تذكريني

[عبدالعزيز العدواني]

أرجوك لحظه وقفي واسمعيني = فرصه عطينيها وانا اعطيك دنياي



تذكريني واذكري واذكريني = وانسي خطاي وجاوبي صوت شكواي



حني علي اليا سمعتي ونيني = ومن دون قلبي لا تحديني اقصاي



غلاك لو تدرين بيني وبيني = اخاف من هرج(ن) تباشر به عداي



جيتك على المسحوب والا الهجيني = غنيت به لين انقطع حبل رجواي



غوصي بحوري واستحلي عريني = واستوطني يمكن تملك حناياي



وارتاح وانتي تفرحين بحنيني = لا صافحت كف الندم ضيعة دواي



أنا غديرك وانتي اجمل سنيني = لا تاخذين الكاس من غير يمناي

[سعود المسعودي]

صح الله لسانك وتعلا شانك

[غاده العتيبي]

الشاعر عبدالعزيز العدواني‏ صح لسانك وسلمت
‏

[سعد النفج]

عبدالعزيز العدواني ..
الله الله
ابيات راقيه و رآآآئعه..
شاعر مميز يا بو عبيد ..
صح لسآآآنك لين ترضى ..
شاعر عذب و شاعر متمكن ..
دمت بخير و لا تحرمنا جديدك ..

[حمد الخمعلي]

الله الله عليك ياعبدالعزيز

شاعر جزل وقصيده فيها من الشاعريه الفذه

كُن بخير

[سالم العنزي]

عبدالعزيز العدواني

انت شاعر بلا شك وكل ثصيده تطرحها افضل من الاخرى

ولا املك الا ان اقول لك صح لسانك .

ولكن لي عتب اخوي عليك وهو انك لاتشارك من يتفاعل مع قصيدتك هذا التفاعل

ودي وتقديري لك

[أبو غرام]

الله عليك الله

صح لسانك على هالابيات الرائعه

جميله من جميله وعسى من قلتها فيه
لك يعود ومايبعد

لك من اخيك كل الود والتقدير

[بدرفهد الجعفري]

الشاعر الكبير عبدالعزيز العدواني

صح لسانك ابيات جميله

كل الود والحب لك

[صالح المزيني]

أنا غديرك وأنتي أجمل سنيني # لا تاخذين الكاس من غير يمناي

صح لسانك ملايين شاعرنا عبد العزيز العدواني

و الله يعطيك العافيه

[عبدالحميد الأُمير]

الأخ الكريم .

::.عبد العزيز العدواني.::

قصيدة جميلة وفيها من العطاء الكثير .أبيات جميلة وسلسة تحمل من جميل المعاني

تمكنت من إيصال الفكرة بتلكم القصيدة التي تتميز بصور جميلة .

فا كل الشكر لك أخي الكريم على يرادك الجميل جداً

دمت بكل خير والله يرعاك

تقديري الكبير