الفريدي ....

[كاتب الجعفري]

تقدم يالفريدي دامني موجود= لشفت الجعفري لاتدخلك ذله
انا مااكرهك في وقت الليال السود= لو ان بخترك قشرا ياحريبله

[فهد الفريدي]

كاااااتب الجعفري


الله الله صح لسانك ولاهنت>>>>> اسمح لي بس لين ينتهي طاروقي مع طلال وجاااييك


تقديري

[كاتب الجعفري]

هههههههههه

خذ راحتك وانا موجود

[فهد الفريدي]

ليا شفتك عرفت ان العلوم سهود // عـوافـي والكلام يجيك في حلـه

وانا رجـال وادرا النقـد والمنقـود // وراع الحـادرة مـاودي انــزلــه

[كاتب الجعفري]

يقولون الظليمة حجة الملهود = وانا اشوف الحريبي زايد ٍ غله
هذا جودك ومن جودك عليك نجود= ماهو بكيفك تحرم شي وتحله

[فهد الفريدي]

سمعنا قصـة الثعلب مـع العنقود // بعـد مـد البـراطـم مـا توصـلة

عسى ربي يديم الحكم لابن سعود// لـحيث انه حكم بالدين والملة

[ماجد الغانم]

شعرائنا الكرام

كاتب الجعفري

وفهد الفريدي

صحت السنتكم ....وكل الشكر على هذا الحضور المميز


تقبلوا جل تقديري

[كاتب الجعفري]

ترى ماعنك لاناشد ولامنشود=لنا الفنجال والا انته لك الدله
قبل حكمه وبعده ماوراكم فود= نسى راع الشنينه سبينا ل بله

[كاتب الجعفري]

ماجد الجعفري

صح بدنك والتميز حضورك

[فهد الفريدي]

تراها صنعتك عندي عليك شهود // يـصوغه مـار يـوم الحرب ماسله

بـعـد قـرت راحها عـود المطـرود // هقاويه ان ساق ينام فـي ظــله

[كاتب الجعفري]

بـعـد قـرت راحها عـود المطـرود // هقاويه ان ساق ينام فـي ظــله
ثقل بالوزن

مار استلم



هذا ميراثك اللي من ثمان جدود=اجل بالله جدك وش يفحم له ؟؟
ترى كذبك يشابه كذب ابن فرهود= ماشاء الله كذبكم بالحيل ماشاء الله!!

[سلامة الجعفري]

الله الله


نقض وفتل


صحت السنتكم والصف جعفري

والفريدي مايهون

[كاتب الجعفري]

سلامه الجعفري

صح بدنك لاهنت والصف يزهى بك

[طلال]

بـعـد قـرت راحها عـود المطـرود // هقاويه ان ساق ينام فـي ظــله
ثقل بالوزن

مار استلم



هذا ميراثك اللي من ثمان جدود=اجل بالله جدك وش يفحم له ؟؟
ترى كذبك يشابه كذب ابن فرهود= ماشاء الله كذبكم بالحيل ماشاء الله!!





ترا كذبك يشابه كذب ابن فرهود = ماشاءالله كذبكم بالحيل ماشاءالله

صح لسانك كاتب
ابدعت

حاول تكيمله

صح لسان الفريدي

[فهد الفريدي]

خطأ مطبعي تم تعديلة

بعد قرت رحاها عود المطـرود // هقاويه ان ساق ينام في ظله

[فهد الفريدي]

عسى ربي يعطر قبر ذاك العود // وريث العـز حاز المدح واحتله

كلام نسمعه من حامد ومحمود // يدربي له علـوم مدربي الجلة

[كاتب الجعفري]

الا وش قصة ابراهيم والنمرود= ليا منه عقد له حبل ماحله
حليلك يالفريدي باذل المجهود=لو اللي قلت كفوك وانت كفو له

[خلف الغريب]

هنا محاورة من نوع آخر ..

فتل ونقض جميل ومعاني رائعة ..

واصلوا ومتابع وبالقرب منكم ...

اثنينكم والله شعراء كبار ..

تحياتي وودي..

[كاتب الجعفري]

خلف الغريب


حياك الله واسعدنا مرورك

شهادتك وسام واطلالتك شرف


لك عاطر التحايا

[فهد الفريدي]

خذيت الشاكله وانته لك الـعـمرود// وراع القرص حـط القـرص فالملة


ترا عـطـر الرجال الـمـلح والبارود // يـاكـاتـب مــادريــنـا عنك لابـلله

[كاتب الجعفري]

نقصتوا صاعكم والنقص عكس الزود= لكن فصاعنا لاتوزّن القله
ترى من اول نصحك الهرش يالمفرود= لكن فالمقبله لامن ورد خله

[سعوط المجانين]

صحة الالسن والقلوب يامبدعين

..

[كاتب الجعفري]

سعوط المجانين

صح بدنك ولاهنت

[برقن شلع]

يعطيكم العافيه على ها الطاروووووووق

[سعود المسعودي]

صحت السنتكم


تقبلو مروري المتواضع