الصدر لونه مـــــــــــــــــــــــوت

[بدر الخلاوي]

اخواني واخواتي اعضاء منتدانا الرايع السلام عليكم اعتذر عن طول الغياب واهدي لكم هذه االمشاركة المتواضعه التي آمل ان تحوز على رضاكم وتكون همزة وصل بيني وبينيكم

ارجع ولك عندي سواليف وعلوم=
شي ن جرالي واسمع العلم مني
عزالله اني ماتهنيت باالنــــوم=
واني سهير العين من غبت عني
تركتني للحزن والنوح واللوم=
ابكي وكل ن مع حبيبه يغني
ساعه تمر بغيبتك تعتبر يوم=
والشيب بين بي على صغرسني
ياليتني من نعمة العقل محروم=
ولا عرفت اللي غرامه فتني
انا ادري ان اللي جرى شي مقسوم=
من يوم قفى واختلف فيه ضني
اصد عن غيره من البيض واشوم=
مالي بهن عقبه ولو يتبعني
ابو جديلن ساتره كنه هدوم=
عيبه على متنه كثير التثني
والخصر غريافن من البطن معدوم=
اهيف حشا واليامشى باالتأني
ليانطحته تلحق بوالده لوم=
ولياقفيته هايم القلب حني
والعين من نضراتها ترمي سهوم=
وعزالله ان سهومها صوبني
والكف منقوشن تقل نقشة ختوم=
نقشت عروق وزادها باالتحني
والنهد تحت الثوب باين ومزموم=
والصدر لونه موت والثوب بني
وهاالحين صرت ابعد عليه من النوم=
واصبحت من عقبك جداي التمني

[محمد خلف الزايدي]

صــــــــــــــــح لســــــــــــــــانكــــــــــــــــ
يابدر الخلاوي على هالطرح الرائع ,,,
والله مالومك والهوى قدرماني = وقبلي وقبلك مرقبين الطويله

دام ابداعك ولك احترامي

[حمد الخمعلي]

الاخ بدر صالح الخلاوي0

طولت علينا وحنا ننتظر ابداعاتك لانك شاعر جزل0


صح لسانك على هذه الجزله واتمنى ان لاتنقطع عنا0

تقديري

[شموخ الياسمين]

صح لسآنك ونبض قلبك


,’

[سعود المسعودي]

صــــــــــــــــح لســــــــــــــــانكــــــــــــــــ
يابدر الخلاوي على هالطرح الرائع ,,,


دمت بكل خير

[مرضي الخمعلي]

اصد عـن غيـره مـن البيـض واشـوم
مـالــي بـهــن عـقـبــه ولــــو يتـبـعـنـي

أعجبني هذا البيت،
ففيه من الوفاء ما يعكس شخصية الشاعر،
وإن كانت القصيدة في محور التقليدية، مع التحفظ على وصف العشيقة في إبراز محاسنها/مفاتنها.


خالص الشكر

[طلال الايداء]

صح الله لسانكـ


ودمت مبدعا"

تقبل مروري المتواضع


اخوكـ طـــــــــــلال الايــــــــــداء