سعوط المجانين اقلط جاي

[سلامة الجعفري]

مرحبا ردية ٍ فالوقت ماتجتاز ساعة = ان حسبنا بالدقايق وان حسبنا بالثواني
يوم نشدت المشاكل وين اخوها بالرضاعه = قالت ابن الولدعي طيب وهو طيب خواني

[سلامة الجعفري]

شكلك ياماجد معلق الاسم

ان شاء الله القاك بعد الجمعة

[سعوط المجانين]

اي والله ياسلامه معلق الاسم مير استلم لاهنت


البقا ردية ٍ ترضخ على سمع ٍ وطاعه = بين هامور البحور وبين هامور المعاني
اكتبوها بالجريده يامناديب الاذاعه = عن علوم العام الاول جايب ٍ له علم ثاني

[سلامة الجعفري]

حياك واحتريتك والله مار لاتخلينا خاصة وعندنا محاورة مباشرة كل اسبوع


فالسحابة برق مايخفى على عيني شعاعه = مار نظرتها لنجم الجدي وسهيل اليماني
القيام بفرض يارجال حسب الاستطاعه = وانت مسلم تعرف القرآن والسبع المثاني

[سعوط المجانين]

الله يبقيك ..انا تحت امرك بكل زمان ومكان


يالعميل اللي تخيل البرق لابان ارتفاعه = خل عينك ياوسيع العرف فكبار المباني
كل ماجينا نصل الفرض في دار المجاعه = مامداني امكن الركعه ياضوّي مامداني

[سلامة الجعفري]

اجل ابغاك طرف في المحاورة المباشرة ليلة الخميس الجاي


مانبي صرف الدوا من غير دكتور الاشاعه = مار وص اللي تجي فاللازمه عشره ثماني
تسمع المذن وتحضر بعد تسليم الجماعه = كيف تورد جحة ٍ للناس مامعها بياني

[سعوط المجانين]

على خير.. ان الله احيانا


ياسلامه وش تبي في شخص مايملك مناعه = عن كلام البحتري يكفيك هرج الغيهباني
الله اكبر ماحسبتك رجل ضاري باللكاعه = لايغرك لو رحلنا من مكان ليا مكاني

[سلامة الجعفري]

القناعة كنز وانته ماتحلى بالقناعه = تحسب ان العصر هذا مثل عصر الاصفهاني
لاتحسب اني مدور من وراكم لي طماعه = كود ابي يصبح لبيت ٍ ضمنا رفعه وشاني

[سعوط المجانين]

المعذره على التأخير ياسلامه واجمل ختام

صح لسانك ولاهنت

[سلامة الجعفري]

صح بدنك ياماجد

وتشرقت باللعب معك