يامعذبن قلب المولع

[فلاح عشوي العنزي]

يامعذبن قلب المولع فـي هـواك
أرفق حبيبي شوي لاتكثر زعـل

ترى الزعل لازاد عن حده هلاك
وربك لكل أنسان له حدن جعـل

خلك على خبري مسميك المـلاك
أضمك بعيني وأسمـي ياعسـل

وهذا وبعد انطر متى تمطر سماك
مشتاق للورد الاصفـر بالسهـل

أبقطفه بـس عاندنـي حصـاك
رفض رفض رفـض ثـم اقبـل

ومشتاق للعين والماي وضمـاك
والضمـى فينـا نسـده بالغـزل

الحلا فيهـم تـرى كلـه حـلاك
بس فيهـم زود عنـك بالجهـل

يحسبون الي مضى كلـه معـاك
ضحك وشويه الاعيـب وهـزل

الناس هـذي لاتعشيهـا عشـاك
حتى ولو كنـت ذابحلـك جمـل

ماهو بخل بـس هذولـه حشـاك
يزرعون الشر زرعـن بالهبـل

لا تلتفت للـي فوقـه مستـواك
وخلك مع الـي قـال ثـم فعـل

واذا تبيـه يزيـد فينـي غـلاك
أرفق حبيبي شوي لاتكثر زعـل


فلاح عشوي العنزي

[سعود المسعودي]

صح لساانك يافلاح عشوي

وبيض الله وجهك على الحضور الجميل


دمت بكل خير

[حمد الخمعلي]

الاخ القدير فلاح عشوي

اولاً اهلاً بك وبحضورك بيننا ونحن لنا الشرف بنضماامك معنااا0



صح لساانك


قصيده جيده ولي وجهت نظر فيها0

اخي الكريم ارجوا منك مرااجعة القصيده لان فيها ابياات مكسووره0

غنيتها اكثر من مره على لحنين وتبين في بعض الابيااات كسر0

وهنااك بعض الابياات فيها اخطااء املائيه تكسر الابياات0


اتمنى ان تتقبل ماقلت في صدر رحب0


كُن بخير

[سالم العنزي]

ياهلا ومرحبا

صح لسانك قصيده فيها من الجمال الكثير وفيها بعض الخلل

اتمنى من النقاد المرور عليها لكي يستفيد الشاعر

صح لسانك

[سالم صالح]

الاخ العزيز / فلاح عشوي


بيض الله وجهك وياهلا بك بيننا ونورت شبكة ويلان العربية


والحقيقة نقد الاخ والمشرف / حمد الخمعلي في محله والاحظ ان هناك ابيات مكسورة ولكن تحتاج لبعض التعديل الذي سوف يظهر القصيدة بشكل جميل

اعجبني كثيراً فكرة القصيدة وتسلسلها الرائع الذي لايحتاج الا القليل من التركيز والذي سوف يظهر القصيدة بجمال غير والاخطاء وارده ولا يوجد من لايخطي


تقبل ودي وتقديري والى الامام