إلزم حدودك ..

[أبو غرام]

قيل .. :

اللهم قني شر اصدقائي .. اما اعدائي .. !!
فانا كفيلاً .. بهم ..






http://www.aboshdg.com/topupload/users/soo/arrrr.jpg




..



ياهيه .. جاني العلم .. بأنه تقودك=حكاوي .. التشهير .. حزة .. / غيابي
وإني تبيع(ن) من تبايع .. فرودك=وإني على ( دق ، الإشاره ) إجابي
ماهي مذله .. او خشيّة .. وقودك=ولاهي ( غباوه ) ياسبايب .. عذابي
طوفتها .. من باب حشمة .. جدودك=ولا انت مالك .. في خفوقي .. مطابي
يمكن تعدلّ .. من تمايل .. عمودك=ولا .. العسيره ( ياحويشي ) تجابي
ماكنت لك إلا .. معلّم .. يفودك=الوقت .. / وقتي ، والكتيّب .. / كتابي
عيني .. / غديرك ، والمصبّه .. / ورودك=اسقيك .. / بيري ، واتجرع .. / سرابي
صدري .. / مقرّك ، والحنايا .. / جنودك=الفٍ .. / هلابك .. قبل .. الفٍ .. / هلابي
قبل تجيني .. في سؤالك .. وفودك=يسبق .. / سؤالك .. في حضوره .. / جوابي
من بعد كل هذا .. تعشّم .. فهودك !!=وانا .. عجاج(ن) .. ماني هبة .. هبابي
نصيحتي ياهيه .. اوزن .. ركودك=دامك .. في ظل ( الاجوديين ) رابي
فارق .. / وجنّب غاد .. / والزم .. حدودك=قبل تعدى الحد .. وافقد .. صوابي
هذي نهاية .. من يصدق .. وعودك=اصغيت .. هرجك .. لين هرجك .. وشابي
دنياك .. لو سارت .. على كيف .. مودك=بكرى أسيّرها .. على كيف .. ما ابي
خلك .. على وضعك .. وأحشد .. حشودك=أَبْردْ .. سكاكينك .. وأحسب .. حسابي
لملم .. / حصانيك ، وأنخى .. / أسودك=لو فيكم اية خير .. !! مسوّ .. ثيابي
في ذمتي .. لاطاه .. / واكْسْرهْ .. عودك=واقطع لك .. لسانك .. إذا انه .. حكابي
حتى في .. حلمك .. ياعدوي .. أقودك !؟=اطى .. على .. خدك .. وتبلع .. ترابي
مستولي(ن) .. ارضك .. ومالك .. نفودك=وحضارتك .. فدوه .. لفكرة .. خرابي
دستورك .. الباهت .. مخالف .. بنودك=رجولتك .. / دبكه .. وتح .. / الشرابي
اولى .. انتصاراتك .. مغازل .. عنودك=واعظم .. طموحاتك .. تصافح .. روابي
نيم(ن) لو إنك .. صاحي(ن) من .. رقودك=مسيرتك .. / ظلمى ، وجوك .. / ضبابي
احقر .. من إنك .. اعرج(ن) في .. صعودك=إنك .. وصلت .. لقمتك .. فغتيابي
لا لك ( فعايل ) تنذكر .. او .. تقودك=غير ( السواد ) اللي .. مغطي .. العلابي
شفت ( الردى ) منك .. ولا شفت .. فودك=كذاب .. / واطي .. / وفوق هذا .. / محابي
منت ( بكفو ) اصفعك وآذي .. خدودك=منت ( بكفو ) شيبي .. واخر .. / شبابي
ربي يزيد(ن) وأنت .. الله .. يزودك=واعاملك .. بإحسان .. لا جيت .. بابي
يمكن .. تذكر .. سلمْ .. ثامن .. جدودك=لاشفت ثوب .. الطيب .. قدي .. زهابي
تُحسب لك إني .. جيت .. انطح .. ردودك=وإنك ( جريحٍ ) من سواياة .. نابي
ولو ( طيحتك ) تاتي .. بكثرة .. ندودك=ماكنت .. كل ما زادوا .. زاد .. انتصابي
أعظم .. مُصيبه .. تنحسب لك .. / برودك=وأعظم .. شهاده .. تنكتب لك .. / خطابي
واكبر .. خساره .. في حياتي .. / وجودك=واكبر .. خساره .. في حياتك .. / غيابي



..

http://smilewithme77.jeeran.com/ورده%20حمراء.gif

للشاعر الرائع /فهد بن خلف الشمري

[نافع عيد الجديد]

صح لسانك ولسان شاعرها
اختيار موفق كما عودتنا
بانتظار جديدك
رعاك الله

[صلاح الاشجعي]

يعطيك العا فيه اخوي جا ئز وبارك الله فيك
قصيده جميله ولا تحرمنا حسن اختيارك
ودي وتقد ير ي لك

[عاشق المعالي]

شاعريه تفجر بها الغضب

صح لسان الشاعر

وشكرا لك على الاخيتار وشكرا لك لانك كتبت اسم الشاعر بكل صراحه اتمنى ان كل قصيده تنقل هنا يكتب اسم شاعرها والا تحذف .., حرام تتضيع حقوق الشعراء

صررررررخه الي ادارة المنتدى

[غموض الشمال]

إنتقا رائع
تسلم يمينك ويسلم لنا ذوقك أخوي
تقديري لك

[أبو غرام]

حياكم الله جميعاً

والشاعر ابن خلف مميز .. وحتى في هجائه وربي مميز

ويجب علي بل وحق ان اكتب اسمه

كون التميز عنوان له والنص مميز برأيي

الف شكر لكم ولمروركم الذي سعدت به

[راعي سميراء]

صح لسانك ولسان شاعرها


بيض الله وجهك


لاهنت

[سعود المسعودي]

صح لسانك ولسان شاعرها

اختيار موفق يابو احمد

دمت بود

[محمد الدلماني]

اختيار رائع ابو غرام والله يكفينا شر شرور الاصدقاء وانت طيب وماترافق الا الطيبين ان شاء الله

نصيحتي ياهيه .. اوزن .. ركودك
دامك .. في ظل ( الاجوديين ) رابي
فارق .. / وجنّب غاد .. / والزم .. حدودك
قبل تعدى الحد .. وافقد .. صوابي
هذي نهاية .. من يصدق .. وعودك
اصغيت .. هرجك .. لين هرجك .. وشابي
دنياك .. لو سارت .. على كيف .. مودك
بكرى أسيّرها .. على كيف .. ما ابي

[أبو غرام]

لله دركم جميعا على جميل حضوركم

الذي سعدت به وتشرفت

فالود والتقدير مني لكم وعن لسان صاحبها