مرثيه بالجيب الشاص

[نافع عيد الجديد]

يا شاص جيتك نأوي اليوم أعزيـك

……………………قرب يجيك الموت حـان ارتحالـك

من يوم شفنا لابس ألكـاب راعيـك

…………………..مدري وش اللي غير اليـوم حالـك

أبـو سبيـب كنهـا شكـة الديـك

…………………….يمشـي وكنـه مـوردك للمهالـك

إن كـان ذا حالـك فحنـا نخليـك

…………………….يوم الربـع قالـو ترانـا رجالـك

عقب الكوامر والعبث بالشرابيـك

…………………واليوم فوق الشاص عقب الكدالـك

مـا بـاقي الايقلبـونـك تماتـيـك

…………………..ويبـدلـون ألمرتـبـه بالمـدالـك

مادام حطوا لـك جنـوط وسيراميـك

…………………..اصبر تحمّـل كـل شـي ينالـك

يا للي ركبته وش تبـي بالمهاليـك

…………………غلطان أبوك اللي رضا واشترى لـك

الشاص ماهو لك ولا هـوب باغيـك

……………….الشاص لرجال(ن) تعرف المسالك

لصار جـو البـر يمخـش اياديـك

…………………..خله يجـي قرم (ـن) يسوقـه بدالـك

مدام طوقك مرتفـع عـن علابيـك

…………………….وأبـوك زود بالنعـومـة دلالــك

عز الله إن أبوك عجز(ن) يربيـك

…………………ولامسك نصب المساحـي شمالـك

لمـع وظلـل صافيـات الشبابيـك

………………..لا يفارق الفيري مع الوقـت بالـك

الشاص مالك به أقصار خطاويـك

……………………حـدك تراه الدائـري ذا مجـالـك
http://www.alwa7aat.com/vb/gitexteam-turath/buttons/report.gif (http://www.alwa7aat.com/vb/report.php?p=2408) http://www.alwa7aat.com/vb/gitexteam-turath/buttons/ip.gif (http://www.alwa7aat.com/vb/postings.php?do=getip&p=2408)

[حمد الخمعلي]

الاخ القدير نااافع


والله انهاا رااايقه هالقصيده

والله انه صدق قايلها صح لساانه

الف شكر لك على نقل ماهوا راائع دائماً

[نافع عيد الجديد]

الاخ القدير نااافع


والله انهاا رااايقه هالقصيده

والله انه صدق قايلها صح لساانه

الف شكر لك على نقل ماهوا راائع دائماً




لاهنت على المرور المشرف
رعاك الله

[سعود المسعودي]

صح لسانك يابوعيد وصح لسان شاعرها


فائق الود والتقدير لك

[بدرفهد الجعفري]

هههههههههههه

ليه يابو عيد خلهم يدلعون الشاص ويخلونه تماتيك ومراتب تدلك

صح لسان الشاعر اللي ماعرفتناعليه

[عاشق المعالي]

صح لسان الشاعر وشكرا للناقل

[نافع عيد الجديد]

صح لسانك يابوعيد وصح لسان شاعرها


فائق الود والتقدير لك
لاهنت على المرور المشرف
رعاك الله

[نافع عيد الجديد]

هههههههههههه

ليه يابو عيد خلهم يدلعون الشاص ويخلونه تماتيك ومراتب تدلك

صح لسان الشاعر اللي ماعرفتناعليه
لاهنت على المرور المشرف
والله مااعرف صاحبها
رعاك الله

[نافع عيد الجديد]

صح لسان الشاعر وشكرا للناقل
لاهنت على المرور المشرف
رعاك الله