[[ خَفَايَا رُوْحْ تَعْبَانْهْ ]] [الأرشيف] - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

أبو غرام

23/01/11, (02:21 AM)

ورشة عمل بيننا
كانت سريعة الحضور والتبادر
من أجمل لحظات العمر ..

هو=
ليت الذي نهواه بالوجه نلقاه=ماكان ضاق الخِلق والهمّ يسري
هي=
وليته يحس بلهفة القلب لطراه=وعن موقعه بالروح ياليت يدري
هو=
هذي حقيقة ماجرالي برجواه=يدّي على خدي والاشواق تجري
هي=
جوّد عروق الحب تله من اقصاه=ماعاد لي رجعه ولا عنه عذري
هو=
عندي بنى في شاطي الود مرساه=غيره رهيف الحس ماهو بقدري
هي=
ابيع عمري واشتري لحظة رضاه=وغيره حشى مايوم بالبال يطري
هو=
اشد قافي وارتخي في زواياه=من واحدٍ ابسط وصوفه بيغيري

أبو غرام

23/01/11, (03:58 AM)

مثل المخيل اقبلت واقبل غمامك=ومثل السراب ابعدت واقفيت بالخير
رح جعل دربك في سرادب عتامك=العين ما تشفق على ضمة الطير

أبو غرام

24/01/11, (03:52 PM)

لا واهنيك ياعشيري تعطرت=وإلا نديمك مالقى لو تعطر
قلبي غدا تحت الثرى لاتذكرت=عزي قلبٍ بالمحبه تفطر

أبو غرام

24/01/11, (04:20 PM)

لم أكن لأتوقع أن أكتب أو أتأثر سريعاً بحال
شخص
لدرجة أن أكتب له بصدق إحساس
وكأن لسان قصيدي لسانه
فما كان من طلبه .. إلا سرعة التنفيذ
كنت ضد الكتابة للناس .. عدا هذه الحاله
فلقد لامستني كثيراً ...
.
.

زرعت في سفح الامل ود واحلام=وبنيت دارٍ ثابته في عمدها
ماكنت اظن الوقت يقلب بالايام=واعيش من بعد الفرح في لهدها
هذي حقيقة من تبع بعض الاوهام=لصبح صباحه بان له قصر امدها
واهمي اللي كل ماقلت ينضام=نار الفتن للسعد باسه خمدها
حتى غديت بغيهب الضيق ضرغام=من جور حظي ماشقيت باحدها
وياخل قلي وشبه الحب ما دام ؟=وياكيف نصبح كالعيون ورمدها ؟
عِشره طويله كنت لك عز وحزام=درب المهالك لجل قدرك اردها
لبست جلباب الفقر وانت بنعام=وحمست دم الروح دامي فهدها
بقيت لك هاوي وراغب ومقدام=وجازيت قلبي بالصدود وجحدها
عمري غدا بسنين من بعد الاعوام=وبرد الجفا حت الغصون وجمدها
ياهيه قلي وش به الحب ما قام ؟=مادمت انا ارضك وكلك مهدها
معقول من فج الوفا وبالوفا حام ..!=عض الندم من فوق اصابع عددها ؟
ومعقول ان الحب في حضرتي نام ؟=وإلا النوايا من صدق ماحمدها ..؟
يانبتةٍ غذيتها بكامل إلهام=هاتي العلوم وقللي من زبدها
وكان الحقيقه من تبع بعض الاوهام=ولصبح صباحه بان له قصر امدها
مشكورةٍ والجاش ما هاب الاعدام=والروس حلّه عند والي عقدها
روحي عسى دربك سهالات والغام=واليا انكويتي فالنفوس وجهدها
واياكِ تنسين الذي بجوكِ هام=واسقاك من صافي المشاعر شهدها
لايردعك خوفك وخونك للحلام=من حب ما يكره وذاته كمدها
خصٍ اذا قدره من اقوام واعلام=شفه على الهامات وعزمه لكدها
اليا لفيتي قال يامرحبا وقام=يسلك دروب المرجله مع عهدها
وزرعٍ زرعته في متاهات الايام=غارت عليه بعض الطيور وهددها
وترجمة مادار بسمايه والاقلام=تنحت حروف الشعر وتثبت سندها
من دون ما اسهب ولا اقصر بالافلام=غاياتنا تصعب على من نقدها
ياكود متوغل وبالمعرفه زام=اللي غطاة القول عقله فردها
تمت وحرّز نصنا بحلو الاختام=وارسل لعمهوجة حشاي فِبلدها

أبو غرام

25/01/11, (03:56 PM)

يقول ابو غريب في متصفحه :

همسات

حسافه
عندما تثق بالشخص ليس اهل الثقه

حسافه
عندما يتحول الشعر الى مهزله عند البعض

حسافه
عندما يكون الاجداد فرسان والابناء ضباع

حسافه
عندما نسمع القيل والقال وكثر الكلام

حسافه
عندما تليهنا الدنيا عن الاخره

حسافه
عندما يخاف الرجال مواجهة الرجال

حسافه
عندما نحسد الاخرين بنجاحهم

حسافه
عندما نبيع اخ لارضاء ملذاته

حسافه
عندما نتدخل بشؤن الاخرين

حسافه
عندما نعلم انه كاذب /ه ونصدقه

حسافه

عندما يكون الاجداد كرماء ونحن بخلاء

حسافه

عندما نتشبه بالملائكه ونحن شياطين\

حسافه

عندما نجول بالمنتديات ليلا ونهار لتشويه سمعت شخص

حسافه

عندما نتخلى عن اشخاص لأجل مصالح شخصيه

حسافه

عندما يتم تقديرهم ويردون بالؤم

واخيرا

حسافه

عندما تصبح الذئاب ضباع

بقلم ابوغريب العبدلي يالدنيا الحسايف

حسايف حسايف حسايف

فلله درّ ابو غريب على حسايفه

أبو غرام

26/01/11, (01:54 AM)

مشكله لاصرت تغليك لك انسان=ودك بوصله والحظوظ اتردى
لا لا نعلق في رجا زين الازمان=تبقى حبيس البهذله ما تعدى

أبو غرام

26/01/11, (02:06 AM)

المحبه بابها بابٍ كبير=من طرقها مانتهى منها ابد

أبو غرام

26/01/11, (01:39 PM)

فضفه خاصه ..
.
.
.
.

مايجول بخاطري هو تساؤل واحد فقط ... !!

أيعقل أن العرب كالبهائم ..! متى ما توجه أول القطيع نحو هاويه توجه البقية من بعده .. ؟!!
ألا يوجد فيهم عقلاء .. أدباء .. مفكرين .. مسلمين : يعلمون بأن الفتنة نائمه لعن الله من أيقظها ..؟
ألا يعلمون بأن هنالك ألف طريقه وطريقه بدلاً من حرق سيارة شخص لا ذنب له سوى انه توقف في المكان الخطأ والزمان الخطأ ..؟
تساؤل بسيط له تشعبات كثيره .. تؤرق من فكر بحالنا وحاول إيجاد الحل الصحيح المتقبل من البقية كافه

أبو غرام

27/01/11, (03:37 AM)

ارسل لي صديق عزيز رساله
يتحدث بها عن هم خاص به
فهيّض القلب لمجاراته كما طلب
وأنا من يسعد بالتواصل معه :
عموما الرد والمجاراه تبين محور حديثه <<<< عاجز يكتب بآخر هالليل الاساس
ههههههههههه

النص :

ياصاحبي .. منّي ../ تحمّل .. عتابك=لولا .. الغلا .. ماجيت .. وابديت / مافيك
الله .. وكيلك .. كل .. مالشوق / جابك=او ذعذع .. الشرقي .. غديت / بطواريك
جيتك .. وفا .. والقلب / مجروح .. نابك=ياكيف .. تغدر .. خافقٍ .. كان / حابيك .. ؟
زهمتك .. / بحبي .. وحضرة .. جنابك=ماتندهن .. إلا .. / بخاين .. مماشيك ..!
سابقتني .. بالظلم .. / تنشر .. سرابك=وانا .. كسير.. الود ..محتاج ../ ظاميك
تبخل .. علي .. بقول ..حتى ../ هلا بك=وتجود .. في .. نبش .. الخطايا .. / اياديك
ياشين .. لو عمري .. بغاك .. / وزهى بك=كثر .. الزعل .. يمحل ../ مرابع .. اراضيك
فان .. كان .. سجّاد .. التغلي ../ سرى بك=غلطان .. ماني .. بالمحبه .. / متوليك
اشيم .. عن .. جورة .. هواك ../ وقرابك=الموت .. اهون .. من .. / مسمّاي .. واليك
جيتك .. وكل .. منهو .. حولي .. / درى بك=انك .. / عديم .. احساس .. ولاعدت ../ راعيك
جيتك .. اقض .. / الوصل .. لو هو .. سطا بك=من .. حرّة .. الفرقى .. / خناجر .. توازيك
خلاص .. روّح .. في .. متاهة ../ عذابك=انا .. غسلت .. القلب .. عن .. / سمّ .. تاليك
لا تنتظر .. رجعه .. لحضرة .. جنابك=لو .. ذعذع .. الشرقي .. وكثرة .. / طواريك

أبو غرام

27/01/11, (04:59 AM)

اعجبتني بصراحه ^_^
.
.
.

محشش مات ابوه ..
جاء واحد يبي يواسيه قال له هونها وتهون إذا كبرتها تكبر واذا صغرتها تصغر
رد المحشش وهو يصيح :

v

v
v
v
v

عرفت الجوابنفّيخه

أبو غرام

27/01/11, (06:26 PM)

يازين وش بك كل ماجيت اراضيك=شحت عيونك والحنايا تباكا
ماني بمخطي يوم اراعيك واعطيك=من حب يرضي صاحبه لا تشاكا

أبو غرام

28/01/11, (05:14 AM)

انا البحر والموت وحبل النجاتي=اسبح واغوص واخذ اللي اريده
من طلعتي حتى نهاية وفاتي=ماتهمني بيض البشر او عبيده

أبو غرام

30/01/11, (07:16 AM)

http://vb.arabseyes.com/uploaded/33304_1192540532.jpg

اللي .. سباني .. والحشا .. / زاميٍ فيه=ماقل .. قدره .. لو .. يزيد ../ بغيابه
يعتب .. حبيبي .. لعنبو .. من .. / يخاطيه=العين .. قالوا .. من .. علاجه .. / سحابه
له .. حق .. يزعل .. بالمحبه .. / وراضيه=ولي .. حق .. اشره .. والموده .. / ذرابه
محدٍ .. ملا .. عيني .. ولا .. غيره .. / ابيه=وان .. عفت .. باقي .. البيض .. ماهي .. / غرابه
جيد .. وهدب .. وانفاس .. والعقل .. / ضافيه=الله .. حباه .. الزين .. حتى .. / بعذابه
هو .. قبلتي .. بالعشق .. محلا .. / طواريه=سهمه .. عثى .. باقصى .. الخفوق .. / وسطابه
وإن .. فكّ .. بابه .. بالعتب .. / والمشاريه=دستور .. حبه .. حلّل .. اللي .. / سرى به

أبو غرام

31/01/11, (03:29 AM)

أعجبتني ..

:D

هل كنت تلبس سروال أبيض وفنيله بيضاء في العصر ؟؟؟

http://65.55.237.77/att/GetInline.aspx?messageid=3efcf5bf-2ab6-11e0-b00e-00215ad9dfd2&attindex=0&cp=-1&attdepth=0&imgsrc=cid%3aimage001.jpg%4001CBB7B9.923969A0&hm__login=al3ashg_alhayman&hm__domain=hotmail.com&ip=10.15.134.8&d=d6572&mf=0&hm__ts=Mon%2c%2031%20Jan%202011%2000%3a29%3a40%20G MT&st=al3ashg_alhayman&hm__ha=01_9a5ae58e61e43373cbffd0a85e878cf8792e3368 e031c1327a03223d0fc69edb&oneredir=1

هل كنت تاكل آيسكريم دسكفري او جمجوم ؟؟؟

http://65.55.237.77/att/GetInline.aspx?messageid=3efcf5bf-2ab6-11e0-b00e-00215ad9dfd2&attindex=1&cp=-1&attdepth=1&imgsrc=cid%3aimage002.jpg%4001CBB7B9.923969A0&hm__login=al3ashg_alhayman&hm__domain=hotmail.com&ip=10.15.134.8&d=d6572&mf=0&hm__ts=Mon%2c%2031%20Jan%202011%2000%3a29%3a40%20G MT&st=al3ashg_alhayman&hm__ha=01_0e863bbfb38b3dbbdce294af4e0e10fcab285e8b 31527dbc84b7f6519adf4080&oneredir=1

------------

هل كنت تلعب في الحاره حافي نص النهار ؟؟؟

---------------

هل كان عندك كيس برجون وتعتبره ثروه قومية ؟؟؟

http://65.55.237.77/att/GetInline.aspx?messageid=3efcf5bf-2ab6-11e0-b00e-00215ad9dfd2&attindex=2&cp=-1&attdepth=2&imgsrc=cid%3aimage003.jpg%4001CBB7B9.923969A0&hm__login=al3ashg_alhayman&hm__domain=hotmail.com&ip=10.15.134.8&d=d6572&mf=0&hm__ts=Mon%2c%2031%20Jan%202011%2000%3a29%3a40%20G MT&st=al3ashg_alhayman&hm__ha=01_ea93ae65732d5f129b9997b578a391ef8496b61d 3b6621814a55f5a15542ee94&oneredir=1

----------------

هل كنت تدق جرس الجيران وتحط رجلك وتنحاش ؟؟؟

------------

هل كنت تموت في شيء اسمه لعبة أونو ؟؟؟

----------------

هل كنت تسرق حلاوة غندور ابو نفيخه من البقاله ؟؟؟

-------------------

هل كنت ما ترضى تأخذ ساندويتش معاك للمدرسه عشان ما يقولون لك : يــ المصري ؟؟؟

---------

هل كانوا يحطون لك ( بـن ) على الفقشه ؟؟؟

----------------

هل كنت تركض ورا سيارة الفليت قبل صلاة المغرب ؟؟؟

http://65.55.237.77/att/GetInline.aspx?messageid=3efcf5bf-2ab6-11e0-b00e-00215ad9dfd2&attindex=3&cp=-1&attdepth=3&imgsrc=cid%3aimage004.jpg%4001CBB7B9.923969A0&hm__login=al3ashg_alhayman&hm__domain=hotmail.com&ip=10.15.134.8&d=d6572&mf=0&hm__ts=Mon%2c%2031%20Jan%202011%2000%3a29%3a40%20G MT&st=al3ashg_alhayman&hm__ha=01_eb353689a4c0cca01ef0b0df059aa3431f19f739 a6bbe776b7d4828b63f7d6a7&oneredir=1

إذا كل هذا حصل معاك ؟؟؟

فــ أطـمــأن !!

-

http://65.55.237.77/att/GetInline.aspx?messageid=3efcf5bf-2ab6-11e0-b00e-00215ad9dfd2&attindex=4&cp=-1&attdepth=4&imgsrc=cid%3aimage005.gif%4001CBB7B9.923969A0&hm__login=al3ashg_alhayman&hm__domain=hotmail.com&ip=10.15.134.8&d=d6572&mf=0&hm__ts=Mon%2c%2031%20Jan%202011%2000%3a29%3a40%20G MT&st=al3ashg_alhayman&hm__ha=01_408f4ff4e178f07bf5bf8f6c56631a30bce0d793 4b7d12bcbd7f275e9a76e64d&oneredir=1

-

أنت عشت الطفولة السعودية المثاليه !!!

أبو غرام

03/02/11, (06:14 AM)

على باب الرجا واقف وعيني دمعها ينخاك=تفيض ويقبل وصالك وتروي اشواق هلكانه
رسمت الفرّحْ بوجودك وتاه الفرّحْ بين اخطاك=على رمضى الجفا تمشي ونفسي منك جزعانه

أبو غرام

04/02/11, (05:26 AM)

عن كثير الهرج خوذي زبدته=حكمتن تكفيكِ عن كثر الكلام
لو غلايه نور وإنتي طلّته=مادرج بالارض عتم ولا ظلام

أبو غرام

04/02/11, (05:29 AM)

يالله حي أبو فهد /

محمد بن موسى الرويان

نوّر المنتدى بتوآجدك من جديد

أبو غرام

05/02/11, (08:17 AM)

عنجهيات الخطايا عانقة طرد السراب=في لجاجات الحنايا لا احتمى هجر الوطيس
انقضى عهد النوايا واختفى نزف القراب=ماعلى اشواقه مطايا لجل مجموله يقيس
ماتت اوراق العطايا في بساتين الخراب=نشت ارجاء الخفايا وانقلب وجه الغريس

أبو غرام

05/02/11, (08:21 AM)

صوت وصدى بيني وبين الشاعر
خلف بن فهد الراشد

الصوت :
لا مايضيع الي تعب فيه انسان

وكبت المشاعر كان سب نفجاره

يطلع كما يطلع من القاع بركان

ويظهر على العيان بحزم وجسارة

يدحر ظعيف القول لو كان ماكان

دامه عميقآ سابراتآ غواره

لاخوف ياعزوة هل الذود ذيبان

حامي حماه وفزعت الي بجواره

حيت فالك ياجائز مليحان

يالي رفا بالطيب فجوة نهاره

يامسندي لمن سعى دود البدان

بجسادهم انا على راس غاره

وانتا عضيدي بلقا فعل الاخوان

يانخوتي ياريف من كان جاره

يامطمعي من دونهم اعز بك شان

لنك قريب الجد وراعي اماره

يامحمدي ياموايقي يا باينآ بان

يالي تجلا للملا وشب ناره

وركا عليها صفر تبرق كما الدان

ونادى بنجرآ فزع اهل الغفاره

وضكو عليه الانس يتليهم الجان

ابمجلسآ للعز طالت شباره

مع لابتآ لمن تنادو بويلان

جابو على ظهور المعادي وثاره

سموهم الرديف من يوم الكوان

حربآ ضروس بها المراجل تباره

فرسان غارو ولتقو مع فرسان

ومصادم الفريس مابه خساره

فصح بوحه

وهذا الصدى .. علّه يرتقي للذائقه :

يامرحبا والقاف بصمه وبرهان=من شاعرٍ بالطيب حافظ مساره
شخصٍ تجلّى حايفٍ كل الاوزان=مالك ملاك البوح اسمه شعاره
يالراشد الصنديد ياحي بلهان=ياللي على الغبات كتفه دماره
يابو فهد ياسعد من جاك شقيان=ياعز من جِلّي عن ارضه وداره
خلف خليف المجد للمجد عنوان=سلايل اللي بالملاقى مناره
يقلط على وضح النقا شوف الاعيان=يخلف صفوف الغير باس وسطاره
عاداتكم يالذيب ماهي بالاحيان=ترجس على كبد المعادي شراره
تحرق فؤاده من بعد حرق قيفان=من وين ماوجّه تَهدّم عماره
يالوايلي صاحبك ماهو ببلشان=ينشف لهاة الضد وييبس خضاره
ماهو على ماقيل ضايق وزملان=الوضع هادي دون عين وحماره
واللي لفى متوسد الغدر نيشان=دارت دواير لفته في مداره
من يحفر الحفره على مر الازمان=ياقع بها والنفس تتبع لكاره
واللي جهل في جوهريات الاديان=برد وسلامٍ ياعشيري بمغاره
هذا واذا قالوا ترى المعترك حان=مثلك حِزامٍ نايفٍ في سماره

أبو غرام

11/02/11, (02:09 AM)

ولى زمان وقضى يالبيت ما جيتك=وانا اللي اول اسوق الرجل لك عجلى
ماهي على الكيف لا تندهني اغليتك=النفس من غبة التأنيب بالنجلى
فان كان شفت الوصف بالقرب واخطيتك=العذر من حضرتن بها الغلا خجلى
خلاص روّح زمانٍ فيه حبيتك=واللي حداني خطا روحٍ غدت وجلى

أبو غرام

11/02/11, (05:21 PM)

العيون اللي تقض الشال من حسنٍ بها=صوبتني واتركتني في متاهة شالها
واعذابي لو لفتني تطلب العونه لها=مادرت بالقلب يصرخ : واهني من نالها

أبو غرام

12/02/11, (03:03 PM)

انحني لك من غلا بقلبي سطا=وارتخي لك لو قطعتي لي الوتين
من تغذى بالهوا غصبٍ عطا=ما تخاسر عمر لعيون الظنين

أبو غرام

12/02/11, (03:41 PM)

كيبورديه للتواصل مع قلوبكم الطاهره

في زمانٍ اقشرٍ عدّا وراح=ثارت الدمعه من اوزار الخليل
شخص اعدّه راس مالي والرباح=كنت اظنه نادر العمله قليل
مادريت ان الهوى ليل و صباح=وحب ليله يمسحه صبح الدليل
ليت حظي مانتهض مني وطاح=كسرة العظم القوي جبره عليل
وليت عمري مارضى لي بالنواح=في سبيل الوصل وظلال الظليل
ياخسارة ما زواني بانسطاح=من عميلٍ ناكر العشره ذليل
وياحسافة هاجسٍ هام السماح=امتطى العليا على صهوة جليل
الجروح النازفه تبقى جراح=مايلطّف لطمها شيمة سليل
هو زمانٍ اقشرٍ عدا وراح=جمرته لا شك ماعضّة شليل
ولو يعود الوقت لو هو بالمزاح=حالفٍ لشفي غليلي من الخليل

أبو غرام

17/02/11, (03:31 PM)

سبحانك الله لا إله إلا أنت

أستغفرك وأتوب إليك

أبو غرام

07/03/11, (02:43 AM)

خل السهر عنّك وخل التعب لي=مثلي تعوّد للقهر والكسافه
حط الجفن على الجفن واغلق الضي=وانسى عيونٍ عايشه بالكلافه

أبو غرام

15/03/11, (06:52 PM)

عجزت ألاقي من عيا الوقت خلان=كل ماهقيت بصاحبٍ خاب ظني
لا واحسافه يا زمن صرت خوّان=أقبلت لك صادق وصديّت عنّي

أبو غرام

15/03/11, (11:56 PM)

خساره ترّخص الغالي لشخصٍ مايعرف إحسان=تجي له من هنِا وهنَااا وباقي شامخٍ عالي

أبو غرام

17/03/11, (03:53 PM)

مااااااااااااااااااااااااااااااااااااااالي خلق امر من هنا

ياااااااااااااااااااااااااااااالله عسى المانع خير

أبو غرام

19/03/11, (03:00 AM)

ياناس صار السبت بالحيل غالي=ألذ وأطعم من تليّات الاسبوع
يفيض بالخيرات والامن عالي=واللي نوانا بالخطر ما مطخ كوع
في عهد ابو متعب كريم السبالي=مطوّع الكايد وبالحق متبوع
حاكم لدارٍ لا وطاها الزوالي=إمدبل الشرهات والشر مسبوع
راسي كما ترسي عظيم الجبالي=ماحركوا شَعره رديين الاطبوع
بلهان وإن شدوا شديد الحمالي=روّح به وفكره فلا ضاق مصدوع
مايلفته ياكود لمع الكمالي=في عين شعبه لاغدا العز مطبوع
الله يديمه للوطن والموالي=ويديم حكمه والعدو يلحقه جوع
يكفي كسانا الحب اول وتالي=ويكفي عشقنا السبت من بد الاسبوع

أبو غرام

03/04/11, (04:15 AM)

تحادثت مع أحد الزملاء حول بعض مايتكرر من أخطاء في الشعر
من ضمنها التذكير والتأنيث بالنص وكيف أن البعض يرى النص جميل
في حين ان سبره وتبيانه يكون ركيك جداً وإن وجدت القافيه او الصور
فمن الخطأ للتذكير والتأنيث دون إنتباه
ولكنه بادرني بمقولة : طيب كيف ..؟!
فقلت له ارد عليك بعدين ^_^
وبعدها دزيت له هالنص كتبيان ودرس عملي لما اقصده انا ^_^
واقول يارب .. يكون درس جميل وواضح
والله يقدرنا على التجميل امام الكل
.
.

إن كان حبك ينعش القلب يابنت=حبي لكي انعش حياة الشقاوي
وان كان بدروب الجفا شفتني فانت=مخطي وماشي في سراب الهقاوي
انا معك ثابت وللخلق اعلنت:=انا اشهد اني طحت عند الرهاوي
ماكنت مجبورٍ ولا لخاطرك كنت=غير الوحيد اللي حيا بك هواوي
شفّي على الوصله وبالوصل آمنت=وإني بوجودك قادرٍ للبلاوي
هذا الكلام وزبدة الهرج لا هنت=انتي الحياه وبلسمٍ للقراوي

^_^

وسلاااامتكم ياخيويني

أبو غرام

03/04/11, (04:36 AM)

http://up.graaam.com/uploads/images/graaam-1-5dd90f0b4f.jpg

أبشّرك / همّك / عن / الظهر / إنزاح=روّح / عذابك / في / متاهة / عذابه
ماعاد / يهديك / التعب / عند / الإصباح=ولاعاد / يسقيك / الشقا / من / شرابه
غلطة / زمانه / عاقبة / فرحه / أتراح=وصدق / النوايا / ولّعت / في / ثيابه
مسكين / صدّق / باللقا / عطر / فوّاح=الله / يعينه / كيف / فكره / غدا به
هيمان / ظنّ / الود / مجمع / للأرواح=نسى / وتناسى / الحب / مرٍ / غيابه
غلطة / زمانٍ / ضيّعت / زين / الأرباح=زلّة / مشاعر / بيّنت / باغترابه
لا شكّ / مابيّح / خوافيه / وان / طاح=الموتْ / ولاقولة / غدربه / سرابه
وأبشّرك / همّك / عن / الظهر / إنزاح=ومع / السلامه / دون / بحث / الإجابه

أبو غرام

27/04/11, (09:15 PM)

يقال بأن الصدور مقابر
ولكل حينما يُسبر الصدر
بأية وسيلةٍ كانت فإنه يبيح مكنونه
وتختلف وسائل السبر
.
.
ماسبر الصدر هنا .. لحنٌ مختلف
له نكهة خاصه وكانت ترنيمة منشده
مؤثره على نازف الحرف محدثكم
.
.
كان هذا السابر .. هذا اللحن
ناهيك عن الكلمات ..
ولكن اللحن .. له ذكرى خاصه ..
جددت جروح وأظهرت بعضاً من خفايا روح تعبانه

http://www.youtube.com/watch?v=fML0GwimbAU

.
.

نص يتشرف بمعانقة ذائقتكم
وكله أمل يرضي الذائقه

نآح الحمام وباح مكنون=ألّجم كسير الإبتسامَه
حدّر على دمعاتي النون=أغرق جموعٍ بإقتحامَه
أظهر قديمٍ كان مدفون=أحيا مشاعر من ركامَه
أثّري جريح الحب مفتون=مسرع مطيحه بالعدامَه
ياخل خل الشك وظنون=وِدّك فلا جاه إنهزامَه .!!
تكتيك متمرس ومجنون=أودع خفوقي بالملامَه
ان جيت اسافر صاح بالعون=قلبك رخيص العشق سامَه ..؟!
وان قلت اراجع قال بالهون=ترجع وترجي للسلامَه ..؟!
حظٍ تغربل عاش مغبون=والنفس تَكمى في كلامَه
ماله ياغير الستر وردون=وإلّا السكوت وابتسامَه
وَجَرْح عِينٍ ضفّت الحون=هَمْلولها أمسى علامَه
لو هي تمنّى السّر مركون=نوح الحمامه غصب ضامَه

ختاماً ..
قد لايكون اللحن مصدر إلهام للبعض
لأن المصدر الحقيقي
.. الذكرى ..

...........................

أبو غرام

11/05/11, (01:49 AM)

يطيب البوح والغربه تفيض بهاجس المشتاق=على نفح الهوا يخرز ترانيمه وقيفانه
يقض الوجد والمعنى تلمه تمتمات أوراق=عذق يصدح بما اخفى غرامه خلف بيبانه

أبو غرام

11/05/11, (06:24 PM)

تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك
الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك

أبو غرام

12/05/11, (02:12 AM)

ياصاحبي لو تفتح القلب للناس=الخلق تكشف خافي الجاش وتروح
من بعدها لا ترتجي هامة الراس=القدر ينزل والحشا ينضح جروح

أبو غرام

12/05/11, (02:30 AM)

http://forum.mn66.com/imgcache/2/341535women.jpg

إقلط تقهوى حط بالقلب مركاك=ومن عذق ضلعي إقدع اللي تريده
دام المشاعر فانيه دون ذكراك=فنجال حبك بالجفا لا تعيده
اشرب فديتك من حشا عاش يبغاك=زل الوفا وان زاد محلى مزيده

أبو غرام

12/05/11, (03:35 AM)

هبّت هبابيب وانحطن بالخفا حب
وامست علوم البعض نكث وغصايب

ياصاحبي يفداكِ من هبهب ودب
ضعاف النفوس مدورين الطلايب

اللي غيابك لا حضر هاجم بسب
الله يطشه بالخطا والنشايب

تبت يمينه وان حضر حضرته تب
لو كان من ضمن الاهل والقرايب

أبو غرام

14/05/11, (05:02 PM)

عودةً لل: ك ي ب و ر د ي ا ت

ياقلبي اضرب خافقك بالخفا : x =وإنزع صحيبه وإطرحه بين الأموات
وإن صاح ملعون الثوى عالجه : بِقس=وأرهب حضوره وألجم أفواه وأصوات
اللي فرح للغير يبدي لك : العِبس=والجاش مثل الوجه متخالف الذات
إمرغ كيانه نزّله منزله : طِفس=واذبح سمين الوصل والنحر بسكات

أبو غرام

14/05/11, (08:09 PM)

النفس طابت او هو طابت بك النفس=كله تشابه في مسار النهايه

أبو غرام

15/05/11, (05:41 PM)

أسلّي خاطري بالمزح اعالج طعنتي بسكات=على رمضى القهر امشي وعيني تفتل حجاجه
أكابر والغدر مظني على صدري يضيم الذات=ألا وإن ضاقت الفرحه عزومي تتّبع فجاجه

أبو غرام

16/05/11, (04:33 PM)

ليتك تبين خفاك=تظهر الطيبه معاك
ترمي القسوه وراك=وإتحمّل مايصير

أبو غرام

16/05/11, (06:12 PM)

http://img101.herosh.com/2011/05/15/218594111.jpg

لو[ تستر ] الدمعه .. على ../ خد ../ منديل=نور [الرحم ] يبقى .. على ../ الوجه ../ بيّن
ياحاكم(ن) .. [ عينك ] من.. / اللين ../ قنديل=سحابك .. إن .. [ حدّر ] .. فلا هو ../ بهيّن
انت .. الذي../ [ طيبك ] .. غذا../ قوة ../ الحيل=عاهل .. ولا../ لك .. بين.. [ الاشباه ] ../ حيّن

أبو غرام

17/05/11, (01:10 AM)

يا هيه كانك ما تبي الناس توذيك
قيس المسافة بين مزحك و جـدك
بيـض السجايـا للمعالـي تـوديـك
وســود النـوايـا للمـذمـة تـــردك
لو تجتمع كل البشر لأجل تغنيك
مـن دون ربـي مدهـم مـا يسـدك
الله هو اللي حسب نيتك يعطيـك
ما فيه جود(ن) مثل جوده يمـدك

من أجمل ما قرأته هذه الليله حين تصفحت هذا الركن
فلله درك يابو فهد ما حييت

أبو غرام

17/05/11, (02:31 AM)

على عيني تشق الثوب=وعينك فصّلت غيره

أبو غرام

28/05/11, (02:09 AM)

الحمد لله على كل حال
وقدّر الله وما شاء فعل
البارحه أو تحديداً قبيل صلاة العشاء
تعرضت لحادث وانا واقف عند الإشاره
ولكن ولله الحمد اتت سليمه
وفعلا وكما يقال : ان سلم العود الباقي يعود
ولكن فعلا
لا يعلم الانسان مايخبّأه له الزمن والمستقبل
ولكن : زيّنها مع الله تزين
فالحمد لله على السلامه أولاً وأخيراً
.
.
ولكن يقال بأن أكبر فتن المؤمن حينما تأتيه السكرات
حيث يتصور له إبليس بنفسه على هيئة أقرب الناس لقلبه
ومن ثم يدعيه إلى غير ملة الإسلام .. وهي آخر فتن المسلم على ظاهر الأرض
أفكار كثيره تأخذ الشخص .. ولكل شخص فلسفته
ولكن شطح بي فكري ناحية البعد الآخر
عن الحادث وبعد السلامه وفيما لو .. بعد الحادث
فكان هذا الجواب السريع للنفس والتساؤل
.
.

دفعة بلا واسكات عين الحسودين
.......... والمؤمن المبلي قريبٍ من الله
والمعضله ماهي فراق المحبين
......... المعضله لارحت من دون ملّه

أبو غرام

28/05/11, (04:13 AM)

كيبورديه ... والكاف .. ينطق ج
حسب لهجتنا
^_^

كنا .. جماعه .. والغلا .. / خامس .. القوم=واليوم .. ما غيري .. وطيفك ../ وذكراك
الله .. وكيلك .. كيف .. غيّر .. بنا ../ اللوم=الشرهه .. إن .. كبرت .. تسبب ../ بفرقاك
كنا .. سوا .. والعشق .. ثاير .. على ../ الدوم=متبادلين .. الحب .. طريايَ ../ طرياك
انتي .. انا .. وانالك .. انتي .. / ولا نسوم=والخلق .. ماتسوى .. ولا .. ربع ../ ماطاك
واليوم .. ما عاد .. الهوا .. ساطع ../ اليوم=كثر .. التجني .. والتبلي ../ تقفاك
حتى .. طلبتِ .. البعد .. والعذر ../ مذموم=جازيتي .. المعطي .. على .. غير ../ معّطَاك
سهم .. الحلا .. بدّل .. إلى .. سهم ../ مسموم=وخلك .. على .. رغم .. التجاريح ../ ماذاك
إيوه ..[ عشيرك ].. باقيٍ .. شخص ../ زيزوم=مامَنّ .. مايبذل .. ولو .. زاد ../ ماجاك
حتى .. ولو .. قصر .. الهوا .. بات ../ مهدوم=يبقى .. الوفا .. حافظ .. مكانك ../ بجفواك
وكنا .. جماعه .. والغلا .. خامس ../ القوم=واليوم .. ماغيري .. وطيفك ../ وذكراك

أبو غرام

15/06/11, (03:37 AM)

خاصه ..
إهداء إلى أبناء الدابس ...
مع فائق الود والتقدير لكافة ابناء الحمايل والقبائل

يالابتي يامحزمي ياذرايه=ياسيفي البتّار بالماقف الشين
يادرعي وأرضي ونجمة سمايه=ياحصني المبني على الطيب والدين
ياعصبتن شاشت وفا في فضايه=دابس وتودع من نواها على البين
في حفلنا جبنا عظيم الروايه=شيّنٍ من الفرحه فلا شافته عين
حزّنا على الطولات واهل الوشايه=ماحرّكوا شعر الذي مد الايدين
ماتوا قهر ماتوا غبينت نكايه=ماتوا وشرواهم على الموت باقين
حنا الاسود اللي ملكنا البدايه=وحنا الاسود اللي على العز زامين
ومن صلبنا ابداً ولابه نهايه=ولاتنطفي نارٍ وراها سلاطين
وازكى تحيه لبو جايز ورايه=اللي جمعنا للقا واللقا زين
والكامل الله مار ربعي حكايه=تنحت على صخر السطا بالميامين
والخاتمه وختامها يا ذرايه=عدونا يا جعل قومه عقيمين

أبو غرام

15/06/11, (03:39 AM)

الصدرضايق والفكر منقلب حال=والعين ياعين الشقا مسّتهلّه
مابين هم وغم واقوال وافعال=تاهت ملامح فرحتن مسّتعلّه
ياليتها كانت على شرهة الخال=مار البلا بعض البشر مسّتغلّه
واجرحي اللي كل ماقلت ينزال=عيا البخت والنفس به مسّتظلّه
اهيم في غبات الاشواك والبال=سيوف الكروب العوج له مسّتحلّه
لا واهني اللي من الضيم ما كال=روحه فلا هي للغبن مسّتدلّه
لكن على ماقيل وان طال موال=ذاتي وبس - لله - هي مسّتذلّه
اخضع واناجي وارتجي منه الارسال=وانوح : ضايق والفرج مسّتولّه

أبو غرام

15/06/11, (03:44 AM)

ياقلب وان عدّت على غير ماتريد=عدّه وعند الله حساب التغاضي

أبو غرام

21/06/11, (03:36 AM)

السوق .. مفروض يسمى : نكبة حزيران
ولكن نكباته جداً مقبوله ^_* في بعض الاحيان طبعاً
فإليكم الكيبورديه عن موقف مر في السابق او إنه خيال
بس مدري ليه تذكرته الان ^_*
...................

لانثنى غصن الغرام بدون ريح=ميلته من زود ماردفه طري
انبرى قلب(ن) هواوي مايبيح=وانزوى مابين يمكن والفري
لعنبو بعض ال ...مظاهر تستبيح=تجبرك تتليها لو تجري جري
تكتسي بالحسن غصب(ن) له تطيح=ساتره نفسه وهي كنه عري
لانثنت لك قمت تلطم او تصيح=لعنبو من همّل ال...زول الذري
وسامح الله خافقن امسى بفحيح=من عذابه كلن ابعلمه دري
قلتها والنص مافيه الصحيح=قصتن من واهج الفكر الجري

^_^
وتراها لرسم الإبتسامه لا أكثر

أبو غرام

21/06/11, (03:55 AM)

يالعنود الفارع الخجلى المصون=ياطشاش الطهر عن دنس الذمم
جيتكي من دون ما تلمح عيون=وافين والموعد بهام القمم
والعذول ان حاولوا بك لايجون=دون وصل الروح وإخماد الحمم
ماعليكي من هلامى يتبعون=قول قايل يالحثاله يالرمم

أبو غرام

21/06/11, (04:21 AM)

يضايقني زماني دون رَحّمه=واشيل الحمل وافل الحجاجي
ألا وإن جتني الضيقه بشَحّمه=يمين الله ماكسّر زجاجي
اصرّ الصدر لوهو صار فَحّمه=واشوم وغيري يضنيه العجاجي
ولي في قرب ربي فِرج زَحّمه=ولي عن عِرفة البعض الفجاجي

أبو غرام

23/06/11, (03:31 AM)

كيبورديه ..

وينك ؟ ضلوع .. الحنايا / ترتجيك=كل .. ماتطري .. يلجنّ / بالسهر
والعيون .. اللي .. تمنى / تحتويك=من عناها .. كنها .. تبكي / دهر
خابت .. ظنونٍ .. هواها / تلتقيك=ليت .. غيب ..الحظ .. مابان / وظهر
كم .. مضى لي .. بالهقاوي / احتريك=والهقاوي .. فصلها .. مانبت .. زهر
حتى .. قلبي .. اعتصرني / يفتديك=والمصيبه .. غيبتك .. فوق / الشهر
تكفى .. لا .. تحرم .. هواجس / تنتخيك=حالها .. بالضيم .. أفصحلك / جهر
واسألك : لو .. كنت .. حسبة / والديك=تنهش .. عظامي .. وتكسر لي .. ظهر ؟
مار .. عوّد .. واقبل ..اللي .. هو / يبيك=وانبت .. بأرضه .. جميلات / الزهر
من .. غيابك .. وضعه .. أمسى / بالركيك=بين .. همّ .. وضيق .. واغماية / قهر

أبو غرام

23/06/11, (05:02 AM)

من قبل وانا اقول : اللي يقرى ويشوف القلب ماهي العين
بيت مخطي بالكتابه فيه وانا وخالقي اقراه غير
وهذا اللي نطالب فيه الاداره ان يمددون فترة التعديل لكن دون جدوى ^_^
لو على هالقسم بس .. لكن ماهناش صدى
يشهد الله لم انتبه الا الان .. والتعديل هو :
واسالك لو كنت حسبة والديك .. تنخر عظامي وتكصم لي عظم ؟
طبعا تكصم .. هي تكسر ^_^ بس بلهجتنا

أبو غرام

25/06/11, (02:38 AM)

اروج ترى بالقلب حبرن وممحاه=حبرن يوثق والبلا بالمماحي
يعني تجي باقبال حبن تغشاه=والا تغيب ونمسحك بسّتماحي

أبو غرام

25/06/11, (02:41 AM)

النفس تغفل و المخاليق تغتاب=والداله اللي ماسأل بالحثاله
هيّا كذا من تابع الناس ينصاب=لاعدّل الميله ولا رتاح باله

أبو غرام

28/06/11, (05:49 AM)

كيبورديه صباحيه .. للتواصل مع القلوب الطاهره ..

يطول .. الهرج .. وعيون الغلا .. تستوحش ../ الاشواق=على رغم .. الفرح .. تبقى .. رهينة .. شوفة ../ الغالي
الا .. وان طالت .. المده .. تطيق .. من الصبر ../ ما طاق=رضت .. تستلهم .. القمه .. تجوب .. فبرجها ../ العالي
قضت .. نحب .. الجفا .. واستعطفت .. من زاكي ../ الاعذاق=عذق .. صبر الوفا .. واستمطرت .. من ريقه ../ الحالي
نزف .. جلمودها .. الونه .. على حظٍ .. نما ../ بفراق=تجرّع .. جمرة .. الجفوه .. مَعَ همٍ .. مهو ../ تالي
حشا .. وان ضامها .. غمٍ .. تغشّت .. غيهب ../ الاعماق=سرى .. فكره .. تبع طيفٍ .. حزم .. في خصره ../ الشالي
تجود .. وتنثر .. احساسه .. تترجم .. ماخفى ../ باوراق=ولايفهم .. معاناته .. اديبٍ .. من .. زمن ../ بالي
يطول .. الهرج .. وعيون الغلا .. ماخالفت ../ اذواق=خلاصة .. فكرها .. ينبض .. بفكره .. ظلها ../ طالي
نمت .. واستحضرت .. واستوحشت .. في عارض ../ الاحداق=تبيّن .. هيّبة .. الفرقى .. على عينٍ .. بها ../ غالي

أبو غرام

01/07/11, (04:23 AM)

كتب الشاعر الخلوق / سعيد الكناني مشاركه سريعه واسماها خجوله كما ذكر
وقد راقت لي فكرتها جدا .. وسويت عليها لقافه ^..*
مما حدى بي لتغيير بها وقد استحسنت التغيير ^_^ <<< من زود اللقافه
لذا
راق لي النص كثيراً وراقت لي لقافتي
ولهذا نقلت لقافتي الى هنا .. وعذرا منه شاعري الكريم ومن اتعلم منه
ان بدر مني خطأ أو تعدي أو أي أمر أدى لخطأ مني تجاهه ..

النص بعد .. اللقافه

أطلقت عنان الأفكاري=فتناثر درّ الأشعاري
يضيء سمائي تبسمهُ=ليجاهد فتن ألانظَاري
فتطاير قلبي مبتعداً=وأناخ البوح لأَخباري
فطردت الصمت وأزعجني=وتمَلمَل قَهرَ المشواري
تتساقط اوراقي غدراً=وتخون معاهُ الأسحاري
فإذا الاشواق تعاتبني=أتصون الصمت وفي داري ؟
عشت الإهمال على قدمٍ=ودموعي كالنهرِ الجاري
جِبُت الاحلام فلا فرجٍ=وقفِلت لأرضى بِـ أقداري
وذكرت لنفسي : لما وجلك ؟=وقديمي يحفظ أسراري ..!؟
صبراً نقفطه على مهلٍ=فهو البستان بلا جاري
- لو كنت اعلم عاثرنا -=[[ مازرُت الحب بإِصراري ]]

أبو غرام

01/07/11, (08:34 AM)

في نص كيبوردي سابق ..
كان التحدث عن لحظة اللقاء .. وكره الاشواق .. حباً في بقاء اللقاء
.
.
واليوم .. يعود نص مشابه .. ولكن من زاوية أخرى

من زاوية : الإنتظار

.. حيث إنتظار اللقاء من بعد غياب ..

حينما لايكون هنالك أجمل من جوع الانتظار إلا إشباع الانتظار

فتلك الثواني البسيطه ..أو إن قلنا الدقائق المميتة اللذيذه ..
في انتظار حضور الحبيبه

حينما تقبل من البعيد

حينما يتهيأ ان خيالها قد إقترب .. حينما تُحِسُها القريبة البعيده

حينما تتسارع الأنفاس في إنتظارها

تكون تلك اللحظه

فعلاً
.
.

طويله
طويله
طويله
طويله

طويله .. على منتظرها ..

لدرجة أنه يبحر مع تلك اللحظه

ويبحر فكره خلالها ويجول ..

فتكون أشد ماتكون وقعاً .. حين وقوعها ..
.
.
.

زاويه

.
.
.

.. أتمنى قرائتها بعيون المحب والمنتظر لعيون من يحب ..

.
.
.. عيون اللقا ..

http://bldtna.com/forums/imgcache2/3167.gif

يطول الوقت وعيون اللقا تستعجل الاشواق=على كثر الفرح تبقى رهينة شوفة الغالي
ألا وان طالت المده تطيق من الصبر ما طاق=تهد عزومها الضيقه تهدّي صوتها العالي
رمت غصن العيا واستبدلت من زاكي الاعذاق=عذق صبر الوفا واستطعمت من ريقه الحالي
نِزف جلمودها الونّه على ماضٍ نِما بفراق=تجرّع جمرة الغيبه مَعَ همٍ مهو تالي
حشا وان ضامها غمٍ تغشت غيهب الاعماق=سرى فكره تبع طيفٍ حزم في خصره الشالي
تجود وتنثر احساسه تترجم ماخفى باوراق=ولا يفهم معاناتَهْ اديبٍ من زمن بالي
ويطول الوقت وعيون اللقا ماخالفت اذواق=خلاصة فكرها ينبض بفكره ظِلها طالي
نمت واستحضرت واستعجلت في عارض الاحداق=تبيّن شِدّة اللهفه على عينٍ بها غالي

وسلامتكم ..

أبو غرام

01/07/11, (08:43 AM)

كيبوردية ..

يا إله الخلق يارب البشر=ياعليمٍ في خفى الكون الضرير
كيف جرح الخل ياتي بالقهر=والمصيبه ميتٍ فيه الضمير
ماهقيت البعض لا ثار ونفر=يقلب الدنيا ويجعلك الخطير
لين جات ونشّفت عمق البحر=والبلا محدن على البلوى خشير
ليتها من قبل لا تاتي تغر=تنفجر بعيون ناقلها النذير
غيّمة بالعين وآخرة السطر=ياحسيبه بالذي عقب بيصير

أبو غرام

05/07/11, (02:03 AM)

صفحه للشاعر القدير / عبدالله المعيوف الدهمشي
تستحق المتابعة والتقييم

http://www.weelan.com/vb/showthread.php?t=22099&page=2

وصفحه حزينه مكلومه .. للراقي والجزل / محمد بن موسى
تستحق هي الأخرى المتابعة والتقييم
http://www.weelan.com/vb/showthread.php?t=19198&page=51

أبو غرام

16/07/11, (08:35 AM)

خضبّت عيني من حلاك .. اسهبت في بحر اللقا
واللي ذبحني في رجاك .. حسنك وفكرك والنقا
ياصاحبن امسى غلاك .. راية عذابي والشقا
ياجعل من غيّر هواك .. ينفى وللغبنه رقا
صدرّت ما دار بقفاك .. اخلفت ماقلبك هقا
واللي تبيّن في سماك .. يالله عسى ماله بقا

أبو غرام

24/07/11, (10:54 AM)

تسجيل دخول بعد .. طول غياب

الحب يتعب والتعب ساسه اجهاد=لولاه مانشقى ولا تشيّب العين
الحب مجنونٍ سرق لذ الارقاد=والتايه اللي يمّه يفل الايدين

أبو غرام

05/08/11, (03:57 AM)

نص للمواساة لأخٍ كريم وأخ لشاعر كريم كان يتواجد ها هنا
وهو ابو سامي / عبدالله بن عشوي .. رحمة الله عليه
والمقصود بالنص هو اخوه / محمد بن عشوي .. ابو لامي
حيث بقي هذا الاخ يعاني غياب اخيه ويتجرع مرارة الفراق
وهو لا يلام
فقد عرف الدنيا على اخيه ولم يرى ابيه او يعيه بمعنى اصح
لذا كان خطب خبر وفاة أخيه مؤلماً عليه
أنهكه وان طالت المده .. والحديث حول الكيفية يطول
وعند علمي بذلك لم استطع إلا مواساته
فأبو سامي فقيده ونعم البناخي كان وظل ابن العم الذائد عن ربعه وقبيلته
ابيات علّها ترتقي له ولمقامه ولموقفه الطيّب ونصح علّه يعمل على تخفيف الوطء

.
.

الحمد للهْ والنوايب نوايب=والعبد دون الشكر مايكسب رضاه
فضله عظيمٍ يخلف اعتى المصايب=ويجود من جوده على العبد بعطاه
من بعدها والقلب لا شك ذايب=ساحت عروقه من عظيمات بلواه
فرقى الاخو بالجوف يودع عطايب=والجاش يبكي خافقٍ كان يرعاه
والله لو تنفع تجيبه طلايب=والا المفادى لرجعته كان فاداه
يامحمد اللي جاك حقٍ وصايب=ودربٍ على رغم المسافات تاطاه
فقدك لابو سامي يزيد اللهايب=ومثله فقيده يفقده شخص خاواه
تجزع ومن لذ الملذات طايب=ومن ضيقتك تمشي على غير مهداه
حتى بمنامك تنطق : الحظ خايب=وياكيف خيّي بالصواديف ملقاه ؟
ذابت عروقك دون هب الهبايب=والدمع لولا الكبت يذرف وينعاه
يا محمد اللي راح لا شك غايب=ولو كان به رجعه ترانا نتحراه
مار العوض ياخوك بعيال شايب=بِرٍ على رغم التقاصير يجزاه
واليا تعبت اثن القدم للنصايب=اجر وغنيمه واتّدبر بما جاه
وياجعل ابو سامي وباقي القرايب=في جنة الفردوس مسكنه باعلاه
والحمد لله والنوايب نوايب=والعبد لولا الشكر مايكسب رضاه

أبو غرام

06/08/11, (02:24 PM)

غفى رمش العتب وارخى على بيض الورق حَظّه=تلحّف شرهة الصادق و خاطب عين ماتسمع
ألا ياواهج الماضي دخيلك حبهم قَظّه=خلاص العمر مايسعف يقيك وجمرتك تدمع

أبو غرام

06/08/11, (02:43 PM)

مبارك عليكم الشهر الفضيل
ونسأل الله ان نكون واياكم من صوّامه وقوّامه
والمغفور لهم بإذن الله والعاتقين من النار
أنا وأنتم وكل من يعز علينا
كل عام وأنتم بخير
:more19:

أبو غرام

06/08/11, (03:10 PM)

تتوه بغلطت اعذارك وعينك للخطا عجلى=ولا لك في فضا التوبه مقيلٍ يدمح عتابك
ألا ياهيه لا تقبل ونفسك للاسف خجلى=واذا همّك على جرحي ترى يشفى من غيابك

أبو غرام

12/08/11, (09:32 AM)

.. لظلم نهار الود .. غابت ضواحيك ..
.. غطى سواد .. الجرح .. زيف المباني ..
.. الله وكيلك .. والحشا .. مايدانيك ..
.. حتى المشاعر .. ما تجيب .. المكاني ..
.. مار اقصر .. الخطوه .. ووضح .. مماشيك ..
.. العين تزهى .. في فجوج .. الاماني ..

أبو غرام

17/08/11, (01:01 AM)

انتـ وينكـ عن حياتيـ من زمانـ
طول عمريـ في خياليـ أجمعكـ

.
.

تو قلبيـ عاش حلمه أمانـ
وعشتـ كليـ في أمانكـ واتبعكـ

.
.

والدليل اليوم / سابع عشر رمضانـ
واحسبهـ عيد الفطر لأني معكـ

.
.

راقتـ ليـ كثيراً

أبو غرام

17/08/11, (12:26 PM)

لسّودّت الدنيا بعين ..
.. والحظ استوفى لدين ..
... واصبحت تصفق باليدين ..
.. اعلم ترى هذا افتراق ...
.
.
رحلة عذابٍ تبتدي ..
..... الحزن فيها معتدي ..
.......... والهم ماهو مقتدي ..
.. يودعلك الصمت إختناق ..
..... هذا هو طبع الفراق ...
.
.
ماينفعك ذكر الخطا ..
.. والجرح في قلبك سطا
.. وان جادت الروح بعطا ..
ماهو على كيفه تجي ..

هذا هو الحظ الردي
.
.
ذكرى تشابك باليدين .. طموحها تحيا سنين ..
.. والعين ماتشقى تزين ...
والوقت خالف له مناه .. ياويل من ضيّع دفاه

.
.
.. حاله غصب منها / عييت ..
.. والقلب ما طاق / المبيت ..
... والنفس ما قالت / رضيت ..
.. واللي تغشاها / احتضار ..

هذا ترى نار افتراق
.
.
.. فان كانك لجمره وطيت ..
.. والدمع بيّن ما شكيت ..
.. والبوح اعلن ماخفيت ..

// فاغفى على اطلاله وعود ..

.. يمكن يجي يوفي الوعود ..
.. يمكن ترجعه العهود ..
.. يمكن يغير هالجمود ..

بس الاكيد انك بنااااار
.
.
دامه يبيّن بالسطور ..
.. والا يتهيا بالحضور ..
.. والا تنفسته زهور ..
وايقنت مالك في لقاه ..
.. هذا ترى سبة وفاه ..
.
.
.. لامن توسدت الهموم ..
.. والحظ ما حاول يقوم ..
.. والحال ما شال الهدوم ..
فاعلم / وطيت .. ارض الفراق
هذا ترى .. جمر احتراق
.
.
.. نسمة عبير اتبدلت ..
.. ثارت وغابت محضرت ..
.. انعشتها وماهي ثمرت ..
.. ماجت على فاهـٍ رضي ..
.
.
.. دورتها بين // الشفاه ..
.. عند التنادي والنباه ..
.. والجاش وان ساير هواه ..
// ماهو على موعد لقا ..
.. هذا ترى جمر الفراق ..
.
.
.. ويلاه ياهمً العنا ..
.. لا من تعداك الهنا ..
.. وامسيت عايش بالفنا ..
.. واللي تبي لا مايصير ..
.. هذا هو الجرح الكبير ..
.
.
.
.. اللي تبنّاه الانين ..
.. واللي تغشاه الحنين ..
.. واللي غدا ماله خدين ..
.. هذا ترى عايش فراق ..
.
.
.. هذا ترى جمر احتراق ..
.. هذا ترى مر المذاق ..
.. هذا ترى حال اختناق ..
يا سائلي : وشهو الفراق ..؟
ياسائلي / وش هو الفراق ..؟

أبو غرام

21/08/11, (11:52 AM)

نامت عيون البشر ياغير عين=من عناها مالقت للنوم للباب
ترجمت مافي خفاها بجملتين=واعذابه كانها / تتبع سراب

أبو غرام

22/08/11, (12:13 PM)

كيبورديه

كثرة / مدورة / السوالف / والاوهام=بنّاية / الكذبه / على / محجر / العين
دستورها / تكسب / ولو / تودع / إعدام=نفسه / على / كل / البشر / والموالين
تمضي / وتنسى / ماضي / الكذب / مادام=وان دام / في يومنٍ / فلا ياصل / سنين
واليوم / حان اليوم / تبديد / الاحلام=جتكم / حقايق / واصفقوا / يدين / بيدين
الجادل / اللي بالحيا / ذكرها / زام=من بين / اياديكم / سَحبّتَهْ / على هوين
بالصدق / والتبصيرْ / وفي منهج / احشام=واكرام / لحيه / ماتقيسه / موازين
جتني / على / مودي / وجيته / على / شمام=والكاذبين / امسوا / على الغبن / والبين
ماقلتها / عابث / ولا / قلته / ايهام=الكلمه / ان خابت / ترى / راعيه / شين
هذي / حقيقه / قالها / صاحب / إلمام=أمثالكم / تعجز / عن الفوز / بالزين

أبو غرام

22/08/11, (12:53 PM)

يامنتهى اللذه ويا منتهى الذوق=ياخفرت الخفرات روفي علينا
الحظ وان قصّر فلا قصّر الشوق=والنفس وان غارت فلا هي بيدينا

أبو غرام

23/08/11, (03:27 PM)

كيبورديه .. سريعه

ياهيه وان كانك خفيفٍ وصاغر=انا على روس المنيفات روّاد
لا تحسبنّي مثل قلبك وفاغر=اعلم خطاوي كل نجسٍ ودوّاد
فان كان هقوك بالخفيّات داغر=غلطان رمحك ماهو بالظهر هوّاد
مار ابتعد وان جيتني بصوت ثاغر=ماني على شرواك ياهيه عوّاد
لا لاتقول القلب صِلِّح وشاغر=جاشي على امثالك فلا قيل نوّاد

أبو غرام

23/08/11, (03:42 PM)

سيلٍ .. حدرته .. / من .. رحيق ../ المشاعر=غطى .. على .. / روس .. العدا ../ دون .. الاصحاب
حتى .. المنافق .. / وان .. لفى ../ بقلب .. ذاعر=من .. شيمتي .. يامن ../ ولا ../ يسمع .. عتاب
الله .. خلقني .. للمراجل ../ و شاعر=والهافيه ../ تلقى .. لها ../ بغيري ../ اعجاب
ماقول .. قولٍ .. يخلفه ../ صوت .. جاعر=من .. طلعتي .. / فعلي .. على .. قولي ../ خضاب
وان .. بيّنت ../ شلفات ../ بعض .. المناعر=آطى .. على ../ خشم .. الردي ../ ياكل .. تراب
اللي .. يضيف .. الوقت ../ وللخد .. صاعر=يصبر .. على .. صفقات ../ خده .. الى خاب
قدمتها /.. من .. دون ../ تأجيج ../ ناعر=ردٍ .. على ../ من .. قال .. / وش فيه : منهاب ؟
وسيلٍ /.. حدرته .. من /.. سنام .. المشاعر=لولاه ../ مايبقى ../ ولا .. تسلم ../ ارقاب

أبو غرام

28/08/11, (12:36 PM)

الكرامه عزت النفس وسماها=عن براثن تبعة الهافي بسماه
شيمة اللحيه عن مقابل وذاها=إرتفاعَه عن مطامين الحياه

أبو غرام

28/08/11, (12:44 PM)

بعض العرب نحشم لحاها عن الشين=والبعض الاخر ننحشم عن لحاها
من لا عرف قدره غدا منعمي عين=يتبع خطاة الهرج يطرد لغاها
والله كرمني دون تفسيرت يدين=والمعتدي لا شك يوطى برحاها
ماقلتها عابث ولا قلتها بين=حشمة لحىْ عن هافياتٍ لحاها

أبو غرام

28/08/11, (12:56 PM)

كسّر ضلوعي بالشديد=ان ماحوتكْ اجرم بها
والجاش ان قيل العميد=جندل عروقه ان سها
حبك يعوضني العديد=دونه فلا اسلى بها
وان لاح مجمولٍ جديد=إحذر تأمن غدرها

أبو غرام

28/08/11, (01:17 PM)

Do not tell me عن هواك=Because انا كلي فداك
و ال Aazlin اللي وراك= احرمهم ال Joyous هنا

دونت تو تلمي عن هواك=بيكوز انا كلي فداك
والآزلين اللي وراك=احرمهم الجويوس هنا

لا تخبرني عن هواك=لأن أنا كلي فداك
والعاذلين اللي وراك=احرمهم الفرحه هنا

أبو غرام

28/08/11, (01:26 PM)

هدّع ضلوعي على كيفك=ان محتوت وش لنا بيها ؟
والقلب جندله وبكيفك=والعين مالك وما فيها ..!!
من لاحرس بالهوا طيفك=ماهو بكفونٍ يراعيها
وانا تركت الحشا ريفك=ازرعه وبالوصل اسقيها
حتى ولو بيّنوا زيفك=ألوذ وأقول مدنيها

أبو غرام

28/08/11, (01:35 PM)

يا شوق وان كثروا عليك الخطاطيب= قولي لهم يا شوق قلبي معيي
يتبع هوى اللي بالمراجل عواطيب=ماهو بعيدٍ مير ماهو بخيي
وانا علي اظهر واقض اللواهيب=ارقى على متن المعزه واحيي

أبو غرام

28/08/11, (02:53 PM)

والقلب جندله وبسيفك
.
.
هذا من مساويء العجله بالكتابه
ولان اللي يقرى القلب .. مو العين
.
.
ختاماً

كل عام وأنتم بخير

أبو غرام

29/08/11, (12:10 PM)

كل(ن) قصد بالعيدْ وفرحة حضوره=وانا قصيدي في رجا عيد شوفك

أبو غرام

31/08/11, (11:05 AM)

للعيد فرحه في عيون المواليف=دون اللقا ماتكتمل فيه فرحه
العاشقين الهايمين المقانيف=مضمونهم خافي ولو طال شرحه

أبو غرام

23/09/11, (01:43 AM)

ايوه هنا كوني قريبه لي شوي=وايوه هنا حطي يمينك و سمعك
شفتي ؟ سمعتي !! كيف ميت وانا حي؟!!=وشفتي ؟ عرفتي ؟ .. كيف احيا .. بدمعك !!؟
ايه اتبعثر والجفا ماهو شوي=شتات عمري يجتمع حين جمعك
يكفيك اقابل بهجتك مابي الضي=ويكفيك ضوي مكتسي ضي شمعك
ايوه تروي واركدي يابعد حي =جيتك مسالم مابي اليوم قمعك

أبو غرام

23/09/11, (01:52 AM)

ياليت لي قلبٍ قديرٍ على البوح=وأقول ماعندي وأبيّن خوافي
اثلج فوادي والخبر يبري الروح=واكسب مودة من جهلني وعافي
مار البلا دستور باني له صروح=سلمٍ قديمٍ مايجيز التشافي
نصبر على شانه ولو ننزف جروح=والعاقبه يابعدها من عوافي
الله لنا واللي بنا لوهو يفوح=ملعون خيّر ماله إلا الخوافي

زمان عن الكيبورديات ..

أبو غرام

23/09/11, (02:42 AM)

اعترفلك مابقى عندي كلام=الحروف اللي اكتبت لك انتهت
روح روّح انجلا عتم الظلام=المشاعر عن مشاعرك إلتهت

أبو غرام

23/09/11, (03:55 PM)

ليش .. !! نتستر .. والمخاليق .. // تدري ؟=واللي .. نريده .. [[ عشق ]] .. ماهو ..// بمحظور ..!!

مليت .. أكرر .. قول .. مآخذ ..// بحذري=واقرى .. جريده .. آخر .. الليل .. بالسور ..!!

^_^

أبو غرام

23/09/11, (03:55 PM)

أنا رقيق احساس كلي مشاعر=ولولا المشاعر مانزفتك يالابيات
وانا كما صم الجبال المناعر=عند اللوازم ثابت الرجل والذات

أبو غرام

23/09/11, (04:03 PM)

صوت وصدى .. حدثتنا دون ترتيب وكيبورديات
بيني وبين الشاعر / سعد المطيري
.
.

حيث كان الصوت بعد ما كتبت له بيت شعر واحد
أثار قريحته الأدبية :

فقال راداً على البيت :

ارحب عسى يفداك يالوايلي بوش=ويفدا عيونك من تردى كلامه
اركب على اللي لأجلها الغيم مفروش=تخرق بسرعتها بياض الغمامه
ليا أقلعت تشبه شجاعٍ يبا الهوش=يقبل على جمع الرجال بشهامه
والى وقفت مثل العروسة على الكوش=متميزة والزين فيها مقامه
يسوقها اللي مادخل راسه الدوش=متعودٍ للجو مثل الحمامه
كابتن ولاهو للمهماات مربوش=مبطي وهو للموت رابط حزامه
واليوم أنا خلفه معي شوق وعفوش=متعدي ياخوك قصر اليمامه
مارحت غير أنه معي شيك وقروش=بلعن ابو يوم الفقر واحتكامه
وان كان تبغى خوتي لازم الحوش=نهبط عشانك ياخوي النشامه

فكان الصدى

حي الجواب اللي فلا يلحقه غوش=مثل الذهب صافي ولابه رهامه
من شاعرٍ يزهى على الهام وينوش=حاف المراجل ما تفيا ظلامه
يبو فجر ياسعد من بات مطشوش=وعقب الكسافه ذاق منك الكرامه
نشفق على خوتك لاشك ونحوش=كنوز الرجال موجبين القرامه
يوم البعض فعله ملفق ومرشوش=حمر النواظر بالنوايف علامه
وحنا على تاج المعالي لنا نقوش=منبع وفا روس السطاة وخطامه
الله يسهل رحلتك علها خوش=والفقر يسحب تاليه من سهامه
وان حاول التغيير دوره معك بوش=لفات عزمه تستقيم لحطامه
حتى الحلا ماعاد يبقى مكنتوش=غير الغنى يبقى لقيام القيامه

وسلامتكم

أبو غرام

24/09/11, (05:45 PM)

شلفا عزيزه وركزت خلف الاضلاع=ان عدّت الطعنه صداها تبقّى
وَ حرّ كبدٍ من خفيّات الاوجاع=وَ جرح قلبِ من زمانه تشقّى
هذا الغدر لا حل ما ياتي بساع=جمرات طعنه بالمحاني ترقّى
وان عدت الطعنه على غير مرجاع=يبقى القهر / ياكيف مثله تنقّى .!!؟؟

أبو غرام

01/10/11, (12:35 PM)

يجيبك الله والزمان واحاسبك=واظهر خفى كذبك وبهتك عليه
ياللي تظن الظلم حقق مطالبك=غلطان ما تمسي على غير سيه

أبو غرام

14/10/11, (07:44 PM)

.
.

مقسى من جروح الهوا والغرابيل=إلّا المحبه في يدينٍ شحيحه
تسرق خفوقْ وتستلذ التناكيل=وان طاح ما سمّت عليه بمطيحه

http://www.lmada.com/vb/imgcache/2/8646lmada.jpg

في ساعةٍ ودك بها تحيا وتموت=النفس تقبل مايجي عابر لها
لاعانقت شمس الغدر ماضٍ يفوت=يرقى على متن النهايه بابها
تعييك بالحسره ولا ينفع قنوت=حرّ المواجع نارها جلبابها
تكره بها العالم ولاتقبل بصوت=إلا المدامع لصدحت باخبارها
ايه الجروح الباقيه بالصدر قوت=كل مايداعبك الغدر تبدا بها
تدفعك في برد الجفا من دون كوت=تفتح متاهت جَيّها واعراضها
ياكيف صدّقتَه وهي ماهي بنوت ؟؟!!=ياكيف ماهي صادقه باسهابها
وبارق وارفع من خيوط العنكبوت=ياكيف جابت خافقٍ ما جابها ؟!!
ضفت مشاعر والمشاعر ماتموت=تبدي جنون العاطفه واعجابها
انفاس شاعر ماتغير بالريموت=امسى من الطعنه رهين ارماحها
وان ناصحته الخلق ماهي لك بنوت=جاوب وبرّر عبرته واسبابها
بارق وارفع من خيوط العنكبوت=جابت خفوقٍ صادقٍ ماجابها

ودك إذا قلبك عصيٍّ على الحب=ماتقرب اللي صادقٍ في مراده
للغدر بسمه تودعك غيهب الجب=وللخلق مولى مايضيّع عباده

أبو غرام

28/10/11, (09:39 PM)

كيبورديه لقلوبهم الطاهره

الصدر ضايق ..// والجروح / الغايره ..// تنزف ألم=وانتي يا / عين الشقا ..// ماجبتي ..// عندي ..// غاليه
من عيا وقتك ..// نشمّ / الورد ..// ومنّا ..// ماسلم =حظك العاثر ..// جرح ..// عطر ..// الورود ..// الحاليه
ضاق صدري ../ وإنسل ../ من ضيقته ../ هاجس ..// قلم=خافيه : ياكيف ؟..// يخطي .. // في غلا اغلا ..// غاليه

يقطعك .. ياحبل .. الوصل ../ ان جدت .. وارخيت ../ الكلام=شرفة .. حروفك .. تستبيح .. الغافلات من / الزلل
وش عاد .. وانفاس .. الغمام .. اتنفست .. منك ../ الغمام=ماتنفعك .. كثرة .. شروح .. الوضع .. من دون / الخلل
لا والله .. الا روّحت .. حسرتك .. واضنيت ../ السلام=سحابتك .. ماودّعت .. بالعرق .. بلسم او .. / بلل
ياليت .. بالدنيا .. بخورٍ .. او عطورٍ ../ للملام=حرام .. لكتم .. خاطرٍ .. بيّن .. على .. خَطبه / جلل
لبعد .. صدى .. صدوف .. الخطا .. عن عنجهيات .. / الظلام=وان .. عاد .. عوّد .. حبلنا ياجعل .. مرسوله .. / شلل
ضاقت بي .. حتوف .. النوايا .. والغلا .. دون ../ الغرام=والخافي .. الله .. يعلمه .. مدام .. ما نشكي .. / كلل
قدره .. كبيرٍ .. في حروف .. العز .. وحروف ../ الختام=وقدري .. عظيمٍ .. لو بدا .. عنده من .. انصاف .. / الهلل

جفّت حروف المسأله واستمطرت قلبٍ حنون=يسعى على عين الرضا باقبالته واقفايته
كبّر وهلّل بالغلا واستعطف امزان الجنون=ترهي على اللي بالخفا امسى واصبح رايته
مابيّح اوزار الغضب ماخالف خيار الظنون=ما عاتب إلا صاحبٍ ظنّه بأنه غايته

أبو غرام

08/11/11, (06:23 AM)

.. كيبورديه .. للتواصل ..

من طلعتي مبدع وساطي ومطنوخ
.................. وآشوش لاهل الطيبْ وللطيب مرقى
ماهمني مغرض حمل قلب مفضوخ
.................. عمر الجبل ما ضاق من نوض برقى
يلفي على همه والى راح مصبوخ
.................... موسوم في خده : مصافيق طرقى
يمسي مع الضيقات غادي ومفصوخ
..................... النفس تتعب والمضامين حرقى
واللي غدا بالفكر تايه ومصلوخ
....................... يستاهل التخييب والعين غرقى
فان كان ظن العلم جلدٍ ومنفوخ
.................. غلطان صلى عن هوا الصح شرقى
وان كان ظن العـلم ناكخ ومنكوخ
.................... فانا الذي آطى على الخشم وارقى
يـاهيــه .. ياللي جيت و اليوم ملبوخ
....................... لا تفتكر تسلم ولو شفت درقى
هذي نصيحه كانك اليوم مفتوخ
..................... حاول تِوَعّىَ دامها النفس زرقى

أبو غرام

09/12/11, (05:09 AM)

للتواصل مع القلوب الطاهره ..

لك حق تزعل بالمحبه واراضيك=ولي حق من بعد التراضي تراضي
ياللي سرقت القلب والقلب قاضيك=ومن بد خلق الله ناداك قاضي
لولا الغلا ما كان راجيت ماضيك=واهناك من سالف زمانك بماضي
اتعبني الهوجاس يسرح باراضيك=يلبس ثياب الخوف والقاع فاضي
من ضيقته روّح عن الخلق عاضيك=والله جزاه إياك بالخير عاضي
يا تاج راس الكل لا خاب حاضيك=ياللي على الهامات فيكم يغاضي
جمر الخطا ولّع سبايب تغاضيك=الصمت يقتل والعتب فيك ناضي
فان كان به زله فانالك اراضيك=القاف لجلك ساح عرقه وهاضي
وان كان به غلطه فلاني مقاضيك=إحكم وخافي النفس ماقيل خاضي
ولك حق تزعل وانكسر لك واراضيك=ولي حق من بعد انكساري تراضي

أبو غرام

04/02/12, (06:06 AM)

http://im12.gulfup.com/2012-01-27/1327665934431.jpg

ياقسوة الدنيا ويا ضعف الإيدين=وياغفلة العالم عن اللي حصل لي
توّي على باب الامل اندب البين=الفقر هَدّع والعوض ما فطن لي
ومن القراده فاقده حضن الابوين=لابوك يا حظٍ طغى ما نزل لي
طفله ودبّل عمري الفطم بسنين=يادوب ابستوعب ونزفي يٍهلّي
وياكيف ابقدر والبلا وضعنا شين=وبحضني البارد صغيرٍ هملّي
هامل وانا مثله بعد هاملة عين=وعيوننا نشّت من اللي يٍعلّي
من يملك الطيبه ويدفع لنا دين=حتى العطايا ما نبيها تطلّي
بنتٍ واخوها واليتم ثالث اثنين=ياقلة الحيله من اللي حصل لي
ويالله يالمعبود يا جالب الزين=ترزق يتامى ربعهم في تخلّي
فاقوا على الغربال وامسوا على البين=اجسادهم بالمحرقه تستظلّي

أبو غرام

04/02/12, (06:08 AM)

ان غاب جرحك عن غرابيل الاوقات=ارخى جنابه يندمل ( باحتضاره )
مار البلا من - نفحة - الشوق لا جات=تلهب خفوقه قبل يبدى اندثاره
العشق ( لطمه ) ماهو بالقلب والذات=إلا - يهيّب - حضرتك لختباره

أبو غرام

04/02/12, (06:09 AM)

بنت الشيوخ اللي على الراس تنشال=هي شيختي واميرتي تاج راسي

هي شاعرة حرمان وهموم وامال=تنسج من حروف الذهب قاف ماسي

هي مسندي هي عزوتي ميلة عقال=لجله تشوش ارواح وابليس خاسي

غابت وغاب الفكر والفكر موال=ياعلّ ماهو من سبايب حماسي !!؟

صادفتها والدمع ضايق وميّال=يمنع هطوله جاه جدٍ اساسي

حييتها والحال متبدل احوال=يخنق جموده صدق جاشي وباسي

ياتاج راس البوصله علّ ماهال=رجمك صغير الرجم قدر ومقاسي

والمعذره ان كان بحضورنا جال=زيف النّوايا والنّوايا رواسي

وبنت الشيوخ اللي على الراس تنشال=غابت وانا بغيابها زاد ياسي

أبو غرام

04/02/12, (06:10 AM)

مدخل

كثر الخطا يقطع هماليل الاشواق=يودع رياض القلب جرهد صحاري
تبعد مناشيها تصاريف الافراق=من دون لا يدري بها كل داري

النص ..
.
.

الغلطه اللي مالها بارضنا في=جوفي غدا منها عليلٍ ومسموم
لولا العتب ما كان شفتي لها ضي=نحشم جنابك والخطا ضيف محشوم
ياما عذرتك قلت من جاشك الحي=تِركي طعونك وانهر القلب ليّقوم
حتى طغيتي من وفا جورك العي=وامسيت ماني بالسواليف ملزوم
روحي عسى تلقين في جوّك الغي=شخصٍ لمثلك يطلبه كل مظلوم
انا مشيت وخافقي منكوي كي=دامه تعوّد يصدف الزّل معزوم
ماوالله ارجعلك ولو يلحقن شي=ولا والله اصبر واحضن الليل مكلوم
من يطلق لسانه خطا ليّه الطي=ولايستره عذره ولو جيب بهدوم
الله يوفق حضرتك يابعد حي=زبدة حديثٍ عن غثا هرج مذموم

مخرج

من كان شفّه بالحيا يحيي اوراق=نصيحتي لا ضاق بارض القفاري
يضفي على خله سواليف وعناق=يدرى الكلام اللي على غير طاري

أبو غرام

17/02/13, (06:57 PM)

[ وثّقت ] حرفي .. في تجافيك ../ بعهود=وايقنت .. قافي .. لنسكب فيك / يزهاك
( جاملت ) زلاتك .. على غير ../ منقود=صديت .. عن شيطان هاجوس / يبغاك
اشوم .. عن دربٍ .. به الغّي ../ مشهود=[ لو كنت ] لبّيته .. ولو كان ../ لبّاك
واليوم / وشلك ؟ .. والخطا .. شر / معقود=ماخفت ؟ .. من فكّة ( حباله ) وينصاك ؟!!
خذها .. نصيحه .. كان .. بالفكر ../ نمرود=احذر مخالب .. ساطيٍ راح .. ماجاك
( من جنّبك ) جنّبه .. بادله .. بصدود=لا تبحث ..الخافي .. ولا يبحث ../ خفاك
[ ومن عالجك ] بالطيب .. جازاك ./ بورود=ينثر .. شذى زفرات .. عذبه ../لطرياك
لا راجيٍ ( رجعه ) ولامدور .. ردود=ولاهو على .. بعض .. التصاريف ../ يشناك
حاول تجمّل .. دون ماتبدي ../ لهود=وان سقت .. حرف الود .. بالود ../ راعاك
يستر حكاية .. خافقٍ .. راح ../ ملكود=يرسم .. من حروفه .. خيالات ../ تظماك
( ويبهّر ) ابياته .. على حب ../ ووعود=ويمدح زمانٍ [ كنت ] تعطيه .. واعطاك
العمر .. ( روّح ) والوفا [ خيط ] ../ مشدود=وبيديك .. قطع الخيط .. والوصل / برضاك
هذي الحقيقه .. جتك .. من دون ../ مجهود=ردٍ على ( زلتك ) من بعد : وش جاك ؟!
حفظت .. قدرك .. في غيابك ../ وبحدود=بيّنت .. مايحفظ .. مقامي ../ وذكراك

أبو غرام

21/02/13, (11:24 PM)

صدري نزف واحساسي العذب ملتاع
[ وصدق المشاعر ] من جروحك .. تألم

( طعنتني ) بالحب .. والقلب .. ماطاع
[ مابادل الطعنات ] .. لو هو .. / تعلم

دامي [ حبيبك ] ماتتـبّعـت .. / الاطباع
[ ودامك ، حبيبي ] مارضـيتك ../ تكلم

[ صدّقت حرفٍ ] بالغلا .. منك / ينذاع
( عـند الحنين ) وصرت .. فيـه / اتحلم

[ احارب ظنون الخطا ] فيك / وانصاع
( لـو ان جرحي ) من ، وفاك ../ ايتظلم

[ مجبور اداري ] دامه القلب ../ ماباع
( حافـظ كـيانك ) لـو .. كيانـك ../ تولم

فان كان ودك .. قـرّب الموت / باسراع
لعيونك ( اهـلاً ) .. لحضنه .. يوم سلم

[ العـمر ] يفـنى مار لـو جـاد او جـاع
( لكن غيابك ) عنه .. ضيقات ../ تـنلم