سلامة وكاتب الجعفري&ماجد الولدعي وصالح السالم( رباعية)

[سلامة الجعفري]

بداية كلامي مرحبا والعلوم علوم= وذا الليل يبغى يطلع الخافي المكتوم
انا المنتصر واكيد ماجد هو المهزوم =يقولون ماللعلة الا مداويها



هلا مرحبا ترحيبة ٍ تفتح الباب = وباق السوالف ماشيه في سراها

[خلف الغريب]

اجل رباعية الليلة ..!!

اولا يعطيك العافية يا سلامة وثانيا تراي على وضح النقا بصف صالح السالم وسعوط المجانين فرحة بعودة سعوط المجانين ..

انا متابع بس تكفون لا تبطون علينا ..

[سلامة الجعفري]

اهم شي حضورك يابو خالد وان شاء الله محاورة ممتعة

[كاتب الجعفري]

سلامه على ماجد وكاتب على صالح=وانا هاجسي مهتاض من ليلة البارح
واكيد المواقف تفرق الحلو والمالح= يقولون ماللعه الا مداويها



هلا مرحبا بك وابتدى حرب الاعصاب=بعد طارت طيور السما في سماها

[سعوط المجانين]

يدوم البقا والليل يظهر لنا الخافي = وتعرف قدر ميقافك وقدر ميقافي

لكن كيف فوق الشوك سقت القدم حافي = يقولون مال العله الا مداويها



يدوم البقا رده على حسب الآداب = وانا مارخص السلعه على من شراها

[سعوط المجانين]

جميع من قام بالمرور لاهنتو وصحة ابدانكم


خلف الغريب

الفرحه والله تواجدك ومتابعتك الله يعزك يالذيب

لاهنت

[صالح السالم]

ترى الليل ليل يحسب احساب ليلين=
على سكت العالم ونمشي على الدين=
ولا ودنا بيمين ويسار ويمين
يقولون ما للعله الا مداويها=


بدينا الكلام وطاب ليل السهر طاب=عسى الله يجملنا الى منتهاها

[احساس قلم]

وش اقول سعوط المجانين يامرحبا ملايين
اكيد اليله غير
متابعه للجميع بلا استثنا واكيد في صف
سعوط المجانين

[سعوط المجانين]

احساس قلم


لاهنتي على المرور الراقي

تقديري

[صالح السالم]

خلف الغريب صفنا يبراه السعد ما دمت فيه يابو خالد
احساس قلم شكرا لتواجدك المشرق

[سلامة الجعفري]

انا والله اني خابرك تنطح الهيه = ولكن على قول المثل طحت بيديه
ترى كل سيه فوقها فالزمن سيه = يقولون مال العلة الا مداويها


ترى عقاب ميت رحمة الله على عقاب = لاتلبس عباةٍ ماانت في مستواها

[كاتب الجعفري]

ونعمين بك ياصالح وصاحب وغالي=ولكن مالك لاتقارنه مع مالي

وجودك يلهيني عن اللعب مع حالي= يقولون مال العله الا مداويها



ليا صار ما انته قد ابو زيد وذياب=قل السمع والطاعه وعش في ذراها

[نافع عيد الجديد]

سرررررررررررررى الليل يالشعار
وانا بصف سلامه وكاتب
اكيد ظد خلف الغريب ولاهو قصور بصالح وسعوط المجانين

[سعوط المجانين]

تمنى مطيحي مير فالطيحه مصيبه = بعدها من اللي يردع مطير وعتيبه

مابين العرب ماعاد يبقى لكم هيبه = يقولون مال العله الا مداويها



انا ماني مفشل ربوعي بعد غاب = وفعل الشوارب مايخيّب لحاها

[صالح السالم]

تريد الحقايق والحقايق تعدنك=
ترى فن صالح ما تقارنه في فنك=
شرب جم بيره قبل ما تضحك بسنك=
يقولون ما للعله الا مداويها=


على الهون بالله يا مفتلت الاشناب=قبل علةٍ ما عاد يلقى دواها

[احساس قلم]

تمنى مطيحي مير فالطيحه مصيبه
بعدها من اللي يردع مطير وعتيبه


هههههههههههههه دور غير هالقبيتلين ياماجد
لصير ضدك هههههههههه

صح السنتكم
جميعاا(صالح \سلامة \كاتب \ماجد) صح السنتكم جميعاا

[صالح السالم]

نافع عيد الجديد

مرحبا بهالحضور

حضورك هو المكسب حتى لو مانت بصفنا

[سعوط المجانين]

افاا اجل ضربنا مطب يااحساس ههههههه


بالعكس هالقبيلتين لولامعزتهم ماتواجدنا فمنتدياتهم

[سعوط المجانين]

نافع الجديد

حياك الله يالذيب وانصحك تغير الصف ترى الميل عليهم ههههههه

لاهنت

[احساس قلم]

والفخر لهم بتواجدكم وان اختك
متااااابعه

[طلال]

وش السالفه انا شفت السيارات ولبقت ،،،،،،عسى ماهي مضاربه اشوااشوا



عاشو انا بين الصفوف والطريق زحمه واطوف من يمين


لاكن طالبكم تقبسونا وانا على البنزين 95

[سلامة الجعفري]

عسى الله يصلح نيتك واستمع فيـّـه = ولايلعب بعقلك عيال الحرامية
ترانا بدونك فاللقا نارنا حيه = يقولون مال العلة الا مداويها



على الهون ياللي تدعي قطع الارقاب= ياكم طلقة ٍ من بندقك في خباها

[صالح السالم]

هلا بطلال
حي الله هذ الحضور لكن ليش متاخر يا طلال

نتشرف بتواجدك

[طلال]

تمنى مطيحي مير فالطيحه مصيبه
بعدها من اللي يردع مطير وعتيبه


هههههههههههههه دور غير هالقبيتلين ياماجد
لصير ضدك هههههههههه

صح السنتكم
جميعاا(صالح \سلامة \كاتب \ماجد) صح السنتكم جميعاا

احساس قلم دخنت كتفك هههههههههه

[سلامة الجعفري]

نافع الجديد صح بدنك وماعليك من ماجد خلك معنا وماراح تندم

احساس قلم صح بدنك ووجودك اسعدنا

طلال حياك الله وابشر بالحرايق

ن

[طلال]

هلا بطلال
حي الله هذ الحضور لكن ليش متاخر يا طلال

نتشرف بتواجدك

الشرف لي اخوي صالح بعدين ماعلمتونا
انا كنت طالع البر عزمني واحد يقول انت شاعر وعشاك عندي يوم جيت لاو الله حبتين دجاج

وشرايك يستحق القصيده

[كاتب الجعفري]

تراني ليا هلحين ماجيت لك كلّي=لاهو من كبر ولاهو غرور وتعلّي
انا محترف والاانت ياهيه متسلّي=يقولون مال للعله الا مداويها



يحاول صحيبي يلفت انظار الاعجاب=ويبغى يكحلها وسبب عماها

[كاتب الجعفري]

الله يحي الجميع كل ٍ باسمه

حضوركم هو المكسب الحقيقي لاهنتوا

[سعوط المجانين]

تقوله لكن العود لاحك راس العود = فوقت اللقا لاتغيب يالغايب الموجود

ولاتلحقك شرهه ولايلحقك منقود = يقولون مال العله الا مداويها



لو انك تعرف الروس وتعرف الاذناب = ماكانت علومك من خلاها بخلاها

[سعوط المجانين]

طلال لاهنت على الحضور والمتابعه


جميع من قام بالمرور لاهنتو جميع وصحة ابدانكم

[احساس قلم]

شباب عصير لترويقه
والي يبي ماء يقولي

http://www.al-amakn.net/vb/uploaded/33663_1250562587.jpg


لازلت متابعه يامبدعين

[صالح السالم]

طلال احمد ربك انك تعشيت ههههههههههههههه

احساس قلم جبتي العصير بالوقت المناسب

دمتم ودام تواجدكم

[كاتب الجعفري]

صالح شكله لقى العصير ونسى ينزل الابيات هههههههههه

[صالح السالم]

تضوي على لك قوم وتعود بمصيبه=
يومي بك الشيطان مدري تومي به=
عن الكسب ياليتك تعود بلا معيبه=
يقولون ما للعله الا مداويها=




غرور الفتى هذا مرض ماله اطباب =يهين النفوس وثم يلعن ثواها

[صالح السالم]

صالح شكله لقى العصير ونسى ينزل الابيات هههههههههه
والله انك صادق نسيت انه انا اللي ارد

ترى العصير والله شي لا يفوت عليكم

[سلامة الجعفري]

ظروف البنادم يجبرنه يجي ويغيب = ولافي غيابي كل ماغبت شقة جيب
لكن اغنم اللي جاك واحذر من التعقيب = يقولون مال العلة الا مداويها


انا ماغزيت ومقصدي نيل الالقاب =لاتجعل زعل نفسك يسابق رضاها

[طلال]

لو انك تعرف الروس وتعرف الاذناب،،، ادعسسسسسسسسسسسسسسس

انشهد انها ولعت خلوني افرك لاياخذوني الشرطه وانا مالي دخل

أحساس لاهنتي واحد ليمون،،،عاشو الاربعه

[كاتب الجعفري]

تبي تصدر الاحكام واقول لك بدري=ليا صرت فالشعر وطريقته ماتدري

لكن العوارف تدري بقدرك وقدري= يقولون مال للعله الامداويها



ترى الرجل لازم يحسب لقوله حساب=لو ان البشر يوجد فروق بذكاها

[طلال]

:more45:الشرطه جتكم :more45:اتصل بها نافع الجديد

عااااااااشو الشعار

[سعوط المجانين]

انا مانويت افتح على شان هرجك باب = لكنّ ويش عذرك لاحتما الماقف الغصّاب

لكن خلها يالذيب لمورّد الهيّاب = يقولون مال العله الا مداويها





ترى للفعل وقفه وللمصقل جراب = ونفس ٍ تموت ولا وصلها مناها

[صالح السالم]

تحاول تعانق عاليات المراقيب=
وصاحبك مثلك بس مامن مكاسيب=
خذاها العقاب ورحتم انتم طنانيب=
يقولون ما للعله الا مداويها=


يموت الحنش مقتول والسم بالناب=يا ويل الافاعي من فعايل عداها

[سعوط المجانين]

صح لسانك ياسلامه ولاهنت وتصبح على خير


وصحة الالسن ياكاتب وياصالح

[صالح السالم]

صحت الالسن جميعكم سلامه وماجد وكاتب
حقيقه استمتعنا الله لا يهينكم
شكرا لكل من حضر
تصبحون على خير

[طلال]

ونستونا الله يعطيكم العافيه

ثنين ضد ثنين والمخرج ملي
صحت السنكم

[طلال]

كملوووووووو النشاما زان الطاروق

[هندي المقبل]

حضور متاخر لكني استمتعت كثيرا بما ابدع به الشعراء

صح الله السنة الجميع

[سلامة الجعفري]

ياماجد تراك بنظرتي شاعر ٍ ماهر = ولو شفت نطقي شين لك خافقي طاهر
عسانا نشوفك جانب كريم وشاهر = يقولون مال العلة الا مداويها


بجاه الذي نزل تبارك والاحزاب = عسى نفسك الشما تحقق هواها


ماجد الولدعي صح لسانك تشرفت بك والختام عندك انت وصالح
اشكرك لاستجابة الدعوة واشكر الشاعر صالح السالم كذلك وصح لسانك ولسانه

والشكر كذلك لجميع المتابعين بدون تحديد والى اللقاء

[سلامة الجعفري]

ماكنت اعلم ان ماجد وصالح طلعوا والا كان الرد الختامي عندهم لكن اكرر الشكر مرة خرى


ويصبح الجميع على خير

[كاتب الجعفري]

فموالى الاول تدعتك كلمه سر=وخذ ياوسيع المعرفه معه كر وفر

وليتك يابو سالم تراعي حروف الجر=يقولون مال للعله الا مداويها



ثلاثه حرار ٍ فالسما معهن غراب=يقولون من دور لحاجه لقاها

[كاتب الجعفري]

الشكر للشاعرين الرائعين ماجد الولدعي وصالح السالم


, والشكر موصول لكل من تابعنا وشاركنا

استمتعنا في هذه المحاوره, ونتمى الازدهار دائما لمنتدانا الرائع

تصبحون على خير

[تركي صالح]

شعراء مميزين

واسماء لها مكانتها وتميزها

محاوره ناريه من الطراز الثقيل

امتعتونا بأبداعاتكم



دمتم بخير

وتقبلوا خالص التحايا

[كاتب الجعفري]

تركي صالح

شرفتنا في حضورك الراقي




تقديري

[ماجد الغانم]

الله شعراء كبار

وحضور مميز

سلامة الجعفري ....كاتب الجعفري ...صالح السالم ...سعوط المجانين

وش أقول عن هالاسماء الا لله درهم دائماً مميزون

استمتعت بمحاورتكم لاهنتم

[كاتب الجعفري]

ماجد الجعفري


التميز في مرورك الرائع


لك عاطر التحايا

[حمد الخمعلي]

صحت السنتكم جميعاً


سرااحه فااتني القطاار عن هذا الابدااع من شعراااء عمااالقه0


نتمنى ان تستمر هذه الربااعيه ولا تكون الاوله والاخيره

كُونوا بخير