إلى متى وأنا اهين الوقت وأرجع واحشمه..!!

[عبدالعزيز السعود]

هذا ثمر قلبي تــدلى قبل .. يأتـــي موسمه=مدي يدينك واجمعي فرقاك من عذق العتب

أنا ثملت من الفراق اللي خذا وجهي سـمه=شوفـي ملامح غيبتـــك تقرا قبل لاتنــكتب

في وجهي الشاحب وفي آهات صدري وانسمه=في ناظر عيون ٍ .. هميل الوجد منها ينسكب

يا نور لحظات ٍ غدت من دون وجهك معتمه=وينك؟!!بدا هذا الحنين بـ جوف صدري يحتطب

ياحــب ٍ إجــــتاح الضلوع وفــج قلبي واقســمه=نصفين..وأزريت اجمع النصفين وغيابك سبب!

حــب ٍ بقى لو واقـــعه مـــره بحالـــيه.. اصدمــــه=عشق ٍحيا رغم العطش في روض روحي معتشب

ليــت الغــلا ذنب ٍ تجـــناه الخــفوق ويندمـــه=وليــت الصبر جرم ٍ اليا طــاولت همي يرتكب!

إلى متــى وأنا اهـــين الوقت وأرجع واحشـــمه=وأنا على رجم الوصال اشرف.. وأنادي.. وأرتقب

ياأم العيــــون الـفاتـــنات النـــاجلات المــغرمه=يا من رموش عيونها تشكي سبب عكش الهدب

يامبــــسم ٍ له ضـحـكة ٍ تنطـق بشي ٍ تبـــهمه=يانبــرة ٍ لامـن حكت كـــل المـــعاني تنــــقلب

ياللي خـذيتي خافقــي قبل اعـــرفك واقــدمه=ياللي غيــــابك لحـــن ٍ تغنــيبه أعواد القصب

عودي على قلب ٍ طـواه الهـم والشوق هزمه=قلب ٍ معك غنايمه ضاعت ولاادري وش كسب؟

أنا انتــهيت وشـوقي بصــدري بدت له همهمه=جمــر انتظاري سَـمّدت ناره وانا صـرت الحطب

حتـى ثمــر قلــبي تدلى.. قبـــل ياتــي موسمــه=هزي طـرف جذعه تساقـط لك من عذوقه عتب!

[احساس قلم]

أنا انتهيت وشوقي بصدري بدت له همهمه
جمر انتظاري سَمّدت ناره وانا صرت الحطب
ااالله رووووووووووووووووووووووووووعه
بمعنى الكلمه
روووووووووووعه
صح لسان شاعرها وسلم
ناقلها

[نافع عيد الجديد]

لاهنت على الاختيار الجميل

وصح السان شاعرها

لك الاحترام والتقدير

[عبدالعزيز السعود]

أنا انتهيت وشوقي بصدري بدت له همهمه

جمر انتظاري سَمّدت ناره وانا صرت الحطب
ااالله رووووووووووووووووووووووووووعه
بمعنى الكلمه
روووووووووووعه
صح لسان شاعرها وسلم

ناقلها

احساس قلم..

شكراً لكـ ولـ أطلالتك الجميلة ..

[الجادل]

أخي عبدالعزيز السعود

إختيار راقي وذائقة جميلة

صح ذوقك وصح لسان شاعرها

تحيتي

[سعود المسعودي]

لاهنت على الاختيار الجميل

وصح السان شاعرها

لك الاحترام والتقدير