ياذيب(مصافحه اولى)

[مهدي المهيد]

بسم الله الرحمن الرحيم

مصافحه اولى لقلوبكم ارجو ان تنال على بعض من استحسانكم


ياذيب هو ظل ذيب بالله ياذيب=ابي اسالك دامي مع الوقت حيران
*
ابي اسالك واقنب ورد المواجيب=ابي يرد عواك لضلوعك اشجان
*
ياانت رمز الطيب ومصاحبك طيب=والوقت داير كنه اليوم شيطان
*
يوم نتحرى شوفتك بالمراقيب=واليوم عزك ضاع بعيون سجان
*
سكينة الواقع بهالجور تثليب=حتى الصديق اصبح بهالوقت خوان
*
ويالحية الايام لوصمتنا شيب=كان السواد بساحة الوقت نيشان
*
وياضحكتي وش عاد لوقلتلك عيب=والعيب صار بوقتنا اليوم سلطان
*
صوت المعزه رطب القلب ترطيب=ويلان لو ضاقت بنا اليوم ويلان
*
قوم لهم بالعز صوله وتوجيب=ولاهزهم تصوير كاذب وفتان
*
ماجرهم ليل الردى والعذاريب=ولاهان فيهم من عنا الوقت انسان
*
من دور من هو كاتب المجد تكتيب=يومه يصوت بالعشا طير حوران
*
يوم المجاعه واختلاف المصاعيب=مدت يمينه عدلت كل ميزان
*
وعقاب لوتسال هل الفطر الشيب=سيف علا كل المراجل كحيلان
*
وساجر وابن هذال عز المعازيب=عزالذي من ضيقة الوقت بحلان
*
واذكر ابن طلفاح لويعلم الغيب=المغربي وش هي جزاته للاحسان
*
صعب(ن) اعدد مارد الطيب ياذيب=وان قلت وافي جاوب الوقت غلطان
*
ياذيب قلي وينك اليوم ماتجيب=ليه الصديق بوقتنا صار خوان
*
وليه اتحرى شوفتك بالمراقيب=وادري بعزك ضاع بعيون سجان
*
*
***وسلامتكم***

[عوض بن خميس]

الاخ الشاعر مهدى المهيد
صح لسانك وسلمت يمينك على هذة القصيدة الرائعة
تقبل تحياتى ومرورى

[سعد النفج]

مهدي المهيد

صح لسانك ..

و أهلا بك و سهلا ..

نص رائع و ننتظر ابداعاتك القادمه ..

دمت بخير ..

[سالم صالح]

مهدي المهيد



صح السااااااااانك نص راااااائع



وياهلابك مليااااااار



تقبل تقديري

[هندي المقبل]

مهدي المهيد

صح لسانك على هذه الملحمه التي بها الكثير من الجمال

شكرا لك

[ماجد الغانم]

الشاعر القدير


مهدي المهيد

ياهلا فيك ...وحياك الله


تشرفنا بوجودك معنا


وصح لسااانك على هذه المصافحة الشامخه
حضور مبهر ومتميز

دمت بكل خير ...ودام هذا التميز

وبإنتظار ابدااع مماثل

تقبل جل تقديري واحترامي

[سعود المسعودي]

الشاعر


مهدي المهيد



صح لسانك ..مليون



و أهلا بك و سهلا ..

[خلف الغريب]

ويالحية الايـام لوصمتنـا شيـب
كان السواد بساحة الوقت نيشـان
وياضحكتي وش عاد لوقلتلك عيب
والعيب صار بوقتنا اليوم سلطـان
صوت المعزه رطب القلب ترطيـب
ويلان لو ضاقت بنا اليوم ويـلان
قوم لهم بالعز صولـه وتوجيـب
ولاهزهم تصويـر كـاذب وفتـان
ماجرهم ليـل الـردى والعذاريـب
ولاهان فيهم من عنا الوقت انسان



الرائع والانسان الخلوق والكريم مهدي المهيد ..

اولا اجمل ترحيبة اسوقها لك هنا في محلك ويلان التي تتشرف بتواجدك هنا ..

الف صح لسانك وسلمت يا ابو فهد على هذا الحضور العطر ولا يستغرب الطيب من اهله فأنتم نبراس الكرم للعرب عموما ..

ايضا لا استغرب هذه الحمية الرائعة على القبيلة منك ايها الرائع فمن يعرف ديوانك العامر في قطر المفتوح للجميع لا يستغرب ذلك ..

الف صح لسانك وسلمت ..

تحياتي لك ..

[الخاطر]

الفاضل والقدير.
مهدي المهيد.
ياهلا ومرحبا مليوووووون بين اخوانك واهلك.
صح لسانك واعتلا شانك.
قصيده جزله من شاعر جزل.
كل الفخر بانضمامك لنا.وبكل شوق نتطلع الى جديدك.
اخوك محمد العنزي.

[مهدي المهيد]

الاخ الشاعر مهدى المهيد
صح لسانك وسلمت يمينك على هذة القصيدة الرائعة
تقبل تحياتى ومرورى

اخوي/ عوض بن خميس

صح بدنك وانت سالم

الف شكر على مرورك العطر

تحياتي وتقديري