مشاهدة النسخة كاملة : "كـــــثر الغموض.. اللي سكني وضوحــــــــــــي"
غموض الشمال
31/07/12, (11:32 PM)
يارب هون علي من ضيق الايامي
.....................ظروف دنياي ماتقضي نوايبها
بالدور اودع جميل الفرْحّ واحلامي
...................ونفسٍ طموحه تنازل عن مطالبها
بالصدر همٍ توحد بي ومترامي
................... بيد ضلوعي وذقت حرور لاهبها
غموض الشمال
31/07/12, (11:33 PM)
اعوذ بالله العظيم من شر كيد الحاسدين
................... اهل الدسايس بالخفا لو مثلوا دور الصلاح
يسعون بالفتنه عبث بقلوبهم حقدٍ دفين
..................... ذولا خفافيش الظلام يهيبهم نور الصباح
مانالوا اللي ودهم يبقون دايم صاغرين
.....................اهل العقول الخايسه ليس عليهم من جناح
غموض الشمال
31/07/12, (11:35 PM)
تبقى سراب الوقت وان جيت كلي
.................. سراب مابليت به ناشف الريق
كنت احسبك عن جاير الوقت ظلي
................. ياللأسف خليتني مرتع الضيق
غموض الشمال
02/11/12, (06:27 PM)
اذكر صغيره كنت..بس اذكرك زين=تبحث عن اسباب السعاده وضحكي
واليوم ودي يا (يبه) اوفي الدين=وشيل همك .. واحملك فوق متني..
غموض الشمال
14/02/13, (12:47 AM)
استغفرك يارب وارجيك غفران
.......................في ساعةٍ نفسي تضيق بخطاها
يااارب ( نقينا من ذنوب وادران)
..........................واغفر خطايا النفس واقبل رجاها
غموض الشمال
21/07/15, (04:48 AM)
لهفتي طيرٍ يحلق ..في سماك
من جنون الشوق يطرد بنسمه
جيت ادور من عناء الدنيا رضاك
جيتك بقلبٍ يسابقه ندمه
والله ان مْحبتك لاصغر ضناك
ماتجي بحدود حبي وكرمه
احلم بقربك .. ومشبعني غلاك
منفرد بشعور قلبي و رحمه
مايهزه غير شوقه.. لا بغاك
لاشتهى يلقاك والوقت احرمه