مـلـك خـفـوقـي وتخـضـع لـلـمـلـوك الـرقـاب

[منصور الرويلي]

يامعدن الالماس والفيروز ويا الذهب = يانجمة الصبح . يافرحة اللقيا . وهم الغياب
هاتي يدينك فديتك دون كل العرب = أبي أرتحل مع خيالك والذهاب الذهاب
ماعاد أبرجع على دربً بداية تعب = أبي عيونك دياري والرموش السحاب
ياللي وصالك على غير الحبايب صّعب= واصعب من الصعب . لا . يعد أقوى الصعاب
انتي ملاذي عن الدنيا وظل الهدب = سكة سفر في حياتي وانتي كل الزهاب
القلب عرش الملك والا المشاعر شِْعب = ملك خفوقي وتخضع للملوك الرقاب
والتايه اللي تخيل يوم قطف العنب = ليته تريّح قبل يمشي طريق الاياب
شاطر ويلعب ؟ ولكن من عليه اللعب = على الكرز والخزاما يوم سال اللعاب
سحرً على الساحر المسحور كم انقلب = وكم من عليلً على ريحة نسمها استطاب
هاذي تعادل بعيني كل شعر انكتب = هاذي هي القاف والمضمون واغلا كتاب
ديوان شعري وصدري ممتلي بالعتب = وأشوفها تختلج بين الرضا والعتاب
الباهره . الشارقه . كالشمس ماتحتجب= لاشرق سناها على الدنيا يزول الضباب
قمة سكوني وجمر المشاعر لهب = هي واقع الحلم مابين الخطأ والصواب
والدرب هذا تعب وجيت غاوي تعب = ومعها تجاوزت هم التعب للعذاب





.

.

.

.

.

.

.

.

[احساس قلم]

بكل فخرررررررررررر
اكون انا اول من مر هناااا في هذه الطاغيه
المالكة لاساسيات الجمااااااااال
منصور الرويلي استاذالشعر اسمح لتلميذتكـ
ان تبقى هنااااا لبعض الوقت
تحية بعمق السماء لكـ و لحرفك الرائع

[منصور الرويلي]

احساس قلم

اسعدني حضورك الراقي

واتشرف في اطلالتك الجميله

[منصور الرويلي]

تجين أو ماتجين وبالحنين اللي كبر فرقاك = فديتك طعنتين وحسرتينٍ بأول غيابي
من آخر مابدى فيني عذابك وأبتدى مسراك = ولابي من غــلاك الاّ عـــناي وشدة أعجابي
أنا حـيــيـت بك صادق غلا والقلب لاحياك = غريبه كيف أتعب بك كثير ولا تهنابي
أنا أذكر في سلامي بالموادع ترتجف يمناك = حضنتك بالغلا يوم الدموع أحضانها أهــدابي
أنا لاجيت أبنسى ياحبيبي ماقـدرت أنساك = أنا حتى الخــطـأ من شأن عينك قلت بأسبابي
وأنا بصدري طـيـور وبور جورك من هــنا لاهــناك = من أول مابديتك حلم واقع يجهل عتابي
يجيبك لي خيالي مندفع وأدوّرك ماألقاك = سئلت الشعر عنك ؟ ولا لقيتك ياقرب أصحابي
تعدى بي بحر حبك حدود الـعـقـل والادراك = خذاني موجه العاتي ورسمتك عشق بكتابي
ترى كل الامل عندى شعور أني . أنا . ؤياك = نجسد للــغــلا صوره ومثل ماتريد تلقابي
صحاري قاحله تزهر محبه لاوطـتـهـا أخطاك = عبير الورد لاجابك تخيلتك على بابي
حبيبي والطريق اللي مشيته في رجا لاماك = أمــوت ولا شكيت أبسط هـمـومه دامك أدرابي
كبرت وكُبـْرت العـبـره بعيني والسبب فرقاك = طلبتك لا توصلني حدودي وأفـقــد أعــصابي
تعرفين بــْسـماك أكثر غــيـوم ولا مطـرت من ماك = وأنا أرضي تـشـوم ولا مـطـرك يبلل ثيابي
ياليت أني بكيت ولا دريت أن إولـك أقصاك = ولكني بكيت ولا وصلتك يا أصـدق أحبابي





.
.
.
.

[تركي صالح]

منصور الرويلي

صح لسانك وسلم بنانك

على هذا الابداع

دمت بود

وتقبل خالص التحايا

[طلال الايداء]

لاتعليــــــــــــــــــق


شااعر بحجم منصوررر

اكبر من شهااادتي في نصوصه


ولكن اقول صح لساانكـ ياارااقي

وفي انتظاااار جديدكـ باااااذن الله

اخوكـ طــــــــــــــلال الايـــــــــــــدااء

[منصور الرويلي]

تركي صالح

لك الشكر والتقدير

اسعدني مرورك الرائع

[منصور الرويلي]

طلال الايداء

اطرائك وثناءك شرف عظيم ايها الشامخ

[ساجر الحثربي]

الاخ والشاعر منصور الرويلي
كثير مااغيب عن المجتمع واجد نفسي في قصائدك ...لارياء
فلى تحرمنا من روائعك
تقبل تحياتي

[منصور الرويلي]

اخوي ساجر

اتشرف بهذا الشعور النبيل

واشكرك على المتابعة