلقى الدم على رجله .. كيف جت ما أدري ؟
.
و تابعت فلم عن حرمه فقدت الذاكره لأنها طاحت على راسه من مبنى لأنها شافت حبيبها و تبغى تلحقه .. أهم شي تفرقوا عيالها و هم صغار .. واحد أخذته معها و واحد عطته جارتها هديه ( هذا الكرم ) و بعد 50 سنه العيال يتعرفون على بعض ( ماهيش و راجيش ) و أخيراً يكتشفون إن سواقهم يطلع أبوهم .. و العجوز لها 50 سنه فاقده الذاكره .. و لما شافت رجلها بعد هالسنين .. سبحان الله رجعت لها الذاكره .. و أول ما شافته قامت تغني ..بس تعجبني الافلام الهنديه .. الأحداث كلها ما تجي 10 دقايق و الباقي رقص و أغاني ..
.

[مازن الفهد]

http://up.arab-x.com/Aug10/uQ829960.jpg (http://up.arab-x.com/)

اعجبني الكاريكاتير ..
بس وش قصده بها ..
طبعا واضح .. و كل واحد راح يفهم ..
آآآآه يالقهر .. حتى الحمير تحتقرنا يالبشر ..
بس ما ألومها ..

[مازن الفهد]

اعجبني موضوع بالمنتدى العام ..
اللي كتب الموضوع جائز المليحان و عنوان موضوعه ( هل نميل للقلم ) ..
و انا بتكلم عن موضوع ثاني ( شوفوا الشطحه .. طيّب وش دخل جائز ) ..
لأن موضوع يسحب موضوع.. مثل سوالف جدي .. يسولف عن التمر و النخل و فجأه ألقاه يسولف عن البعارين و الخيل ..
أحس أحيانا ان جدي يستهبل و تمسك معه غلط ..
المهم ..
.
.
.
.
.
.
.
.

ليه ما اقدر ادخل قسم وسع صدرك قبل ما أكمل 100 مشاركه ..

[مازن الفهد]

ابشركم ..
و أخيرا بعد عناء و مشقه .. سمح لي المفتش ادخل قسم وسع صدرك ..
لا و معطيني الدرجه الممتازه .. يقول انت معك 8 نقاط زياده ..

[مازن الفهد]

امس العصر اتصل علي ( صايل ) ولد عم ابوي بس رضاع .. و قال يا بو فهد نبي نلعب مباراه الليله بملعب على كيفك .. اتطاردبه الحمير .. قلت و شو .. قال اتطاردبه الخيل .. قلت اشوا .. قال هاه وش قلت .( بيني و بين نفسي قلت يا ربي لك الحمد .. توك تلعب كوره يوم جاء رمضان ) .و طبعا أنا فكرت و لقيت اني فاضي و عطيته كلمه .. قلت : تم .. و لو عندي شغل أفضي لعيونك ( وربي لو عندي شغل ما جيته ) .. المهم .. جت الساعه 11 و أدق على صايل .. يا صايل الملعب و ين مكانه .. و هو قاعد يوصف المكان .. مريت من عند حارات .. لو معي ددسن ما دخلت مع شوارعها .. و الرجال يمين يسار فوق تحت.. لين وصلت الملعب .. و افتح عيوني .. الملعب صغير .. و ما فيه اضاءه .. على لمبة الشارع .. و أرضية الملعب يا ساتر .. لو تدخل السياره كان يصيبها قطع بالرباط الصليبي ..
شوفوا شكل صايل و هو متشنطح بالملعب ( على فكره هذا قبل نبدا المباراه .. انهد حيله .. )

http://up.arab-x.com/Aug10/oAh21056.jpg (http://up.arab-x.com/)

يا حليلك يا صايل .. اسمح لي بحش فيك هنا ..
صايل رغم وزنه لكنه شاب طموح و يعجبني فيه انه شايف نفسه حريف كوره و هو من جنبها .. و لازم يجيب معه بين الشوطين همبورغر و عصير عائله ببسي .. و فيه حركه و ربي ما يدري عنها رونالدينهو .. ما يطبقها إلا صايل ..
.
و طبعا شلة صايل لزموا عليّ اصورهم بس و الله من قرادتهم هالصوره ..
http://up.arab-x.com/Aug10/PWv21345.jpg (http://up.arab-x.com/)

آخر واحد يسار هذا أخوه فهيد .. حبيب بس شرس عند اللزوم و اللي جنبه أول ما شفته قلت سواقهم البنقالي بس طلع حامد ولد خال صايل و اللي جنبه حكم المباراه اللي و الله لو يدري له خليل جلال كان أعلن استقالته .. هذا ولد خال صايل بعد و اسمه رمزي و اللي جنبه سليمّ أخو حامد .. و شوفوا ماسك الكوره على باله بيليه و الا مارادونا ..

[مازن الفهد]

استغرب ..
و على فكره استغراباتي كثيره بس هذي وحده من استغراباتي ..
فيه دردشه بالجوالات اسمها تشاتي و الثانيه اسمي .. بصراحه مدري وش قصة هالناس عليها ..
جلست مع واحد من الشله اربع ساعات و هو مدنق على جواله و يضحك و يكتب رساله و يرسل و انا قاعد اتفرج عليه ..قلت يا وافي وش عندك بهالجوال .. لي اربع ساعات ما سولفت علي .. قال دقيقه .. و قاعد يرسل .. المهم مشيت .. و من بكره سألته .. قال .. هذي خويتي .. اتراسل انا و ياها بالدردشه اللي عن طريق الجوال .. قلت .. شايفها .. قال .. لا .. قلت .. سمعت صوتها ... قال .. لا .. قلت .. غبي .. تراسل شنب يا وافي .. قال .. اسلوبها اسلوب .. بنت .. قلت .. اطلب منها رقم الجوال .. أو قل بقطع الرسايل .. قال .. خلاص .. المهم .. طلب منها رقم الجوال و أرسلت له .. تقول آسفه .. ما أقدر إلا إذا أرسلت لي بطاقة شحن .. و المسكين حتى المكافأه ماهي عنده .. و تسلف من أخوه 10 ريال و أرسلها البطاقه .. و المصيبه .. غيرت لقبها بالدردشه ..
و جاني يشكي .. قلت احمد ربك اللي شحنت 10 ما شحنت 100 ..
و قبل اسبوع .. قلت بشوف .. ردود فعل الشباب الله يهاديهم .. و سجلت بالدردشه .. بس اللقب ( دلوعة الدلوعات ) خخخخخ أدري مو لايق ..
المهم ما امداني انزل الجوال إلا و الرسايل .. و اقروا معي رسايل الشباب ..
1- ذيب يعوي ( هلابك يا دلوعه .. انا ؟؟؟ و عمري 23 و ساكن بالرياض و راتبي 6000 و سيارتي لكزس و حاب اتعرف )
خخخخخ يقطع ابليسه و الله بغيت اعطيه وجه لما قال سيارته لكزس ..
2- حبيتها و انحاشت ( ارررررحبي .. و الله ان معرفة مثلك و شرواك تجيب المطر .. أنا شاب وسيم و الدنيا رخيصه عندي .. و احب اتعرف عليك يادلوعه .. وش قلتي ؟)
هههه من شفته ماد حرف الراء و انا غاسل يدي منه ..
3- ونيت ( السلام.انا وحيد بهالدنيا و مالي صديق و حبيت تكونين صديقتي و اوعدك اني راح أوفي معك.بس عطيني مجال اعرفك على نفسي و اذا عرفتيني ماراح تندمين.معك سامي.22سنه.)
الله الله .. حزنت على شانه .. و المصيبه بحثت عن الرسايل من جهازه لقيته مرسل 33 رساله .. الله اكبر هذا اللي لحاله ..
4- شقردي وردي ( احم احم .. وشلونك يا دلوعه .. معك شقردي الوردي و حاب اتعرف عليك اذا ماعندك مشاكل .. و شو اخبارك ؟)
اوخص ياللبناني .. شو اخبارك .. و الله لو ابحث عنه ألقاه منطوي تحت ظل طلحه ..
5-فنان.مجهول ( مساء الخيرات .. كيفك .. ودي اتعرف عليك .. ردي لي ..)
ماشالله واثق اني برد له .. بس شكله محترم ..
6-رومنسي.منسي ( يابنت وشرايك تعطيني وجه .. و الله اني غادي و لالقيت لي احد يونسنس بغربتي )
لا و قال رومنسي .. ياولد أنت وين و الرومانسيه و ين ..
7- ولد أبوه ( )
مرسل رساله فاضيه .. يجس النبض .. هذا الاسلوب ..
8- كرااااش ( طق طق طق تسمحين ادخل يادلوعه .. و الله انك على اسمك دلوعه .. ممكن نتعرف ..)
هههههههه على باله شايفني .. و الله من الدجه ..
9- snow ( صباح الخير .. شو اسمك يا حلوه .. حابين نتعرف ع بعض )
ياويلي .. وش هالناس .. على باله اني مصدق انه لبناني ..
10 - كوماندر( اسمي فهد و ابي وحده حلووووه مثلك .. و انا عاقل ماني من اهل الحركات ..)
بصراحه شككني الولد هذا .. اذا منت من اهل هالحركات وش فيك مرسل ..
.
و عندي اكثر من كذا بس ابختصر الوضع ..
أحيانا أحس ان العالم تستهبل من زود الغباء ..
.

[مازن الفهد]

ناس تتمشى على البحر و ناس تتمشى ع الرصيف و ناس تتمشى على الزفلت ..
و ناس لابسه حذيان جري و ناس لابسين نعول سبورت و ناس نعولهم العاديه ام عشر ريال و ناس للأسف حافين ..
.
مدري كيف طرت بس .. الناس منازل و مراتب .. و مكانات ..
ناس تستلم 850 خخخخ مكافأتنا .. و ناس 1000 ريال مكافآت العلمي .. و ناس 1500 سكيورتي حقين البنوك و الشركات .. و ناس 2000 و ناس 3000 و ناس و ناس و ناس ... و ناس 15000 و ناس 20000 ....
ناس تصيّف بلندن و ناس في باريس و ناس في كوالالمبور و ناس ... و ناس تصيف في الباحه و الطايف و عسير .. و المشكله ناس ما تروح لا يمين و لا يسار .. ليش ؟؟ لأن المسكين مرتبه ما يكفي أو ما عنده راتب من الأساس ..
.
المصيبه .. اذا قعدنا نستغل اصحاب الرواتب الضعيفه على شان مصلحتنا و حنا مغنينا الله ..
اعطيكم مثال ..
.
حمد صارت عنده ظروف و ضروري خلال يومين لازم يوفر 4000 ريال .. و المشكله مالقى أحد يسلفه .. راح لواحد من اللي يقصدون صابون .. المعروف 5000 و المكسب 2500 و الاقساط 500 .. قال راعي المكتب .. المكسب 3500 ريال .. حمد ماقدامه الا انه ياخذه ..
و مره من المرات اشترى خالد جوال بالتقسيط .. طبعا قيمة الجوال 1800 ( بلاك بيري يبغى يرز عند الزقرت ) و كل شهر اقساط 400 و المبلغ الكامل 3600 ريال .. يعني القيمه دبل ..و المسكين أخذ الجوال .. و المصيبه العظمى انهم ألغوا خدمة المسنجر ( لولاي ماسك حلقه و الا كان منتحر زمان بس دبرت له ملف بمستشفى شهار و أبشركم رقم الملف مميز ) ..
.
الله لا يحدنا على هالاشكال .. و الله بعد ما جيت أعز الناس محتاج 200 ريال و ردني و انا غاسل يدي من الكون كله ..
معك ريال تسوى ريال .. و الله توي عرفت قدر هالكلام ..

[مازن الفهد]

يااااه .. ايش هذا ...
يؤيؤيؤيؤ
.
ياربي ..
.
الناس هذي ليش كذا .. الواحد احس انه مو انسان .. بصراحه .. الناس احس قلوبها قاسيه .. و اذا قالوا الخير موجود .. أقول ايه موجود بس قليل اللي يقدر الانسانيه ( تذكرت مسلسل بابا فرحان .. قولي يابابا و قول ع الخير ..و تجيك سمّوره بعد ام الخير .. قولي يابابا و قول ع الخير .. ثم جاك بابا فرحان من أقصاه .. الخير عايش جوا الناس .. بس ساعات الخير ينداس )
المهم ..
قبل فتره اسولف مع جدتي الله يعطيها الصحه و العافيه .. و عزوبي لازم اسأل عن فلانه بنت فلان .. ( يمكن الله يكتب نصيب و اتزوج )
المهم قالت و الله فلانه عمرها 30 سنه و لا تزوجت.. يؤيؤ ثلاثين سنه و لا تزوجت .. قلت : هي مزيونه .. قالت : ماشالله عليها لو شاف (فاندام) خلاها تمثل معه .. قلت : طيب وش المشكله .. قالت : لا و عندها ثلاث خوات غيرها و كلهن مجاويز .. يااااااه .. طيب ياجده وش المشكله .. تقول : ابوهن يقول اذا زوجتهن يطير علي الشون .. و ابيهن عندي استفيد من فلوسهن .. معقوله ياجده فيه ناس بهالحقاره هذي .. قالت : ياوليدي الطمع آكلن الناس و انت ما تدري .. قلت : بس ما أحرق قلب بنتي على شان كم ريال ..
قالت : الناس ماهي سوا .. قلت : لا يا جده يمكن موبايلي خخخخ و ما دريت الا جدتي تعطيني ذاك البوقس على خشتي .. على فكره جدتي تتابع ( جاكي شان ) و ( جت لي ) و افلام هنديه .. أحياناً ..ألقاها ماسك يد جدي و تغني .. و من الطناخه حاطه شخطه خضراء على جبهتها .. على بالها هنديه .. يا حليلك يا جدتي ..
المهم نرجع لمحور حديثنا .. الدوله تدفع مبالغ للبنات اللي ما تزوجن إعانه للشايب على بناته .. و ما قصرت الدوله و آخر شي أكتشف إن هذا يحرم البنات الزواج .. و الله لو تقطع الدوله عنهم الشون كان ؟؟؟؟؟ . ..

[مازن الفهد]

رح فوق .. لا انزل و تلقاه ..
شف اللي جنبه ..
لا ما هو انا انزل و اسأل عن فلان,,
انا فلان وش بغيت .. لا اطلع فوق و شوف اللي جنب جنبه ..
لا لا ما هي عندي ..
انزل و خله يحولك للي جنبه تحت ..
.
.
مراجعات المواطنين ..
لا و لو تجيب واسطه كان ضبطت امورك بدقيقه .. يا موظفين يا أكارم .. احترموا المراجعين .. مدام فيه مجال انك تخلص المعامله ليش قاعد تمغط بنا فوق و تحت .. و الله تصير عندك لياقه من كثر ما تراجع الدوائر الحكوميه .. و اذا جبت واسطه .. قال ابشر و بدقيقه و هي خالصه ... طيب و ليش التعقيد من اول .. و الله احس احيانا . انها لازم توصل اوباما على شان يوافق عليها .. و هي كلها ما تستاهل .. و الله انك تطلع من الدائره الحكوميه و انت عندهم من الفجريه و لا تطلع بنتيجه ..
مره قعدت اراجع بأوراق الجامعه .. و سألت عن القسم اللي مختص بقضيتي .. قالولي اطلع فوق .. و جيت المكتب .. إلا فاضي ما به إلا واحد يتقهوى شاهي و يقرا جريده .. قلت سالفتي كيت و كيت و كيت .. قال : عند المكتب اللي قدامي ..قلت طيب و ينه ؟؟ .. قال يمكن يجيب عياله من المدرسه .. قلت الله اكبر .. عياله يطلعهم الساعه 8 .. و الله لو انهم بالشرقيه ما يروح لهم هالوقت .. قال : استرح لين يجي .. و قعدت الى الساعه 1 و مليت و مشيت .. و الله العظيم 3 ايام على هالحاله .. و آخر شي .. أشفق علي الموظف اللي دايم ألقاه موجود .. و قال استرح .. و جلست .. و راح يتصل عليه .. قال : فيه واحد يبيك بالمكتب و له 3 ايام يتردد عليك .. و الموظف تدرون وينه ؟؟ و الله العظيم انه قاعد يتقهوى تحت عند موظف بمكتب ثاني .. و مخلي مكتبه و اشغاله و المراجعين .. بالله هذا يستحق المكانه هذي .. و لو عندي واسطه .. وانا بالبيت أخلص أشغالي .. بس آآآآه يالقهر ..

[مازن الفهد]

و انا طالع للسوق ألاحظ حاجات غريبه ..
و استغفر الله ما هو تشكيك بالحريم اللي أشوفهن بس .. بصراحه احتار ..
تدخل السوق و الحرمه من تلمح خشتك تغطي عيونه بعشرين لفه من الغطوه ..
و اذا تعدتك طلعت عيونها ..
و مره من المرات .. لا والله العديد من المرات .. أدخل محل و ألقى وحده تبحلق بعيونها لأغراض المحل .. و قدامها خمسين عامل ..
و اذا دخلت و شافتني يا ساتر ..
مدري لو ان البنقاليه ما عنهم غطوه ..
.
ما علينا ..
لأن الموضوع هذا سبب لي حكه بالراس من كثر ما ابحث عن اجابته .. و سبب شد عضلي بلساني من كثر ما اسأل ..
.
.
من ناحيه ثانيه ..
اوشك الثلث الأول من الشهر الفضيل على النهايه .. و أبناءنا الله يصلحهم ما غبر على خشومهم إلا كراع الثور .. و ما بروسهم غير ابو شهاب و معتز و طاش ما طاش و الكارثه يتهاوشون بينهم على بالهم باب الحاره ..
امس و بعد مغارش و مقارش .. اتصلت على عبدالله الربيعه على شان يفصل بين اثنين قدام المسجد متهاوشين .. و المشكله كل واحد يقول أنا معتز .. آآآه يالقهر معتز .. طيّب واحد منكم يكون ابو شهاب .. لأن شخصيته تعجبني خخخ و الله ما تابعتها .. و لا أدري وش سبب ولع الناس بها .. و المشكله صلاة التراويح تلقى هالشيبان .. و اذا سألت عن الشباب .. قالوا بالإستراحه و الا مهجولين و الا بقلعت وادرين ... و الصغار يتابعون باب الحاره و الا ليلة العيد و الا عايزه اتجوز و الا ...... ..
.
الله يعين على هالقنوات اللي من ينتهي مسلسل من mbc ينطق لك مسلسل مع ابو ظبي .. و اذا انتهي مسكت الريموت و حصلت مسلسل على فنون و الا الساحل .. حتى اهل البيت يتطالقون من كثر القنوات .. كل واحد له مسلسل ..
.
و المصيبه مسابقة شوجي .. و الله مدري شوجي هي ولد و الا بنت .. اسمحولي .. بتعدا الخطوط الحمراء . او اقول .. اعوذبالله من الشيطان ..
.
و الله ان الكلام متزاحم بصدر مثل مزاحم العالم على باب الأمانات .. كلن يبي له ارض و المصيبه يموت و يموتون عياله و هي ما جت ..
.
و على طاري الأمانه ..
أو أقول .. بالقصه الجايه ...

[مازن الفهد]

هذا انا رجعت لكم و كنت ابتكلم عن الأمانه .. بس ما هي الأمانه العامه للشؤون القرويه .. و الله مدري اسمها كذا .. المهم ..
الأمانه إن الواحد يقدر الرجال اللي يقدرونه و أنا بداخلي اسماء و أسماء لشخصيات عديده .. أحترمهم و أقدرهم .. و أدري اني مقصر معهم .. بس ياليت يقدرون ظروفي و يسامحوني على أي شي جاء مني بغير قصد .. و الحمدلله ما عمري أخطيت متعمد خخخ واحد يحب يمدح نفسه ..
.
المهم بشوف لي موضوع اتكلم عنه .. وشو ياربي وشوي ياربي .. ايوه لقيتها ..
كنت أنا وواحد ثنين ثلاثه اربعه خخخخخخ
لا بجد ..
كنت أنا وواحد نتكلم عن الحب و ما أدراك مالحب .. قلت ..
الحب عذب قلوب البعارين ** حتى الحمير السود يلعن جدفها ..
.
و الرجال قال ايوالله ..
قلت ايه بس انت من البعارين و الا من الحمير السود .... ههههههه
.
و مره قاعد أصيد بقدونس و فجأه جاء و من يوم شفته و هو يجيب مركا .. و يجلس بعد السياره الأولى اللي كتبها بدولاب الملابس ههههههه
محشش يسولف على بنات أخوه ...
.
و الله اني رايق .. بس الروقان حلو .. خاصه اذا المنتدى ما فيه أحد .. تروح و تجي و ماعليك إلا ملابسك الداخليه .. خخخخخ ..
و الله لو يشوفني هندي المقبل و انا أمشي بدون شماغ .. الظاهر بيسوي مثل شيبانا.. اللي ما يلبس شماغ عندهم .. داشر و سرمادي و سربوتي و ما يقلطون له الفنجال .. وشلون لو ألبس جنز عندهم .. الظاهر بيعلقوني مع كراعيني قدام المسجد على شان ينكلون الشباب اللي بجيلي ( تخيلو شكلي و انا متدلي ههه) و أرجع لهندي المقبل ..إذا شافني .. لو قلت يلغي العضويه قليله بحقي .. شكله بيسوي اعلان عام بالمنتدى .. و يجلدني قدام الأعضاء .. و ادري .. احساسوه .. و مشاعروه .. و معيضوه .. بيتشمتون فيني ..
.
عندي قصيده بس أحس انه مو وقتها ..
ان شالله مره ثانيه ..
.
ايش ياربي
ايش ياربي ..
ايوه لقيتها ..
.
بس بخليها القصه الجايه ..
.
كيفي مو رايق الحين ..
.

[مازن الفهد]

توي روقت ..
ايه و ش وقفنا عليه .. اها القصيده ..
.


بعض المواقف تستفز الرجاجيل = لو حاول الرجال ما صدّ عنها
يديه عن شيل الحموله مكابيل = لو ايش وسع الصدر يستاء منها
و صدر الشمالي لو هو يشيل و يشيل = كم ضيقة ٍ بالصدر قام و لعنها
نضحك على انفسنا بسرد المواويل = و نسجّ عل النفس تنسى حزنها
لكن حقيقتنا على غير تأويل = ارواحنا ما ترحم اللي غبنها
لو شفت ضحك السن و تقلط الهيل = هذي عوايدنا و هذا و طنها
لكن يضج بداخلي شي ما قيل = ومهرة لساني ما تراخارسنها
واخاف من وقت ٍ به الظلم و الميل = يميل بالمهره و يجرح بدنها
في وقتها ما عاد لي حيله و حيل = اميّل الكفه على من وزنها

المهم .. هـ القصيده على شانكم جبتها .. و انا ما احب أقصد واجد ..
.
.
.
.
أحب دايم أطلع من موضوع و ادخل بموضوع شااااطح بدون مقدمات ..
تذكرت الشله و سوالفهم .. الله يقطع ابليسهم ..
واحد عند البنشري و متحمس يبي يقول غير زيت و سيفون .. قال غيّر سيف و زيتون ..
لا و الثاني المطمه .. و قدام الرجال و هذا ما هو من الشله .. هذا من الشيبان و شكله أول مره يحيي الرجال على الصحن .. يبي يقول سمّو الله يحييهم .. قال : حيو الله يسميهم خخخخ
.
واحد بعد .. من الشله الخاصه جدا و اللي لو اطلع من باب بيتي ألقاه قاعد على العتبه يتحراني هههه .. يبي يقول : ما شفت الاخبار .. قال : ما خبت الأشبار ..هههه
و هذا فيه موقف بيني و بينه .. فشلنا .. دخلت انا و ياه عند جلسة الحاره ( شيبان و شباب متجمعين ) المهم دخلت و قلت : السلام عليكم .. إلا الآدمي هذا و راي .. و يرد السلام علي .. : و عليكم السلام .. يا أخي أنا و انت داخلين و ليش ترد السلام يا غبي .. قال و الله مرتبك و ابقول السلام عليكم و مدري كيف طلعت : و عليكم السلام .. قلت هذي آخر مره نجي جلسات الحاره ..
.
اضحكني واحد من الشيبان و على باله يعرف مسلسلات رمضان .. و من الطناخه .. صبيت له قهوه .. و قام و تربع و اخذ الفنجال وقال : وش صار على عبدالله القصبي و ناصر السدحان خخخخخ وشف وجهي من الضحك .. بغى يكب الفنجال على وجهي ..
.
و الموقف الحلو .. كان واحد من الشباب يسولف عن الوظايف و قال : المدنه الخدميه .. حسيت فيه شي غلط .. أثاري المسكين يبي يقول الخدمه المدنيه .. هههههه
.

[مازن الفهد]

و أنا طالع من المسجد ..
و أنا واقف عند الصرافه ..
و أنا طالع من السوبرماركت ..
آخر شي ..
و أنا طالع من محل الصيانه للحاسبات ( واحد يعلمكم انه أضاف البرامج لجهازه .. ) المهم ..
و فجأه ..
تجي ذيك الحرمه اللي عباتها ياساتر .. كنها ساحبتها بمراغة حمير .. و حاكتها بالجدار .. و حاطتها سفره على سحورهم .. و معها بنتها .. حافيه .. و ملابسها مرقعه .. و على وجهها نظرة البراءة .. و عمرها تقريبا 5 سنوات .. والحرمه شايلها بزرها .. عمره تقريبا سنتين .. و البزر كراع فيها نعل و الثانيه بدوووون نعل .. ( طبعا ما تدرون من هذي .. ووش السالفه ) ..
هذي شحاذه ..
و البنت تسبق امها على السيارات و الرجال .. على شان تشحذ .. و البزر .. اصبر عليه سنتين و تلقاه حريف شحاذه ..
أستغرب .. على الرغم من كثر الخيريات و أهل الخير .. و الدوله ما قصرت .. مع هذا كل زاويه تلقا بها شحاذين ..
.
و الله نمد لهم على ريال و ريالين .. و انا ادري ان كل واحد بيعطيهم مثلي .. و باليوم راح تكسب على الأقل 500 ريال .. هذا اذا كانت شحاذتها نظام دوامات عاديه .. 8 ساعات و ماهي شاده حيلها بالشحاذه .. لو حسبنا بالشهر .. راح تكسب 15000 .. يالله يالله .. راتب مدير مع الخبره 30 سنه .. و هي بدون شهاده و لا مؤهلات ..
الله لا يبلانا .. وش هالناس اللي بايعين عزتهم و كرامتهم .. و يمدون يديهم ..
حنا السبب .. حنا اللي عطيناهم مجال .. يستمرون على هالشحاذه .. حتى صارت شركات .. و مجموعات .. كل منطقه لمجموعه ..
فيه الخيريات ... و ما ننكر وجود ناس ظروفهم صعبه .. و انا اعرف ناس شخصيا ما يلقون الأكل اللي ياكلونه .و مع ذلك .. يستحون لا يمدون يديهم .. حتى الخيريه .. بالظروف الصعبه يجونها ..
و انا ادري ان الخيريه ياخذ منها الغني و الفقير ..
و المصيبه لو تسأل واحد شبعان .. قال : حلال الدوله .. يا اخي فعلا من الدوله و الدوله ما قصرت .. بس فيه ناس أولى منك .. فيه ناس ما يلقون أكل و أنت متربع على مفطح .. فيه ناس ما عندهم شي يلبسونه .. و أنت تتفنن باللبس .. فيه ناس ما عندهم بيوت . . و أنت كل ساعه بغرفه من كبر بيتكم ..
وش السبب .. وش الحل ..
.
.
.
لا تعليق ..

[مازن الفهد]

أقول يا حرمه : وين الريموت حق الرسيفر
.
مدري وينه .. شف يمكن تحت هذي .. أو هذي ..
.
لا و الله ما تحت هذي شي ..
.
بسرعه مباراة الهلال تبي تبدا .. خليني اشوف التحليل ..
.
يا حبيبي مباراة الهلا ضد الحزم و أكيد الهلال بيفوز ..
.
و لو لازم اتابع المباراه .. و اشوف اللاعبين ..
.
يا قلبي .. اللي يشوفك يقول مدرب المنتخب و يبي ينقي اللاعبين ..
.
لا أنا أشجع الهلال .. لازم اتابع مبارياته ..
.
يالله .. عجلي دوري الريموت .. أو أروح للإستراحه ..
.
عادي روح للاستراحه .. خابره اخوياك نصراويين . و انت الهلالي الوحيد بينهم ..
.
يا حرمه . لا ترفعين ضغطي ..
.
لا يا حياتي .. ما أرفع ضغطك و لاشي .. هذي الحقيقه ..
.
حقيقه بعينك .. أقول و الله ان ما جبتي الريموت .. تشوفين شي ما شفتيه ..
.
وش بتسوي يعني .. و الريموت مدري عنه ..
.
الله اكبر .. و ترفعين صوتك علي .. و حنا ما عندنا ورعان على شان نقول آخذينه ..
.
يمكن طاح هنا و الا هنا .. ليش حاط دوبك و دوبي ..
.
أقول .. الحكي معك ضياع وقت ..
.
أفاااا يا عمري .. آخرتها صار الحكي معي ضياع وقت .. نسيت الحب اللي بيننا . و الحين تقول ضياع وقت ..
.
لا لا .. صايره .. نور عشيقة مهند على غفله . اهي اهي .. بكيتيني بهالنبره . . اقول بس جيبي الريموت ..
.
انت وش جايك علي ..
.
ما تخلون حركاتكم يالنصروايين . لازم تنغزون .. و انتي ما تدانين ريحة الهلال .. يكفي انك مسميه ولد اختك ماجد .. على اسم ماجد عبدالله و المسكين و لد خالتك .. سميتيه .. موسى .. يا بنت الحلال .. هذا موسى صايب .. و ترك النصر .. وش ذنب هالمسكين .. يمشي مع سامي و زياد و براء .. و اسمه موسى .. ارحمي يا مسلمه ..
.
و الله كيفي و على الأقل ذكريات موسى صايب .. و انت وش سويت .. سميت و لد أخوك .. دعيع .. لأنك احترت ما تدري تسميه عبدالله و الا محمد .. حرام عليك وش هالأسماء ..
.
على الأقل الدعيع ما ترك الهلال للحين .. و الله انه ناشف .. تقول انه عصير ربيع مشفوط حتى الهواء اللي داخله .. هذا الاخلاص .. و الا انتم يالنصراويين .. تسمون على اسامي نصراويين و بكره بالأحوال .. تبون تغيرون الأسم ..
.
اقول يالهلالي .. من زينكم عاد ..
.
اقول يا حرمه لا ترفعين ضغطي وين الريموت ..
.
و الله مدري وش فيك يووووه ..
.
لا والله انك تدرين بس مدام النفس طيبه عليك جيبيه ..
يووووه يووووه ..
نسيت .. البارح اخذته للاستراحه و نسيته بالسياره .. بروح اجيبه ..
.
بعد ما خليتني مهزله عندك .. قاعد تقول بالسياره .. حتى ما تعذرت و لا قلت آسف ..
.
اقول .. انتي تدرين انمي اخذته .. و ليه ما قلتي لي انه معي ..
.
اقووووول : طلقني يا هلالي ..
.
((( طيب يا أخي بدال ما تحط حيلك بهالمسكينه .. ليه ما قمت جعلك ما تقوم .. و طقيت الأزرار من عند الرسفر .. متقعطل .. هذا انتم يالرجال .. دايم الخطأ على الحرمه .. و اذا صار شي بسيط حط حيله بحرمته .. يا أخي زعق على الأشناب مثلك ما هو على الحرمه .. )))
.
.

[مازن الفهد]

.
.

أبشركم الهلالي اللي طلق حرمته النصراويه ..
.
.
.
لا مارجعها ..
.
.
.
.
.
تزوج وحده شبابيه خخخخخخ
.
.
.
و الله من القراده ..
بس الشبابيه ماهي متعصبه ..
و الله محظوظ مشجع الشباب .. يفوز .. ينهزم .. ما أحد يتشمت فيه ..
بس النصر لو ينهزم .. ياساتر يا جماهير الهلال ..
و الله لو يباري فريق اسرائيلي .. تلقاهم برابطة اسرائيل ..
.
على الرغم من ان النصراويين صارت عندهم مناعه .. ينهزم يفوز .. ما فيه مشكل .. و المشجع الهلال ملّ من كثر ما يتشمت فيه ..
الله يعين النصراويين .. بس اشوفهم بادين بقوه الموسم هذا .. و الله ما الظاهر بيسوون شي ..
اول مباراه ضد نجران و الثانيه ضد الفتح و يالله بالقوه فازوا .. كيف لو يبارون الهلال او الاتحاد ..
.
المهم .. ما علينا ..
الصحافه ما قصرت .. تبرر .. هزيمة الفرق .. و تدافع عنهم .. و المشجع المسكين يحفظ كلام الجرايد و يجيك يبربر بالمجالس و لو تسأله قال الجريده الفلانيه قالوا كذا .. يا أخي لو عندهم سالفه ما تناقروا الصحفيين مثل الجارات .. فضحونا .. و المصيبه بقناه اماراتيه و الصحفيين سعوديين .. جستنيه و طقة جستنيه ..
و قدام العالم .. أنت حمار و أنت قليل أدب .. و أنت فيك .. و الله جابوا فضايحهم بهالقناه ..
لا .. و قناة الكأس .. كأنها مسلسل .ز هذا يحذف المايك و يقول لا بوكم و لا بو من جمعكم .. و بكرا تلقاه مسنتر عندهم ..
يا أخي .. أبدعت الفرق أول .. و المنتخبات قبل تطلع هالصحافه السامجه ..
.
.
على الله ..
.
.

[مازن الفهد]

تذكرون الهلال اللي أخذ نصروايه و طلقها .. و بعدها أخذ شبابيه ..
.
.
.
لا ما طلق الشبابيه ..
.
.
راح يطلقها ..
.
.
لأنه قال .. علي الطلاق ان النصر ماراح ياخذ بطوله الموسم هذا ..
.
.
.
و أنا أشك انه راح يطلقها .. و الله النصر شاد حيله ..
حتى جوايز شركة زين .. أخذها .. بكل الجولتين ..
.
و شكل الهلالي مشتهي يطلق الشبابيه لأنه يقول خشتها ما هي بعيده عن خشة الشمراني ..
.
و يقول أهلها رفضوا النظره الشرعيه ..
.
.
الله يعينه ..
.
.
ما تصلح له إلا وحده هلاليه ..

[مازن الفهد]

اكيد انكم مليتوا من المباريات و سوالف الكوره ..
و الله اني داري ان اغلب المنتدى حقين كوره بس يعذروني ..
بهم الهلالي و النصراوي و الشبابي و الاتحادي و الاهلاوي و التعاوني .. خخخخخ
شكلي رفعت ضغط النصراويين .. لا والله رفعت ضغط التعاونيين ..
لأنهم يستحقون الفوز بالمباراه .. و الله ان التعادل يعتبر فوز للنصر ..
و شلون لو يقابلون الهلال و الا الاتحاد .. هذا التعاون توه صاعد و سوا بهم كذا ..
الله يعين ..
.
.
المهم من السوالف الجايه ابغير سالفة الكوره و بشوف لي مواضيع غيرها ..
.

[مازن الفهد]

و الله مالقيت الا معيضوه العريفج و ابحش فيه هنا ..
.
و انا قلت لكم تهاوشت انا وياه و المسكين عطاني مخمس على وجهي و سبب لي خمس فلوق بالجهه اليمنى و ثمان فلوق بالجهه اليسرى و أربع على جبهتي .. و سبب لي مشكله لأني كذا ما أقدر ألبس عقال .. المهم بعد ما فلقني هالفلوق حط رجله و ما شفت الا غبرة كراعينه ..
و المصيبه انه نسى جواله عندي و خاف لا يرجع ..
المهم أخذت الجوال و خفت انه حاط رمز قفل ..
و فتحت الجوال ..
و اذا بالمزيونه اللي تطل علي .. أثاري قليل الحياء حاط صورة حليمه بولند على الواجهه ..
و دخلت الرسايل .. طبعاً أكثرها كولمي من فهد السلقاوي .. الله يعينك عليه يا معيضوه تلقاه يقول انت بالدكه والا برا ..
و اواصل البحث بالرسايل .. و ألقى رساله من رقم غريب .. أول 059 و الباقي ما تغير خخخخ .. و مرسل له .. يقول .. تقهو عندي فنيجيل يجوز لك ..
و ماشالله اكثرها رسايل من ناس يباركون له برمضان .. إلا واحد يبارك له بالعيد .. يا أخي تو الناس ..
يمكن رساله و المسكين ما قراها شاف فيها ( كل عام و انت بخير ) و ارسلها لمعيضوه ..
( ذكرني برسالة واحد من اخوياي .. أرسل لي رساله .. و هذا مطوّع الله يثبته .. وشفت فيها كلام حلو قبل أقرأ آخر سطر .. و من العجله أرسلتها لمطوع ثاني .. و تجيني رساله من المطوع الثاني يقول .. الله يبارك لك بالمولود بس متى تزوجت .. و الله و ارجع للرساله إلا الرجال الاول يبشرني ان جاه ولد .. )..
المهم ..
مليت و انا أقلب رسايل معيضوه .. و قلت بشوف الاستوديو .. و اشوف الصور .. إلا أول صوره صورة معيضوه مع صقر .. خخخخ و الله ان الصقر أحلى منه .. يا معيض الصقر مبتسم و انت مبرطم .. و الصوره الثانيه .. معيض لابس جنز .. يا اخي ما مداني أحس ان بدوي .. ألقاك لابس جنز .. و صوره .. على الددسن الـ 78 اللي فحطنا عليه و لا بس نظاره شمسيه و العدسه الثانيه طايحه بس ما انتبه ابو عريفج .. و صوره مصوّر مع سعد الحارثي بستاد الملك فهد .. آخر شي اكتشفت انه مسويها بالفوتوشوب .. ( الله يهديتس يا احساس علمتيه للفوتوشوب و فضحنا ) سالفة سعد الحارثي مهضومه .. لقيته بالصور اللي بعدها مصوّر مع أوباما رئيس امريكا .. قوووووويه يا معيض ..
و الصوره اللي ما تصدق و مستحيل أحد يصدقها .. مصوّر مع حليمه بولند .. لا و من زود الميانه حاط يده على كتفها .. خخخخخ
ما تخلي حركاتك يا معيض ..
المهم مليت من الصور .. بس كل ما شفت صورة حليمه بولند أواصل البحث .. يا اما انتهيت من الصور ..
و بعدها اتجهت الى الفيديو .. و أول مقطع .. مصورني أنا وخشتي .. حتى شوشتي تقول طلحه .. و ثوب النوم اللي ما غسلته ثلاث شهور و اسبوع .. و من زين الطبايع قاعد يحش فيني بالتصوير .. ما عليكم مسحته ..
و المقطع الثاني .. مصور نفسه و هو يقنص .. و اتابع و مركز على نفسه .. و انتهى التصوير و مدري وش يقنص ..
و جواله شكله جديد .. ماله يومين من شراه ...
.
و هذي بعض فضايحه و لو يسوي لي شي .. بجيب الباقي .. و انزل الصور و المقاطع بالمنتدى ..

[مازن الفهد]

فيه وحده .. وحده ونص.. و الا وحده وربع خخخخ
لا.. وحده آدميه من دم و لحم .. و لها قلب و إحساس و مشاعر .. ماشالله احساس و مشاعر .. عضوات معنا بالمنتدى و من أشكس الأعضاء .. حلوه أشكس ..
المهم ..
الوحده هذي حبت واحد .. مدري وش معجبها فيه .. الخشم كنه مزقاط كيرم و العيون خرز سبحه .. و هي معميها الحب الله يهديها .. المهم .. مع بعض سنه كامله و كل واحد يموت باثاني .. طبعاً البنت تحبه من قلب .. بس هو .. و الله مدري .. يقول احبتس بس والله ان الحب غرب و هو شرق .. على باله الحب بلستيشن .. و البنت ما يحتاج اقول لكم .. دايم تحكمها عواطفها .. و الله ما تراعي للي قدامها .. لو قدامها عدامه كان متقرشعه بها .. الأهم.. العلاقه استمرت .. اممممم سنه و بعدها .. أخذ عفشه الأهبل و رحل .. بدون احم و لا دستور .. و البنت تفاجأة بغيابه .. و تبهذلت .. جاها وجع بالركب و حكه بالراس و صخنه تدرون ليش .. لأنها نامت على المكيف بدون غطاء .. خخخخخ لا .. السالفه ما هي سالفة حبيبها .. طبعاً مع الوقت .. و من الوسوسه و تفكيرها بحبيبها .. جاها مرض القهقار الوسوي خخخ قصدي الوسواس القهري .. صارت تشوف الباب و تدخل مع الدريشه .. و تصب القهوه بالكاسه و الشاهي بالفنجال .. جتها أنواع التفكيرااااات المجنونه .. و حتى موقف صار عليها .. جتها وحده من بنات جيرانها ..
قالت وش بلاتس يا بنت الناس..
ردت عليها وقالت : بنت والا ولد ..
جارتها : لا بالله منتي صاحيه ..
قالت : صاحيه والا نايمه ..
جارتها : بسم الله عليك .. شكلها عين ..
هي : عين و الا خشم ..
جارتها : يا حبيبتي أنتي وش فيك .. قولي لي .. و الله ما يدري أحد ..
هي : أحد و الا سبت ..
.
و قعدت جارتها تحاول فيها لين .. جاء اسعاف من مستشفى نفسي ... لا .. لا .. ما أخذوا البنت .. أخذوا جارتها خخخخ
لأن جارتها انمرضت و هي تسولف معها ..
.
المهم سنتين و المسكينه تصارع نفسها .. يوم مريضه نفسياً .. و يوم مريضة حب . و يوم تهلوس بكلمات ما يدرون وش معناها .. جابوا لها مترجم ..
و المصيبه .. بعد يومين .. لقوا المترجم شانق نفسه بشارع خريص ..
.
بلشوا بالبنت ..
و بعد سنتين .. بدت تتحسن حالت البنت .. و رجعت لشكلها الطبيعي .. و انتهى مرضها و لله الحمد .. و قعدت تزور العالم و تشوف الناس .. و أبشركم قامت تدخل مع الباب .. و من زود العافيه ما شالله .. راحت تزور جارتها اللي بالمستشفى النفسي .. و عزت أهل المترجم ههههه ..
و نست حبها و حبيبها .. و فتحت صفحه جديده مع الحياه ,,
و المصيبه العظمى .. بعد هالسنين جاي حبيبها الأول .. على قولت الشيبان .. جاك يرثع .. و بعد هالفراق و هالسنين .. جايها يقول أحبك .. يا أخي وش ناوي عليه .. ناوي تدمر حياة البنت مره ثانيه .. ناوي تقضي على طعم الفرح اللي عاشته بهالفتره .. ناوي تذبحها .. ناوي تلعب عليها لعبه جديده .. الحب مو لعب بلستيشن و الا شطرنج و الا بالوت .. الحب احترام و صدق و تقدير ..
خلاص البنت نستك .. و يا خوفي تثق فيك بعد هالغياب ..
.
.
و اذا رجعت له .. للأسف .. لاتعليق ..
.
.

[مازن الفهد]

زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
.
الحمدلله معيض بن عريفج ما هو زعلان ..
.

[مازن الفهد]

(^_^)
""
هذي ابتسامه بس لا تقولون وش هالشخطتين اللي تحت الفم
هذا واحد حاط سكسوكه خخخخ

[مازن الفهد]

اليوم والله اني متضايق
و ماني رايق
مدري ليه
ياهووووه
وين الناس
مشاعر
معيض
احساس
غاب الفرح
غاب المرح
والضحك غاب
اسمعي يا صفحتي
لا يجيك الاكتئاب
و ابقى وحيد
ماني سعيد
دامي مع احلامي سوا
وخشمي يشم من الهوا
يالبريد
هات الرسايل .. ودها
حبيت وانا قدها
لكن غرور الجانيه
خلا حروفي عانيه
وافرح كثييييير
لأن الحياه اكبر هدف
والدنيا هذي فااااانيه
اضحك هنا
انسى العنا
من وين انا
و من بعد أصلاً انا
ياخوفي ان غاب الفرح
ابكي هنا
يا دمعتي
مابيك عذر لسمعتي
بكرا اصير اكبر بزر
وتطفي رجولة شمعتي
يا هيه ابضحك و ابتسم
وانسى اني بالدنيا وهم
انسى القهر
و انسى الشهر
و اكتب بدايات الطهر
و انسى البكا
وانسى السهر
و ارجع لضحكات الصغير
و اضحك كثير كثير كثير

[مازن الفهد]

بلاك بيري
بلاك بيري
بلاك بيري
وش قصة العالم على هالجهاز.. و الله من شفته تقول مضرب تنس و انا غاسل يدي منه .. تجلس مع ناس ودك تسولف و تستانس و الشباب كل واحد يبحلق بشاشة جهازه و الله اخاف تطيح عيونهم من كثر التدنيق .. سافرت مع واحد للدمام و انا السواق طبعا على لكزس خخخخ افلقني لكزس .. ددسن 2000 و لما وصلنا الدمام أخذنا مساج لظهورنا .. المهم .. و الرجال اللي معي ما دري انا وصلنا .. يقول سبحان الله وصلنا بسرعه .. قلت يا شيخ ماشين الساعه 8 بعد الفطور و ما وصلنا إلا الساعه 12 الظهر من اليوم الثاني و انت تقول وصلنا بسرعه يا شيخ خاف الله فيني .. انا وش مسوي لك .. وبدت نبرات الحزن .. المهم و من بكرا و الرجال يشري لك بلاك بيري من اتصالات الدمام .. و المصيبه اني تولعت بالجهاز .. و استاجرنا سواق بنقالي يوصلنا للرياض لأن كل واحد مو راضي يسوق من الادمان على البلاك بيري خخخخخ ..

[مازن الفهد]

جلست مع الشله الساعه 10 مساءً ..
.
يا شباب ( نط واحد قال الشباب و الا النصر قلت النصر و الا الهزيمه ) يا اخي اركد خلني أكمّل .. وشفيك الله يشفيك ..المهم قلت يا شباب ( و ينط علي واحد ثاني قال الشباب و الا الهلال قلت الهلال و الا البدر ) وشفيك انت الثاني ( و ينط واحد الله يشفيه قال الثاني و الا الثالث قلت الثالث و الا الريوس خخخ اركدو الله يشفيكم ) المهم قلت يا شباب ( وسكت شوي قلت يمكن ينط أحد يقول الاتحاد )و أبشركم ما تكلم الا الهندي قال شاي و الا قهوه على بالي يستهبل و ما دري الا جوالي الصيني طابع ختم الشركه على جبهته .. آخر شي اكتشفت ان المسكين ناوي يصب شاهي أو قهوه ..المهم تعذرت منه و عطيته خمس ريال و قام مابه بلا .. المهم قلت يا شباب ودنا نطلع للحديقه بكره وش رايكم .. قال الاول تم .. قال الثاني سم .. قال الثالث نم .. قلت الأول فهمناه موافق و الثاني فهمناه موافق و انت يا الثالث وش معنى كلامك .. قال على بالي مسابقه قلت .. ضف وجهك و لا عاد اشوفك مقابلني بالاستراحه .. قال يا اخي على نياتي .. ما قصدي .. قلت اقعد بزاوية فرحان و لا تروح لا يمين و لا يسار ( طبعاً زاوية فرحان معروفه ما يجلس بها إلا فرحان مدير الاستراحه رفيقنا .. و يشيش و يدخن .. و مسمي زاويته - زاوية الحريه - لأنه يعقل لين يتربع بالزاويه ) المهم .. اتفقنا على الطلعه للحديقه .. قال الاول أنا أجيب المواعين كلها .. قلت أنا أجيب الفرش و المراكي و المساند .. قال الثاني أنا أجيب أغراض الطبخ .. قال الثالث أنا علي آكل .. قلت عسى ما تكلفت .. قال : و الله ما أدري وش خليتو لي اسويه .. قلت أنت شغلتك شغله .. قال و ش هي .. قلت أنت اللي تطبخ العشا .. قال أفاااا .. قلت بلا أفااا بلا خرطي .. و القهوه و الشاهي يصلحها .. راجا الهندي .. اتفقنا قالو اتفقنا .. المهم ما نمت ذيك الليله أرتب الفرش و الدنيا .. على شان اخذها و اطلع على طول للإستراحه ..
المهم جاء وقت الروحه للإستراحه ..
و دقيت على الأول .. ألوووو .. وش اخبارك يا بارد الوجه .. قال : بخير بدون نفس .. هاه وين مكانك .. قال .. بالبيت .. قلت وراك ما جيت الاستراحه بدري .. نبي نرتب و نمشي بدري .. قال و الله ابوي عزم رجال و مستحي لا أخليهم .. قلت .. الله و اكبر يا مهستر .. و يوم حلقة حليمه بولند مخلي الرجال اللي عليهم الكلام و مقابل خشتها و على بالك تشوفك .. تسوي لي حلاقه و صنفره و تقرب للشاشه لين جاك عمى الألوان .. أقول رح الله يستر عليك .. و اقفل السماعه بوجهه .. من الزعل ..
و ادق على الثاني ..
الوووووه .. قال هلا و الله و غلا بمازنوه .. وش اخبارك .. قلت الساعه 10 بعد مسلسل ليلة عيد .. وش فيك سلامات البارح و انا مقابل وجهك وش هالغلا فجأه .. قال .. اعذرني .. امي تقول و الله ما تاخذ رزه وحده .. و لا تمد يدك على الدجاج اللي بالثلاجه و انا يا خوك ما معي غير عشرين ريال .. تخبر آخر الشهر .. و الشايب ما عطاني مصروفي .. قلت .. اقلب وجهك على صفحه عشرين يا مروح .. انا لو احفر غرفتك ألقى كنوز يا قعيطي .. و بعدين الله و اكبر يا سربوت .. و اللي دقت عليك البارح و شحنت لها 100 ريال .. من وين لك الميّه .. و الله لو اسأل عن اللي يكلمك ألقاه شنب و يقلد عليك و انت فاتح فمك .. يا اخي ارحمني إلى متى و أنت تشحن لغيرك و رصيدك صفر .. حتى ضايقت ذاكرتي من كثر ما ترسل ( كول مي ) و نفس الأول قفلت السماعه بوجهه ..
و ادق على الذيب الثالث ..
طن طن طن طن ما يرد .. و ادق مره ثانيه طن طن طن ا يرد و انا قافله معي من الاول و الثاني .. و ادق للمره التسعين و الحمدلله رد .. قلت الووو .. قال الووو .. قلت : وينك .. قال .. توي صاحي نوم .. قلت.. أقول يا نومان .. قال هاه .. قلت هواه .. من شفت عيونك اللي تقول عيون صيني و انا غاسل يدي منك .. من كثر ما تنام جفونك لصقن ابعض .. يا خي ارحم نفسك لا يلصقن بكره و نبلش بك من مشفى لمشفى .. و الله من قل الهموم و الضيق اللي يخليك ترقد .. رح بس رح .. و اقفل السماعه بوجهه ..
و الله ما هم رجال .. كل واحد يجيب له عذر مثل وجهه.. ليش تقول كلمه منت قدها .. وش حادك .. واحد ابوه عنده رجال و الثاني قعيطي و الثالث نوّام .. و انا قاعد العن فيهم و اشتم .. و يدق علي ابوي .. هلا يبه .. قال : وينك يا حمار .. قلت عند باب الرجال .. و جاني .. وشاف الدنيا على حوض الددسن .. قال وش هذا .. قالت الفرش اللي بالمجلس و المراكي و المساند .. قال و ين تبي بهن .ز قلت مواعد اخوياي بطلعه للحديقه .. و مادريت الا الطراق على وجهي .. قلت .. ليه يبه .. قال .. عازمن لي رجال .. و انت شايل المجلس كله .. وين اقلطهم .. و جتني امي و قالت .. فاقده فرشه بصالة الحريم .. ماشفتها يا مازن .. قلت .. أخذتها و ما دريت الا المخمس الثاني على صابري الأيسر .. قلت معذورين يا شلتي .. و الله ما ألومكم .. و أرسلت لكل واحد رساله و أقول فيها .
.
صديقي العزيز:
مساء الورد .. سامحتكم و لو انكم باردين و عرضتوني لموقف محرج مثل موقف احساس مع معيض لكن المسامح كريم و ترا أبوي ما عطاني مخمس و امي عطتني تفاحه لما عرفت اني آخذ السجاده الكبيره اللي بالصاله و طبعا ابو قال .. يحق لي أفخر فيك ..لانك صديق وفي .. أخذت مجلسنا و ما خليت غير الجدار .. ورا يا ولدي ما أخذت الجدار معك .. وقلت لا يبه .. على شان ضيوفك .. يلزّون ظهورهم ( أي يضع ظهر على الجدار من أجل راحة لا مثيل لها ) و ان شالله نطلع اذا حجت البقر .. وش رايكم ..
قال الأول .. ان شالله .. قال الثاني .. بإذن الله .. قال الثالث .. استغفر الله .. .. و قلت يا الثالث .. الأول قال ان شالله و فهمنت انه ناوي يطلع اذا حجت البقر على قرونها و الثاني نفس الحكايه و انت وش قصدك .. قال و الله مدري على بالي يذكرون الله و قلت استغفرالله .. المهم .. طلعت من عندهم ناوي انتحر .. و يمسكني راجا .. قال وين يبقى بابا مازن .. قلت ابنتحر يا راجا .. حرام و الله اجلس مع ذولا .. قال . بابا هرام هادا انتهار .. قلت وش اسوي ..ارحم من العيشه مع المهابيل .. قال .. أنتا موت بأدين فيه نار جهنم .. و انتا بيه موسلم مألوم هازا تريك ( ورجعت للترجمه لقيته يقول - انت موت بعدين نار جهنم .. و انت فيه مسلم معلوم هذا طريق) و الله و استغفر و اتعوذ من ابليس .. و اترك الاستراحه و الهمج اللي متقابلين .. بس اللي قاهرني .. وشلون يلعبون بالوت و هم ثلاث و فرحان ما هو بالديره ..
راح ادري ان شالله ..
.
.
.

[مازن الفهد]

http://up.arab-x.com/Sep10/Y2c77926.gif (http://up.arab-x.com/)

[مازن الفهد]

اه يالدنيا ..
تضحك علي ولد فطوم .. ااااه .. و انا وش دراني ان هذا جوال المصباح .. على بالي بلاك بيري .. يا اخي مغير الوجه حقه .. و انت تضحك علي و احرجتني قدام العالم .. اني قلت كم قيمة البلاك بيري هذا ..
اسمع به و جاي اليوم ابتبع اهل الموضه .. كل ما جيت واحد الا عيونه بشاشة جواله و كل شوي الببي حقي و الببي حقي .. ذبحوني قلت على الاقل يونسني ليا صرت فاضي ..
و شريته و لا عادت .. لازم شريحه جديده و لازم اشتراك .. و اقعد ادفع لين يطيب خاطرك .. والله دفعت الشكوى لله .. حتى الفلوس اللي معي تسلفتهن من حمدان .. و من بكرا لقيته عند الشايب يقول ولدك ما سددني ( يالآدمي ماتفهم قلت لك على مكافأتي ادفع لك .. الظاهر يبي يسوي نفسه ذيب عند الوالد و يعلم علي ..بس الحمدلله قال ابوي .. انا اللي تسلفت منك و الا الولد .. قال الولد .. قال ابوي .. اجل رح ارفع شكوى و اسجنه .. و سحب كما يسحب الرجل الشرود من المعركه ) المهم شريت بيبي كيرف و ابشركم يقولون رقم الببي حقه مميز .. و انا و الله مدري وشو الببي .. المهم قعدت يومين .. الجوال بس له ونين .. مدري وش قصته .. و بس اتفرج عليه .. و كل شوي ادق على واحد من العيال .. وش اسوي .. جاني كذا و جاني كذا .. وآخر شي انشب بحلقه .. لين عرفت افتح لوحة المفاتيح و اقفلها خخخخ . لا الباقي يبيله شهر عى الاقل على شان اشغل البلوتوث .. و اسبوعين على شان ادخل الرسايل و اسبوع على شان ادق و اقفل .. و هكذا ..
و الحين عارضه للبيع ..
جهاز بيبي كيرف و ببي مميز .. و شريحه موبايلي مدفوعة الاشتراك لمدة شهر .. و جميع البرامج مضافه و معه شاحن و سماعه و بأرخص الأسعار .. للمفاهمه الاتصال على رقم جوالي ..
على طاري .. للمفاهمه الاتصال على الرقم الفلاني ..
هذاك اليوم فاضين .. و الله و عندنا جريدة الوسيط .. و نقلب بالإعلانات ..
ماودي أحرق أعصابكم بس غصب ..
ان شالله الحلقه الجاية تعرفون وش قصتي المجنونه ..
الى ذلك الوقت استودعكم الرحمن ..

[مازن الفهد]

.
كل ما حاولنا نسيان أحزان هذه الحياه نتفاجأ بأعاصير تمحو تلك الابتسامات التي ترتسم على وجوهنا ..
في هذا اليوم صعقني خبر .. وفاة الأخت الراقيه و صاحبة الأخلاق الحسنه و القلم الأدبي الرائع .. حنان آل قحطان
رحلت في هذا الشهر الكريم .. انتقلت إلى بارئها ..
رحمك الله يا حنان و أسكنك ِ فسيح الجنان ..
عرفناك أختاً رائعه .. يا لحزن أرصفة شوارع الخرج .. تلك المحافظة التي تغنيتي بها كثيراً في ذلك المنتدى ..
نعم يا محافظة الخرج .. اسكبي دموعك لوداعها ..
.
أرجو أن يدعو لها كل من مر هنا ..

[مازن الفهد]

مع السلامه يا بعد عمر مغليك ..= حان الوداع و دمعتي عذبتني..
لو هو بكيفي دايم اجلس حواليك..= لكن ظروفي يا غلاي اجبرتني..
ادري تبي تشتاق و انا بعد هيك..= اشتاق لك لو الليالي طوتني ..

[مازن الفهد]

؟
استفهام
.

[مازن الفهد]

دخيلك ما بقى بي حيل
دخيلك ضاقت انفاسي
دخيلك باقتراب الليـل
طيوفه تجرح احساسي
.
.

[مازن الفهد]

كل عام و أنتم بخير

[مازن الفهد]

على ما اعتقد ان الهروب صعب من الحزن و الدموع
صحيح انها عاده يوميه لبعض الناس بس من حاول يحارب دموعه؟؟؟ ..
اكيد الكل يحاول يتظاهر بالفرح و هو عايش تفاصيل الالم ..
مهما حاولنا الضحك لازم نعيش ايام اليأس ..
,,,
,,,
,,,

[مازن الفهد]

.....
.....

اعيش لحظة تساؤلات ؟؟

؟

استفهام ؟


؟

يتلوه استفهام ؟؟




لا تستغرب ..

.

ستجد حيرتي على طاولة النقاش ..
.

[مازن الفهد]

لا أعلم متى سيكون آخر حرف ٍ أكتبه هنا ..




و لكن أعتقد بأنه قريب ..

[مازن الفهد]

رجعت لكم مره ثانيه

[مازن الفهد]

لا أحد يكلف على نفسه
خخخخخ
تذكرت العجوز اللي سافرت مع بنتها
و جت المضيفه و جابت لها عصير و كيك
قالت العجوز : والله لو دريت اني بكلف عليكم ما جيت
هههههههههه كح كح
لا شرقت لأني أكتب و أنا آكل
ههههههه

[مازن الفهد]

http://up.arab-x.com/Nov10/yCu69803.jpg (http://up.arab-x.com/)

جبت ملاعق نبي نحرك الجو ههههههههههه

[مازن الفهد]

تشتاق لكم العااااااافيه
و انا مشتاق لكم و رجعت بس فكوني من معيض عريفج
هههههههه

[مازن الفهد]

كل عام وانتم بخير
و اللي يمر من هنا يا هلا و مرحبا
و الله ما تزين هالصفحه إلا بمروركم الغاااااالي

[مازن الفهد]

مازن الفهد
عضو فضي << فضي و الا هجي خخخخخخخ
فضي بفتح الضاء يعني هجي أي لوذي بالفرار ..
و المخاطبه أنثى ..
.
هههههههههه

[مازن الفهد]

تخيلوا شكلي قاعد قدام باب المنتدى ولابس ثوب مرقع وشماغي نص سلوكه طايحه وماد يدي اشحذ تتوقعون!!! وش اشحذ ؟؟





































































أكيد ابي توقيع مثل الناس ^_^

[مازن الفهد]

http://up.arab-x.com/Nov10/ZLU43092.jpg (http://up.arab-x.com/)

حلوووووه خخخخخخخخخ

[مازن الفهد]

نفس الموقف حصل معي بس أنا شفت بعير و قلت له أنت بعير
قال لا أنا أسد
قاعد يستهبل البعير
ههههههههه

[مازن الفهد]

http://up.arab-x.com/Nov10/t8u90099.jpg (http://up.arab-x.com/)



http://up.arab-x.com/Nov10/Zkc90099.jpg (http://up.arab-x.com/)


http://up.arab-x.com/Nov10/GtV90099.gif (http://up.arab-x.com/)


http://up.arab-x.com/Nov10/M7p90099.jpg (http://up.arab-x.com/)

[مازن الفهد]

http://up.arab-x.com/Nov10/1gW85013.jpg (http://up.arab-x.com/)

الله لا يفرقهم بس اتوقع لو يمر من عندهم فار
تخانقوا عليه و كل واحد يبي ياكله
و بعدها لا يحصل فار
و كل واحد متلطم عن خويه

هههههه

[مازن الفهد]

http://up.arab-x.com/Nov10/knY85424.jpg (http://up.arab-x.com/)


ههههههآآآآآآآآي بس يستهبل على العالم
فاااضي و رااايق و شبعآآآآآآآآن

و طبعاً يبي يتأكد هذي شوشه و الا باروكه خخخخخخخ


http://up.arab-x.com/Nov10/u3n85424.jpg (http://up.arab-x.com/)

شووووف الفدائيه و الله لو انها مطيره ؟؟؟؟ كان عرف شلون يتصرف
واحد نفس الطريقه بس الغبي قالب الوجهه و راسه سبق الفشقه

يالله حسن الخاتمه

[مازن الفهد]

http://up.arab-x.com/Nov10/7Fv85769.jpg (http://up.arab-x.com/)

[مازن الفهد]

http://up.arab-x.com/Nov10/aKh69070.jpg (http://up.arab-x.com/)

http://up.arab-x.com/Nov10/WA369293.jpg (http://up.arab-x.com/)

[مازن الفهد]

الذين يشاهدون محتوى الموضوع الآن : 3 ( الأعضاء 1 والزوار 2)
‏

[مازن الفهد]

^_^

من أكثر عضو يستخدم الابتسامه بالطريقه هذي ؟
.

.

[مازن الفهد]

المعلومات
الكاتب: مازن الفهد
اللقب: عضو نشيط جدا
الصورة الرمزية

^_^


البيانات
التسجيل: 07/08/10
العضوية: 5754
الدولة: هونا
المشاركات: 500
بمعدل : 3.18 يوميا
معدل التقييم: 3
نقاط التقييم: 803




ههههههه سويت خودعه

[مازن الفهد]

.

تذكرت الولد اللي يترك المكسرات عند اخوانه و يجي من بكرا ما يلقى شي
طفش الولد
آخر شي راح لـ جده
قال يا جدي عندك سنون قال جده لا
قال طيب
راح اترك المكسرات عندك
ههههههههههههه

[مازن الفهد]

اليوم انضمت لنا ضيفه عزيزه
اهلابك يا ندى ..

[مازن الفهد]

http://up.arab-x.com/Jan11/fCg55392.jpg (http://up.arab-x.com/)

[مازن الفهد]

مرت على بالي قصة الشايب اللي جلس جنب ولده و (الولد عمره ثلاثين سنه على فكره) و سأل ولده عن حاجه قدامه
قال/ ياوليدي هذا وشو
قال الولد/ هذا عصفور
سكت شوي الشايب و قال ياوليدي هذا وشو
قال الولد باسلوب جاف / قلت لك عصفووووووور
سكت شوي الشايب و قال/ هذا وشو؟
قال بعصبيه / قلت لك عص فوووو رررر انت ماتفهم
سكت الشايب و نزل راسه وراااح
المهم رجع بعد خمس دقايق و معه مذكراته يوم كان شباب
و اعطاها لولده
المهم قرا الولد الصفحه اللي فتحها له ابوه
و قرا و ليته ما قرا
تدرون وش قرا
ركزو

مكتووووب

في هذا اليوم سألني ابني الذي يبلغ من العمر ثلاث سنوات عن العصفور و سألني أول مره فقلت هذا عصفور يا بني و كنت ابتسم و اضمه بين يدي و اشتم رائحته العطره
و سألني مرة ثانية و اشتقت لسؤاله فقلت بابتسامة عريضه هذا عصفور يا بني و ضممته أشد من الأولى
و سألني واحد و عشرون مره ( 21 ) و في كل مرة يسألني كنت ابتسم و أضمه و انا اقول له عصفور يا بني العزيز



انصدم الولد و راح يبوس راس ابوه و يبكي



مووووووووووقف لا ينسى


ياليت تعلقون على هالنقطه هذي

[مازن الفهد]

اليوم, (05:35 pm) المشاركة رقم: 21
المعلومات
الكاتب:
مازن الفهد

اللقب: كاتب
الصورة الرمزية




البيانات
التسجيل: 07/08/10
العضوية: 5754
الدولة: هونا
المشاركات: 555
بمعدل : 3.21 يوميا
معدل التقييم: 3
نقاط التقييم: 996

[مازن الفهد]

كم كنت فرحاً بوصول مشاركاتي 555 على أمل زيادتها
و لكن سأقف عند هذا الحد و اعتذر للجميع

[مازن الفهد]

- سبحانك اللهم وبحمدك أشهد أن لا إله إلا أنت أستغفرك وأتوب اليك

[مازن الفهد]

عوده مع الجميع و صفحتي مستانسه بحضوري
و الكل اكيد مستانس
كلمة شكر لكل من سأل عني و الله يوفقهم ان شالله
محتاج ترحيب << يالله احساسوه و مشاعروه و خالدوه رحبوا فيني بصفحاتكم
هههههههه