الكلمه اللي قلتها بالظهر عيب

[الجضيعي]

بسم الله الرحمن الرحيم









حنا خلقنا الله على العز والطيب = والمرجله ماكل رجل كفلها

لانظلم الغايب ولا نعلم الغيب = لاشك نعرف جدها من هزلها

بعض الخطايا توجع القلب وتصيب = وبعض الخطايا طيبنا يحتملها

والكلمة اللي قلتها بالظهر عيب = لاشفتني حزم ضلوعك وقلها

خل السوالف مال مثلك مطاليب = مايعتني بالسالفه من جهلها

والخطوه اللي دربها وعر وصعيب = شوري عليك إن طولت تعتزلها

لاصار مالك بالمراجل مقاضيب = اترك حمول الطيب واترك جملها

إن جيت اقدر عذري السم والشيب = وإلا انت قدرك في مواطي هملها

يوم القصايد نظمها يصيب ويخيب = جتنا القصايد ترتجف من خجلها

وإن كان لجزال القصايد معازيب = حنا معازيب القصايد وأهلها





فلاح السبيعي

[عبدالعزيز السعود]

بعض الخطايا توجع القلب وتصيب
وبعض الخطايا طيبنا يحتملها


والكلمة اللي قلتها بالظهر عيب
لاشفتني حزم ضلوعك وقلها

قصيدة جميلة جداً ..
الجضيعي ..


أهنئك على هالانتقاء الجميل.. والذائقة الشعرية المميزه..

[نافع عيد الجديد]

لاهنت على الاختيار الجميل
وصح السان شاعرها

لك الاحترام والتقدير