~×// كلن على ماشب ينشاف ضوه //×~

[مها العنزي]

السلام عليكم ورحمة الله وبركاته
*تقبل الله طاعتكم.. ورزقكم جناته والعتق من نيراته ...


إليكمـ متواضعتي على تقصير ..





بعض البشر يزرع بك الطيب قوه = وبعض البشر جاحد ولو تنزرع فيه
والبعض لامنك تماكنت جوه = لو تطلبه عينه نطق سم لبيه
وبعض البشر تجني عليه الفتوه = مايدري ان الوقت يردع عن التيه
وخطوة حقود ٍداخل الصدر زوه = اسود من المحماس بالغل يبريه
وخطوة سموحن قلبه بحلق هوه = غير البياض يسّقطه مايدانيه
والبعض دايم ملحق الناس سوه = لحم البشر عن كل زادن يبديه
والناس فيهم كالجبل في علوّه =ماأحدن على الرفعه يحاول يجاريه
وايضآ بهم مثل الطريق المشوه = كلما وطى يصعب على الرجل تمشيه
انواع جنب انواع وان قيل خوه = احرص على اللي يرفعك لاتعديه
اللي مع الفزعات عنده مروه = يدفن خطاك ولاانجهل طيب يبديه
أتعب على وصل اللذي طاب نوه = وأحشم ترابك عن عجاج المكاريه
وأشره على الخيّر أصيل الربوه = وإلا الردي ماهو بحمّل المشاريه
وكلن على ماشب ينشاف ضوه = والله على قدر النوايا بيعطيه





/

[معيض بن عريفج]

الله الله الله الله الله الف صح لسانك يا مها

قصيده بقمة الروعه اماااااااااااااااااااااااااااانه

سجلي بصمة اعجابي بهذا النص المميز وتقبلي مروري لاتحرميننا جديدك

[علي السابل]

الأخت الشاعره مها العنزي

صح لسانك

قصيده ناضجه فكرا وشعرا .. قمه في كل شي

لكن اسمحي لي ... لو قلت لك انني أستغرب أن تكتب شاعره

في مثل موضوع هذا النص الرجالي إذا صح التعبير...

وأنا لا انكر عليك ذلك فأنت أخت رجال ومن تربية رجال ..

لكن لا أخفيك اننا نهرب الى الشعر العاطفي خوفا من التعارض مع قناعات المتلقين

هذا ونحن رجال فما بالك بالشاعرات .......

أعود لأقول ان هذا النص الشامخ تاج على رأس الشعر لم يعلقه سوى الشامخه مها العنزي ..

دمتي بخير وتقبل الله طاعاتك في شهر الخير

[مهدي المهيد]

أتعب على وصل اللذي طـاب نـوه
,,,,,,,,,,,,,,,,وأحشم ترابك عن عجاج المكاريـه
وأشره على الخيّر أصيـل الربـوه
,,,,,,,,,,,,,,,,وإلا الردي ماهو بحمّـل المشاريـه

الله عليك

صح السانك ولاهان شانك

ابيات حكم تكتب بماء الذهب

تحياتي وتقديري

[سيف العشق]

صـــــــــــــــــــــــح لســـــــــــــــــانكـ

[خــالد العــزاب]

مها اختي

قراتها وقراتها وقراتها

اي وربي اعرف حرفها

دائما اردد او بالاصح

على كثرت انغماسي بعالم الشعر لم يمر علي شاعره مثل كتابات مها ،نصوص فيها من الخشونه وملامح القوة ،

رغم ان هناك من الشاعرات اللواتي يكتبن شعرا يعانق السماء لكن تبقى قصيدة المهى بإحدى الزوايا القائمة والانظار تحيطها من ثلاث

اتجاهات.!

ومازلت اردد عمهوجه .!!

[نافع عيد الجديد]

صح السانك ملايين ولايكفون

نص جزل بكل ما تعنيه الكلمه

بانتظار جديدك

[مها العنزي]

الله الله الله الله الله الف صح لسانك يا مها

قصيده بقمة الروعه اماااااااااااااااااااااااااااانه

سجلي بصمة اعجابي بهذا النص المميز وتقبلي مروري لاتحرميننا جديدك




الله لايهينك أخوي معيض بن عريفج ..
صح بدنك وإعجابك مصدر إعتزازي ..
لاحرمت الجنه ..

[مها العنزي]

الأخت الشاعره مها العنزي

صح لسانك

قصيده ناضجه فكرا وشعرا .. قمه في كل شي

لكن اسمحي لي ... لو قلت لك انني أستغرب أن تكتب شاعره

في مثل موضوع هذا النص الرجالي إذا صح التعبير...

وأنا لا انكر عليك ذلك فأنت أخت رجال ومن تربية رجال ..

لكن لا أخفيك اننا نهرب الى الشعر العاطفي خوفا من التعارض مع قناعات المتلقين

هذا ونحن رجال فما بالك بالشاعرات .......

أعود لأقول ان هذا النص الشامخ تاج على رأس الشعر لم يعلقه سوى الشامخه مها العنزي ..

دمتي بخير وتقبل الله طاعاتك في شهر الخير


اخوي علي السابل .. صح بدنك .. وتقبل الله منا ومنكم يارب ..
وثنائك يزيدني فخر ..كل الشكر على كلماتك الطيبه..
ويااخوي الشعر بحر .. اللي يغوصه يجيب مستطاعه ..
والحكمه او النصيحه باب .. سبقني الكثيرات على إقتحامه ..
ويبقى لكل نص موقفه وسبب لوجوده ..
وهذا اللي قدرني الله عليه :)
:
ودمت طيبآ ..

[مها العنزي]

أتعب على وصل اللذي طـاب نـوه
,,,,,,,,,,,,,,,,وأحشم ترابك عن عجاج المكاريـه
وأشره على الخيّر أصيـل الربـوه
,,,,,,,,,,,,,,,,وإلا الردي ماهو بحمّـل المشاريـه

الله عليك

صح السانك ولاهان شانك

ابيات حكم تكتب بماء الذهب

تحياتي وتقديري

الله لايهينك .. أخوي مهدي المهيد ..
صح بدنك وجمّل الله حالك ..
شاكره لك ..
دمت بخير .

[سعود المسعودي]

صح السانك ملايين ولايكفون

نص جزل بكل ما تعنيه الكلمه

بانتظار جديدك

[الخاطر]

الله الله الله
لله درك يامها(عمهوجه)
قصيده بالفعل كما قال اخي علي السابل قليل من النساء من يتطرق الى هذا الموضوع.
ولكن لايصعب بالتأكيد على المبدعه مها.
وانا ايضا اشارك اخي الفاضل الكريم خالد العزاب بانني كل ماقرأت لك قصيده وانا اتوق الى جديدك وابداعاتك.
دمت بكل الخير والابداع.
اخوك محمد العنزي.

[جبار بن عابر]

ياســــــــــــــــــلام عليك

قصيدة مرتويه من الجمال .

حكمـــــه ونصــــح بحبكه شاعره مقتدرها بجــــد . استمتعت جدا بقراءة هذا النص الجميل .

اختي / مــها

. يقولون سابقا النصيحه بجمل ...

وانتي هنا تستاهلين ذود ... صح لسانك وسلم بنانك اختي الكريمه