مهرة السناعيس
25/06/10, (02:01 PM)
هذه القصيدة كتبها الشاعر حمود جلوي العنزي يهجو شعراء أحد المقاهي
في الكويت وموجهة إلى الشاعر ثامر شبيب الرشيدي ..
وقفة عتاب وشرهة ملوك لملوك
وجبال لا صار اللعب حيل حامي
مانرقص العرضه على نغمة الروك
ولا نرمي الاهداف من غير رامي
ونشلع على حد السمى شلعة (الهوك)
نكسر شموخ الغيم ويطيح دامي
والقمة اللي تجمع الورد والشوك
ماكل عصامي لاوصلها عصامي
يابو شبيب اسمع كلامي وانا اخوك
وخل الكلام الي يجنب كلامي
ماهو لسواد عيونك ان كان حبوك
شوف (المرامي) وانت تعرف مرامي
أشوفهم صوبي على الضيق حدوك
هم مادروا بالضيق إنك حزامي؟
وإنك عضيدي لا طغى كل مملوك
وإن احترامك بالحياه إحترامي
رح قلهم ان كان فيني تحدوك
إن الأسامي ماتجيب الأسامي
وإن كانهم في وجه الأيام حطوك
ماصدرت مني قراح الظوامي
رحلة شقى والدرب مفروش بالشوك
والليل مايشبه ظلامه ظلامي
تخصصي ألعب على كل صعلوك
سامي..ولو كان الهدف غير سامي
واللي يعزم الكايد ويرخي البوك
شيصير يعني لو ذبح كم شامي
والجادل اللي بالشعر تعطي صكوك
راحت عليها ولا تثير اهتمامي
خلهم علي وافتح لي الدرب ارجوك
وبلغ لي (المقهى الجنوبي) سلامي
أخوان.. لكن بالصحافه إذا جوك
طلع عمامك عن سوالف عمامي
رح قلهم والبيت مملي ومسبوك
ولىّ زمن جاسم وفيصل وسامي
ولا عاد غير ديوك وتناطح ديوك
بس الصور من عقب ذيك الأسامي
وكانه مخططهم متوبك ومحبوك
عمر (الحرامي) مايبوق (الحرامي)
القصد واضح والهدف صار مشروك
والضرب بين الأثنين واللعب حامي
إما افوز وقالت الناس.. مبروك
وإلا وغلاتك ماتشوف انهزامي
والقصيدة موجود على اليوتيوب بصوت الشاعر حمود جلوي
http://www.youtube.com/watch?v=kC6TdyJXjlI
في الكويت وموجهة إلى الشاعر ثامر شبيب الرشيدي ..
وقفة عتاب وشرهة ملوك لملوك
وجبال لا صار اللعب حيل حامي
مانرقص العرضه على نغمة الروك
ولا نرمي الاهداف من غير رامي
ونشلع على حد السمى شلعة (الهوك)
نكسر شموخ الغيم ويطيح دامي
والقمة اللي تجمع الورد والشوك
ماكل عصامي لاوصلها عصامي
يابو شبيب اسمع كلامي وانا اخوك
وخل الكلام الي يجنب كلامي
ماهو لسواد عيونك ان كان حبوك
شوف (المرامي) وانت تعرف مرامي
أشوفهم صوبي على الضيق حدوك
هم مادروا بالضيق إنك حزامي؟
وإنك عضيدي لا طغى كل مملوك
وإن احترامك بالحياه إحترامي
رح قلهم ان كان فيني تحدوك
إن الأسامي ماتجيب الأسامي
وإن كانهم في وجه الأيام حطوك
ماصدرت مني قراح الظوامي
رحلة شقى والدرب مفروش بالشوك
والليل مايشبه ظلامه ظلامي
تخصصي ألعب على كل صعلوك
سامي..ولو كان الهدف غير سامي
واللي يعزم الكايد ويرخي البوك
شيصير يعني لو ذبح كم شامي
والجادل اللي بالشعر تعطي صكوك
راحت عليها ولا تثير اهتمامي
خلهم علي وافتح لي الدرب ارجوك
وبلغ لي (المقهى الجنوبي) سلامي
أخوان.. لكن بالصحافه إذا جوك
طلع عمامك عن سوالف عمامي
رح قلهم والبيت مملي ومسبوك
ولىّ زمن جاسم وفيصل وسامي
ولا عاد غير ديوك وتناطح ديوك
بس الصور من عقب ذيك الأسامي
وكانه مخططهم متوبك ومحبوك
عمر (الحرامي) مايبوق (الحرامي)
القصد واضح والهدف صار مشروك
والضرب بين الأثنين واللعب حامي
إما افوز وقالت الناس.. مبروك
وإلا وغلاتك ماتشوف انهزامي
والقصيدة موجود على اليوتيوب بصوت الشاعر حمود جلوي
http://www.youtube.com/watch?v=kC6TdyJXjlI