الجحود

[نشمي الماضي]

اتمنى ان تنال على رضا الجميع



في خاطري شي خان الحـرف تعبيـره = منه اعترافـي نهايـة عمـر كتمانـي
شـيُ جحـوده بقلبـي بـان تاثيـره = علي وانا محترص من زلـت السانـي
اتجاهله لو تجيب النـاس لـه سيـره = وحاول اخفيه ودمـع العيـن يعصانـي
البارحـه ياسكـون الليـل والحـيـره = ودموع عين(ن) تبدد صمـت وجدانـي
اسرفت بي في شعور(ن) صعب تصويره = وتركتني غارق(ن) في غبـة احزانـي
واليوم ترجـع بجيـش الهـم وتغيـره =وانا سلاحـي صفقـت الكـف بثانـي
تدك قلبـي مـن الهاجـوس وتثيـره = تدفعني لشـي وعـن أشيـاء تنهانـي
يامن سكـن خافقـي حبـه وتقديـره = اليوم في حبنا المجنـي مـن الجانـي
الـنـاس ولا الـقـدر ولامعـاذيـره = وقفت انا بين مفـرق طـرق وحدانـي
زرع(ن) زرعته عااش لوانهـدم بيـره = انا سقيت الزرع مـن دمعـة اعيانـي
أجني ثمـاره ألـم وهمـي عصافيـره =منك انتظرت الفـرح لاشـك ماجانـي
فكـري يسبـب لـه التعكيـر تفكيـره = لوجيت ابنساك كيـف الهـم ينسانـي

[سالم صالح]

الرائع والمبدع


نشمي الماضي


صح السانك راااااااااااااااائعة من رائع ومن طول الغيبات جاب الغنايم وحقيقة قصيدة جزلة وانا كلي ثقة انك شاعر جزل وترتقي للقمة دائماً


اخي العزيز كلمات الثناء في حقك وحق هذه الابيات كثيرة ولكن اللسان احتار ماذا يختار فلم اجد الا ان اقول لك

(انت شاعر غير عادي ومميز )


تقبل تقديري وودي

[هندي المقبل]

نشمي الماضي

صح لسانك وبأنتظار القادم الاجمل

تقبل مروري

[بدرفهد الجعفري]

ابيات جميله تستحق الاعجاب

نشمي الماضي صح لسانك

[سعود المسعودي]

نشمي


صح لسانك واعتلا شانك ..


دمت بكل خير

[الخاطر]

الشاعر الفاضل.
نشمي الماضي.
صح لسانك ملايين يالغالي والله يعطيك العافيه.
مبدع في كل ماتقدم.
دمت بكل الخير.
اخوك محمد العنزي.