لكي لا تؤخذ الفدعان بجريرة صالح

[بدر الحنيف]

أسعد الله اوقاتكم بالخير

في البداية أود أن أرفع إليكم هذه الشكوى لكي لا يلحقني ملام بعدها
أعزائي حضور هذا المنتدى الشامخ سوف أحكي إليكم الموضوع ’’ من طق طق إلى السلام عليكم " علني أجد التأييد من كل عين تميز النور من الظلام ... أخواني أتصل علي أخي وحبيب قلبي الشاعر : مزيد المزيد يعزمني على طلايع ( تمايم ) بنته (مها) وأثناء المكالمة طلبت من مزيد الزواج من بنته وقال لي بالحرف الواحد ُُُُ ُ عزالله جتك ُ ُ أنت نسبك يشرف وجاوبته أنت الشرف يا بو راكان وأنا من زود حبي لك طلبت النسب , كانت هذه المكالمة يوم الاحد الماضي تقريبا وتواعدنا على المناسبة بالرياض يوم الخميس وحضرت المناسبة من الساعه السابعه المغرب على شان يعجب فيني الرجال اكثر ونخوض ِِفي موضوعنا ِِِِِِِِِِِِِِِبدري وفجئت بمزيد المزيد ماهو صاحبي الاول
تقصيت عن الموضوع ووجدت أن هناك ( فدعاني ) يدعى صالح يحاول الاصطياد بالماء العكر , فطلبت رقم جواله واتصلت عليه ووجدت ان اسمة مخزن في جوالي , تمعنت في الاسم والرقم الا به صالح راعي الجبيل فقلت ُبنفسي حلو أعرفه لو اني ما امون عليه أبسوق عليه الخوله لان خوالي الفدعان عشان يبتعد عن دعواه فكلمته وبعد السلام الطويل والمراحب الشفافه ويخالي ويخالي طلع هذا الفدعاني متغطرس ما يشوف من القاع قطعه .
يمكن لأن معه شوي" دراهم" ما ينتكلم معه , المهم .اللي زاد الطين بله يوم قال ماياخذ السبيعي بنت يبيها فدعاني ما تدري ان الفدعان ( بواجه الدار ) هنا عاد أخربت معي قلت ليه ما تدري أن السبعه (جمع دلاق) انتبة لا توخذ الفدعان بجريرتك قال طيب والمطلوب :
قلت لة مها جنب عنها قال ماني مجنب وانا وانت وهذاك مزيد وانتهت المكالمه على هذا ..
لذا ها انا على الملأ اوجه الرساله الثانية للفدعاني صالح ( الخال ) لعله يهتدي ويعود إلى رشده
ويبتعد عن طريق ليس له به حظ ولا نصيب ولعل هذه المناوره تحقن دماء أبناء العمومه قبل ان نشن الغارات ..!



جنب مها يالخال وتعوذ ابليس = الروس شوّشها السطر والطناخي

دام المساحه خاضعه للتضاريس = مزيد عطاني والعطا كان صاخي

لا تصبح بدربي مثل لقطه أغليس =جنب تضاريسي وجنب مناخي

ولا تقعد الفتنه بوجه المناحيس =قبل القطاعه مد جسر التآخي

وش محرقً رزك وليلى مع قيس =مالك سنع بين الحزم والتراخي

لو تربط بيدّك ورجلك لواليس =مالك ولا حبه من الكيس ياخي

لا تكّبر الشرهه وتضوي فوانيس =البعج مالك عنه عقب انتفاخي

شفني سبيعي ما اتتقا المتاريس =ما خفت فدعاني من المال شاخي

فأن كنت صامل ما انته بلاعن ابليس =يمكن يجز الخال سيف البناخي

الدررررررب شاااااااااااااااااااام وهذه مجرد مناوره قبل شن الغارات الجويه

[المسيكي]

جنب مها يالخـال وتعـوذ ابليـس
الروس شوّشها السطـر والطناخـي

دام المساحه خاضعـه للتضاريـس
مزيد عطاني والعطا كـان صاخـي

لا تصبح بدربي مثل لقطه أغليـس
جنب تضاريسـي وجنـب مناخـي

ولا تقعد الفتنـه بوجـه المناحيـس
قبل القطاعـه مـد جسـر التآخـي

وش محرقً رزك وليلى مـع قيـس
مالك سنع بيـن الحـزم والتراخـي

لو تربط بيـدّك ورجلـك لواليـس
مالك ولا حبه مـن الكيـس ياخـي

لا تكّبر الشرهه وتضـوي فوانيـس
البعج مالك عنـه عقـب انتفاخـي

شفني سبيعي ما اتتقـا المتاريـس
ما خفت فدعاني من المـال شاخـي

فأن كنت صامل ما انته بلاعن ابليس
يمكن يجز الخـال سيـف البناخـي



يشرفني مصاحفة هالابداع ،،


قبل الجميع


بدر حنيف

صح لسانك ،،

انشهد ماقصرت

ماحد يعودك ،،

[عبدالله الثابت]

اخوي بدر الموضوع خطير جدا


والمتهم بري حتى تثبت ادانته


واذا ثبت ذلك على صالح الفدعاني


فلكل حادث حديث


انا انتظر وش يقول صالح

[أحمد السبيعي]

شفني سبيعي ما اتتقـا المتاريـس
ما خفت فدعاني من المـال شاخـي




انا بالنيابه عن القمصه مجهز معي 3 بيارق :)


وخوالك هذولا هم الي بدوها :)





عموما صح لسانك اخوي بدر ومناوره موفقه



بأنتظار بيارق الفدعان


بس لا تخاف مهم واجد مثل اول ((الحين فيه حدود وحكومات )) :)




تحـــــــــــــياتي للفدعان:)

[صالح العرجان]

السلام عليكم ورحمه الله وبركاته

اما بعد.

بدر غثيث (( البناخي )) عمر الطهبله والجعجعه ما جابت للرجل حق كثر الحكي وزوده ما هو الا ضياع.

بنود تساوي ردود.

1-خصيمك من الفدعان صالح الفدعاني والا الفدعان ما دريوبك يا محبوبي.

2-السبعه مفكرين وكتاب واعضاء الرجاء التروي في الردود يمكن يطلع ولدكم مخطي ويجرجكم لمتاهات

3-لاحظ ان الاعضاء الفدعانيون لم يردو على هجومك الغير مبرر حتى يشوفون رد بناخيهم اللي هو انا

4-الظاهر انك من متابعين فلم الزير السالم ومتاثر باحداثه واجد رغم منافاتها للحقيقه.

5-ما سمعنا بين اهلنا ان به بناخي يبي حلق خاله ولو ادركت ان (( الولد لو طاب طيبه من خواله )) لما شطحت بعيدا

6-وصفتني بالغطرسه ((حجه مزعومه )) لكي تجمع الناس من حولك خالفت الواقع بادلا الحقائق.

7-المال ما يشيخ العفون (( يا مفتح )) لان العفن اغلى شي عليه ماله فمن وين يشيخ الا عند ناس....؟؟

بدر الحنيف (( البناخي )) المكالمه التي دارت بيني وبينك هي كاالاتي انك طلبت مني اني ابعد عن مها بنت مزيد

فلم تجد مني الا اصرار وتمسك اكبر ولكن ليس كما قلت بان الفدعاني اذا بغى شي ما ياخذه السبيعي وشو اللي

يحدني على هاالكلام وانا يميني ضافه طيب وشجاعه ولا هو قصورا بربعي ولمعلومك يومنك ما حشمت خالك

انا حشمت بنيخي مع السبعه (( جمع دلاق )) الابه اللي ترهب الموت نفسه.

قلتلك حرفيا بالمكالمه البنت لي بخشم الريال وطيب الفعول وانا ولد العود وهذاك ابو البنت اسالوه وش قلت

انا له والشمس ما تغطا بغربال يا حضره البناخي.

(( مزيد المزيد اجدد عرضي امام اعضاء منتديات ويلان مصاريف مها من اليوم الين تكبر علي شفني فاتح لها حساب كل اخر شهر تسحب مصروفها منه ولا هو قصورا بك خيرك سابق يا للي تعرف قيمه الخوله وتحشمها))

وش رايكم يا لابتي ((بواجه الديار )) عساني ما اخطيت بحقكم وانتم يالقرابه ((جمع دلاق )) مالكم مني الا

بياض الوجه.

(( الميدان يا حميدان )).

[مزيد المزيد]

مصاريف مها من اليوم الين تكبر علي شفني فاتح لها حساب كل اخر شهر تسحب مصروفها منه

عرض مغري جدا" مال ورجال ..


<<<<<<< بانتظار رد الاخ بدر

[مصلح النشمي]

.


صح لسانك بدر


ومليووون نعم بالفدعان والسبعة بس لو تطلعونهم من الموضوع وتخلون الموضوع شخصي بينكم تراه احسن:)


ادام الله المحبه

ولكما حبي


تحياتي

[صالح العرجان]

مزيد المزيد

لي الشرف اني اناسبك واتشرف بنسبتك لاجل كذا مستعد للي تبيه من جاه ومال

والله ان يمشي لها من رووس عنزه شيوخها وتامر وتطلب اللي هي تبي

تنويه.

(( عساها استانست بالملاهي امس انتبهوا عليها لا تطيح ))

((دونها راجل يرفع ذكرها مستواها)) (( الرجل من دون حقه ما اشجعه )).

[بدر الحنيف]

المسيكي

بلا مقدمات ولا ديباجه كلام .


انت بالذات اكرب احزامك


لأن مايطلب من الغير عليك مضاعف




اخووووك بدر بن غثيث الحنيف المسيكي

[بدر الحنيف]

أحمد السبيعي


أمر طبيعي ما ادليت به

ولا يوجد جديد


من الواجب عليك أن تحتضن دعواااااااااااااااي


ومن الواجب علي ان احتضنك شموخا وكبرياء


( دمت ودامت القمصه)



اخووووك بدر بن غثيث الحنيف المسيكي

[بدر الحنيف]

الردالواضح للانقلاب الكاسح
الفدعاني صالح انا لا اهطبل وانت تدرك تمام الادراك بأن ما قلته ليس بهطبله ولا جعجه ، انا نقلت الصوره الى المنتدى كما هي (وانت سيد العارفين )
عزيزي لا تعتقد ان الهروب الى المثاليه والتظاهر بالعقلانيه سوف ينجيك من جريرتك ، انا يكفيني ما قلته الأن لانه على شبه النقيض لما قلته بالبدايه وهذا انا أعتبره انتصارا لي ،

* تتعقيب على الردود كما ذكر

1- أنا لم اجعل الفدعان خصما لي يوما من الايام وما صدر مني ما هو ألا ردت فعل على ما تفوهت به انت( اعجبتني بهذه الفقره كلمة يا محبوبي لأن كل طاغيه يحب خناقه )

2- أنت لم تأتي بجديد لان هذا واقع ، اما اسلوب الاستجداء هذا يثبت بأنك قلت شيء وخائف من ردة فعله ثم أي متاهات تتكلم عنها .

3-أنت تحاول أن " تنخا " الفدعانيون كما ذكرت طريقه غير مباشره لأنك فاقد للامان تعي حجم جريتك

4- مسلسل الزير سالم لا تحمل احداثه سوى صفات العربي الأصيل وأنا امتلكها قبل أن يعرض المسلسل فما أنا الا امتداد الى تلك المرحله

5- ((الولد وان طاب طيبه من خواله )) ليس على كل حال فكم من بناخي طيب وخوال عفون والعكس ، ثم ما تستشهد به ليس نص قرأني ولا حديث قدسي ولا حديث شريف لذا لا يعتد به

6- انا قلت ما سمعت وما لاحظت

7-لا تعليق




نصيحه اخيره
لا تفكر بأن التقلب من اتجاه الى اتجاه معاكس ذكاء وانتصار بل هو هزيمة نكراء


(((( مزيد المزيد أنا لن ادفع لك ريالا واحدا قبل الملكه ، وذلك كي تشعر البنت بفضلك عليها وأنتمائها لك ولسد جميع الذرائع التي هين البنت وتصغرها مستقبلا لأن ابنة الكريم لا تجازى ألا بالكرم


والله ولي التوفيق

بدر الحنيف المسيكي

[محمد الدلماني]

ومليووون نعم بالفدعان والسبعة بس لو تطلعونهم من الموضوع وتخلون الموضوع شخصي بينكم تراه احسن:)


ادام الله المحبه...

والاخ صالح رجل عزيز ولم نجد منه اي محاوله للاصطياد في الماء العكر ابدا من خلال متابعتي له


وبالنهايه الموضوع راجع لأبو مها

[موسى المشعان]

قبل البدايه

الموضوع بيني وبين صالح وبدر ورجاء من الفدعان والسبعه عدم التدخل لاني اكبركم سن وانا قاضيها وحلالها

بدر غثيث

تحذير شديد اللهجه يابدر جنب مها وانا امون على ابوهاااااا

واقولك ترا مالك مره عندنا وصالح يحق له يحيرها لانه اقرب لها منك والمثل يقول اخوك من ابوك من القوم ليارافقوك واخوك من امك مثل الثوب لياضمك

ومثلك يعرف المعنى واقضب العلم زين وهذي بيتين عربون على الحساب ياما يجيك الباقي
وتراها شايطه وجنب عن فم الطوب واعوانك لياجو علاجهم عندي


يابدر مانعطيك حلو التواصيف = لاشك دور يالسنافي بدلها

الجعفريه دونها ينحني السيف = بجبينها مكتوب صالح رجلها

فمااان الله

[صالح العرجان]

مساء الخير

الظاهر اني لازم احط النقط فوق الحروف لكي تعرف منهو قبيلك.

لست انا من يستجدي بل انا من ينخى ويرفع الصوت عوده اولاد سيف الروم بواجه الدار ربعي الفدعان

اليوم يومك يا عزوتي لا يتخلف احد منكم ولد عمكم يبي بنت الجعفري مزيد المزيد وحايلن من دونها هاالسبيعي بدر غثيث

ربعي ولد وضنى ماجد يا اهل الفعول المجيده يا اهل الرده صالح ينخاكم يا ملايكه الموت.

بدر المسيكي شد حزامك ما هي عواديدنا ناخذ الرجل بغته على وضح النقا وكلن يشوف مها لي من قدام خشمك وعينك تشوف

ان قاله الله انك لاتجرجر اذايل الهزيمه وتنكس على اعقابك خايب مالك من امرك حيله سوى التوجد.

لابتي ظهورهن يا النشامى.

[المسيكي]

البناخي بدر حنيف


ابشر بسعدك ،،،،،،،،،،


مسكا مايعطون حق ٍ لطلاب=تشهد لهم بالطيب عصم الاشناب
مقيبل ونوابغه ريف الاصحاب=ونعم ٍ ليا عدّوا مسيب وعلطان
وانا ابناخيك حنا ماعطينا الحق لاحد ،، ولاحدن يغدي بحقنا مبطي وهالحين

حق والا عق ،،،


كلهن سوا ماتفرق

[صالح العرجان]

عز يا ابو وضاح

(( ان اشهد انك ريف الدخيل ليحتمى بك ))

ذخر يا ابن عمي عسى ذكرك ليا حل على المعادي يكسره

لا خلا ولا عدم.

[المسيكي]

.......

...............................



يابدر شفك تاصله مابها زيف=وخل الناس الباقية في زعلها
خصمك يعود وكل ربعه مناكيف=ماتنفعه المحبله لو حبلها

[سالم الجهبل]

مهــــــــــــــــــــــــــــلا



يا معشـــــــــــــــــــر القــــــــــــــــــــــــــــــــــــــوم


مها ترى من لابة (ن) كلهم خير ----- ماهي سبب فتنه ولاهي سبب شر


الاخ / مزيد المزيد يتصرف في زواج بنت صغيره سنكتب لحقوق الانسان


الاخ / بدر الحنيف سبب حرج لمزيد لان مزيد رجل كريم وعندما طلبه اعطاه

الاخ / صالح الفدعاني ينافس بدر منافسه شريفه والكل منهم عنيد

الاخ / موسى المشعان اخي ورفيق دربي

كنت اتمنى ان يكون حكما عادل لكن ابووضاح كعادته ليانخيته جاك كله


تنـــــــــــــــــــــــــــبــــــــــــــــــــ ــــــيه هــــــــــــــــــــــــــــــــا م


الاخوه الكرام المشاركين باالموضوع

ارجو ان لاتتسع الدائره وتبقى فقط على بدر الحنيف وصالح الفدعاني فقط دون المساس باالقبيله او الافخاذ

[بدر الحنيف]

ابو وضاااااااااااااااااااح

بأختصار شديد
انت اخ اكبر وخال يقتدى به وخابرك ما تعطي ألا الحق ، ارجوك ان تبقى كما عهدناك لأنك تدرك ما نكنه الك من احترام ومكانه عزيزه فلا تحاول ان تلوي أذرعتنا بمكانتك وحبنا لك
ابو وضاح الاخ الاكبر
(( لم افهم ما تقصده بالظبط ولكن الي افهمه عنك بالسابق انك " حقاني " )) لماذا تغير نهجك وطريقك الان .؟؟؟؟؟
فهل هذا لا بالفعل "" دخن كتفك "" ولا.. "" لأني كبيركم اكسر مواعينكم """
ارجو ان تبرر لي هذا التساؤل ؟؟
اما تنصفني الحق ولا انك مع القوم
تحذير ::
(( ما دون الحلق الا اليدين ))





اسمع يا ابو وضاح من دون تكليف = زلاتك الي تندمح نحتملها
ماهي على الكّبره وبيض التصاريف = روحي على أي اساس تقطع أملها
اشره عليك مشاره أهل المعاريف = لا شفت نفس الحق تعلن أجلها
لكني أزعل وأحتمي للمواقيف = لا شفت نفسك زاد فيها خـلـلها
صحيح أعزك بس ما هي على الكيف = لا كبّرت القاله تعوّد لهــــــلها
ماني وأنا بدر المسيكي بن حنيف = اقضب خليه ما تذّوق عسلها
والله ولي التوفيق
بدر بن غثيث الحنيف

[هزاع الساري]

مساء الخير

الظاهر اني لازم احط النقط فوق الحروف لكي تعرف منهو قبيلك.

لست انا من يستجدي بل انا من ينخى ويرفع الصوت عوده اولاد سيف الروم بواجه الدار ربعي الفدعان

اليوم يومك يا عزوتي لا يتخلف احد منكم ولد عمكم يبي بنت الجعفري مزيد المزيد وحايلن من دونها هاالسبيعي بدر غثيث

ربعي ولد وضنى ماجد يا اهل الفعول المجيده يا اهل الرده صالح ينخاكم يا ملايكه الموت.

بدر المسيكي شد حزامك ما هي عواديدنا ناخذ الرجل بغته على وضح النقا وكلن يشوف مها لي من قدام خشمك وعينك تشوف

ان قاله الله انك لاتجرجر اذايل الهزيمه وتنكس على اعقابك خايب مالك من امرك حيله سوى التوجد.

لابتي ظهورهن يا النشامى.




ارخبوووووووووي


ابشر بعزك يا صالح



بأسمي وبانيابه عن السيافا


ترانا معك قلباً وقالباً

وفي خندق واحد




وبدر ماله مره عندنا


مثل ما قال عقيد الفدعان



ابو وضاح



صالح انت بس خل ابو وضاح يعطينا الامر بالهجوم


اول ما اغير على احمد السبيعي واخلص لكم عليه ( اقرب واحد لي )

والبقية تأتي


بس خل ابو وضاح يعطينا الامر بالتحرك وتشوف الهوايل من فعايل بواجه الدار





نبي صدور شماليييه يا الويلان

[بدر الحنيف]

مزيد المزيد
مزيد المزيد



صالح الفدعاني


ابتدا الحداء .................................................. ...........
اليكم نصه





ياويلهم يا ويلهم = والكايده حنا لها
عرفا وشاشو وانتخو = ياوقت قم سجلها
الهيلكبتر أقلعت = تحمل غضب في حجلها
ترمي قذايف ناسفه = ودريارهم نحتلها
ياويلهم من عندنا = كله لعنيك يا مها

[أحمد السبيعي]

يذكر الله نستعين (( بسم الله))


اولا : من كتااب ((الاقتراح للرد على ابو وضاح))

في الصفحه 230 تحت الصفر رد على ما ذكرته بأنك تعدل وتحكم بين المذكوره اسمائهم
وهم بدر الحنيف وصالح الفدعاني
ثم اخذت تباغت المدعو بدر بالتهديد والوعيد لذلك انطبق عليك البيت القائل
(( يا أعدل الناس الا في معاملتي ...//.. فيك الخصام وانت الخصم والحكم))
لذلك تقرر تعيين قاضي اخر يا بن عجلان :)



ثانيا : من كتاب ..(( الرد على هزاع الساري .. الانتحاري))


ذكرت في مجمل حديثك انك سوف تغير(( اي تغزوا )) على المدعو احمد السبيعي لذلك وجب التوضيح

جاء رد السيد احمد السبيعي كما يلي (( اخي الحبيب الي مابك عذاريب....المشكله ان وراك مستقبل وتدرس بالجامعه .. وانا ما احب اضيع مستقبل مير جنب عن طريقي لا اخلي ابوك يبكي على قبرك مثل ما سوى جدك سالم الزير ... مير طالع لمستقبلك وخل عنك الفدعان واذا تخرجت محامي بامكانك تدافع عنهم )) مير الحين الله يرضالي عليك رح ذاكر احسن لك , تراك غالي:)




ويستمر التأييد

والفوج جاي من الشمال:)

[مزيد المزيد]

هههههههههههههههههههههههههههههههههههههههههههههههه


<<<<<<<<<<< مازال يلتزم الصمت





هزااااااااااااااااع



انا رايي من راي احمد لك يعني ترا الدراااسه اهم وبعدين عشان ماتخسر روحة الشام بعد كم اسبوع على الفااااااضي

دمتم بكل حب ونقااااااء كما انتم

[هزاع الساري]

ههههههههههههههههههه




احمد يا قلبي والله يا ابو خليل

ترى الدراسة خلصت مبطي والحين اجازة يا بعد فرتي


خلني احوفك بهالنت لين ربك يفرجها

[هزاع الساري]

افاااااااا والله حتى انت يا النسيب

<<<<<<<<<<<<<<<<<<<< غصب والا طيب مافيه فكه ماخذين مها


والفدعان روسهم ناشفه

[هزاع الساري]

بالرغم من ان العقيد الركن المتقاعد وقائد القوات الفدعانية المسلحة والمدججه بالقنابل الناسفة

لم يصدر اوامر اطلاق النار


ولكن نظراً لان ابناء عمومتنا قد شنو هجوماً غاشماً ضدنا


يحق لنا وفقاً لقرار الامم المتحدة رقم 21485655 لسنه 1755قبل الميلاد الخاص بحق الدفاع الشرعي ضد الاعداء


ان نقوم برد هذا الهجوم الغاشم والذي قام به بدر الحنيف وسيكون الرد فقط للدفاع وصد هجوم الاعداء


وان شاء الله بس يأمر القائد ابو وضاح بالهجوم تشوفون الهوايل من ابطال الفدعان...




والله وبروح النبي &&& لا ولعت حنا لها


فدعان بوقات اللزوم &&& حدب السيوف نسلها


ديارنا بدري عليك &&&&يا صويحبي تحتلها


قبلك عجز ذيب الفلاه &&&& يا الوايلي يقربلها



وعروسنا بنت الاصول &&&& صالح فقط يرهملها

[محمد الدلماني]

ابو مها مزيد الله يعينك على هيك خطااب من اولها رمي ومدافع :eek:

بعد الملكه شراح يسوون

انا اقول يجرى اختبار من والد مها للطرفين وبعدها يقرر :rolleyes:


هزاع وانا كمان نصيحتي لك مثل احمد وراك مستقبل والحياه مش بعزاه :)

[هزاع الساري]

هلابك ابو مشعل




ولعيون صالح الفدعاني

يهووون المستقبل

[فهد الخدلي الفدعاني]

انا بالنيابه عن الروم وعن ضنى ماجد الروم ياهلي وانا والرووووووم معك قلباً وقالباً ياصالح

ابو وضاح اكرب احزامك وهزاع وصالح تستهلوان الخدليه اصيله


وكم قال ابو وضاح تحذير شديد اللهجه يابدر جنب مها

وهذا الميدان يا حميدان


يابدر مانعطيك حلو التواصيف
.................لاشك دور يالسنافـي بدلهـا

الجعفريه دونها ينحني السيف
.............بجبينها مكتوب صالح رجلها


العقيد الركن المتقاعد وقائد القوات الفدعانية المسلحة والمدججه بالقنابل الناسفة صح لسانك ولاهنت ياذيب

ولــــــــــــــــــــــــــي عــــــــــــــــــــــــــــواده

خصوصاً وأن الموضوع يستحق العودة

[القماصي]

اهلين

هزااع استلم

هزاع قلي وش تبي ** هرجك ترا يزين لها
بالعلم عرفا تهتدي ** وتفتخر لك باصلهـــا
ونسل سيف يابعدي ** ابن الوليد ماسلهـــا
عكف الشوارب ياولي ** ملعون من مافلها
في هالمواقف نعتلي ** وسرج المهورنشلها

القماااصي

[هزاع الساري]

هزاع الساري, سالم الجهبل, مطلق النومسي, القماصي, أحمد السبيعي, عادل عبدالرحمن


ابو فهد موجود يا روحي


شكل الجعفرية راحت على الفدعان والسبعه

[فهد الخدلي الفدعاني]

لاياشيخ موجوده الجعفرية دام صالح موجود

[أحمد السبيعي]

قصف مركز


مو مثلكم قصف عشوائي :)







بالسيف الأملح يا خوي= من شيخكـــم ناخذ مها
ورجلك ليا منها قربت = اقســم تـــرانا نشـــلها
مير اقعد بدار النظيم= ولا تـــــــــــرا نحـــتلها
جاك الخبر والي عقد=روس الحبال يحلهــــا

[ذيب]

ليس لنا لاناقه ولا جمل (( وش عنده بن عبااد ))


بس نصيحة .. إذا جو سبعة الشماال أخذوهااا :cool: (( بدون تحديد من وين ))




أتصلو بفدعاان الحفر يقطعون الإمدادات ..

[هزاع الساري]

القــماصي


انت مقدر ارد عليك هالحين

لانك خطير يبيلك واحد مصحصح وانا يا الله اشوف الكيبورد










احمد السبيعي منين الله جابك

تعال جاي




مادام موسى ما حضر //// انا لهــــا انا لـــهــا

هزاع بالسيف الحــدب//// يكحف جيوشك كلها

ركز معي يا مسندي //// احــوالكم يرثا لها

عمر الاسود الضاريه //// ما تلتفت لشبالها

وعمر الهوا يا صاحبي //// ماهز يوم جبالها




تصبحون على خير

[مـلاك]

<<<<<<< قـــــلـــبــهــا عــلــى مـــهـــــاhttp://smileys.smileycentral.com/cat/4/4_9_3.gif

الله يحــفــظـــهـــا لأهــــلـــــها

[هزاع الساري]

هلا والله بذيبي



حياك الله يا قلبي



يا ابن عباد


الاوامر صدرت من القائد العام للقوات الفدعانية المسلحة والمدججه بالاسلحة ( بالنيابه ) اللي هو انا


و ارسلنا فيلق كامل للقضاء على فلول السبعة القادمه من الشمال والفيلق بقيادة العميد فدعاني نت

[القماصي]

اهلين

اخووي هزاع اتمنى انك تتحملني

والله يابن آخي ردي هذا عليك من غلاتك عندي غالي ولك قدر وحشيمه.

بس خلينا نشوف وش اخر هالمحاوره

احوالنا واحوالكم ** ياصاحبي من مثلها
هزاع والله والنعم ** انته لها انته لها
لكن مع ربعي انا ** نقطه ترا في بحرها
العلم جالك وانتبه ** خل العلوم بكبرها
الحر ياخذ بالهدد ** والا الحمامه بعشها


القماااصـــي

[مصلح النشمي]

.

المتواجدون بالموضوع

صالح الفدعاني, هزاع الساري, القماصي, المسيكي

يعني 2 /2 :)


استمروا على هالمنوال ترانا متابعين وعسى الله يديم المحبه:)

[صالح العرجان]

هزاع يا جدي

انت واحد ومتسفي لك عرب تحوفهم لحالك ولاهي كثيره عليك

ما يدرون ان الفدعاني لا ارتكى لكايدات الامور يحل انشابها وشلون عاد لا صارت القاله على ابن عمه

اسمع وش يقول السبيعي امدادات السبعه من الشمال يا كبر قلبه هو هاقي انه يصمد لياما تجيه الفزعه

اسمعوا يا السبعه يمكن انكم غافلين (( نرخص ارواحنا من دونا بعضنا ياالفدعان )) وش حال عاد المستقبل اللي انتم خايفين عليه

اقضبوا قاعكم والعنوا الشيطان مالكم من بنت مزيد الا ذكرها مدام راسي حي ويشم الهوى تدرون ليه لان لابتي الفدعان (( بواجه الديار ))

كثرتم الهرج بليا مضامين واللي انتم فازعينن له مكبر شرهته وما يبي يسوق للبنت شي يمكن انه يحسب انها يتيمه والا مالها والي

داخلا على طمع يبي بلاش ابو الشباب.

هذي مها صحصح وفتح عيونك بنت اللي يضدون القوم وبنت اللي ليا قالوا فعلوا ما خذين الطيب قوه بحد السيف الصقيل

ما تجي برخيص ما هو زمن سيف وشلفا والا كان مبطي خذيناه هذا زمن جاه وزمن مال وبخشم الريال ياابن غثيث اخذه

وبجاه ربعي ولابتي .

[صالح العرجان]

مصلح النشمي انت تشوف

ملبدين الربع بالمنتدى من امس الظاهر ما اطلعوا ما يدرون وش اللي يواليهم

روحوا لبيوتكم ناموا البنت ما باقي الا نطبع كروتها .

عزوا بدر بمها ما دام ان غريمه من الفدعان صالح .

[أحمد السبيعي]

قووووووووووووووويه هذي (( بخشم الريال ))


وينك يا مزيد انت توحيه يعني مشتريها بريالاته ((الي لهم سنه صارهن بمحزمه )):)



بنت مزيد ما تنباع ولا تنشرا ترا مها مهي سياره ولا جوال




هذا صالح باتسر يعيرها يقول انا اشتريتك وسويت وعملت


مزيد لازم تشتري الرجل الطيب >>>>>>> بدر الحنيف :)


اما صالح الفدعاني صاير لي الوليد بن طلال على غقله :)






تحيه

[صالح العرجان]

عسى مل تكلفت يالبناخي

وش فيكم يالسبعه مركزين على سالفه خشم الريال وتاركين سالفه الجاه<<<< مستغرب ما ادري وش اللي حارقا رزهم

بنات الناس واجد واللي محلي مها ومغليها ابوها مزيد عسى الله يطول بعمره والله لو اعادلها ذهب ما اوفي حقها

مستكثرين الذهب على راعيته ان ما زها مها اجل من يزها .

اسمعوا سوالف ولدكم من عرض ما دار بيني وبينه يقول لي ان جت على الزين انا ازين منك متباهيا بلمصه الخد ما يدري ان الرجال

تضد الرجال بفعولها ما هو بلمصه الخد.

يا مزيد المزيد البنت بنتك وانت ابوها واعتقد انك شفت وش قدرها عندي وش قدرها عند بدر غثيث والخيار لك انت ابوها وسمها .

اللي تبي على عز وشرف.

تنويه للسبعه (( ما اعتقد واحد يمتلك الماسه بغالي الاثمان ويرخصها بالعكس هذا ان محطها بعيونه خوفا عليها من عيون الناس ))

[بدر الحنيف]

هزاااااااااااااااع السياري

اظبط نفسك (( يا الليد )):)
انت امام """ جمع دلاااااااااااق العظيم ""
لا تعرض نفسك الى التهلكه
انت منت ند الى احمد السبيعي ‍‍‍‍‍‍‍‍‍‍‍‍‍‍‍‍‍‍؟؟؟؟؟
هات معك ثمانين فارس من الرووووووووووم واربعه وسبعين فارس من ضنا ماجد علشان تكووووووووووووووووووون المنازله متكافئه بينكم وبين أحمد السبيعي

لأني واااااااثق ان احمد السيبيعي لن يرفع سيف لمبارزه غير متكافئه

وشوري عليك وش لك بهالقالات أشبع خبز وعيّن من الله خير وادحر الشيطان



أحسن من ترووووووووووووووووووح رمااااااااااااد بهوى




الى الملتقى

ابن غثيث الحنيف

[صالح العرجان]

هزاع الساري

لا تواخذه المسيكي ما يدري منهو محسن رخيص الروح

وبعد مره لا تواخذه ما درى ان الروم يبون روما مثلهم ((يعني دول ))

وبعد مره لا تواخذه ما يدري منهو ابن قاعد.

ولوووووووود وين انت غادي لا تحكحك بالزمل.

[بدر الحنيف]

القمااااااااااااااااااااااااصي

انني اعرف انك تسير في خطا ثابته


وااااااااااااثق بما تفعله سواااااااااعدنا البطله

ايها السبيعي الشامخ




الحر الأبي


لا تقدم على قتل اي فدعاني

أو أي حليف لهم الى ان نسمع خطااااااااااااااب من زعموووووووووه عليكم "" الشايب "" ابو وضااااااااااح ؟؟؟؟


لعله يحقن دماااااااااااء الفدعااان ويرضخ للامر الواااقع ويتنازل عن تلك الخزعبلات التي يتداعى بها الفدعاااااااااااااااااااااان قومه ...



تحياتي ايها الشامخ



ابن غثيث الحنيف

[بدر الحنيف]

صالح الفدعاني



يابيي انا ما اعرف رخيص روووح غالي روووح


الي اعرفه ان قبيلكم سبيعي ولو انه من طااارف السبعه كفيل لهزيمه الرقم الي انا ذكرته


من الفدعاااااااااااااااااااااااااااااااان


مها ما لها عني

انت تفهم ولا لا

لا تقووووووووم تكثح حالك بالرمل بهالخليان



يا مزيد المزيد"" بحّر "" هالفدعاني وش يقووول يبي يشريها بالدراااااهم

مايدري انه قاطع (ن) جاده

""أمرح ""أمرح"" تراااااك قليل طعمه""



ابن غثيث الحنيف

[بدر الحنيف]

ساااااااااااااااااااااالم الجهبل

اقضب عندك يا ابن جهبل

انا لها وانا مبدى على الغير ///////// الي بيها قلت له ""خلفها در""

ليس ما ادليت به يا ابا عادل كااان عين الصواااب .................................................. ........

كيف تقوووول ان صااالح ينافسني على مها منافسه شريفه؟؟؟؟؟؟؟؟؟؟؟؟؟؟؟؟؟؟؟؟؟

لأن هذا الكلااام غير صحيح بسبب .........................................


اولا: صالح ليس ندا لي اذن هنا تكوووووووووووووون المنافسه غير مكافئه بهذه الحاااله تكون المنافسه غير شريفه



ثانيا : هل سمعت بحديث شريف عن المصطفى عليه الصلاااة والسلااام ينهى المسلم أن يخطب على خطبت اخيه المسلم ،، انا مستغرب كيف يمر هذا على شخص مثل ابو عادل ... هنا ايضا تصبح المنافسه أيضا غير شريفه



قبل الهايه:::::::::
ملاحظه
الم تسمع ان الخواااال ينصروووون ؟؟؟؟
خوصوصا أذا كانو على حق
لكي لا اطيل عليك انت خووووواك السبعه ان لم تقف معهم بمثل هذا اليوووووم ولن يتظروووووووووووووووووووووووون منك وقفه ابد الدهر

لأنك مصدر قوه فأن خوووووووووووووووالك ابدا بك من الاعداااااااااااااء


أما انك مع القوووووووووووووووووم ولا مع خوووووووووووووووووووووووووالك

بأتظااار ردك





ابن غثيث الحنيف

[صالح العرجان]

بدر الحنيف

وش بلاك جاي من اقصاك يالبناخي مار فطنتني قديني ادعيك تسوي لي امسيه نهار الملكه

افيد لك وانفع يذكرون قصايدك حليوه.

[صالح العرجان]

الامور الثقيله ليا ارتكا لها الثقال تخف.

شفني ما نخيت الا الفدعان وش بلاك قمت تفزع السلقا بعد هي ضاقت بك القاع

اجل كانك ما تدري يا ابن غثيث انا خوالي العواجيه ابي انخاهم وانا لي عند الدهامشه مثل مالي عند الفدعان

وين ابن مجلاد وين ابو خالد.

سالم الجهبل الرجل هذا شمخ بالحيل ولا عاد يشوف القاع.

[صالح العرجان]

(( الحزن مخيم فوق جمع دلااااااااااااق بالمنتدى ))

سوف ينعونك السبعه يا بدر حقبه من الزمن ثم تصبح نسيا منسيا

[المسيكي]

المنع مرفوع ،،،،،،،،،،،،،،،،،


من طاح بيدينا مصيره حتوف المنايا ،،،،وفزوعكم بيارقها منكسه



دلاق لم يخيم الحزن فوقهم ،،


للمعلومية دلاق هم العبدة ،، من السبعه

لذا انتبهوا من هذا ورى دلاق سندهم البطينات ،،


يوم المواز صوتها له لواليش=دلاق هم عوق الخصيم ودماره
واسنادهم جمع البطيني هووايش=سقم الحريب وبالحرايب سعاره


والمناوخ للحين ......

[بدر الحنيف]

الفدعاااااااااااااااااااااااااااني الخربان

الاسم هذا يصلحلك اكثر من الفدعاني صالح

يا كبر شرهتك على الملكه

هههههههههههههههههههههههههههههههههههههههههههههههههه هههههههههههههههههههههه هاهاهاها



"" رب كلمة قالت لصاحبها دعني ""

الي قالولك ان قصايدي حليوه ما قالووولك اني اغوووول الرجاجيل الي مو مضبوطه وانخش عيوووونهم




المهم جااااك العلم

[بدر الحنيف]

المسيكي


المسيكي
عفوا

ايها الجبل الشاهق


لا تتأخذك خزعبلااااااات هذا الفدعاااااني الخرف


ثم ان السبعه لا طريق للشكوك اليهم




اليوم سووووف تحدث تطورااااااات جديده

يجب ان تكووون على استعدااد تااام

دمت هامة من ها مات السبعه التي تعانق الغيم



اخووووووووووووك ابن غثيث الحنيف

[ماجد الوايلي]

جنب شنق جنب شنق === يابــــن غــثـــيــث مـــالـــك بـــــهـــــا

بدري عليك بدري عليك === تـــجــلــس مــجــاور الـــمــــهــــــا

مزيد عطا وانا خذيت === بــشــيــك ورجالً هــو لـــــهــــــــــا

الموضوع منتهي وخلص ......

انا تكفلت بمهر مها بنت مزيد المزيد على صالح الفدعاني


والموضوع عندي وابوها استلم مني الشيك ,,,,,,,,,,, وخااااااااالصين


بدر الحنيف <<<<<<<<< دورلك على مره غير مها لكي لا نقوم اسفين بـــ ((مصع رقبتك))

صورة من الشيك للتأكيد :

http://maaajed.jeeran.com/mamamama.jpg

تستاااااااااااااااااااااهل يا صالح


مااااااااااال ورجاااااااااااااال <<< وش تبي اكثر يا مزيد



تقبلوا تحياتي

والف الف الف مبررررررررررررررروك يا صالح

[فهد الخدلي الفدعاني]

اخي ماجد ونعم والله فيك يابعدي

صالح الف الف الف الف الف الف مبروووووووووووووووووووووووووك عليك مها

وانت تستاهل يالفدعاني



جنب شنق جنب شنق === يابــــن غــثـــيــث مـــالـــك بـــــهـــــا

بدري عليك بدري عليك === تـــجــلــس مــجــاور الـــمــــهــــــا

مزيد عطا وانا خذيت === بــشــيــك ورجالً هــو لـــــهــــــــــا

صح لسانك يابعدي ولاهنت ياذيب


ودمت بخير

[بدر الحنيف]

عينوا خير يا السبعه


عينوا خير يا السبعه



خلونا اتأكد من العلم قبل ما نطربقها على روووووووووووووووسهم


العلم ببطن مزيد

الامووووووووووووووور هيّنه

الفدعا ن ناس حيّاله يكن انها من حيلهم


مزيد عنده بنت حره ما عنده جاريه


وانا اعرف ابو راااااااااااااااكان



في اتظااارك يا مزيد



بـــــــــــدر الحنيف

[المسيكي]

احترامي لك اخوك ماجد الوايلي


لو تجيب مليووون شيك ،،


احقوقنا مايغدي بها حبر بقرطاس ،،،

حقنا ناخذه بسواعد ايماننا



اشياككم واوراقكم والقراطيس=ماهمنا مادامنا مانثنينا
يايماننا موجود حدب العبابيس=والحق من الكذب لازم يبينا

بدر حنيف ،،

وانا اخووووك لاتغدي عليك اشياكهم ،،


يبلونها ويشربون ماها ،،

معك حتى الموت

[ماجد الوايلي]

خلونا اتأكد من العلم قبل ما نطربقها على روووووووووووووووسهم


العلم ببطن مزيد

-----------------

اذا ما تقراء اقرالك ........... الرجال وقع على استلام اصل الشيك ..........

انظر الشيك بتمعن <<<<<<<< يابدر


انتهى الموضوع

* صالح ياخلفهم الربع تطشرو عقب الشيك منصدمين يااااااا احول :D

هههههههههههههههههههههههههههههههههههههههه


:)

[صالح العرجان]

بدر يا حليلك

ترا ماجد ما هو فدعاني تراه جعفري ومن يوم مها ببطن امها محيرها ويوم دري اني ابيها وشاف اني صامل

قال تستاهل اللي يفك حياره عنها ولو ماانت معروف اقصاك وادناك ما اتنازل لك عنها

وترا مهر مها مليون ريال عنيه مني لك يا البناخي.

هذولا الجعافره دايم فايزين بالطيب الابه اللي ترفع الراس فعولها.

ماجد يا خلف ابوي احرجتني بطيبك وفزعتك ما هي غريبه عليكم اردى عطايك لكن تدري الشي بالشي يذكر

ان جاني ولد تراه ماجد اسمه عليك عله تطلع افعوله مثل افعولك يبطون العرب ياصلون مواصيلك.

ما وراهم الا صلخ بهاالفضيه.

[بدر الحنيف]

تبيه هااااااااااااااااااااااااااااااااااااااااام

جاءنا ما يلي :

وفد(ن) رفيع المستوى من سناعيس اعنزه الرسالين يترأسهم ( ابن مطيره ) وهو الشاعر المخضرم وأمير القوافي مشعل عبدالعزيز الفدغووووش
بعيد ما سمع بالشيك من الفدعان متذمرا (( يقدح من عيووونه السطر )) يقول ان الرسالين انقسمو الى ثلاث افواج عسكريه بكامل مقاتليها وبكامل معداتها الثقيله والخفيفه وقد يقومون بعد ساعه من الأن بمناورات عسكريه بحدود ديار الفدعان بالذخيره الحيّه
لعل الفدعان يعودون الى رشدهم


كما أكد قا ئلا :
أن الرسالين لن يتخلو عن أخواهم السبعه مهما كانت الظروووف والتداعيات لأن هذا هو اليوم الحقيقي للوقوف والنصره

ثم ختم بما يلي:
مـــها الجعفريه لبدر بن حنيف المسيكي لو ما بقا من الرسالين ولا رجاااال
حنا لها

حنا لها

حنا لعا






اشكر سناعيس اعنزه الرسالين وليس بغريب عليهم مثل هذا التصرف




والله ولي التوفيق



بدر الحنيف

[صالح العرجان]

ثم ختم بما يلي:
مـــها الجعفريه لبدر بن حنيف المسيكي لو ما بقا من الرسالين ولا رجاااال
حنا لها

حنا لها


متحمس الاخ مره وفر عليه العنوه قل له الملكه الليله كان ودنا ناخذ معه شوط لكن كان النصر لنا سريعا.

ارررررررررررررررتخوا ياالسبعه هذي راحت عليكم دوروا غيرنا تلعبون معهم.

مبطي اسمع الفدعان لا بغوا شي جابوه حتى الطيب صوتنا له واخذناه.

روحوا وراكم.

[بدر الحنيف]

مزيد الحق جااااااااااااااااااااااااااااااااي

قبل ما تفى الدعااااااااااااااااااااااااااااااان هالمغرب


اشووووووووووووووفهم قاموا يلبسووون طواقي اكبر من روووووسهم

[صالح العرجان]

وش بلاك ما عاد تجمع

شاعر ومسوي زحمه واخطاءك الاملائيه ما هي مخليتنا نفهم وش تبي يا حلالي

ما تنلام لا صابتك ام الركب قبيلك فدعاني.

رووووووووووووووووووووووووووووووووووووووح

[عبدالله الثابت]

انا ياجماعه جالس اتابع اول باول وساكت


والرؤيه الان واضحه تماما


لكن انا رايح اتدخل ولكن ان دخلت تاكدوا انها رايح تكون نار على بعض العرب


وبرد وسلام على البعض الاخر


المكالمات الهاتفيه خلف الكواليس ماتفيد بعض الناس




والواسطات وحب الخشوم ماعندنا الميدان ياحميدان



انا طبعا مع الحق وانا الان بالمحكمه اراجع بالقضيه


والحكم بالقضيه صدر ولكن لم ولن اعلن الحكم الان رايح انتظر بعض الناس


حتى يجر اذيال الهزيمه قبل الحكم الشرعي


لان لاكلام بعد الحكم الشرعي


لكن راحت الجعفريه على بعض الناس


الجعفريه دونها السيف مجرود ********* يا ... بعد لا تجي في وطنها


من دونها حراس ضباط وجنود ********* حامينها ماحدن يقرب ضعنها


الباب من دونه مقفل ومسدود ******** وبعض العرب ماعاد يمسك رسنها


اللهم لاشمات

[القماصي]

اهلين

اشوف الكلام كثر

لاتكثرون هروجكـم ***** حنـا لهـا حنـا لهـــا
لوتحشدون جيوشكم ***** الشمس باين ظلهــا
ولوتنتخون بربعكـم ***** السيف يوقف دونها
النار شبت دونكــم ***** ياويلكم من حرهــا


اتمنى إتمام المحاوره بصدور شماليه

القمااااصي

[مزيد المزيد]

للاسف الى الان لم يتبين الوضع بينكما يابدر وياصالح

وانا مابي احرمكم كلكم يقولون ( قطع الاعناق ولا قطع الارزاق )

فاذا انتم مطولين باقدم اوراقها عشان اسجلها بالجامعه لاتضيع السنه هذي عليها ...............

بس انجزوا علينا يالخال وبناخيه ........

بس ياصالح كن حذر من بعض الكلمات التي قد تؤدي بك الى الهاويه ..........

ويابدر اتمنى منك تجيب الهيلكوبتر اللي انت قمت تحدي عليها .....

[ماجد الوايلي]

مساء الخير

والف مبروك ياصالح مره ثااانيه ..



لاتحشرون انفوسكم=منتم لها منتم لها

ياحليلكم ياحليلكم=فضا حتسي من جنبها

اقوال بس افعالكم؟؟=هي وينها هي وينها

انهيتكم ...انهيتكم=صالح ومَلكها مها

انتهت السالفه .................

ونستقبل التهاني والتبريكات بمنتدى الترحيب ....................

دمتم بأفراااااااااااح

[القماصي]

اهلين

كيف حالكم.

ماجد انت مع اي قوم.

ترا والله ماعرف احد هنا بس شفت السالفه فيها السبعه وششت معهم.

وراح ادافع عنهم بللي اقدر عليه .

القماصي

[هزاع الساري]

هزاااااااااااااااع السياري

اظبط نفسك (( يا الليد )):)
انت امام """ جمع دلاااااااااااق العظيم ""
لا تعرض نفسك الى التهلكه
انت منت ند الى احمد السبيعي ‍‍‍‍‍‍‍‍‍‍‍‍‍‍‍‍‍‍؟؟؟؟؟
هات معك ثمانين فارس من الرووووووووووم واربعه وسبعين فارس من ضنا ماجد علشان تكووووووووووووووووووون المنازله متكافئه بينكم وبين أحمد السبيعي

لأني واااااااثق ان احمد السيبيعي لن يرفع سيف لمبارزه غير متكافئه

وشوري عليك وش لك بهالقالات أشبع خبز وعيّن من الله خير وادحر الشيطان



أحسن من ترووووووووووووووووووح رمااااااااااااد بهوى




الى الملتقى

ابن غثيث الحنيف


هلا هلا



الظاهر انك طابٍ الفيضه يا بدر الغثيث


نظرك ماش


ومعلومات الله بالخير



اسمي هزاع الساري ماهو >>>> السياري


وبعدين يا حلو الروم وضنى ماجد شي واحد يا قلبي



والله انك ضحتني يوم تقول ثمانين فارس لاحمد السبيعي

ههههههههههههههههههههههههههه


شكلك ماخذ مقلب بوليد عمك



انا لحالي طول البارح اتحوفه هو وفلول السبعه المنتشرين في المنتدى


والحمد لله حشرتهم بالزاويه وقضيت عليهم كلهم عدا القماصي لان بيني وبينه معاهدة موثقة

بالامم المتحدة ولا اقدر اتعدا عليه





وعن القائد الاعلى ( ابو وضاح )

تراه يراقب من بعيد لانه اذا دخل المعركة راح تكون نكسه تاريخية لابناء عمومتنا السبعه


وجميعناً لا نرضالكم بها

[القماصي]

هزاااااع


اسلم وقول اللي تبي

انا ماخليت عنك شي بالمحاوره شوف

هزاع والله والنعم ** انته لها انته لها
لكن مع ربعي انا ** نقطه ترا في بحرها

ابي اتحاور معاك لان هذا يشرفني يالغالي.

اشوف اكثر شي الكلام مافي شعر؟؟


القمااصي

[هزاع الساري]

القماصي

للحين ما هجمنا يبناخي والردود هي كلها تندرج تحت حق الدفاع الشرعي ( سالفة الذكر )



الشعر جاي يا بعد قلبي


لكن بعد ما يأمر القائد الاعلى بالهجوم




واشوف المعركة حسمت قبل لا تبدا


الرجال سلم الشيك وموضوعه خالص


والمفروض الجميع يبارك له



الف مبروك يا صالح

[هزاع الساري]

المنع مرفوع ،،،،،،،،،،،،،،،،،


من طاح بيدينا مصيره حتوف المنايا ،،،،وفزوعكم بيارقها منكسه



دلاق لم يخيم الحزن فوقهم ،،


للمعلومية دلاق هم العبدة ،، من السبعه

لذا انتبهوا من هذا ورى دلاق سندهم البطينات ،،


يوم المواز صوتها له لواليش=دلاق هم عوق الخصيم ودماره
واسنادهم جمع البطيني هووايش=سقم الحريب وبالحرايب سعاره


والمناوخ للحين ......




هلا والله بالشاعر الكبير





خذها على الطاير يا بعد فرتي




ما فــادكم تنظيم واعداد هالجيــش &&& تشهد لكم حتى المها بالخساره

وان ما نفع فيكم نخيت ( الحناتيش ) &&& ويجيك ( ابو مشعل ) لحاله بغاره

[القماصي]

هزااااااااااااااااااع


لك مع التحيه يالغالي

تشعللت تشعللت ** والنار من شبابها
قواتنا تسللت **وين انت ياطـلابهــا
والبارحه تعللت **بدياركم وهضابها
عظامكم تحللت ** يللي تبون حرابها



القمااصي

[أحمد السبيعي]

بسم الله ..

اثناء تصفحي في المكتبه لفت انتباهي كتاب اسمه (( ودان وا داني ..في الرد على صالح الفدعاني))


وذكر مؤلف الكتاب انه به فيوز براس اخينا صالح الفدعاني خرباان

مما جعل ابناء عمومته يكوونه على علباه خوفا على عقله مما زاد الطين بله

فأصبح يهيم بالمنتديات ويسولف سوالف وثاني يوم يتفرمت مخه مثل الكمبيوتر


______________



هزاع الساري يقول انه يتحوفني


امس انا اطردك انت و70 فدعاني من منتدى لمنتدى وانت عاض ثوبك ومنحاش واشوفك يوم تطمر الطوفه

وشفت ماجد الوايلي مسكين متين ما قدر يصعد الجدار كسر خاطري بصراحه مدري وش جابه لكم طيب

ولو بك خير ما خليت سيف مرمي بالارض


وانا بالصدفه واكتشفت انه سيف من ابو ريالين (( ههههههههههه)) ضاحك عليك ابو وضاح معطيك سيف لعبه للأطفال


عموما يا بو ريالين :)

لي عوده قريبه وسوف احضر لك هديه سيف حقيقه مو لعبه مثل حق ابو وضاح:)

[بدر الحنيف]

اخواني السبعه

عصابة راسي السبعه


عليهم... عليهم ....عليهم ......عليهم ....عليهم ...عليهم

هذه أولى الغرااات الجويه يقودها((( المسيكي))) تكليفا من المسكا



قم يا المسيكي واركب الهيلكبتر = وخذلك على الفدعان شوط(ن)وسجه

أرم الالقذايف لين الأجواء تحتر = خل اللهب يحضن من القاع عجه

ألي بلونا بالكلام المغتر = عطهم سموم الغاز والحيد رجه

ألي خذا الفدعان يوم(ن) تعنتر = بالحكي ولا الفعل دجه ودجه

قام يتحرش في عمامه وهستر = عطه لعوقه لو تناطحك لجه

هو يحسب أن المعركه ضغط أنتر = ما يعرف أمن المعركه غير هجه

كل عضو طالح بي الأعضاء يبتر = كذا أول الغارات سطوه وفجه

حتى ابو وضاح بالحيل يستر = لأنه على البركان والنار زجه

تم الكلام من القصيد المفلتر = من شاعر(ن) عنده على الخصم حجه

الدرب شاااااااام
هذه الأولى ورحتوا فيها ""مقلقل""
بقياده المسيكي

تسر علووووووووم الهيلكبتر يامزيد


بدر الحنيف

[القماصي]

الله يستر بس

يالمسيكي انت مكلف من المسكا وانا مكلف من القمصه.


الله ينهيها على خير ياعيال العم

القماااصي

[هزاع الساري]

احترامي لك اخوك ماجد الوايلي


لو تجيب مليووون شيك ،،


احقوقنا مايغدي بها حبر بقرطاس ،،،

حقنا ناخذه بسواعد ايماننا



اشياككم واوراقكم والقراطيس=ماهمنا مادامنا مانثنينا
يايماننا موجود حدب العبابيس=والحق من الكذب لازم يبينا

بدر حنيف ،،

وانا اخووووك لاتغدي عليك اشياكهم ،،


يبلونها ويشربون ماها ،،

معك حتى الموت




الهرج هذا هرج ناسً مفاليس &&& ما ينفعك يا فهيد لامن نوينا

اقول اركد بس لا تتبع ابليس &&& (ويا ويلكم يا ويلكم لنتخينا )

[القماصي]

اهلين

استلمووو وابي احد يرد

اشوف ضوي يافتى الجود وقاد ** وضو العدو مدفون باسفل ثراها
معذور ماهو للصعيبات نشــــاد ** حنا سبعه والقوم زايد غلاهـــا


القماااصي

[أحمد السبيعي]

قام يتحرش فـي عمامـه وهستـر
عطه لعوقـه لـو تناطحـك لجـه

هو يحسب أن المعركه ضغط أنتـر
ما يعرف أمن المعركه غيـر هجـه



هذا هزاع يحسبها السالفه ضغطه انتر :)




هزاع راسك باللقا حطه بكيس= يمكن يذري فرتك من حدينا
ال السبيعي مفكيين اللواليس=لاشك راسك بايدنا لابغينا
اشوف ابو وضاح قاد المتاعيس= وقام يتمشى بـ فلـتة والجنينا
منا قمصه ومصرب ومنا سناعيس= ومنا المسيكي والدوامي أخينا

[أحمد السبيعي]

أحمد السبيعي, القماصي, فدعـ نت ـاني (( المتواجدون))



احكررررررررررر احكرررررررر جاسوس


لاينحاش

[هزاع الساري]

عدد الأعضاء الذي يتصفحون هذا الموضوع : 8 (4 عضو و 4 ضيف)
هزاع الساري, أحمد السبيعي, القماصي, فدعـ نت ـاني


حشرناااااااااااااهم


يا ويلكم يا السبعه


جوكم عيال العود

[هزاع الساري]

اهلين

استلمووو وابي احد يرد

اشوف ضوي يافتى الجود وقاد ** وضو العدو مدفون باسفل ثراها
معذور ماهو للصعيبات نشــــاد ** حنا سبعه والقوم زايد غلاهـــا


القماااصي




جاااااك ردي على الطاير

حذراك يا بن العم لبليس تنقاد &&& واحذر دروب الشر تمشي معاها


الظاهر انك ناوي اليوم تنحاد &&& وتعلن زمان الحرب واللي بداها

[مزيد المزيد]

اخواني اعضاء منتديات الويلان .

اخواني افراد فخذ السبعه .

اخواني افراد فخذ الفدعان .
السلام عليكم ورحمة الله وبركاته ,,, اما بعد

لخطورة موضوعنا القائم فسادخل الى صلب الموضوع وبدون اي مقدمات .

في هذا اليوم وبعد صلاة العشاء أتاني فوج كبير من ( بيضاء النثيل ) وهم مجموعة شباب وشيبان من الجعافره

بعد ماسمعوا عن موضوعكم هذا واتوا الي والغضب يملأهم:mad: ويهددونن بقتلي ان وافقت على طلب بدر او صالح

وقالوا ليس لصالح او لبدر اي حق بــــ مها وانهم هم اصحاب الحق الاول واضافوا انهم اتوا بـ 15

شاب" بسن الزواج ومن المشهود لهم بالدين والعقل وجميعهم من العصب وانهم احق بها من غيرهم لذلك

تقرر مايلي :

1 / يعتبر طلب بدر الحنيف وصالح الفدعاني مرفوض تمام" .<<<<< من ذل سلم :D

2 / بعد التحري عن الشيك المقدم من ماجد الوايلي ثبت قانونيا" انه مزور ويعافب بايقاف عضويته لمدة سنتين .

3 / يمنع الخوض باي نقاش وفي اي مكان بهذا الموضوع بعد صدور هذا القرار ويعاقب كل من تثبت مخالفته .

4 / يتم عمل مقابله شخصيه ;) لــ 15 شاب المتفق عليهم ويتم اختيار من يتجاوز المقابله .


والان انا طالبكم ان تقفوا عند هذا الحد لانه لن ياكلها احد غيري لانهم وبكل تاكيد سينفذون تهديدهم .:eek:

والله الموفق .


وعــلــى هــذا اوقـع

مزيد المزيد


** نسخه لفخذ الفدعان .

** نسخه لفخذ السبعه .

** نسخه لمركز بيضاء النثيل .

** نسخه لادارة منتديات الويلان .

[فدعـ نت ـاني]

القماااصي.... حبيب قلبو شخبارك .. ؟؟
وهاااك هالبيتين .. ولولااك مادخلت هالموضوع
....

حنا لها والطيب لاشك مافاد ... والنار تحرق رجل منهو وطاها
افهم كلامـي ولا ابي شي ينعاد ... والا ترى فدعاننا بكـ تباها

[فدعـ نت ـاني]

ههههههههههه

مزيد المزيد ..

اجل راحت على السبعه والفدعااان ..

ودامها لعياال عمها .. مانقدر نحتسي . هم اولى بها ..

والله يخلي لك هيه ..

فدعـ نت ـاني

[الواطي]

ارررري عطيفــــي

والله طحنــــا مـــا بيـــن االعينيـــــن جمـــوع ضنــــا عبيــــد


مييييــر يـــابوغثيـــث و يـــا صـــالح روحــوا يمــي جـــااي بعــرعــر واقعـــدوا مقعـــد الحــق ومـــالكــم الا طيــب الخــاطر

اخوكم غــازي نــومـــان الواطي العطيفـــي

وبعــدين يـــابدر مـــا سمعـــت صـــوتك بعـــد عــرس ابن شعـــلان

[القماصي]

اهليـــــــــن

هزاع وسلمان ((فدعاني نت))

حشرتوني الله يرضى عليكم كلكم مره وحده .

الحال صارت بيننا حرب واعناد ** يامرحبا بالحرب واللي بداها
هزاع صاير كنه اليوم بجهــــــاد ** وسلمان واقف ويتبحر وراها
مها راحت والله يستر عليها لكن خلونا نتسلى بهالابيات.

القمااصي

[هزاع الساري]

قام يتحرش فـي عمامـه وهستـر
عطه لعوقـه لـو تناطحـك لجـه

هو يحسب أن المعركه ضغط أنتـر
ما يعرف أمن المعركه غيـر هجـه



هذا هزاع يحسبها السالفه ضغطه انتر :)




هزاع راسك باللقا حطه بكيس= يمكن يذري فرتك من حدينا
ال السبيعي مفكيين اللواليس=لاشك راسك بايدنا لابغينا
اشوف ابو وضاح قاد المتاعيس= وقام يتمشى بـ فلـتة والجنينا
منا قمصه ومصرب ومنا سناعيس= ومنا المسيكي والدوامي أخينا






هلا والله يا عنتر زمانك


خذها على جبهتك ...


يا ابو خليل اترك علوم الدنافيس &&& ولا تصير كبش دلاق للهاجمينا

لاصارت الهيه تنطحك فريس &&& تشهد لهم كل الملا الاوليـــــــــــــنا


حمر النواظر كاسبين النواميس &&& بيض الفعايل للعدا داحرينا


مافيهم اللي وسط قلبه هواجيس &&& ومن فعلهم حتى الصعايب تلينا

[مزيد المزيد]

هلابكم جميع ولاهنتوا


واحلى مافي الموضوع اني شفت به اسم فدعاني نت واللي مدري ليه مقاطعنا


ولكن لهزاع والقماصي والجميع هناك قسم للمحاوره تستطيعون تكملون هناك وتطربونا معكم ...

3 / يمنع الخوض باي نقاش وفي اي مكان بهذا الموضوع بعد صدور هذا القرار ويعاقب كل من تثبت مخالفته

دمتم بخير

[هزاع الساري]

اهليـــــــــن

هزاع وسلمان ((فدعاني نت))

حشرتوني الله يرضى عليكم كلكم مره وحده .

الحال صارت بيننا حرب واعناد ** يامرحبا بالحرب واللي بداها
هزاع صاير كنه اليوم بجهــــــاد ** وسلمان واقف ويتبحر وراها
مها راحت والله يستر عليها لكن خلونا نتسلى بهالابيات.

القمااصي



هلا والله بأبن شداد


حتى القماصي صار مثل بن شداد &&& صايل وجايل والخساره بغاها


واحمد يفزع ربعه يدور سناد &&& متعلقٍ مابين ارض وسماها

[هزاع الساري]

هلابك يا مزيد




خلاص هذا اخر رد لي بالموضوع



الله يعطيكم العافية جميع يا ضنى عبيييييييييد ويا الويلان


وترى الموضوع ماهو الا لتوسيع الصدر والاستفادة





لكم ودي وتقديري


هزاع الساري

[القماصي]

هلا والله بالغالي هزاااع

استلم الله يرضى لي عليك


ابشرك مرتاح وكوعي على شداد ** وانقض فتيل القاف وامشي معاها
ان طعتني يافلان رح ابتعد غـــاد ** بتكحل المعنى وزدت في عماهــا


خلااص يأخوان بعد انا هذا اخر رد لي

مع انه كان ودي نكمل لكن مدام هذا رايكم نتوقف هنا

ابيات خفيفه وفيها شوي مزح والصدور شماليه.

القماااصي

[بدر الحنيف]

اخواااني المشاركين بهذا الموضووووع :


كان المقصود بهذا الموضوع الفرح والبهجه والتعاااارف


ولم تكون خلفه أي نوايا سيئه


ارجوا ان يمسح لي كل من احس اني أخطأت بحقه

شكرا لك اخي مزيد المزيد لسد هذا الموضوع قبل ان يأخذ اي معطف اخر

"""



تقبلوووووووووووووا تحياتي



بدر بن غثيث الحنيف


ملاحظه
الواطي:
اخي وحبيب قلبي أخذتني الدنيا بالمشاغل وبعدين رقم جوااالك مو عندي راح مع الجوال جعلك ما ترووح مراحه :)
المهم اذا رقمي عندك كلمني ولا ارسلي

[عبدالعزيز العدوان]

صح السانك يامن تشرفت

بمصافحته

في امسيته الاخيره

والف شكر على هذا النص

الشامخ بشموخ صفاء قلبك

واتمنا استمرار توهجك يا الوايلي

[مزيد المزيد]

الف شكر لاخواني بدر الحنيف وصالح الفدعاني


على مجهوداته وسعيهم لاتحافنا بالشعر الفكاهي الجميل والابتسامه بالتقاطاتهم وفلاشاتهم الرائعه

وابشرك يابوغثيث القلوب على خبرك تنبض بكل حب وألفه

دمتم بكل حب

[مطلق النومسي]

أشوف لي فدعان .. وجموع سبعـــة __________ على مهـــا .. وحبالها .. متظافره

ومزيد يسولف .. والسوالف من سعـــة __________ والتالية تبي تقص أظافــره

مير أسمع العلم وخويّك يسمعــــه __________ على العلن وإلا يجيك مشافره


العلم يا فدعـــــــان مدري يا سبعـــــــه _______ الجعفريــــة في حمـــــا الجعافــرة


:)

[أحمد السبيعي]

مطلق النومسي يقول



أشوف لي فدعان .. وجموع سبعـــة __________ على مهـــا .. وحبالها .. متظافره

ومزيد يسولف .. والسوالف من سعـــة __________ والتالية تبي تقص أظافــره

مير أسمع العلم وخويّك يسمعــــه __________ على العلن وإلا يجيك مشافره


العلم يا فدعـــــــان مدري يا سبعـــــــه _______ الجعفريــــة في حمـــــا الجعافــرة


______



انا انسحب :) واحط بدر غثيث بحلقه هم ربع وبتفاهمون

[القماصي]

اهلين

مها ان راحت وان جت الله يستر عليها لكن انا ماتحاورت علشانها تحاورت على شان السبعه.

شكرا للشاعر مطلق على المداخله.


القمااصي

[هادي بن معزي]

السلام عليكم
في البداية امسي على الجميع بالخير

وانا كنت اشوف الردود والمناوشات والسفارات على مها من سبعه وفدعان واخر شيء سمعت ان الموضوع انتهى

طبعا انا بيني وبين نفسي قلت ابغى ابارك لصالح على هالخطبة ولكن دخلت النت ولقيت ردود جديدة وان الموضوع اثاره

مطلق النومسي بقوله



أشوف لي فدعان .. وجموع سبعـــة __________ على مهـــا .. وحبالها .. متظافره

ومزيد يسولف .. والسوالف من سعـــة __________ والتالية تبي تقص أظافــره

مير أسمع العلم وخويّك يسمعــــه __________ على العلن وإلا يجيك مشافره


العلم يا فدعـــــــان مدري يا سبعـــــــه _______ الجعفريــــة في حمـــــا الجعافــرة


.............................
على شان كذا انا اقول :- ا صالح عندي لك شيكين الشيك الاول مفتوح من ريال الى ( ماتحتاجه )

والشيك الثاني ماهو فلوس لا لوه لا الشيك رجالٍ والعدد من 1 الى ( العدد في الارقام ماله نهاية )

اصمل بس وابشر بعزك وازهل الامور من امداد وتمويل

والسلام عليكم ورحمة الله وبركاته ... هادي بن معزي .... موضوع مها ... الويلالالالالالالالالالالالالان

[بدر الحنيف]

الرخوووووووووووو ابوووووووووووووووووووووووووووووووي

طبحت الجعافره طبكم عندي

ابن غثيث يكشر عن انيابه هين هين خلووووووووووووووووووووهم لي

[بدر الحنيف]

أقرب جااااااااااااااااااي يا مطلق
لا

اسمع ايها الجعفري

اضبط وضعك


العلم عندي أنا ...............


خذها على وضح النقا






الجعفري وش فيه يبقا زعزعه = متكابر(ن) جسمه وينفخ صافره

مطفي وحّول بوسط المعمه = بعد ضياع الوقت شايل حافره

قوله أن اليوم ذا يوم سبعه = مها لنا لو كان نفسك نافره

أما خذيناها بطيب ومنفعه = ولا خذيناها بهوووش معافره



هذي أول جوووووووله يا لجعافره

[مشعل الفدغوش]

مساكم الله بالخير


حبيت اسلم عالجميع وابلغ


اخوي : بدر الحنيف


ان السبعه معه سواء ظالم او مظلوم


وان اللي يبيه يصير 00 يصير


ولي عوده مره اخرى بس :)

[بدر الحنيف]

بيان هاااااااااااااااااااااااام

أليكم ما يلي :

من رئيس القياده القطريه الكبرى

ابو وضااااااااح بعد المعاهده

تم وضع معهاده موثقه بين الفدعان والسبعه ، بعد أن تنازل الفدعان لأخوانهم السبعه بما كانوا يتداعوون فيه ويطالبون به

لذا صدر الأتي :

أن تقف الفدعاان والسبعه وقفة رجل واااحد على الجعافره لانهم قلبوا نواياهم


تم أصدار هذا البيان لعل الحعافره يكفووون عن ما يطالبووون به



مها للسبعه

مها للسبعه


والله ولي التوفيق





القياده القطريه الكبرى للسبعه والفدعااان

نائب رئيس القياده بدر بن غثيث المسيكي السبعي

[مزيد المزيد]

هلابك ياهادي ويالله حيه نور المنتدى كله بحضورك وزادنا شرف انضمام الرجال امثالك

وهلا باخوي مشعل الفدغوش بالعين والقلب والمنتدى .



بدر بن غثيث :

أن تقف الفدعاان والسبع وقفة رجل واااحد على الجعافره لانهم قلبوا نواياهم


يابوغثيث اللي يدري يدري واللي مايدري مايدري يابعد راااسي انت ............


سلاااااااام

وما اجملها عندما تكون الساحه فقط بينك وبين مطلق بلا شك سنستمتع معكم ..

[هادي بن معزي]

السلام عليكم ورحمة الله وبركاته

بناءً على المعاهدة رقم ( بدون ) بتاريخ 09/08/2005 م والتي تنص على أتحاد الفدعان والسبعه

أود أن أقول للرئيس ابو وضاح ونائبة بدر بن غثيث كلنا معاكم عليهم عليهم

الشيكين صارو اربعه في هذا الاتحاد المبارك نعم للاتحاد المبارك بيننا يا قوم

واود ان اقول لمطلق ( زواج عتريس من فؤادة باطل باطل باطل )

ها انا الان افحص معدات الحرب وابشرو في كلاشنكوف صناعة فدعانية مية بالمية معتمده من كوفي عنان ومصدقة من هيئه الامم المتحده
يا ابا وضاح ويا ابا غثيث ابا معزي معاكم فهيا للقتااااااااااااااااااااااااااااااااال

.................................................. ...............
اشكر الاخ مزيد المزيد على الترحيب وزدتنا شرف بمعرفتك
.................................................. ...............
سلام خاص لمطلق ويامرحبا ومسهلا فيك يا ابو فهد
............................................... هادي بن معزي ..............................

[مطلق النومسي]

لاحول ولا قوة إلا بالله


هذا والله اللي يقول .. عند حلال أبوووووه طالبوووه ..... يا طيب اللي يفهم :)


اسمع أيها المسيكي المتهور

إليك عني .. وأغرب عن وجهي .. ثكلتك عيده بنت الأمير ... :)

ولتعلم تمام العلم ان المدعو مزيد لا ناقة له ولا جمل في هذا الموضوع فقد خرج من يديه وأهدر دمه في بيضا نثيل واصبطر والعماير وساحوت وتيما وعرنان وأقصى النفود وأدناها :)


كان المسيكي ضاريِِ للجربعــه _____ بـ جربعه وأطلق عليه الصافره

ما فيه لا ضحكه ولا به كعكعه _____والدين ما يقبل صلاة الكافره

البنت بنت العود .., والعلم اسمعه ____ ياللي صوابيعه على خنافره

طشيتكم مثل حبوب المزرعة ______ والمزرعة فيها المنابت وافره

بانتظار الضحايا .. والمناضلين الشرفاء :)

[سلطان السويلم]

السلام عليكم ورحمة الله وبركاته


الي الاخ اللي كان عزيز
نائب رئيس عصابة السبعه والفدعان




0


00

00

0

بدر بن غثيث

اول شي ما لك الا يومين جاينا ومنهو اللي جابك الله لا يعطيه عافيه وتغابشنا على بناتنا
الجعفريه اللي انت تقول تقول ان مزيد مفوتها لك


يا بيي تراء دونها الجعااااااااااااااافره ودونها ولد سليمان على بكرة ابيها

وتراء اطرف واحد من ولد سليمان يا خذها ولا تروح للسبعه ولا الفدعان

ماران طعتني عين من الله خير وامسك الأرض يا بن غثيث

تراء الربع للحين ما دروا با السالفه والا والله لتدور السلامه ولا تلقاها لكن ان طعتني انسحب

وأكف السبعه والفدعان شر ما تفكرون بس مجرد تفكير به

وقبل تكبر العزاوي وتروحون ملح





ابو فهد حياك الله

ولعل هذه القاله تزيدنا تقارب والفه ومنت الحالك

وتراي انوب هنا عن الغضاوره من ولد سليمان الين ما نشوف تليتها


عيونو خير يا هذا الجمع قبل ما ندق الطبل رباب اذعانٍ لأندلاع المعركه


تقبلوا تحياتي

[مطلق النومسي]

لا يا بعد راسي والله يا ابن سويلم .. يا اخوي أنت جدك ما يرتاح إلا لا طلع قلب الرجل من جوفه وشافه ينقد فوق شفرة شبريّـــته:)


وعز الله ما علي خلاف دامك بصفي ... يا اخوي حنا من اول لا جتمعت علينا الجموع كسرناها


قدااااااااااااااااااااااااااااااااااام

وابشر بالسعد

والله ما تطلع الجعفرية من أهلها ... لو حاربنا الحكام :)

[بدر الحنيف]

هذا والله اللي يقول .. عند حلال أبوووووه طالبوووه ..... يا طيب اللي يفهم


مطلق ............. أصح على حالك


وين انت غادي


الجعفريه من نصيبنا


لا تقعد تكّبرالعلووووووووم

طارت الطيور بأرزاقها





الجعفري الي جاي عقب الصومعه = مكبر الشرهه وانا الي خااافره

لا يدخل برجليه نار(ن) مولعه = النار من قدح المعاني طافره

ترى المسيكي بس طقة اصبعه = تهدم كيان أهل العلوووم السافره

لا تبتلووون بشر ناس(ن) موجعه = المزرعه الي تدّعيها قافره



سوف تكثر صرعاكم من شلفاي :)

الله يجيبك باللقا من تلاتي:)


ياويلك

[القماصي]

الجعفري الي جاي عقب الصومعه
مكبر الشرهه وانا الـي خااافـره

لا يدخل برجليه نار(ن) مولعـه
النار من قدح المعانـي طافـره

ترى المسيكي بس طقة اصبعـه
تهدم كيان أهل العلوووم السافـره

لا تبتلووون بشر ناس(ن) موجعه
المزرعه الـي تدّعيهـا قافـره

كفووو والله يابن آخي

بدر امش وحنا معاك

[مزيد المزيد]

هااااادي ..

واود ان اقول لمطلق ( زواج عتريس من فؤادة باطل باطل باطل )

هههههههههههههههههههههه من هو عتريس ؟؟؟ ;)اكيد انك تقصد بدر ... هلابك ياهادي والشر لي .



مطلق ..

ولتعلم تمام العلم ان المدعو مزيد لا ناقة له ولا جمل في هذا الموضوع فقد خرج من يديه وأهدر دمه في بيضا نثيل واصبطر والعماير وساحوت وتيما وعرنان وأقصى النفود وأدناها

هههههههههههههههههههه انا هذا بلاي :mad:يابوفهد ولا والله المليووووون حلووه :rolleyes:.

بدر .. سوف تكثر صرعاكم من شلفاي

الله يجيبك باللقا من تلاتي

بدر انت وش علمك ؟؟؟

وش اتفقنا عليه حنا بالتلفووون ؟؟؟


ماقلت لك تعال وبس وخل شغلنا سكاااااااتي


ياااحبك للشر:eek:


دمتم كما انتم انقياء بكل خير وياحلوووووو معاااند الكباااااااار

[بدر الحنيف]

الى الي كان.................. أخ وعزيز

سلطااان السويلم

اولا: انا ماني عندكم انا في مكااااااااان يجمعني بكم ولا اعتقد ان هناك احد يجيبني له لاني ادله وبين عيوووووني

مها لي وانا وابوها متفاصلين انتم وش كاركم بيننا .....

يا الي كنتو ربع ارجهنووووووووا :)


ترى أربعوووعي ما دروا بالقاله الي جا يقنها مطلق الله لا يجزااااه خير :)

وش صيده ...؟؟؟؟؟؟؟؟؟


هو يبي يخرب........... ولا نيته صافيه. ( ما اعتقد بالثانيه ) :)


احمدوا ...الله يا ولد اسليماااان ان السبعه مادرو للحين


لو دروا كان تلقا كل مسطووور منهم بيمناه السيف و""اللابتوب""" بيساره :)


ارجهنو

ارجهنو

ارجهنو



مها لنا






ابن غثيث

[مطلق النومسي]

بخِِ بخِِ بخِِ بخِِ

تو استو الجو

يا أيها المسيكي المتهور اتفاقك انت والمدعو مزيد مثل الكتابة على الما وتراه حرامي يا خبل يبي ياخذ الدراهم ويسافر لان البنت ماهي بيده :)

وبعدين يالسبعة ما جاكم من الجعافره ولا ولد سليمان إلا اثنين ويوم جوكم جوكم على مراكيهم :) .. وبعدين أصغرنا يرد له قوم لحاله مار ارجهنوا انتم وابلعوا العافية :)

ليت السبيعي ينثر .. واللي معه ____ يوم المدافر ما تصير مدافره

ما تدري إن الورع منــّـا بـ أربعـه ____ والورع منكم .. ترهبه سنافره ؟

أعميت عينك باصبعك يا الصرقعه ____ والله يخلي للبلد مخافره

جاك الحصان .. اللي يخض المسبعه ___ وقلوبكم ترجف تحت حوافره :)

يا ويلكمممممممممممممممممممممممممممممممممممممم ... عمـــــّـــــر لي يا سلطاااااااااااااااااااااااااااان عطني السبيل وصب لي فنجال الدعوة سهالات يا بناخي

ما بالحمض احد :)

نداء بلهجة حادة وقد تتحول إلي التهديد بالقتل .. أيها المدعو مزيد أيها العميل المزدوج .. تنحى جانبا وألتزم الصمت وإلا ..........؟؟؟ انت من يعرف ما ورا النقط أيها الصابيء :)


بانتظار الضحايا الجدد ... والمناضلين الشرفاااااااء

جااااااااااااااااااااااااااااكم الموووووووت يا هل العرفااااااااااااااااااااااااااااااااااااااااااا


:)

[مطلق النومسي]

تصبحوووووووون على خير ياللي على بالي :)


أنا عندي دوام وابي انام .. وبعد الدوام اسافر للقصيم عندي محاوره يعني ماراح أرجع للكويت إلا الجمعة بالليل


مع السلامة يا ضحااااااااايااااااااااااااااااااااااااااااااااي :)

[القماصي]

مطــــــــلق


اخذ العلوم الصامله حنا سبعـــه ** وخيولنا يالنومسي ضوامـــره
الشمس كلن شاف حزة مطلعـه ** والبحر كلن عارف ن مخاطره
اليا انتخينا صف وصفوف اربعه ** عدونا من الخوف عينه فاقــره
يالجعفري جتك العلوم مشمعــه ** الفيصلي شعري وعليكم شاهره

الله معاااك ياضحية السبـعــــــــــه

القماااصي

[بدر الحنيف]

ها ها ها ها ها

لالالالالالالالالالالالالالالا


كر كر كر كر كر كر كر كر كر

تو زان الجو

"" ما يذري المهذري غير من حر الصخوووونه """


عوّد للجاده تراااااك غااادي

منت ند للسبعه يا وليد ... تراها فيها مووت وفيها تدحرج روووس وفيها طعن فيها بكا حيااانك عليك
ماهي طرح مطارح وبقسات وطرااااقات والحضرور يفرق :)


انتبه....

لا يغدي فيك ظنك .....
بّرق بعيونك

لا توخذون ولد اسليمان انت """والفلو"" ابن سويلم:)

مها خلاااص للسبعه....


أتخذ القرااااار الي ما عنه مجنااااب



كب الغطرسه


وأقضب عندك





وشفيه هذا قام يرخي بلجمه = الحرب تبقا سيف ما هي ملااااكمه

خصيمنا جينا عليه انحجمه= امر(ن) طبيعي ما عليه محاكمه

راحوا ضنا سليمان وأسبيع ألجمه = اجموعهم جمع السبيعي شاكمه

التمر مالك منه ياكوود اعجمه = خل الهموم بداخلك متراكمه


اسلموووووووو على ما بقا ورضخو للامر الوااااقع


لأن ما قداااامكم الا الأباده

[سلطان السويلم]

ول ول ول عليك

ول ول ول عليك


يا بن غثيث

وش طاري عليك وكانك نايم صحصح تراء جتني علوم ان السالفه تعدت ريع المغني

وانت تخبر هاك الريع كم من الروس راح به طشاش

لكن ان طعتني ريح ركايبك ولاتجني على السبعه والفدعان ثم يتعلق ذنبهم برقبتك

وتيتم وترمل ناس مالهم ذنب تراء ريحة الموووووت ماهي سهله يا البناخي

0
0
0
0

ابو فهد
لا يهمك تراء كلها ثورة ببسي ما عندك احد واللي مسوي نفسه عريس حشرته البارح

بس ما لقيت احد يعني برحه


بن معزي

السلاح اللي انت قاعد تصنع به لا ياكلك

واكيد ان سلاحك مقاليع وما يوكلك عيش

وربط جنونك يا ابو سلاح لا قصدي مقاليع


تقبلوا تحياتي

[هادي بن معزي]

ياحوووووووووووووووووووووووووووووووول

يا حلوووووووووووووووووووووووووووووووووووووول

يالله دخيلك يالله دخيلك

سلطان السويلم وش بلاك مسوي زحمة هدي هدي هدي وعيّن من الله خير هذه ويييييييييييييين وهذه ويييييييييييييييين

هو انت تبيني اضمك للقائمة عندي

لان الدعوى سرااااااا :)

وانت ما ادري متى سراك ولكن يجيب الله مطر

كلن يجيه نصيبة لا تستعجل

بعدين انت جالس تستفزني على شان اكشف لك عن السلاح الذي بحوزتي

ولكن تطمن
لوووونك جارن لبوتين منت جايبله مضاااااااااد :)

اما اذا احد شباب الفدعان الاشاوس كان فالقك قبل بمقلاع هذا ما يعني ان اسلحتنا مقاليع .... ولكن اسلحتنا متنوعه منها المقلاع ومنها

الهبوط المظلي ومنها قطع الامداد والتمويل عن الخصم
أما السلاح ماراح اضهره الا بالوقت المناسب

ولكن لكل حادث حديييييييييييييييييييييييييييييييييث

قال مقلاع قال .......................... عين خير ولا تستعجل رزقك جايك بس عين خييييييييييييير
هادي بن معزي

[المسيكي]

ارررررررا ولد ابوي ،،،


كل هذا يصير وانا مدري ،،

الوكاد مشطت الديار ومراقبين الجعافره ،، وانا صاح الصياح من المراقيب ترانا والمين ،،

والوسم بشنق ريع المغني ،، بهاكالبرقا ،، كانذار
.......................


الذيب ذيب وصيدته ماتشبعه=لجلج وضلوعه لجلجت جشافره
السبع سبع لاشك حنا نــسبعه=نرميه حدر القاع حنا نعافره
ماينفعه وان جاء حنا نردعه=ماينفعه بالارض جحر ٍ حافره
بالكون اما الحتف او له نربعه=مكتوف او يفر ربعه نافره
لاثار منا اطلاق حنا نقبعه=ويديه فيها الذل تبقا زافره
صابونها وان صوبنه ماينفعه=دلاق دوم تفوز تبقى ظافره
سيوفكم يارجال تراها مجبّعه=وليا بغيتوا الزود تراها وافره

....................

[القماصي]

حياك الله اخوي المسيكي

ونبيك توقف بصفنا ضد الجعافره نبي نشوف اخرها معهم.

لكن اتمنى من الاخوه الشعار ان يلتزمو بقواعد المحاوره اللي ماشين عليها من أول

اربع ابيات اربع ابيات وعلى نفس القااافيه حتى تسير الامور بالوضع الصحيح.


القماااصي

[سلطان الوايلي]

هههههههههههههههههههههههههههه

[جبار بن عابر]

مريت من هنـــــــــــــــا

ولا اراديا ,,,,ضحكت بجـــــــد ....ضحكة محبه ورضاء ....وقلت


الله لايفرق شملكم جميعا ويجمعكم على العز والطيب......ابناء وايل

اخوان واحباب ,,,,

[طلال الايداء]

صح الله لساانكـ



وتقبل تحيااتي

اخوكـ طـــــــــــــــلال الايدااااااااااااااااء

[القماصي 1]

يابدر اشم ريحة تمرد من قبل النومسي .....!!:eek:




تدرون عاد

ليش ماتعودون إلى رشدكما وتطيعون أولي الأمر
ولا تشقا عصا الطاعه
الظاهر لازم نشكل لكم "لجنة مناصحه"
لعل و عسى تعودا إلى رشدكما


























أقول تراني متضامن معاك يابدر بس لازم أزبط الوضع مع الحكومه ;)

[علي الرماحي]

صباحكم روقان وسعاده


سين سؤال يالربع


الحلقه الأخيره متى

:p

< يحس انه بينطق


الله لا يفرق شملكم والله يعزكم ويجمعكم على الطيب والعلم الغانم

همسه

لعمر غربي

لو هي ضد الحكام بنحارب :more56:

كفوووووووو والله

ما اعتقد ان بعد هالكلمه احدآ بيوصل المهــا عسى الله يحفظها لوالديها

[فارس مهل المهيدي]

اخي صالح العرجان

السلام عليكم ورحمت الله وبركاته,,,

اخي صالح عليك بياض الوجه وبالنسبه للسبيعي بواجة الديار مادرت عنه والسبعه والف نعم بهم

ولكن,,, احذرك ياسبيعي لا تثير الفتن لاتثير الفتن وبلاش الجمع هذه سالفه بينك وبين رجل
والذنب بيكون على فدعاني وليس الفدعان كفافا

واذا تريدها بالقوه عصم الشوارب ماتخذها

[طالب الونيس]

والله امر عجيب السبعه والفدعان قايمه قيامتهم على البنت الجعفريه
طيب وين ولد ســــــــــــــــليمان مافيه احد يحجر على هالبنت وتنتهي حرب البســـــــوس الذي وصلت عددالردود الى19 صفحه وين اهـــــل الجـــــدعا افتكو بنتكم
ولي انشالله عوده

[خلف الغريب]

ممازحات جميلة بين الاخوة وفقهم الله والله يذكر ايامهم بالخير ..

لعدم وجود احد من الاخوة اصحاب الموضوع وانقطاعهم من المنتدى استأذن الجميع في الابقاء على الموضوع كما هو بإغلاقه ..