سلام الله عليكم..كاتب

[صالح السالم]

سلام الله سلام يوفي حقوق ويجيب احقوق=نبديها معك ياكاتب الليله وننهيها
ترى ما طلت حد المعجزات ببشتك المشقوق=واهل بيض المواقف فعلها يبقى براضيها

[كاتب الجعفري]

هلا يا مرحبا ترحيبه ٍ نبدى بها الطاروق= نقدمها لصالح باول اللعبه وتاليها
انا خابرك ياصالح رجل واعي وعندك ذوق=لكن بك علة ٍ فالطبن ياليتك تداويها

[صالح السالم]

تموج بك ذلولك من زمان وجيت لك في طوق=وسارين الدجى بصباحها تحمد مساريها
كسبها اللي هجدكم من زمان وجاب فيهم عوق=ياليتك يوم ما تبرى الجماعه ما تتوليها

[كاتب الجعفري]

انا خلت السماء لكن ماشفت بسماك بروق= وهذي ماهي بحاجه جديده وانت راعيها
عسى ربي يسوق السحب يم ديارصالح سوق= لعل المزن يسقي ديرة ميْته ويحييها

[صالح السالم]

انا ماني بظامي لو تخيل ابروقهم وتتوق=وعباد الظهور بوقتها طالت مناويها
انا عابر سبيل ان جيتهم مالي مطامع سوق=لكن ليه الديار العامره تهجر مبانيها

[كاتب الجعفري]

انا وقفت فاللازم لاني سارق ولامسروق= لكن اللي ماتاقف فاللوازم وش نسميها!!
هنا والا هنا ياصاحبي فالمنصب المرموق= لكن نفسك ياصالح طيع شوري لاتعنيها

[نافع عيد الجديد]

الله الله
شعار كبار
صحت لسنكم جميعا
متابع وبين الصفوف

[صالح السالم]

تعال ولا تطول بالغياب وخل عزمك فوق=وشب النار في ليل القصيد ولا تطفيها
حضورك له ثقل ما قولها واجمل المنطوق=حقيقه والحقايق واجب انا ما نخفيها


صح السانك ياكاتب


تشرفت باللعب معك ..والختام عندك


تقديري ومودتي

[صالح السالم]

الله الله
شعار كبار
صحت لسنكم جميعا
متابع وبين الصفوف

صح بدنك

نتشرف بمتابعتك اخوي نافع

[سلامة الجعفري]

صالح السالم


كاتب


ابدعتو صحت السنتكم جميع

[معيض بن عريفج]

الله الله صحت السنتكم

[صالح السالم]

سلامه الجعفري

ومعيض بن عريفج

صحت ابدانكم

الله لا يهينكم

[كاتب الجعفري]

صالح السالم


صح لسانك مليون

ابياتك خير ختام وتشرفت بمجاراتك

[كاتب الجعفري]

نافع الجديد


سلامه الجعفري


معيض عريفج


اسعدنا مروركم الله لايهينكم

[خلف الغريب]

ابدعتوا يا كبار والله ..

وانا ولو اني جاي متأخر وبعد ما قريت المحاورة كاملة تراي بصف صالح السالم واقول لكاتب حضورك ضروري وتواجدك يهم الجميع ولا يهون البقية من اخواننا الشعراء واشكر للاخ صالح مبادرته الجميلة ..

تحياتي للجميع ..

[كاتب الجعفري]

خلف الغريب

حضورك بحد ذاته شرف فكيف باشادتك فهذه وسام على الصدر.


وانا ( عود من عرض حزمه) وحضوري وحده لايكفي والامر يتطلب التكاتف من الجميع

وان شاء الله لن اذخر جهدا بمافيه خدمة منتدى قبيلتنا العزيزة

واستميح العذر في حالة التقصير


تحياتي للجميع

[صالح السالم]

خلف الغريب

صح بدنك يالغالي

وصفي يبراه السعد ما دمت معه

كل الشكر والتقدير