اقرب شاعر يجي وعسى الله يوفق للكلام الزين

[بدر الخلاوي]

بدون اي مقدماااااااااات اللي يبي يرد يجي



ســـــلام رديه لها روح ..اقولها والبـال مرتاح=مني وانا بدرالخلاوي..سلام رديه لها روح

يااللي تشوف الباب مفتوح .. يسكن بوسط البيت سفاح=لاتندفع صوب الخطاوي.. كانك تشوف الباب مفتوح

[سلامة الجعفري]

يامرحبا والصدر مشروح .. يالمزنه اللي برقها لاح = ان علت القاع السناوي .. يامرحبا والصدر مشروح
مافيه بالاجرام مصلوح .. فالحرب كل ٍ عنده سلاح = خلك عن البلوى غناوي .. مافيه بالاجرام مصلوح

[بدر الخلاوي]

ياحي من يمشي على الضوح..لا والله الا صاحبي طاح=ذيب الخلا ماهاب شاوي.. مثلك رجل يمشي على الضوح
انا لو احاربك مسموح.. لانك رجل ماطعت نصاح= ماعاد تنفعك النخاوي .. وانا لو احاربك مسموح

[حمد الخمعلي]

الاخ بدر الخلاااااوي0

ياهلااااابك وينك من زمااان صح لسااانك شاعر لا يختلف عليه اثنين0

الاخ سلاااامه صح لساااااانك وكلكم مبدعين وشعرااااء جزلين0



متااااابع

[سلامة الجعفري]

ترى سفينة نوح مع نوح .. واللي بها غايص وسباح = مار انت لو عندك هقاوي .. ماانته من اللي شالهم نوح
كانك على ماقلت مشفوح .. حاول مادام السد ماباح = وش تستفيد من المناوي .. كانك على ماقلت مشفوح

[بدر الخلاوي]

ربانها ياالقرم مطروح لازم يذوق الويل لو صاح
ان طعتني خل الدعاوي ربانها يالقرم مطروح
ابليس قام يجيك ويروح حاول تعوذ منه ياصاح
من يتبع الشيطان غاوي وابليس قام يجيك ويروح

[بدر الخلاوي]

ربانها ياالقرم مطروح لازم يذوق الويل لو صاح=ان طعتني خل الدعاوي ربانها يالقرم مطروح
ابليس قام يجيك ويروح حاول تعوذ منه ياصاح=من يتبع الشيطان غاوي وابليس قام يجيك ويروح

[بدر الخلاوي]

حمد الخمعلي الله يرضى عليك ويسلمك وشهادتك اعتز بها اما باالنسبه للغيبه العذر والسموحه والله اني منشغل مع ابوي باالمستشفى بالرياض وعسى الله يجمعنا عن قريب انا ادورك وشااااايف عليك ملاحضااااااات يااويلك مني

[سلامة الجعفري]

مهما نحاول نبني صروح .. يطلع لنا سارق ومزاح = الله يعينك يالشقاوي .. مهما تحاول تبني صروح
البدو اهل مره وذرنوح .. مابينهم دكتور جراح = ياللي تبي دفع البلاوي .. البدو اهل مره وذرنوح

[بدر الخلاوي]

اثري سلامه راعي سطوح دايم براس السطح مرتاح
مرحوم ياعيسى الحساوي لقيت غيرك راعي سطوح

غلطة بدو تكتب على اللوح والكارثه كيف بدوي طاح
يارامي الشاره سماوي غلطاتكم تكتب على اللوح

[حمد الخمعلي]

صحت السنتكم0


الاخ بدر الله يشفى والدك ويقمه بالسلامه0

الله يكاافيناا الشر حتى انت بعد ناااويني الله يخااارجني منكم0

متااابع

[سلامة الجعفري]

صح لسانك يابدر وانت شاعر لاتتركنا


والله يشفي الوالد ويطلع بالسلامة


بس ليش مارديت على الرسالة الخاصة


ومشكور يااخ حمد على متابعتك

[بدر الخلاوي]

سلامه الجعفري مااااااعليك زود واتشرف بااللعب معك والشكر موصول للشاعر حمد الخمعلي على المتابعه والشاهد الله ماعندي فرصه ولكن تحملوني على الغياااااب دمت بود