لغز . . . قسمين ينقسمون ؟؟

[عبدالله مقبل]

لغز سهل وننتظر مشاركاتكم


.



.


.



انشدك عن عدة رجاجيل وافين . . .

. . . أكثرهم اللي بالمصاحف قريناه

أما العدد عددهم اربع وخمسين . . .

. . . قسمين ينقسمون علم درسناه

قسم يسار وقسم آخر من يمين . . .

. . . لو وصفهن واحد وحنا سمعناه


الفرق ياكبره بلا اياة تخمين . . .

. . . فرق العرب عن غيرهم مااجهلناه




وسلامتكم , , ,

[عبدالرحمن اليمني]

رمعتي الكفر والاسلام

[عبدالله مقبل]

هلا بك اخوي عبدالرحمن اليمني



اشكرك على تواجدك الطيب


وخذ لك فنجال وعلى الباص الله لايهينك

[نافع عيد الجديد]

ههههههههههههههه متوجه لباص العائله الكريمه(يثبت اللغز حتى حله)

[عبدالله مقبل]

هلا بالاستاذ نافع



عطنا رمعتك قبل تروح ماحنا فاكينك

[عبدالرحمن اليمني]

رمعتي الثانيه سورة ياسين

[عبدالله مقبل]

مالك لوا يالغالي



احس انك تفكر صح


اتوقع انك بتجيب الحل



ننتظر رمعة اخرى لك أخي

[عبدالرحمن اليمني]

رمعتي الثالثه أصحاب الميمنه وأصحاب المشئمه

[عبدالله مقبل]

الله لايهينك


طخك سماوي يالذيب


عددهم اربع وخمسين وشلون يجون المؤمنين والكفار بهالعدد فكر يابعد قلبي


انت بعيد عن الحل


خذ خذ لك فنجال وفكر مره ثانيه باللغز

[سعد حجيوي]

اخوي عبدالله مقبل
مساك الله بالخير
نبي نحاول بحل الغز بس واجهتنا مشكل وضحها لنا
في بدية الغز تقول رجاجيل وقبل النهايه تقول وصفهن

[عبدالله مقبل]

اخوي عبدالله مقبل
مساك الله بالخير
نبي نحاول بحل الغز بس واجهتنا مشكل وضحها لنا
في بدية الغز تقول رجاجيل وقبل النهايه تقول وصفهن

هلا بشاعرنا الاستاذ سعد حجيوي


سعيد بتواجدك اخي


اللغز حاولت اعدله بعد مانزلته لكن هذي مشكلة بالمنتدى ان الموضوع يتقفل تعديله بعد يوم او اقل من يوم


للتوضيح اخي سعد كنت اقصد (لو وصفهم واحد وحنا سمعناه) وليس وصفهن كما هو مكتوب لكن السبب هو عدم


قدرتي على التعديل بعد مانزلت الموضوع


هذه إعادة لكتابة اللغز كامله لعيونك يابو حجيوي



انشدك عن عدة رجاجيل وافين . . .

. . . أكثرهم اللي بالمصاحف قريناه

أما العدد عددهم اربع وخمسين . . .

. . . قسمين ينقسمون علم درسناه

قسم يسار وقسم آخر من يمين . . .

. . . لو وصفهم واحد وحنا سمعناه


الفرق ياكبره بلا اياة تخمين . . .

. . . فرق العرب عن غيرهم ماجهلناه

[سعد حجيوي]

يابعد راسي ياعبدالله مقبل

واضح دمت وسلمت

[عبدالرحمن اليمني]

الله يعين أبركب باص من جنبها والله عجزت أجيب الحل لي عوده

[عبدالله مقبل]

ههههههههههه لا ياعبدالرحمن تقهو . . . وتبي تجيب الحل



لا تبعد



سعدت بتواجدك يالغالي

[عبدالله مقبل]

؟ ؟ ؟



؟ ؟ ؟



وين أهل الالغااز

[عبدالرحمن اليمني]

موجودين بس صعب الأحسن نركب دون أن تقهوى قهوه {{{ باص من جنبها }}

[عبدالله مقبل]

ههههههههههههههههههههههههههههه

[سليمان مفضي العنزي]

وش هاللغز ياعبدالله اللي له ثلاث شهور ما احد حله

لكن ان شاءالله اني اغير انزله من الثبيت واذا هو على رمعتي فهو واضح جدا

الحل : ( الحروف باللغتين العربيه والانجليزيه )

26 + 28 = 54

وفرقهم عن بعض فرق العرب عن العجم وهذا صحيح اللغه هي الفرق بيننا.

ان شاء الله اني جبته

[عبدالله مقبل]

صح لسانك ياسليمان

الحل موجود من فترة اصلا بالغوغل بكذا منتدى

بس الناس مانتبهت يمكن


اشكر لك طيب حظورك وصح لسانك

[سليمان مفضي العنزي]

صح بدنك ياسليمان

بس عاد اذا هو موجود في قوقل ماعندي فكره

وعيب على الرجل يقول حليت اللغز وهو جايب حله من قوقل !!!

ولاني خبير في قوقل والبحث به ولن اظهر بفعل غيري !!!

على كل اذا تظن اني جبت حل لغزك من قوقل انا انتظرك بلغز خاص بهالمنتدى ولاتعلم بحله احد حتى لاتتهمني اني اتصلت به وان شاء الله غير اجيبه !!

شكرا ياعبدالله مقبل

[عبدالله مقبل]

صح بدنك ياسليمان

بس عاد اذا هو موجود في قوقل ماعندي فكره

وعيب على الرجل يقول حليت اللغز وهو جايب حله من قوقل !!!

ولاني خبير في قوقل والبحث به ولن اظهر بفعل غيري !!!

على كل اذا تظن اني جبت حل لغزك من قوقل انا انتظرك بلغز خاص بهالمنتدى ولاتعلم بحله احد حتى لاتتهمني اني اتصلت به وان شاء الله غير اجيبه !!

شكرا ياعبدالله مقبل


هههه الله يهاديك بس ومنهو اللي أتهمك ياخوي الله يهاديك بس

انا اقول ان اللغز محلول بكذا منتدى هذا قصدي

انا على يقين بأن اي شاعر يسوي الغاز انه يحل الغاز ولا لاحقني شك فيك اخوي سليمان

فقط حبيت اني ابين انه انحل بكذا منتدى ولم يحل هنا فقط

لكن جيت انت وحليته وقلنا لك صح لسانك ماقلنا غيرها شي وانا اخوك

وابشر باللغز قريب باذن الله