المساعد الشخصي الرقمي

مشاهدة النسخة كاملة : قصيده بمناسبة اليوم الوطني


ساميه العنزي
24/09/09, (04:54 AM)
قصيده بمناسبة اليوم الوطني
--------------------------------------------------------------------------------



الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض
***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر
***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي
صاحب السمو الملكي الأمير / بدر بن عبدالمحسن
مما راق لي
اتمنى ان تحوز على اعجابكم

احساس قلم
24/09/09, (05:57 AM)
يووووووووووه يالبدر
جمال لايضاهيه جمال
ساميه قصيدة رائعه

ساميه العنزي
02/10/09, (11:49 PM)
=احساس قلم]يووووووووووه يالبدر
جمال لايضاهيه جمال
ساميه قصيدة رائعه
=====================
مرورك اكثر من رائع عطرني وجودك :sm82:

عوض بن خميس
02/10/09, (11:55 PM)
الشاعرة سامية
نص غاية فى الجمال
شكرا لك
تحياتى

**masha3el **
03/10/09, (12:04 AM)
اختي الرائعه
ساميه العنزي
صح لسان الشاعر وتستاهل بلدنا الافضل دوووما
وسلم لنا ذوقك ونقلك الرائع
دمتي بخير

سعود المسعودي
04/10/09, (01:25 PM)
الله يعطيكِ لعافيه اختيار موفق