احلامــــــي البيضــــــــا

[سعود العواجي]

أيه غبت ! وعادي ليا غبت ..وين المشكله ؟؟=مدام شفتك غايب ٍ عنـي بمحـض إرادتـك
اللي أعرف أني ليا من غبت يحرقـك الولـه=لكن قسم بالله هالمره ماهي مـن عادتـك !!
اذا انت تذكر أو بلاش .. القلب عندك وأسألـه=متى مشاعر خافقي ماتت بحـرب إبادتـك ؟؟
وإذا انت ناسي مستعـد آقـول شـي ٍ تجهلـه=اني قتلت " احلامي البيضـا" لجـل سعادتـك
ياللي فراقك مستحيـل استصعبـه واستسهلـه=وان نقّصت مني جروحك بالهوى ..مازادتك !!
تعاااال آبفتح "دفتر الذكـرى" معـك وآتأملـه=من بعدها عطني ليا مني خلصـت .. إفادتـك
تذكر من أول يوم شفتك صاب خطواتي عجله=يوم ان عيني كل مالديـت عنـي صادتـك !!
يوم أني امزح معـك وآثقّـل عليـك الأسئلـه=لاقلت : ببعد ..قلت : يا "ويلك" و "ياقرادتك" !!
وتكرب "حجاجك" لين مااحس القصيـد يعدلـه=حتى غمرني ذوق إطراءك وحسـن إشادتـك
تذكر يوم " ألبوم الصور" جايبه بيدك تحملـه=وفتحته ووريتنـي "صورتـك" يـوم ولادتـك
تذكر على " تسريحتك" "بوكيه ورد" و "مكحله"=و "كروت مبروك النجاح " وجنبها "شهادتك" !!
تذكر "شعرك" اليا تدلى قمـت بيـدي آعزلـه=حتى لمحتك ناحت ٍ حرفي بوسـط "قلادتـك"
يوم ان نويت آرحل وقلت : الليل تّـوه بأولـه=حتى رجاويـك بجلوسـي كلهـا.. مافادتـك !!
والحين غبت وعذرك الواهي عليّ إني اقبله=مدامك أعلنت بخفوقـي حكمـك وسيادتـك
المسأله ماهي على فرقاك ..كـل المسألـه=وشلون بالك يستريح ليا حضنت وسادتك !!!


4 / 10 / 1430 هـ

[صالح السالم]

الله الله الله
صح السااااااااااااانك
قصيده تروي الذائقه بحق

ابداع منقطع النظير

نتطلع للقادم

تقبل مروري

[سالم صالح]

ياهلا بالرائع وياهلا بابداعاته الرائعة عزالله جبت الجوهرة يابو صالح


سعود العواجي


شاعر رائع يعرف كيف يحاكي الذات باسلوب الحكاية والتدرج ممتع بشاعريته وخير دليل هذه الرائعة الفاتنة الذي جعل القارئ يعيش معها في كل لحظاتة وابياتها التي تشد المتذوق لله درك يابو صالح وشهادتي فيك مجروحة


تقبل تقديري وودي وبانتظار المزيد من هذه الدرر الشعرية

[احساس قلم]

كان لي شرف المرور هنا
صح لسانك استاذي
عدد بلا مدد
اللي أعرف أني ليا من غبت يحرقـك الولـه
لكن قسم بالله هالمره ماهـي مـن عادتـك !!

[**masha3el **]

تذكر "شعرك" اليا تدلى قمـت بيـدي آعزلـه
حتى لمحتك ناحت ٍ حرفـي بوسـط "قلادتـك"

الرائع والمتالق
الشاعر سعود العواجي
صح لسانك وبدنك ولا هنت على ذائقتك الراقيه
شاعريه مميزه وذوق عالي ونص مميز
واتمنى لك التوفيق
دمت بخير
تحياتي ومودتي

[ماجد الغانم]

الغاالي

سعود العواجي

لله درك

حضور مبهر
ونص وجدت به قمة الابداع والرقي

وتضمن صدق الاحساس بدون مجامله

دمت بكل خير ...ودام هذا التميز


لك خالص تحيااتي وتقديري

[اميرة الحرف]

الله عليك ابو صااالح شاعر لايجارى

استمتعت بهذه الأبيات واطربتني أحرفك حتى امتزجت بداخلي واحسست وكأنها من نصيبي بل ومن نصيب محبو شعر سعود العواجي

وتكرب "حجاجك" لين مااحس القصيـد يعدلـه=حتى غمرني ذوق إطراءك وحسـن إشادتـك

[سليمان الجعفري]

الاخ العزيز/ سعود العواجي

صح لسانك وسلم منطوقك شاعر رائع يعرف كيف يحاكي الذات باسلوب

ممتع وبشاعريته رائعة تجعل القارئ يعيش معها في كل حرف من ابياتها

التي تشد المتذوق لشعر. الله يعطيك الف عافيه لاهنت يالغالي


لك مني اجمل التحايا والاحترام

[شمــــــــوخ]

:/

كل الأشيــــآء الجميله ..تصبح قبيحه في غيآآآب من نُحب .!

سعـــــــود }~

ما تلوت سوى جمآآآآآآل على جمآآآآآآآآآل ..:rose:


:/

[عوض بن خميس]

الشاعر المتأأألق سعود العواجى
لاغرابة منك الابداع فانت دائمااا مبدع
نص استمتعت فى قرائتة كثيرا
تقبل تحياتى ومودتى

[خلف الغريب]

الرائع سعود العواجي ..

وليس للعذوبة انتهاء .

وليس للجمال حد ..

سلمت يا ذويق وسلمت يا شاعر ..

الف صح لسانك ..

اذا انت تذكر أو بلاش .. القلب عندك وأسأله
متى مشاعر خافقي ماتت بحـرب إبادتـك ؟؟
وإذا انت ناسي مستعد آقـول شـي ٍ تجهلـه
اني قتلت " احلامي البيضـا" لجـل سعادتـك



مبدع كنت ولا زلت فلله درك ..

ودي وتقديري..

[محمد خلف الزايدي]

اخي الفاضل سعود العواجي,,


صــــــــــــــح لســـــــــانك أنت شــــــــــــــــــــــاعر مبدع من غير شهـــادتي

اتمنى لكـــــــــــــــــــ التوفيق والســـــــــــداد في كل خطواتك ,,



تحية إحترام وتقديرلك

[طلال الايداء]

سعود العوااجي

قلممم يجبرني على الووووقووف

اماامه


فهو فوق اشاادتي


شكرااا"


لقلمك ولفكرك الساامي


تقبل مرووري واعجاابي


اخوكـ طـــــــــــلال الايدااء

[حمد الخمعلي]

الاخ القدير سعود العواجي0

تحير الحروف امام هذه الفاتنه0

اقفني هذا البيت كثيراً تأملاً واعجابً0
المسأله ماهي علـى فرقـاك ..كـل المسألـه
وشلون بالك يستريح ليا حضنت وسادتـك !!!


المسأله ماهي علـى فرقـاك ..كـل المسألـه
وشلون بالك يستريح ليا حضنت وسادتـك !!!



المسأله ماهي علـى فرقـاك ..كـل المسألـه
وشلون بالك يستريح ليا حضنت وسادتـك !!!




لا يسعني الا ان اقول سلم هذا الاحساااااس الفذ0


تقديري

[الصقار]

الاخ الشاعر ’’سعو العواجي

صح لسانك

فعلاً شاعر ممتع وجزل الله يعطيك العافيه

دمت ودام هذا الحضور المشرف

تحياااتي

[بنت الكحيلا]

قصيدة شامخة اخوي سعود العواجي

كا شموخ كاتبها شكراً لك على بوحك الجميل

لك شكري وتقديري

[هندي المقبل]

شاعرنا المميز سعود العواجي

اسم من ذهب لاياتي الا بالجزل دائما

ظهر لنا هذه المره بقمة الرومانسيه والخيال الخصب

صح لسانك ودمت لنا مبدعا

[الخاطر]

الله الله الله.
الله عليك ياسعود.
مبدع مبدع مبدع جدا.
نص ولا اروع نص جزل.
ماقول الا صح لسانك وعلا شانك.
ودمت مبدعا.
دمت بكل الخير وكل عام وانت بخير.
اخوك محمد العنزي.

[فاطمه الجعفري]

سيدي وشاعري سعود العواجي نص مبهر كعادة سعود استأذنك لاحفظه في مدونتي لارجع له بين الحين والآخر

دمت لنا

فاطمــــه

[سلامة الجعفري]

قصيدة تروي الذائقة فعلا

من شاعر فحل ورائع


انه : (سعود العواجي)

اسم يقف له الشعر قبل الشعراء


تقبل مروري وسجل اعجابي

[سعد النفج]

الشاعر المبدع / سعود العواجي
صح لسانك ..

الله عليك

شاعر رائع ..

احترت بالتعبير هنا ..

و لكن يكفي أن أقول شكرا لك على هذا العطاء و هذه العذوبه ..

[سعود المسعودي]

أيه غبت ! وعادي ليا غبت ..وين المشكله ؟؟=مدام شفتك غايب ٍ عنـي بمحـض إرادتـك
اللي أعرف أني ليا من غبت يحرقـك الولـه=لكن قسم بالله هالمره ماهي مـن عادتـك !!
اذا انت تذكر أو بلاش .. القلب عندك وأسألـه=متى مشاعر خافقي ماتت بحـرب إبادتـك ؟؟
وإذا انت ناسي مستعـد آقـول شـي ٍ تجهلـه=اني قتلت " احلامي البيضـا" لجـل سعادتـك
ياللي فراقك مستحيـل استصعبـه واستسهلـه=وان نقّصت مني جروحك بالهوى ..مازادتك !!
تعاااال آبفتح "دفتر الذكـرى" معـك وآتأملـه=من بعدها عطني ليا مني خلصـت .. إفادتـك
تذكر من أول يوم شفتك صاب خطواتي عجله=يوم ان عيني كل مالديـت عنـي صادتـك !!
يوم أني امزح معـك وآثقّـل عليـك الأسئلـه=لاقلت : ببعد ..قلت : يا "ويلك" و "ياقرادتك" !!
وتكرب "حجاجك" لين مااحس القصيـد يعدلـه=حتى غمرني ذوق إطراءك وحسـن إشادتـك
تذكر يوم " ألبوم الصور" جايبه بيدك تحملـه=وفتحته ووريتنـي "صورتـك" يـوم ولادتـك
تذكر على " تسريحتك" "بوكيه ورد" و "مكحله"=و "كروت مبروك النجاح " وجنبها "شهادتك" !!
تذكر "شعرك" اليا تدلى قمـت بيـدي آعزلـه=حتى لمحتك ناحت ٍ حرفي بوسـط "قلادتـك"
يوم ان نويت آرحل وقلت : الليل تّـوه بأولـه=حتى رجاويـك بجلوسـي كلهـا.. مافادتـك !!
والحين غبت وعذرك الواهي عليّ إني اقبله=مدامك أعلنت بخفوقـي حكمـك وسيادتـك
المسأله ماهي على فرقاك ..كـل المسألـه=وشلون بالك يستريح ليا حضنت وسادتك !!!



4 / 10 / 1430 هـ

صح لسانك على هذه الرائعه


ودمت بكل خير وعافيه



تقبل مروري

[سعود العواجي]

السالم صالح

لك جزيل الشكر لمرورك الكريم واسعدني ذلك

[سعود العواجي]

سالم صالح

مرورك هو مايصنع الجمال .. شهادتك وسام على صدر اخيك

صح بدنك

[سعود العواجي]

احساس قلم

اشكرك على مرورك الكريم

تحيتي لك

[سعود العواجي]

مشاعل

اشكرك على مرورك الكريم وكلماتك الاجمل

لك تحيتي

[سعود العواجي]

ماجد الجعفري

مرورك بحد ذاته جمال آخر .. شكرا ً لمرورك وكلماتك الرائعه


دمت بود

[سعود العواجي]

أميرة الحرف

مرورك اسعدني وشاكر لك مرورك الكريم

دمتي بود

[سعود العواجي]

الرواي الرائع / سليمان الجعفري

شاكر لك مرورك الكريم وكلماتك الاجمل


دمت بود