ماجد الولدعي وضربه في الصميم ؟؟

[سلامة الجعفري]

سلام تسليمة ٍ منزالها عالي= اخص فيها الصحيب الطيب الغالي
وان قام يسمع كلام ٍ جا على بالي = سبحان من يعلم الاسرار سبحانه



ياماجد انته صحيبي من زمان ٍ قديم = والصحبة الطيبه ماني بمصخي بها
لكن ابا اسبقك في ضربه تجي بالصميم = من هولها كل خلق الله تهذري بها

[الحميدي بن طالب العنزي]

كفو سلامه وبانتظار ماجد.............





بالتوفيق للجميع................

[صالح السالم]

صح السانك ياسلامه


وبأنتظار ماجد


متابع

[كاتب الجعفري]

صح لسانك


وبانتظار ماجد

[سعوط المجانين]

يامرحبا بالزميل اللي ينومسني = ذكره ووقفاته لربعه تشرفني
ومن بعدها ياسلامه جيتك وشفني = سبحان من يعرف الاسرار سبحانه



ياصاحبي والرجل اليا مشا مستقيم = عزالله الطيبه لابد يحري بها

الحمدلله وانا فالشعر ماني يتيم = لكن جيب العلوم اللي تبا تجيبها

[سعوط المجانين]

الفارس الملثم , صالح السالم , كاتب الجعفري

صحة ابدانكم جميع ولاهنتو وشرفتونا

تقديري

[ناجي الخمشي]

سلامه الجعفري

سعوط المجانين


صحت لسنتكم

مبدعين

متابع مودتي

[سلامة الجعفري]

دام البقا من هجوس ٍ ماتعنيني = يالشاعر اللي على الطرقة مخاويني
لكن ّ اوصيك والا انته توصيني = سبحان من يعلم الاسرار سبحانه




ماني غشيم ٍ ولاانته ياصحيبي غشيم = والطيبه من رجال ٍ بين ٍ طيبها
لكنّ وش فيك تسري كل ليل ٍ بهيم = بعض الليالي ترى ماني بساري بها

[سلامة الجعفري]

شكرا لجميع المتابعين

[نافع عيد الجديد]

سلامه الجعفري

سعوط المجانين


صحت لسنتكم

[سعوط المجانين]

انته وانا ياسلامه مانبا وصايه = اللي حضر مننا يقدر على الرايه

لكن ّ سوق القدم لن كان لك غايه = سبحان من يعلم الاسرار سبحانه



لنته برحّال ياضوي ولنته مقيم = اتعبتني فالطروق اللي تغني بها

خلك على حالك اللي مايسّر الكريم = مدام مسرى الذيابه منت ضاري بها

[سعوط المجانين]

ناجي الخمشي , نافع الجديد

لاهنتو وصحة ابدانكم

تقديري

[سلامة الجعفري]

البيت ياصاحبي مبني على ساسه= وانته لو انك عطيت الشور حراسه
ماضاع وقتك مع اللي ضيع الطاسه = سبحان من يعلم الاسرار سبحانه



المشكله من قناة البث وانته فهيم = خلك معي فالصلاة اللي نصلي بها
ماجيتك الا وانا ادري فيك جرح ٍ اليم = لكن وش النية اللي صرت ناوي بها

[سعوط المجانين]

ضيعت وقتي لجل ياصاحبي يفهم = مير البلا من تدنّي مأشر الاسهم

بلشت في فكرته مع قلبه الادهم = سبحان من يعلم الاسرار سبحانه



معك الحصانه وقلبك يرتجف يالعديم؟ = خايف شيوخ العرب ترفع مشاعيبها !!

من زومة اهل العليا ماتت اهل النسيم = يالله عسى اهل الكبر تقطع مطاليبها

[سلامة الجعفري]

ان كنت مكلوف بالعالم تعلمها = اصبر وحاول بمقصودك تفهمها
والناس بعدين لاتقعد تلومها = سبحان من يعلم الاسرار سبحانه



قطعت انا دابر الفتنة وخلك حليم = واهل المناصيب تستاهل مناصيبها
محلا الشجاعة ليا صارت براي ٍ حكيم = وشعيل لو تثقل الحمله يزوزي بها

[سعوط المجانين]

لو جيت افهّم ترى محد ٍ بلايمني = واذا انا اخطيت يارجّال علمني

اما انا الزمك ولا ّ أنت تلزمني = سبحان من يعلم الاسرار سبحانه


الحلم ماينفع اليا كان خصمك سقيم = اهل العقول السقيمه ويش اسوي بها

لاتدّعي حكمتك والعام جالك خصيم = لكن خل العلوم اللي توصي بها

[سلامة الجعفري]

انته رجل تعرف الكيف ومعاميله = لكن لازم تصبه في فناجيله
ماكل منهو يراعي لك تراعي له = سبحان من يعلم الاسرار سبحانه



مادامك انته وخصمك بالطريق السليم= رمية حجر تحت رجلك لاتراعي بها
ليتك بدال الزعيم تصير ليله زعيم = حتى زعامتك نعرف كيف اساليبها


الختام عندك ياماجد انا والله منشغل

[سعوط المجانين]

صح بدنك وصح لسانك ياسلامه وتشرفت باللعب معك وماهنا احسن من هالختام

وانا والله اني اكثر منك مشغول واللعب طاروقين الحين

تقديري

..