لاند الكروز اللي تعشقه ملايين ؟

[حمود نايف الهذيل]

يالعن ابوه الشاص الالفين وأثنين..........
........ عزالله ان المبدعين ابدعويه
00000000000000000

قصيدة اعتز بها لسببين

الاول: انها مهداه الى رمزا من رموز الوفاء والشموخ

والثاني: انها وصلت الى قلوبكم قبل ان اكتبها امامكم وهذا مصدر اعتزاز اخر وتشريف لي0

يستاهله سلطان نســل السـلاطين............
............ شيخٍ رجال العــــرف تشرفــوبه

000000000000000000

" مشرفي وأعضاء ورواد شبكة ويلان"

يشرفني ان اهديكم هذه القصيدة مع شكري وتقديري لكم

شكرا يليق بمكانتكم الشامخه00



يالعن ابوه الشاص الالفين واثنيــن=عز الله إن المبدعـين أبدعوبــه

تساعدوا في صنعه أطلق خبيريـن=باشراف عالــــم مبتداه ابتدوبه

برافسـورٍ مختــرع له براهين=فعله حصانه عن خطــاه ورسوبه

حصل شهادة علم مع خبرة سـنين=وله جايزة نوبل زمــان محسوبه

من عائله بالعلـم دايـم ملميــن= تالايخهم بالعلم توارثوبه
أبـوه يابـاني سياسـي قوانيــن=في دولته يصدر نظـــام العقوبه

والأم نازية مـواليـد برليــــن=وخوال خاله مــن مواريث كوبه

صحيح ناقص لأن ماهو على الدين=عالم وعلمه ما يكــــفر ذنوبه

أما اختراعاته على الراس والعـين=يشكر على أفكاره ودقــة أسلوبه

اصخر بصنع الجيب من قبل عامـين= بالسر حتى دولتــــه ما دروبه

لين انتجه وانتاجه أزين من الزين=رغم اختراع الغـــرب تفاجـؤبه

من جودته له بالصحافة عناويــن=بالسوق ربح كل مـــن تاجروبه

رجح موازينٍ وهبـط مـوازيــن=كل الدول بالبورصة ساهمـــوبه

نزل من الدولار بالسـعر ثلثيــن=ودعم رصيـــد الين نوبه ونوبه

لاندالكروز اللي تعشقه ملايـــين=قبل يجي للشرق تباشــــروبه

من دولته جابه وكيلــه بتأميــن=لدولة آل سعود ملفــــاه دوبه

أسعد نفوس الي لرؤيــاه شـفقين=وكلٍ دعاله بالجــــزا والمثوبه

آباصفه كله من يســـار ويمـين= لو إن في وصفـــه عليه صعوبه

بين كما ابو الهول مبنى الفراعيـن= كلـه حجـر مابه حديده وطــوبه

وبين المواتر سكبته تجلي البــين=سكبة زعيم ومحتفــل في خطوبه

واللون بيج وبويته من بـلاتــيـن=ضد الحرارة والهــواء والرطوبه

وحمار خطه مثل سيـل البراكــين=والا حمار الشمس حــزة غروبه

وكبوته أنحف من حجم بديه شوين=ورفارفه متناسقــــة مع جنوبه

ونظام دفع الحركة دفــع تربــين= فريد من نوعـــه وهم طوروبه

وماطور صماماته أربـع وعشـرين= وبخاخ مصروفـــه يقنن شروبه

وتحضيرتين أمام وخلاف عكسـين= وستة عشر جنطـه على قد هـوبه

ومساعدات أربع وقـدام ياييــــن= ودفرنس وفريول يحرك كعــوبــه

وكوابح أي بي اس تعمل نظـاميـن= وبكل هـوبٍ للكوابــح انـــبوبه

وونشين سحب ويسحبن وزن طنـين= وهزاز يمنع بالصحـاري نشـــوبه

وحمولته بالكيلـو الفـين والفــين=على الشدايـد فيه عـزم وصلــوبه

من قوته يصبر على الزين والشـين= الطقس ماهمـه جلــيده وشـــوبه

متعدد الأغــراض للاتجــاهــين=مافيه عيب أقـــول ذا من عــيوبه

لاقفى مكوكٍ كل طقمــه مفاديــن=علم الكواكب والفضـــاء كلـفـوبه

ولا أقبل كما الجاكوار والا السقستين=في وقت غــارة والعدو ولعــوبه

ولا اعرض شهابٍ مرسلٍ للشـياطين=ضرب غلاف الجـو واحدث شــبوبه

منوة غريبٍ شف باله بعيـديـــن=الدرب لو طول بســـرعه يــلوبه

ما يمنعه لا رمل لا احجار لا طــين=غريب ما تمشي المواتــر دروبــه

وان قلت للسواق يالاخو من ويــن=يعطيك علم أرضٍ قفــر ما وطــوبه

ما هو زمالة عايــلات ووراعـيـن=ولا هو زمالة للعفـــون وجلــوبه

سلعة ثمينة للرجـال الثمــينيــن= راع الولع يشريه لو بـــاع ثــوبه

لو أملكه لو قيمته كلــها ديـــن=أهديه للي بالكـــــرم مجــدوبه

لو إن ما هو بحاجةٍ للمـعــاويـن=لا شك من قــدره لا أعنيه صــوبه

يستاهله سلطان نســل السـلاطين= شيخٍ رجال العــــرف تشرفــوبه

سلطان سلطان السخــاء للملفــين=سلطان سلطان السعـد لا اعـتـزوبه

له هيبةٍ تخلف عقول المـعاديـــن=وله سمعةٍ لأغلى المـعاني جـــذوبه

يمناه غيثٍ للضعــوف المساكــين=غيثٍ حقوقٍ ما تحــــرك هــبوبه

شهمٍ كريمٍ وافــيٍ للوفــيـــين=قدوة وكل الطيبيـــــن اقــتدوبه

محصنٍ بالساس والطيب تحصــين=مصيون عن درب الردى ما حكــوبه

يحمل شعار العز بأول وهـالحـيـن=من شجرة آل سعود رمـز العــروبه

شقران أبوه أللي على العسر واللـين=سمٍ جميــــع الشعب تفاخــروبه
شمر خواله ملحقــين المخلــين=يوم الحـرايب خصمهم ضيقـــوبه

سلطــان بن محمد ونعم المسـمين=ومرقاه ما كل النشامــــا رقــوبه

سلطـان ابو نايف سلالة كريمــين = حرٍ ما خيب هقـــوة الي هقــوبه

للمجد في حضرة سمـوه نياشــين=وللشعر في مدحه مـذاق وعـــذوبه

حافظ على تراث الرجال القديـمـين= لاحياه ينفق سيدي مـــن جــيوبه

للجيش شخصه مـن أشد المحــبين= من الأصايل كسبـه أغلى ركـــوبه

واسطبله الأزرق عــلم بالــميادين= ما قيل خيله بالسبـــاق مغـــلوبه

اعجاز بالانجاز حســب القــوانين= احرازه لست الجوايز اعجـــــوبه

اهذي طموحات الرجال الشريفــين=للـي سنـام العاليات اعتلــــوبه

والجيب سلع للرجال الثمينين=ولو هو معـي والله لا اعنيه صــوبه

وختامها يعيش نســل السـلاطين=سلطان سلطان السعـد لا اعــتزوبه

وصلـوا على محمد نبي الثقلـين=اللي هـداه المومنــين اهتـــدوبه
حمود بن نايف الهذيل

[صالح الضويحي]

حجز 1

حمود نايف

هذه القصيدة نبحث عنها00


لي عوده

[هزاع الساري]

لاندالكروز اللـي تعشقـه ملاييـن
قبـل يجـي للشـرق تباشـروبـه

من دولتـه جابـه وكيلـه بتأميـن
لدولـة آل سعـود ملفـاه دوبــه

أسعد نفوس الـي لرؤيـاه شفقيـن
وكـلٍ دعالـه بالجـزا والمثـوبـه


الله عليك يا حمود



صح لسانك يا بعدي


ولاهنت يا غالي على هالقصيدة الاكثر من رائعه

[مصلح النشمي]

.



الله عليك اخوي حمود نايف


ان قلت مبدع فلن اوفيك حقك

وان قلت رائع فلم ات بجديد


الا انني اصفق اعجابا لك ولقصيدتك ولوصفك الفائق الروعة


صح لساااانك مليوووون

ولاشلت يمينك


تحياتي لك

[تركي صالح]

يالعن ابوه الشاص الالفين واثنيـن
عـز الله إن المبدعيـن أبدعوبـه
تساعدوا في صنعه أطلق خبيريـن
باشـراف عالـم مبتـداه ابتدوبـه
برافسـورٍ مختـرع لـه براهيـن
فعله حصانه عن خطـاه ورسوبـه
حصل شهادة علم مع خبرة سنيـن
وله جايزة نوبـل زمـان محسوبـه
مـن عائلـه بالعلـم دايـم ملميـن
تالايخـهـم بالعـلـم توارثـوبـه
أبـوه يابانـي سياسـي قوانـيـن
في دولتـه يصـدر نظـام العقوبـه
والأم نـازيـة موالـيـد برلـيـن
وخوال خاله مـن مواريـث كوبـه
صحيح ناقص لأن ماهو على الدين
عالـم وعلمـه مـا يكفـر ذنوبـه
أما اختراعاته على الراس والعيـن
يشكر على أفكـاره ودقـة أسلوبـه
اصخر بصنع الجيب من قبل عامين
بالسـر حتـى دولتـه مـا دروبـه
لين انتجه وانتاجه أزين من الزيـن
رغـم اختـراع الغـرب تفاجؤبـه
من جودته له بالصحافـة عناويـن
بالسوق ربح كـل مـن تاجروبـه
رجـح موازيـنٍ وهبـط موازيـن
كل الـدول بالبورصـة ساهموبـه
نزل من الـدولار بالسعـر ثلثيـن
ودعم رصيد اليـن نوبـه ونوبـه
لاندالكروز اللـي تعشقـه ملاييـن
قبـل يجـي للشـرق تباشـروبـه
-----------

قصيدة لا تمل حتى لو ترددة عدة مرات

صح لسانك ياحمود

والله لايهينك على هذه القصيدة الرائعه

وتقبل فائق تحياتي ومودتي

[المسيكي]

صح لسانك يالغضوري


سمعتها دايم الدوم ،، وهالحين اتشرف بمروري هنا


صح لسانك وماقصرت يالقرم

[عبدالله الثابت]

استاذ الشعر حمود نايف الغضوري


صح لسانك


كم وكم تمنيت تواجدك ومتابعة جديدك الرائع


وانا من المتابعين وبشده والمعجبين بشاعريتك الشامخه


حمود نايف هذا الاسم يعني الشي الكبير بساحة الشعر


لقد تابعتك وبدقه في ميادين شعر المحاوره وكنت خير ممثل لنا


وتابعتك بشعر النظم ووجدتك مدرسه شعريه متكامله


والحمدلله اليوم في هذا المنتدى الشامخ وجدنا هذا الاسم الشامخ


قصيدة الجيب لشاعر حمود الجميع يعلم عن هذه القصيده



كم كانت هذه القصيده وكم حقت من اصداء وكم من شخص كتب هذه القصيده


وبروزها وجعلها في مفضلة القصايد الرائعه


حمود نايف ثق ثقه تامه انني مهما كتبت واشدت با لشاعر حمود نايف


اجد نفسي لاافيه حقه تعجز الكلمات والمقدمات عن حصر كل مااكنه في ضميري


عن الشاعر والمبدع والنجم اللامع حمود نايف


تاكد ان كل ماقلت من صميم القلب


تقبل تحياتي واعجابي ياابا نايف

[حمود نايف الهذيل]

اخواني / صالح الضويحي
هزاع الســـــــــــــــــياري
مصلح النشــــــــــــــــمي
العــــــــــــــــــــاســــف
المســــــــــــــــــــــيكي
عبـــــــــــــدالله الثـــــابت

اشكركم على مروركم واعتز بثقتكم لانكم شعرا ونقاد ومن ارقى المتذوقين للشعر

اعزائي مهما اقول تعجز كلماتي عن شكــــــــــــــــــــــــــــــــــــــــــــــــ ـــــركم

[محمد لطيف]

اهذي طموحات الرجـال الشريفيـن
للـي سنـام العاليـات اعتلـوبـه

والجيـب سلـع للرجـال الثمينيـن
ولو هو معي والله لا اعنيه صوبـه


الاخ الغالي حمود

صح لسانك

جزله من جزل


قصيده رائعه من رائع


سلسه

ومسليه لدرجة انك تقرئها مره ومرتين وثلاث بدون ملل

تصوير رائع لايستطيع ترجمته الا كبار الشعراء امثاللك

تسلم يابو نايف

وبالتوفيق

[بدر الحنيف]

حمووووووووووود الغصوري



ابداااع متناااهي

سلاسه بالاسلوووب

عمق في العنى

وصف دقيق

تمكن من المفرده

قيصده لا تشعرك بالملل كأن عيني تشتاق للبيت الي بعد البيت الي اقراااااه

الأخ: حمووود نايف

بأختصااااار شديد

""" قيصتك هذي تــــــــــــــــهـــــــّـــــــــــــــول العــــــــــقــــــــــــل """


سجل اعجابي بك



لك الشكر على هذا التألق والروعه





تحياتي

[مطلق النومسي]

أبو نايف

والله ثم والله ثم والله أن هالقصيدة هذة ما لها شبيه ولا حلي .. يا رجل ورب الكعبة إنها أعجوبه


صح لسانك ملايييييييييييييييين ... وانا شهادتي فيك مجروحة يا حمود

أنت أحد رايات عنزه اللي نتفاخر بها ... جزل وما تجيب إلا الجزل


يا شيخ والله ما ادري وش اكتب .. بس عزاي انك تدري بي وتدري بمحبتي لك واعجابي بك

اخوك

مطلق

[سلطان السويلم]

ابو نايف


صح لسااااانك وللمره المليون وهذه الرائعه من القصائد التي مهما تكررت على مسامعنا فأننا لا نملها

اختصر هنا لكي لا انقص هذه الرائعه حقها صح لسانك مره اخرى ولا هنت

تقبل تحياتي

[حمود نايف الهذيل]

الاخ /العزيز
ابوفهد
والله ثم والله ثم والله
انك جزل بافعالك واقوالك
اخي مطلق شهادتك اعتز بها لانك شاعر لك مكانتك في الساحه الشعريه وانا واحد من جماهيرك ولاتعتبر كلامي مجامله
فالحق يقال ................ اخي مرورك يهمني ويشرفني
تـــــــــــــــــــــــــــــــــــــــــــــحيــ ـــــــــــــــــــــــــــــاتي.................. ...............

[حمود نايف الهذيل]

الشيخ /سلطان السويلم 00
هلا وغـــــــــــــــــــــلا
انني اعتبر مرورك تاج
على راســــــــــــــــــــي
اشكرك جزيل الشكــــــر ،،،،،،،،،،،،،،،،،،،،،،،،،،،،،،

[حمود نايف الهذيل]

الاخ/
محمد لطيف
ياهلابك
مرورك لطف جو القصيده
تحياتي وتقديري يالغالي

[حمود نايف الهذيل]

الاخ/
بدر الحنيف
شكرا على مرورك
وكلامك الرائع

انت تقول القصيدة تهول العقل
وانا اقول كلامك يستفز المشاعر ويلامس الاحاسيس
والله انك جزل يابدر وترفع الراس ،،،،،،،،،،،،،،،،،

[مشعل الفدغوش]

الشاعر المبدع : حمود نايف الهذيل


صح الله لسانك وسلم بنانك ابيات رائعه وعذبه


تستحق الاعجاب والثناء


لم نرتوي من هذا الابداع


ولكن تاكد بانني سوف اعود لمعانقتها مجدداً


ننتظر جديد ابداعاتك


وتقبل كل احترام وتقدير

[حمود نايف الهذيل]

الاخ مشعل

صح بدنك

واشكرك كل الشكر على كلامك الجميل

اخي مشعل لك مني كل تقدير واحترام

[خليف بن موعد]

حمود نايف
اجدت لابداع والوصف
بشهادة الشعراء
صح لسانك مليوووووووووووون
وهذه ابيات من قصيدة الشاعر / نواف نهير العلوي الشمري
راكب اللــــــــي تو مالزقدي له حضــري 00 من طراز الجيب والشاص به لمسة خبير
الموديل الفيــــــن وأثنين وأربعة أشهري 00 واشهد أن المدح حقه وفي وصفه جديـــر
أمدحه بأعلان ماأخفيه بالصوت أجهري 00 أنشد العالم عنه مـــــــن صغير وكبيـــــر
بيج لون الجيب والخط لونه يبهــــــــري 00 لون أمانــــــي الحرب في منكب وزيــــر
ويامشـــــى بالقار مع غير لازم يظهري 00 مثل عــــــز الخيل باسطبل سلطان الكبير
والدبل حساس مشبوك به ماتشعـــــــري 00 يقطع النفد الغزيره كما شارع جريــــــــر
قال فيه حمود قولٍ بوصف يقفـــــــــري 00 قال فيه الغضوري شي في وصف خطيـر

[بندر المطرفي]

صح لسانك




والله لي فترة وانا ادور كمالة القصيدة لاني لي تقريبا حول السنة والنصف وانا اتسمع لها عن طريق الكاسيت




ووالله من اروع ما سمعت من الشعر



وساحاول جاهدا ان انزلها بالمنتدى صوتيا



دمت سالما



بندر

[محمد المقبل]

استاذ الشعر حمود نايف الهذيل


صح لسانك ..ويتشرف هذا المنتدى الشامخ بوجدك ايها الشامخ

قصيدة الجيب قصيده رائعه كان لها اصداء وكان الكل يتساءل عنها

حمود نايف شكراً لك على تواجدك هنا فلك مني جزيل الشكر والتقدير

[صالح الضويحي]

آباصفه كلـه مـن يسـار ويميـن
لو إن في وصفـه عليـه صعوبـه

بين كما ابو الهول مبنى الفراعيـن
كله حجـر مابـه حديـده وطوبـه

وبين المواتر سكبته تجلـي البيـن
سكبة زعيم ومحتفل فـي خطوبـه

واللون بيج وبويتـه مـن بلاتيـن
ضد الحرارة والهـواء والرطوبـه

وحمار خطه مثـل سيـل البراكيـن
والا حمار الشمـس حـزة غروبـه

وكبوته أنحف من حجم بديه شويـن
ورفارفـه متناسقـة مـع جنوبـه

ونظام دفـع الحركـة دفـع تربيـن
فريد مـن نوعـه وهـم طوروبـه

وماطور صماماته أربـع وعشريـن
وبخاخ مصروفـه يقنـن شروبـه

وتحضيرتين أمام وخلاف عكسيـن
وستة عشر جنطه على قـد هوبـه

ومساعـدات أربـع وقـدام ياييـن
ودفرنس وفريـول يحـرك كعوبـه

وكوابح أي بي اس تعمـل نظاميـن
وبكـل هـوبٍ للكوابـح انبـوبـه

وونشين سحب ويسحبن وزن طنين
وهزاز يمنـع بالصحـاري نشوبـه

وحمولته بالكيلـو الفيـن والفيـن
على الشدايد فيـه عـزم وصلوبـه

من قوته يصبر على الزين والشين
الطقـس ماهمـه جليـده وشوبـه

متعـدد الأغــراض للاتجاهـيـن
مافيه عيب أقـول ذا مـن عيوبـه

لاقفى مكـوكٍ كـل طقمـه مفاديـن
علـم الكواكـب والفضـاء كلفوبـه

ولا أقبل كما الجاكوار والا السقستين
في وقـت غـارة والعـدو ولعوبـه

ولا اعرض شهابٍ مرسلٍ للشياطين
ضرب غلاف الجو واحدث شبوبـه

منوة غريبٍ شـف بالـه بعيديـن
الدرب لـو طـول بسرعـه يلوبـه

ما يمنعه لا رمل لا احجار لا طيـن
غريب ما تمشـي المواتـر دروبـه

وان قلت للسواق يالاخو من ويـن
يعطيك علم أرضٍ قفر مـا وطوبـه

ما هو زمالـة عايـلات ووراعيـن
ولا هـو زمالـة للعفـون وجلوبـه

سلعـة ثمينـة للرجـال الثمينيـن
راع الولع يشريه لـو بـاع ثوبـه

وعوده لـ " حمود نايف " وقصيدةٍ لاتنسى

سمعتها مباشرة من شاعرها وعبر التسجيلات وكذلك من بعض الرواة الذين حفظوا هذه القصيدة

ولازلت اتشوّق اليها ولسماعها0

قصيدة وصف لاتُمل ابدٍ 00

كثيرة القصائد التي تطرّقت للوصف وابدعوا شعراؤها

ولكن هذه القصيدة اختلفت كلياً بدقة وصفها وسهولتها وشموليتها للوصف00

قدرة شاعرية لاتضاهى 00

لا ادري هل حمود نايف ملك هذه السلعة التي اتقن وصفها أو انه مجهر الشاعر المتمكن الذي يستطيع التقاط الصور والتنبؤ والرصد المتقن00

لا ادري ؟

ولكن الشي الاكيد انه ابداع لايجارى00

صح لساااااااااااااانك يابو نايف ودام تواصلك الذي يشرفنا ونسعد به00

احترامي وتقديري

[كامل الخدلي]

صح لسانك ودمت

[حمود نايف الهذيل]

الاخوان /
خليف بن موعد

بندر المطرفي

محمد المقبل

صالح الضويحي

كامل الفدعاني


اشكركم على مروركم الكريم

تحياتي وتقديري لكم

ودمتم بخير ....