اقرب واحد...يتفضل

[الحميدي بن طالب العنزي]

السلام عليكم ورحمة الله وبركاتة.........



الا ياللي تبا المسرى تحيزم وابذل المجهود=ترى المسرى طويل وخطة المشوار مبنية
ابعطيك الاشارة ياخوي وانت افهم المقصود=على اللي مختصر فبيات مكتوبة ومقرية

[عوض بن خميس]

اخى الحميدى
كل عام وانت بالف خير وصحة وسلامة
طاروووق نارى بس الربع شكلهم متخومين من الحم هالاضاحى

[سلامة الجعفري]

وصل لك ذيب متعود على مسرى الليال السود = لعلك تكتسب من خبرته عشرين بالميه
والا يالاجودي حماد لاتمشي بخط حمود = نصيحة مانبي من قولها هاذي ولاذيه

[نافع عيد الجديد]

كل عام وانتم بالف خير



والله يعطيكم العافيه



طاروق كايف وناري من اوله


متابع وبين الصفوف

[سلامة الجعفري]

عوض بن خميس


نافع عيد


صحت ابدانكم وكل عام وانتم بخير


مشكورين على المرور وعيدكم مبارك

[الحميدي بن طالب العنزي]

هلا يامرحبابك ياخويي والنقا مردود=ولا ادور من يدين الفقر مدة وعانيه
انا مثل العلم يوم العلم فوق الجبل مشهود=ومثلك خلف شاشاته بدون اوراق رسميه

[سلامة الجعفري]

يدوم الك البقا قدام يطلع كل نقص وزود = امانه من رصيدك ورني لو بس ربيه
نشدنا عنك قالوا لي هذا رقم ٍ ماهو معدود = عليمي مانشوفه غير مع ناس ٍ عليميه

[بدر الخلاوي]

كل عام وانتم بخير وصحت السنتكم وانا مع الصف

[الحميدي بن طالب العنزي]

المعذرة على التاخير..


تقبل واعذر التأخير يشهد ربي المعبود=عسى ربي يحدك يالظروف الاجتماعية

انا ادري واعرف انه فالحقيقة مابكم منقود=ولكن لامتى وانتم بلا غتره وطاقية

[الحميدي بن طالب العنزي]

كل عام وانتم بخير وصحت السنتكم وانا مع الصف

وانت بخير ان شاء الله....وصح بدنك...........لاهنت على المتابعة المشرفة.....

[سلامة الجعفري]

مقبول العذر يااخي الحميدي وانا هلحين اعتذر منك بسبب انشغالي في الايام الماضية


لكن الخير في الايام الجايات وصح لسانك ونلتقي على المودة ان شاء الله