(...هـــدوئـئ الـمــبــعــثر...)

[حمد الخمعلي]

السلام عليكم ورحمة الله وبركاته


في 8/6/1431ه
23/5/2010م
يوم السبت
تم افتتاح هذه الصفحه



فنتظروني ايها الاحبه
.
.
.
.
.
.
.
.
.
هنااااا


هي صفحتي الحره لينثر قلمي ما بداخلي


هنااااا


سوف اكشف عن بعض أورااقي المغموووره



هناااااا



تجدوني





هنااااا





حمد سعد الخمعلي

[حمد الخمعلي]

يابنت لو تدرين وش كثر انا اغليك=ماتصدقين اللي حروفي تقوله
انتي ملكتيني وانا اسر ليديك=ماعاد لي بالكون عرضه وطوله
دامك معي يكفيني اني احاكيك=لو كان شوفك مايجي بالسهوله
كلي فدا عمرك عسى الله يخليك=الله لايحرم خفوقي ميوله

[حمد الخمعلي]

اشوفك اليوم مانت الصاحب الاوّل=تزعل وراضيك وترد الزعل ثااني
ياصاحبي والله اني فيك متهوّل=اجيك كلي وعوّد منك بحزااني
مدري وش اللي مغير حالك الاوّل=دخيلك القلب رده كان تنسااني

[حمد الخمعلي]

ماودي تناظر عيوني تشوفك=تشوف منزالك ويكثر تغليك

[حمد الخمعلي]

ياهلابك ياهلا=ياهلا باللي لفا
إيه ارحب بك غلا=يامطول بالجفا
كل همٍ بي جلا=بعد جيتي ياوفا
مرحبابك مسهلا=مسهلا باللي لفا

[حمد الخمعلي]

بعطيك من هوجاس صدري علومي=وسقيك من كاس الغلا نهر عشااق
ضاقت على جسمي وساع الهدومي=ماعاد اطيق اللي يسمونه افرااق
تلفحني العجاا وحر السمومي=وهوجاس صدري محرقٍ حالي احرااق
يمرني طاريك مثل اللحلومي=وافز لامريت واقف على سااق
ودورك ولقاك حاري قدومي=ومشي على شانك لو الدرب عوااق
يقودني سلك الغرام العزومي=وجيك حامل قلب عاشق ومشتااق
حبلة قلبي بالهوا مايحومي=مستيسره لامن دعيته لك انسااق

[حمد الخمعلي]

ماعوا00أيوب من رغد عيش وطيب فااال=والله إنه مونسٍ شي يومنه عواا
ماتحدر للسهل من على رووس الجبااال=غير عنده طااري المووت والعيشه سواا

[حمد الخمعلي]

ياغاليه وشبك مع الوقت تقسين=ونا بطول الوقت لرضااك سااعي
مادام مسكانك من العين للعين=حبل الوصل لايصير فيه انقطااعي
مدري؟ تسمعتي لهرج العذولين=ولا دعاك لهجر الاحباب دااعي

[حمد الخمعلي]

عذرك معي في كل الايام مشغول=صابر ولا أنتي شايفه كل صبري
يعني يبي يصير عذرك على طول=ولا تحرى كسرتي ونت جبري
خوفي من الواالي وشوفي لنا حلول=مل الورق من كثر دمعات حبري

[حمد الخمعلي]

ابطيت عني يالغلا بالمراسيل=ونا تحرا كل ليله رساله
قلبي عطش ونتي بقربك له السيل=ووصالك زهور الحيا بكتماله
وبعدك جفاف وعج ليل وغرابيل=غصنٍ ذبل والحر قصر ظلاله

[حمد الخمعلي]

وينك ترا طول غيابك ونا بيك=والنار بضلوعه تزايد وقدها
ماترحم اللي طامعٍ فيك شاريك=ونت لحياته0 ياحياته سعدها
لاتحسبني مع بطا الوقت ناسيك=مانساك إلا الروح تفقد جسدها

[حمد الخمعلي]

ياليتني لابغيت ألقاك يالغالي=ماروح للمنتدى وقرى كتاباتك
إليابغيتك لقيتك دايم اقبالي=وقرا بعيونك غلاي وخجل بسماتك
مير البلا بعدك اللي ذابلٍ حالي=مقدر اجيلك ولا سويبك اسواتك

[حمد الخمعلي]

ايوالله ابطيتي ونا جالس انطرك=وخايف غيابك ياغلايه يطوّل
ياملهمتني إيه أنا اليوم شاعرك=وفرض عليك اليوم حضر التجوّل

[حمد الخمعلي]

مانمت لا مانمت للحين صااحي=اسئل عيوني وش بلا النوم عنها
النوم سلطان القلوب الريااحي=ماهو لعينٍ دمعها جف منها
اقرا عيوني بالغلا ونت وااحي=نبض الخفوق اللي من اجلك رهنها
اللي صفالك ياغزال البرااحي=وكتب لك حروف الغرام وحضنها

[حمد الخمعلي]

آآ وآجرحي اللي للملا ماتبيّن=ينشدوني وقول بخير ياناس طيّب
هم قلبي تراكم واجحد اقول هيّن=زاح قلبي وخلاني شبابٍ مشيّب
والسبايب غرامك ياعقيد المزيّن=عمّة في بحر حبك والهوا مايعيّب
ياغريمي وروح الروح قاسي وليّن=ياصغيرٍ كبير ويابعيدٍ قريّب
أسهر الليل وعيوني عن النوم عيّن=وارجي الواحي اللي للرجا مايخيّب

[حمد الخمعلي]

تزلزلت ويلان بيه ونا حي=والخافي اكبر من نهار القيامه
أحسبت عقلي لي وثره ماهو لي=من البدايه والنهايه ندامه
حبي لها مثل العطش يطلب المي=باقصى خفوقي حط جرح وعلامه
عاهدتها عهد النقا وخلفت هي=وحطة على صدر الفراق ابتسامه
داخل خفوقي تحترق شمعة الضي=عزاي في قلبي يزيد انهزامه
قالت وداع وقلت؟لا؟لا؟ماهي هي=اكيد عقلي صايرٍ بنقسامه
من بعدها باقي حياتي ولاشي=صار الحزن عندي كما الابتسامه
يالله لعّل الزرع ينبت من الري=ويبين نوري بعد خيّم ظلامه
ياليت شوف الحي يقرب من الحي=هذا مثل ورجوا من الله تماامه
قدام روحي تنطوي باللحد طي=وتاقف على راس النصيبه حمامه

[حمد الخمعلي]

طاااااال إنتظاااااري



وسأظل أنتظر




حتى قدووومك

[حمد الخمعلي]

http://www.youtube.com/watch?v=RkwHXfC2UAA

[حمد الخمعلي]

جيتك ونا كلي ظما ونت نهري=ابا ارتشف قرطوع وابل ريقي
يمكن يطفي نار شوقي وجمري=وروق من نار المواجع وفيقي
وياللأسف كسرتني ونت جبري=ونا احسبني لاضميت أنت ريقي
وعوت من دونك ونا قول تدري=يمكن ليامن شاف زولي يضيقي

[حمد الخمعلي]

مشتاق لك شوق العروق الظاميه=ذبل شجرها من ظماها ونكسر
في لاهب الكنه وشمسه حاميه=والجو حره نازلٍ تحت الصفر
ونا جروحي يابتيّل داميه=والشوق ياخذني معك شبر شبر
بذرة غلاتك في خفوقي ناميه=بين الحنايا نبتها كله زهر
انتي بعيني ياغلاتي ساميه=غلاك وصفه غير عن كل البشر

[حمد الخمعلي]

لاعاد تطرين الغياب وتقولين=اغيب لي يومين لاكن بعوّد
ياما انتظرتك قبل هذي زمانين=قلبي على كثرة وعودك تعوّد
أجاملك وسكت ونا ذايق البين=اليامتى ونا كذا يامعوّد
لاكن ابيك تجين حتى تشوفين=الجرح شيب ياغلا لين عوّد

[حمد الخمعلي]

رسمتك للأمل بسمه على وجه الصبااح وغبت=ونا من غبت جرح الوقت بغياابك مغيبني
رميت ارماح هجرك في حشاايه ياغلاي وصبت=ونا مقدر اقاوم رمح هجرك ونت صايبني
أنا اللي يوم شلتك في حشاايه للملا ماهبت=حفظتك في خفوقي مير ضني فيك خيبني

[حمد الخمعلي]

مسحت رقمي من جهازك وصديت=وذبحتني في رمح جساس لكليب
وتركتني ونا لك اخلصت ووفيت=في مهمهن مافيه غير الواهيب

[حمد الخمعلي]

لاتقسم افراحي ونا كلي احزان=ارجوك جمعها لقلبٍ فقدها
خله يعرف انه مع العالم انسان=يعيش وقته سالمٍ من نكدها
مرة عليه اشهور وسنين وزمان=ماذاق فرحات الليال وسعدها
دايم له الاحزان مبدا وعنوان=ياما ملكت به قوته وستندها
عجزة اقام قسوة الوقت يافلان=باس الزمن ركز ليه عمدها
حتى المنام اللي تمنته الاعيان=شح النعاس بليلته مارقدها
ابطيت مع جرات الآهات بلحان=شعرٍ يحللها وهي في عقدها
استرسل الافكار وعد الاغصان=وقطف من الاوراق وحفظ عددها
وبني مع الايام واحط نيشان=ورمي ولا يلحق هوايه سددها
منين ماوجهتها جات نقصان=ون جيت اناديها تجيني وحدها

[حمد الخمعلي]

اليوم جو الحسا يغري=مير السفر حانة اوقاته
الصبح صاحين من بدري=والكل جهز معداته
الطايره وقتها محري=والحجز مدفوع شيكاته
ونا تحرا على الجمري=والعلم ماجاني ثباته
العلم محدٍ عنه يدري=والغيم غطى سماواته
لو رحت مع صاحبي عبري=الليل يازين مسراته

[حمد الخمعلي]

عساني فدوة دموعك فدا لعيونك الثنتين=وانا لو مافديتك في عيوني ويش ابي00فيها
ياعمري والعمر يرخص من أجلك ونت نور العين=يا أغلى من سكن بالقلب والدنيا وما00فيها
انا توي لقيت اللي يصون الحب للقلبين=ونا توي لقيت اللي جروح القلب يش00فيها
انا لك ونت ليه دربنا وناحد ماهو بثنين=يامشعل نار قلبي في غراامه يامطــ00فيها
نصيبي جابني لك وسكن بقلبي يانور العين=عسى يفداك كل الخلق والدنياوما00فيها

[حمد الخمعلي]

غبتي ولا ادري وش سبايب غيابك=والنار تحرق خافقي وانت لااهي
ماترحم اللي عن بناته شقابك=ونته ولا همك مع الوقت سااهي

[حمد الخمعلي]

يا......القلب من بعدك تكوّا=كن في وسطه براكين وزلازل
من جروح الوقت وغيابك تشوّا=صرت له عن غيرك من البيض عازل
انت حبك يالغلا فيني تحوّا=امتلكتي شاعرك ملك المنازل
لو بغيت اوصفه وصفي تلوّا=درةٍ عن غيرها بالزين جازل
ان وقف كنه على الغيد ايتقوّا=ون جلس كن اللذي حوله هوازل
ون ضحك بدّل لك الاحزن سلوّا=لو يشوفه راعي الحق يتنازل
ون مشا كن الخطا بالمشي تلوّا=كنها سراق في ممشاه نازل

[حمد الخمعلي]

ياليت تعطيني ربع ماعطيتك=اقل حاجه أطمئن بغلايه
غيرك فلاوالله ترا مر بيتك=انت الوحيد اللي خذاا من وفايه
لاكن ترايه ياغلايه لقيتك=عرفت مضمونك وكل الحكايه

[حمد الخمعلي]

مايجرح القلب ويعلك ويبحث خفاك=إلا كلامٍ يردد عنك ونته بري
لاجات من واحد تعده حزامك ذراك=عزالله إنها تبي تبرا ضميرك بري

[حمد الخمعلي]

إن كان جيتي لك خفوقي يهلي=ون كان رحتي قلت اشوفك على خير
ماني مدور غيرك احدٍ يسلي=بقصر عن الخفرات كل المشاوير
بداوي جروحي بروحي وهلي=دمعي على فرقاك وانادي الطير
يوصلك مني سلامٍ مجلي=مخصصٍ لك عن جميع الغنادير
يقول لك بعدك وش اللي حصلي=يعطيك موجز عن حياتي بتقرير

[حمد الخمعلي]

http://www.youtube.com/watch?v=czVe08SK7AQ


هذه شيله بصوتي من كلمات الشاعر حمد الوايلي أثنااء حرب الجنووب

[حمد الخمعلي]

العمر مثل الزهر والحب سريانه=يسقيه أعذب زلالٍ صافيٍ نبعه
تشرب عروقه وتصبح منه رويانه=تزهي بطبع العشيق اللي على طبعه

[حمد الخمعلي]

ابقى جبل ماهزني قوة الريح=ماني غصن لاهبت الريح مالي
وبقى بحر تكره لقااه السوابيح=وبقى صقر مرقاه فوق المعالي
ويبقى براسي طيب مع هبت الريح=وصدري على زلة رفيقي شمالي
ونا سلالة متعب الفطر الفيح=رمز النباله والعلوم الجزالي

[حمد الخمعلي]

اظلم ولاتسامح ونا مادعـي عليـك=بضحك وشيل الجرح وتحمل خطاك
لأن الطعون اللي تجيني من يديـك=لها طعم ثاني يـزود فـي غـلاك
يالذ طعناتـك علـى قلـبٍ يبيـك=يعشق طعونك مثل مايكـره بـلاك
ومن فوق هذا لو تجيلـه يحتويـك=ينسى الطعون اللي توديـه الهـلاك
ماهو عديم احساس لاكن مانسيـك=يدمح لك الطعنات ويدور رضـاك
مامل من حبك لأنـك لـه شريـك=غيرك كثير من البشرك لاكن شراك

[حمد الخمعلي]

كنت أحسبنك اول معايديني=عن اتصالك قلت ترسل رساله
وقمت اترقب قلت يمكن يجيني=ولبست ثوب العيد ودي وصاله
لو يدري انه ثالث لوالديني=ماجابني يمه يجيبه لحاله

[حمد الخمعلي]

بالله قلي لامنتى ونا تحرا جيتك=لانته موادعني ولانته ياهوا قلبي قريب

[حمد الخمعلي]

لولا غلاك وحشمتك ياحيااتي0000=ماكان تلقاني معك طول الايام000
تغيب ولياغبت يبدا شتاتي0000=وبدأ أضمد جرحي اللي من اعوام000
ولا جيتني تحققت امنياتي0000=تحققت بمواجهك كل الاحلام000
ماتدري انك ياعيوني غناتي0000=انك ملكت القلب والقلب بك هام000
ظفي على باقي جروحي عباتي0000=لاينفضح جرحٍ مخفى من العام000

[حمد الخمعلي]

غلاك لو جيت اعبرله بقيفاني=تلعثم الحرف دون اللي أباقوله
لأن الغلا أكبر من اللي ينطق لسااني=وظلمك بالحرف لا؟ماهي بمعقوله

[حمد الخمعلي]

لجلك مسجل ياغلايه حظوري
--------من شان خاطر عين تكرم مدينه
إن جيت حيى وكان غبت معذوري
--------اللي غلاته في ضميري سجينه
اللي معه ضحك السنين وسروري
--------ياجعليني والله فدى والدينه

[حمد الخمعلي]

عدنا لكم من بعد غيبه طويله=شهرين لاكن اعتبرها كثيره
لأنه يظم اسم الوفا للقبيله=وعضا محبتهم بقلبي كبيره

[حمد الخمعلي]

http://www.youtube.com/watch?v=WopidJAGu4E

[حمد الخمعلي]

انتي هنا بين الضلوع المهاديف
،،،مكانك الاول للهحين باقي
كم مرةٍ جابك على دربي الطيف
،،،وفز له ماينثني عظم ساقي
لوينقطع حبل الرجا فيك ماعيف
،،،فے كل يوم يزيد فيك اشتياقي

[حمد الخمعلي]

على روح الفقيده رحمة الله=عسى الله يغفر الذنب ويبيحه
ثرا دار الشمال اوسادةٍ له=حوا بطن الثرا روح الفليحه
بثالث يوم ثالث فرحةٍ له=عليه قلوب عشاقه جريحه
دعاها يومها وجتله مطله=دعاها الموت وجتله مستريحه
عليها القلب جرحه مستقله=نعاها القلب صيحه بعد صيحه

[حمد الخمعلي]

صوتك الى اليوم بسماعي يناجيني=حتى ليانمت صحاني ولبيته
ابسألك من غلاتك من ينجيني=حتى تناسا المكان اللي بها جيته
تاخذني الذكريات ولك توديني=في سطح بيتٍ من الاشواق ضميته
اجيك كلي ظما والشوق طاويني=وش اللذي ياحياة الروح سويته
وش فيك مسهر عيوني ليه مشقيني=وتبخل عليه بصوة اذوب لوحيته
وصلك ترا ياحياة الروح يحييني=وهجرك يعذب حبيبك يومك اشقيته

[حمد الخمعلي]

انا عطيتك حب وخلاص وحساس=ولا انت تهديني غدر وبتسامه
دمحت لك عشرين زله بلاقياس=ونا على الصده تجيني ملامه
ياما شكيت وقلت لك ليه لاباس=اهم حاجه جيتني بالسلامه
اعطيت غيري ماعطيتك عن الناس=ونا انحرمت اكض غيض الندامه
هذا جزا حب الوفيين ينداس=ويفوز في حبك عديم الشهامه