مشاهدة النسخة كاملة : للتسليه والاستمتاع والطارف يسد
كاتب الجعفري
05/07/10, (03:21 AM)
يالله عسى الاعضاء بخير = وامورهم زينه وشرش
ترى البحر عمقه غزير= في غبته حوته وقرش
الحميدي بن طالب العنزي
06/07/10, (01:08 PM)
استلم...يالذيب
انته على نفسك تدير=وراس الظبي مافيه عرش
بالبحر غواص وخبير= وانت اعتبر حظرتك طرش
كاتب الجعفري
06/07/10, (04:09 PM)
حياك الله .. استلم
الحمل يبغى له بعير=وانته حويشي ماانت هرش
انا ليا شفت الفقير=احط في مخباه قرش
الحميدي بن طالب العنزي
06/07/10, (04:39 PM)
الله الله....استلم
كبير لو سني صغير=والا انت ابو سرة وكرش
حظرتك متفرش حصير= وانا على كرسي وعرش
كاتب الجعفري
06/07/10, (05:45 PM)
طيب طيب ...
ماانته بحولي يالغرير=معك هيلكس ومعي بورش
لو تمتلك مالٍ وفير=ماكان شفت ايديك حرش
الحميدي بن طالب العنزي
06/07/10, (06:36 PM)
ادري يروعك الصفير=ومعرفي خارشك خرش
منت بكفو سيف شطير =بعصاي انا بفرش فرش
كاتب الجعفري
06/07/10, (08:44 PM)
خلك على النور القصير= من قبل لانكرشك كرش
وان كان حطيت الشعير=وسط الرحى يجرشه جرش
الحميدي بن طالب العنزي
07/07/10, (05:33 PM)
ياصاحبي وضعك خطير=ترى اخر الموضوع مرش
لاتعترض وادي جرير=جهز لك مخده وفرش
كاتب الجعفري
08/07/10, (09:41 PM)
مهما تقوله بالاخير = مالك مع اهل الطرش طرش
الفرق ياحميدي كبير = مابين حفص وبين ورش
صح لسااااانك مدد بلاعدد
والى لقاء اخر
معيض بن عريفج
09/07/10, (09:40 PM)
الله الله محاوره رائعه تحياتي لكم
الحميدي بن طالب العنزي
09/07/10, (09:55 PM)
صح بدنك.....ياكاتب........ونلتقي على المحبة ان شاء الله.....
معيض بن عريفج.....حظورك شرف طال عمرك.....مشكوور