فهد الفريدي ..

[كاتب الجعفري]

السلام عليكم ورحمة الله وبركاته

مساء الخير للجميع, وكل عام وانتم بخير

والادارة والاعضاء والزوار بصحة وعافية



ياسلام الله سلام ٍ بديته من ضمير= خص للويلان والا الفريدي مرحبا
كان شفته بالسوالف يلف ويستدير= مالنا الا معه نقطع سلوك الكهربا

[سلامة الجعفري]

صح لسانك ياكاتب

وبانتظار الفريدي

[عوض بن خميس]

صح لسانك
شاعر استمتع بحضورة دائماااااا
ونعم فيك وفى شاعرنا فهد الفريدى
متابع واتمنى حضور فهد
تحياتى

[كاتب الجعفري]

سلامه
صح بدنك ولاهنت


عبدالله بن خميس
ماعليك زود
والمتعه حضورك وتشريفك ولاهنت يالغالي

[الصقار]

صح لسانك ياكاتب

وبانتظار فهد

تحيااااتي للجميع

[فهد الفريدي]

يالعل ابك البقا ساع ماحان المسير--وانت راع الدار ملزوم هات اللي نبا

ياعميل الخير فالوقت الاول والاخير--مامشينا الا على النور من عهد الصبا

[كاتب الجعفري]

حياك الله يافهد



السوالف يمكم قادها سلك الحرير=بعد مانطيت يالذيب في راس النبا
الزمان الاولي فيك دين وفيك خير= والزمان التالي اصبحت للعالم وبا

[فهد الفريدي]

مـاقعد لك قسم اكلنا القعـيد والـبعـير-- والله انـك مـاتــذوقـه وانـا وانـت حـربــا

كان في كبدك مـراره يحليها العصير -- اشرب المعصور هبت على راسك صبا

[خلف الغريب]

صراحة بداية تجعلني متحمسا لرؤية النهاية ..

كاتب قسما انك مبدع ..

فهد قسما انك مبدع ..

واصلوا وانا بينكم ..

[بنت الكحيلا]

متاااااااااااااااااااااااااااااااااابعه عن بعد واصلوا يامبدعين

[سلامة الجعفري]

كاتب الجعفري ابدعت صح لسانك

فهد الفريدي مبدع بدون شك وصح لسانك


مع اني يجب ان اكون محايد لكن الصف جعفري

[سعود المسعودي]

كاتب الجعفري ابدعت صح لسانك

فهد الفريدي مبدع بدون شك وصح لسانك

[كاتب الجعفري]

الحقايق ثابته والكذب حبله قصير= مار وش قصتك يالهدهد بدولة سبا ؟؟
الفرزدق كيف يلعب على الشاعر جرير!!= قسمك المعصور واخوه وابليس يهبا

[كاتب الجعفري]

خلف الغريب

الابداع في مرورك ومتابعتك تشرفنا


بنت الكحيلا

متابعتك ِ تشرفنا


سلامه الجعفري

لاهنت والصف يزهابك


صقر الصقور

صح بدنك وشرفتنا يالغالي

[فهد الفريدي]

الفريدي في دعاوي هـل الشملي بصـير -- لـو يـجـي مـع كاتب الجعفري وفـد كتبا

ما نـظـرنا لام وجهين لـو تلبس حـريـر-- مار اشوف اكثر اهل السوق للبنت خطبا

[كاتب الجعفري]

اهل الشملي بصحه وفي ستين خير =عندهم من وضح (شملا) نياق ٍ تحلبا
مانبي لك يالحريبي قليل ولاكثير=مار صل الفرض لاصلوا بمسجد قبا

[فهد الفريدي]

جعلها تفداك وضح على ذاك الغدير -- مار مدري بيّن العلم لك والا غبا

تزرعون البر لكن منتوجه شعير -- يالعله صبح قسم الجراد مــع الدبا

[فهد الفريدي]

صح لسانك يالجعفري واسعدني مجاراتك على هذا القاف

ومنك ومن امثالك الشعراء نستفيد


واشكر جميع من تابعنااااااااا


تقديري

[كاتب الجعفري]

صح بدنك يالفريدي

تشرفت باللعب معك وشهادتي فيك مجروحه

الشكر لكل من تابعنا


و الى لقاء اخر