نداااء عااااااااااااجل الى عنزة

[معيض بن عريفج]

ياعنزه تكفون ياهل اللمواقف والوجاه = ياهل الفزعات والفعل باليوم الخطير

يازحولن تنطح المعسره ربع(ن)دهاه = يالجبال الصم واعمق من البحر الغزير

متعب ينادي وتكفون لبو له نداه = والنقذو متعب من القيد والسيف الشطير

ياهل الفزعات تكفون في كل التجاه = عتق رقبه اجرها شي عند الله كبير

والردى مافيه خيراً ولارجل(ن)جناه = والمهونه مايواطن لها غير الحقير

ويش خانت رجل مايدفع الا في عشاه = مايخاشر معه الاجواد ذا مافيه خير

ياقليل المال لاتيس اسباب الغناه = وياكثير المال لاتامن ان تمسي فقير

والله ان المال يكثر من السباب الزكاه = كل ممسك يسلط الله على ماله سعير

انهضو نهضة مصلين ان قام الصلاه = كان قال الله واكبر نهض جمعاً غفير

ياحلو بسمت سجين(ن)بعد يبسة شفاه = بعد ما الله يسر امره وبشره البشير

وقالو ابشر بالسلامه وابشر بالحياه = وربعك الويلان فكوك من سوء المصير

وغادر العنبر وودع رفاقه واخوياه = والدموع من الفرح وسط عينينه تحير

تخيل انك انت متعب السألك بالا إله = اوصف شعورك فا يمكن من الفرحه تطير

مسلماً قدر عليه الله بشي وابتلاه = والمصايب كل يوم(ن) على المسلم تصير

مير يالويلان ياهل المواقف والوجاه = ويش تنتظرون والوضع ياربعي خطير

[ماجد الغانم]

الغااالي

غريب الشماال

لله درك وبارك الله فيك على هذه الوقفه العظيمه

وتأكد بأن الويلان لن يتوانوا امام امر كهذا وهو عتق رقبة ابنهم متعب

وبإذن الله سيفرج همه وتعتق رقبته

بوقفتهم المعتاده ووقفة اهل الخير



بارك الله فيك ونسأل الله لمتعب الفرج القريب


تقبل جل تحيااااتي وتقديري

[محمد الدلماني]

الله يفك اسره وبارك الله فيك على هذه النخوه الطيبه وصح لسانك وبيض الله وجهك

[بنت الكحيلا]

صح السانك اخوي غريب الشمال

وبارك الله فيك على هذه النخوة الوايليه

وان شاء الله ان الجميع ماراح يقصر مع متعب

هذه عتق رقبة وجرها عند الله عظيم

لك مني فائق الشكر

[نايف سعد الخمعلي]

الاخ العزيز الشاعر
غريب الشمال
صح لسانك وسلم بنانك على هذه الرائعه
وتأكد عنزه لها وسوف يقفون وقفة رجل واحد ولن يتوانون عن هذه الوقفة
دمت بود

[أبو غرام]

اولا صح لسانك

وثانيا

نتمنى من الاداره ةومن كل من يكتب موضوعا عن الاخ متعب

ان يضع ارقام حساباتهم وجوالاتهم

ولا احد يستحي من دفع اي شي ولو القليل

فهذا على ذاك ... يكمل الباقي

لاحرمك الله اخي غريب الشمال اجر هذه المعزوفة الجزله

وشكرا لكل من مر من هنا وتفاعل

دمتم بود

[سالم صالح]

الشاعر الرائع


غريب الشمال



صح السانك ولاهي غريبة عليك الوقفات الطيبة بيض الله وجهك وتاكد ان عنزة سوف تقف مع ولدها كما وقفت من قبل مع عبدالمجيد وغيرة من ابناء القبيلة



اللهم فك اسرة واعده الى اهله ياكريم



كل الشكر والتقدير لك اخي العزيز

[خــالد العــزاب]

الله يفك اسره يارب ويكفينا شر البلاوي

اصحاب الشان الاعزاء

انزلو كامل المعلومات بداية باسم السجين وحتى ارقام الحسبات البنكيه .!

الله يسر الامور.!!

[أخـت أخـوهـا]

الله يفك اسره يارب


وجزاك الله خير اخوي غريب الشمال


واهل الخير راح يبذلون كل مافي وسعهم

الله يصبر اهله ويفك اسره آمين يارب العالمين

[سعد النفج]

غريب الشمال

صح لسانك..

و الحميه و النخوه ما هي غريبه عليك ..

و الله يفك اسره ان شالله ..

و النداااء لعنزه و اهل الخير ..

[مها العنزي]

الله يجزاك خير يااخوي
ولايخيـّب رجاكم ..

/
اسأل الله الكريم المحيي المميت ان يكتب لمتعب الفرج ويفك ازمته
ويقر به عين والدته ..
ويثلج به قلوبكم ..

[صالح الضويحي]

والله ان المـال يكثـر مـن السـبـاب الـزكـاه
كـل ممسـك يسلـط الله عـلـى مـالـه سعـيـر
انهضـو نهضـة مصلـيـن ان قــام الـصـلاه
كـان قـال الله واكبـر نهـض جمـعـاً غفـيـر

غريب الشمال

وقفة لاتستغرب عليك وصوت حري ان يُجاب
ولن يتأخر احد .. فك الله اسر السجين ..
ووفق الله الجميع لكل مافيه الخير ..


لك التقدير

[بنت راشد]

الشاعر الرائع


غريب الشمال
صح لسانك و الله يفك اسره ان شالله ..

و النداااء لعنزه و اهل الخير ..

[شاعر البيتين]

مبدع دائما ياغريب الشمال لاتحرمنا جديدكـ

وبيض الله وجهكـ على هالنخوه الطيبه ولاهو غريب الطيب من منبعه
.
.
.
.
.
تحياتي ..