مشاهدة النسخة كاملة : الى المستشعرين الاعزاء على باعة الشعر
طلال معيض
27/07/10, (02:35 PM)
احدهم قال لي كيبورديه مع انني لااعرف الكيبورديه
ولاكن قصيده كتبتها حينما كان هناك وجهات نظر بشان المستشعرين والذين يبيعون الشعر وكنت جالس مع الشاعر كامش محمد وهوخالي ومعروف ببيع الشعر وقال ان اكثر الذين يشرون الشعر لهم غايات يصلون بها الى الشهره والماده
وقلت
الحمد لله شاعرن بالفطره=واكره قصيدن يشترى بالمالي
من لانكشف ذاليوم يكشف بكره=ماكل يوم ايبيعه كامش خالي
ولياتعذر مايفيده عذره=الناس ماترحم على اية حالي
باقول شي بداخلي واعتبره=يعني نصيحه واسمعوا كاالتالي
الشعر له معنى وعالي قدره=قدره كبير وعالي بالعالي
من لايجيده لايغوص فبحره=يخليه لبن فطيس والهذالي
والا اذن باقول عندي فكره=الفكره اللي ماطرت بالبالي
ياللي تدور بالقصيد الشهره=احسن من انك كل يوم تلالي
تطق لك ساعه وثوب وغتره=مايكلفنك ميتين ريالي
والا تبي ارخص وتشري بعشره=في ساحة البطحاء رخيص الغالي
اللي كشخ فيهن ورز بصدره=يشوف نفسه طارق الجفالي
ادخل على اكبر تاجرن في قصره=ادخل وكنك شيخ راع اعمالي
ماهو بداري عنك لاكن وره=انك تدور خوة الرجالي
واضحك معه يالين يصدر امره=وتصبح خويه وانت زين الفالي
في وقتها لاجيت تبغى تشره=يقول آمر وانت مثل اعيالي
قله انا وياك نبغى خشره=خطط وانا اللي بادفع الاموالي
قله بما انك بعيد النظره=وش رايك باسهم شركة الجوالي
ياعنك راح يشوش شعره شعره=ويقول حالك يااخي من حالي
ثم عطاك المبلغ اللي كثره=ريال ينطح من وراه ريالي
بس انتبه لاتنصرع وتخسره=ويدري بأنك جيت له محتالي
وانعم بكيفك عقب ذيك الطفره=ولاعاد اشوفك بالقصيد اتلالي
خل القصيد ايعيش عزة عصره=ليه ولابن افطيس والهذالي
مادمت انا الشاعر وشعري فطره=ولا افكر بكامش مع انه خالي
الرااايق
27/07/10, (02:55 PM)
خل القصيد ايعيش عزة عصـره
ليّه ولابـن فطيــس والهذالـي
ياااااااااااسلام
رهيب.......
صح هذا الكلام وإلا بلاش......
احساس قلم
28/07/10, (02:51 AM)
صح لساااانكـ مدد بلا عدد
ياطلاال معيض
ابدعت وكفيت ووفيت
تقبل مروري استاذي
بنت الكحيلا
28/07/10, (03:04 AM)
يا الله لك الحمد اني شاعره باالوراثه
ولا لا قريت هالقصيدة طاح وجهي
بس البلا فيه ناس مستشعره وفوق هذا وجيهها قويه
مشكور اخوي طلال معيض صح لسانك
وبيض الله وجهك على هذه القصيده الرائعه
طلال معيض
28/07/10, (03:10 PM)
الرايق تسلم ولاهنت مرورك يسعدني
طلال معيض
28/07/10, (03:10 PM)
احساس قلم الف شكر لك تحياتي ودمتي
طلال معيض
28/07/10, (03:11 PM)
بنت الكحيلا لاهنتي ياشاعرتنا وتسلمين
والى الامام تحياتي
عبدالله عشوي
28/07/10, (08:08 PM)
اخوي الشاعر طلال معيض قصيدة جزلة
ولكن الاحظ ان هنا ك بعض الكسور في الابيات
وشطح في المعاني مثل
في وقتها لاجيت تبغى تشره= يقول امر وانت مثل اعيالي
قله انا وياك نبغى خشره= خطط وانا الي بادفع الاموالي
هنا وضعت التاجر هو الذي يخطط والمستشعر يدفع الاموال
اشكرك جزيل الشكر وتقبل انتقادي الله يحفظك
بنت الكحيلا
29/07/10, (04:21 AM)
اخوي الشاعر طلال معيض قصيدة جزلة
ولكن الاحظ ان هنا ك بعض الكسور في الابيات
وشطح في المعاني مثل
في وقتها لاجيت تبغى تشره= يقول امر وانت مثل اعيالي
قله انا وياك نبغى خشره= خطط وانا الي بادفع الاموالي
هنا وضعت التاجر هو الذي يخطط والمستشعر يدفع الاموال
اشكرك جزيل الشكر وتقبل انتقادي الله يحفظك
الشطر ما فيه اي كسر يا خوي عبد الله عشوي
صراحة قريت القصيدة اكثر من مرة ولم يكن هناك اي بيت مكسور
والمعني واضح تماماً وما فيه اي شطح فيه
والله اني ما جامل لكن هذي الحقيقه
على اي اساس تقول فيه كسور ؟؟؟؟ الجواب مدري
هندي المقبل
29/07/10, (04:10 PM)
كفو ياطلال معيض
صح لسانك وبيض الله وجهك على ماكتبت
ياكثر زباين خالك هالايام..!!! من المستشعرين
تقبل اعجابي ومروري
ودي وتقديري
طلال معيض
29/07/10, (04:34 PM)
الشاعر عبدالله عشوي بالنسبه للكسور انبهرت صراحه يعني شاعر مثل عبدالله عشوي يقول كسور وهي لايوجد بها اي كسرثم تقول شطح ان التاجر هو الذي يخطط والمستشعر يدفع المبلغ ولم تفهم معنى القصيده ابدا ابدا
انا قلت انت ايها المستشعر عندما تدخل على التاجر قله اناشيخ وتجر وراعي اعمال ونبي خشره وقله خطط وانا بادفع الاموال في وقتها لاجيت تبغى تشره يقول امر وانت مثل عيالي ماهو بداري عنك الى الان ماهو بداري قله انا بدفع الاموال ماراح يخليك تدفع هو اللي راح يدفع
بنت الكحيلا ردت وردتها كافي وفي وسلمت شاعرتنا ولاهانت ولاكن مع الاسف يابن عشوي معقوله شاعر مثلك يقول هكذا
طلال معيض
29/07/10, (04:39 PM)
بنت الكحيلا الف الف شكر دمتي ولاهنتي وهذا يدل على شاعريتك وسجلي اعجابي
لانك فعلا تستحقين المتابعه
دمتي للامام
طلال معيض
29/07/10, (04:40 PM)
الشاعر هندي تسلم ومرورك اسعدني
ولاهنت
سالم صالح
29/07/10, (05:36 PM)
طلال معيض
صح السانك قصيدة رائعة والمستشعرين بهالوقت واجد وانا اخوك
ابيات جميلة ووافية
وتاكد اخي ان الاختلاف لايفسد للود قضية والخطأ وارد من الجميع
تقديري وودي لك
طلال معيض
29/07/10, (06:55 PM)
اكيد اخي وشاعري وخطاء من شاعر كبير مثل ابن عشوي
يحسب عليه
دمت
عامر العنزي
30/07/10, (04:01 AM)
[quote=سالم صالح;305450]طلال معيض
صح السانك قصيدة رائعة والمستشعرين بهالوقت واجد وانا اخوك
ابيات جميلة ووافية
وتاكد اخي ان الاختلاف لايفسد للود قضية والخطأ وارد من الجميع
اخ طلال ليس العيب بالخطاء العيب الذي يستمر بالخطاء
دمت بكل ود
تقبل مروري....
معيض بن عريفج
30/07/10, (05:03 AM)
والله انك جبتها ياطلال
ماتخبرلي تاجر لعل الله يهديه
ونترك هالعلوم كلها ههههههههههههههههههههههههههه
طلال معيض
30/07/10, (05:14 PM)
هلابك عمر العنزي ودمت
طلال معيض
30/07/10, (05:15 PM)
حياك بن عريفج اشادتك اعتز بها
وبالنسبه للمستشعرين كثر تبي واحد ارسله لك قريب مره
عامر العنزي
30/07/10, (05:57 PM)
ههههههههههههههههههههه
طلال الستر مطلوب
طلال معيض
31/07/10, (04:29 PM)
تسلم ياعمر
يالله عشانك نبي نستر
تحياتي
عامر العنزي
31/07/10, (04:54 PM)
ههههههههههههه
سلمت اخوي طلال
فهد السلقاوي
31/07/10, (05:15 PM)
اخوي طلال
شاعر
وصدقت ان المستشعرين بهالوقت واجد
تحيااااتي
أبو غرام
31/07/10, (05:49 PM)
عز الله حلوه وراائعه هالكيبورديه
ان كانها كيبورديه وان كانت على مهل فهي كذلك كذلك
والله يمدنا بفضله ولا يحوجنا لمثل خالك ياخوك
^_^
وبيّض الله وجهك ايها الشاعر الفطري .. ابدعت وتستحق الاشاده
اخوك ابو احمد
طلال معيض
01/08/10, (06:22 PM)
اخي عمر لاهنت
طلال معيض
01/08/10, (06:23 PM)
فهد السلقاوي
تسلم يابعدي ولاهنت
طلال معيض
01/08/10, (06:24 PM)
الله يبيض وجهك اخوي جائز
وكلام اعتز فيه
تحياتي
رهين الماضي!
30/08/10, (04:56 PM)
صح لسانك شاعرنا طلال...
ولكن عندي وجهة نظر...
تخييل انك مو شاعر ....
هذى قصه حقيقيه...
اتصلت عجوزززز كبيره في السن عيالها مايزورونها الا نادررررر جدااا..
اتصلت علي الشاعر كامش..
وقالت انا عيالي مايزوروني بس مع عيالهم..
تصدقون كتب قصيدها وصارووا عيالها يزورونها..
الغايه مو المال...
لا ..
اكبررررر من كذا