[ أوطى من الشفره على القاع : ]

[فواز الفهيد]

ويطيح من عين ... الهقاوي كثيرين !
.................. وأقول ... ياعيني ... تراها هقاوي !



ماغيرت نظره ... ولاكحلت ... عين !
.................. و لاريحت بال الغريب ... الشقاوي !



يكفي عرفتيهم ... و صرتي تشوفين !
.................. ناسٍ تحسب الطيب ضحك وحكاوي !



لاتغورق دموعك ... و لا تستضيقين !
.................. النعم كايد ... والسوالف .. مناوي !



واللي يقول ان المواقف ... براهين !
.................. وانه حكاية طيب .. من دون راوي !



وش هي مواقيفه ?



او اقول ..



تدرين !



مايستوى طير الرخم ... والنداوي !



كانه ... يبي منك تجين .. وتهلين !
.................. دمعك ... ويقرا في دموعك رجاوي !



يبطي ويدري عن ترجيه ... تبطين !
.................. لو أخسر عيوني / بـ دربٍ خلاوي !



منتي نظر منهو ضعيّف ومسكين !
.................. ولنتي عيون اللي من العز / خاوي !



لدي شبوحك لـ السما .. لاتلدين !
.................. يم الغوا اللي يتبعه .. كل .. غاوي !



اوطى من الشفره على القاع / شخصين :
.................. بخيل جاه ... وشاطراً بـ الدعاوي !



تسمع سوالفهم / سوالف سلاطين !
.................. وأفعالهم ... طخ البنادق / سماوي !



مثل النخل / ظله يظلل لـ الأقصين َ!
.................. والا القريّب تحت شمسه .. يلاوي !



هذا الصحيح اللي عرفتيه / ياعين !
.................. يابعد مابين ( العزا ) و ( العزاوي ) !



فـ !
الرياض
http://www.faresmahdi.com/vb/images/smilies/AbAdY-G2G8-Com.gif

[بدر الخلاوي]

اخوي الشاعر فواز الفهيد صح لساااااااااااانك مليووون
ولا يكفوووووون اطربتني بنصك سلمت ودمت
وسلمت يمـــينك وصح فكرك
تقبل مروري وجل
تقديري

[ابوعيسى]

شكرا اخوي على هاذا القصيده

[هندي المقبل]

فواز الفهيد

لله درك وصح لسانك على هذا البوح الشعري المميز

شاعر يجيد صياغة الكلمه وايصال المتعه للمتلقي

لا املك الا ان اقول لك صح لسانك واتمنى تقبل اعجابي بما تكتبه

ودي وتقديري

[طلال معيض]

الشاعر فواز

ابدعت والله بالقصيده متميزه عن غيرها

صح لسانك

[سالم صالح]

فواز الفهيد


ياهلا بك مليار بيننا وياهلا بالشعر الحقيقي صح السانك حتى ترضى لانك تستحق الرضى على ماقدمت بيض الله وجهك على هالجزلة وانت ماتجيب الا الجزالة

شرف ان يكون بيننا شاعر مميز ورائع مثلك

تقبل تقديري وودي

[مشاعر شآمخه]

أنت بحق متميز
لك قلم يخط أحرفآ من ألماس
تستحق الوقوف عندهاوتأمل مافيها من روووعه وجمال
لك الله
ياسيدي
كم أنت راااقي بماقدمت
كن كما أنت
ولا تحرمنا من كلماتك العذبه
وأحاسيسك الرااقيه الجذابه
دمت
في كنف الرحمن أينما تواجدت

[بنت راشد]

الشاعر فواز

ابدعت والله بالقصيده متميزه عن غيرها

صح لسانك مدد بلاعدد بارك الله فيك

[خلف الغريب]

الرائع فواز الفهيد ..

ابدعت غاية الابداع فلله درك على هذه الحكمة التي تفوح بين ثنايا كلماتك الجميلة ...

صح الله لسانك وهنيئا لنا بويلان بشاعر متميز مثلك ..

تحياتي لك ..

[فهد السلقاوي]

هذا الصحيح اللي عرفتيه / ياعين !
.................. يابعد مابين ( العزا ) و ( العزاوي ) !


لله درك فواز


امتعتنا بهالقصيده الرائعه


صح لسانك ونبضك وعاشت ايامك

متابع لك اخوي فواز


تحياتي
اخوك


فهد السلقاوي

[سعود العواجي]

هذا الصحيح اللي عرفتيه / ياعين !
.................. يابعد مابين ( العزا ) و ( العزاوي )


الرائع / فواز ..

شامخ بشخصيتك وحرفك الرائع ..

نص مبهر استمتعت بقراءته ..

صح كلك .. كتبت وابدعت .. لله درك ..

دمت بمحبه