لعبة تشطير الابيات من يستطيع يدخل ... [الأرشيف] - °~*¤®§(§ شبـــكة ويــلان العـربـيـه §)§®¤*~ˆ°

سلامة الجعفري

08/06/09, (03:03 PM)

السلام عليكم وجيتكم بشي قريب من المحاورة او كنوع من التسلية وهو مايسمى بالتشطير وبالمثال يتضح المقال

يقول ابو نواس :

ياويح قومي ابلي بين اعينهم = على الفراش ولايدرون مادائي
قال احمد شوقي :

ياويح قومي ابلي بين اعينهم = (ويدرج الموت في حسمي واعضائي)
(وينظرون لجسم ٍ لاحراك به) = على الفراش ولايدرون مادائي

فكما ترون قد حول احمد شوقي بيت ابو نواس الى بيتين وهذا مايسمى بالتشطير
وقد يكون التشطير ليس لبيت واحد بل ربما يشمل القصيدة كاملة

لذلك نريد من اي عضو ان يضع بيت ويقوم الذي يليه بتشطيره

وهانذا ساقوم بتشطير بيت مشهور وهو القائل:

لاتاخذ الدنيا خراص ٍ وهقوات=يقطعك من نقل الصميل البرادي

اقول :

لاتاخذ الدنيا خراص ٍ وهقوات = (الغيب علمه عند رب العبادي)
(يمكن تسبب بعض الافكار نكبات) = يقطعك من نقل الصميل البرادي

الان هذا بيت من يستطيع تشطيره

يقول من عدى على راس عالي = رجم طويل يدهله كل قرناس

معيض بن عريفج

08/06/09, (03:38 PM)

align=center]
الان هذا بيت من يستطيع تشطيره[/align]

يقول من عدى على راس عالي = رجم طويل يدهله كل قرناس[/QUOTE]

هلابك اخوي والله على غرار ماتم تشطيره وحسب الفكره نريد تشطير البيت
ابي ارافق مركب التشطير وعلى الله هههههههه وارجو ان اجيدها اماهي فكره رائعه

يقول من عدى على راس عالي = مع الأمل يسرح ويضوي مع الياس

با اعلا لواليح الجبال الطوالي = رجم طويل يدهله كل قرناس

اذا كان الفكره ان المشارك يقوم بتشطير البيت ويضع بيت اخر لتشطير فأنا اضع بيت هذا هو

بيت لتشطير
يامرقب المرقاب خله لمشتاق = حول وخل معذب القلب يرقى

الحميدي بن طالب العنزي

08/06/09, (04:01 PM)

يقول من عدى على راس عالي.............................رجم طويل يدهله كل قرناس

اقووووووووووووووووول

يقول من عدى على راس عالي.............................(لا دق في راسي ثمانين هوجاس)

(اما البعيد ارقاه والا الموالي).................................رجم طويل يدهله كل قرناس

كاتب الجعفري

08/06/09, (04:23 PM)

نحاول مجارتكم قدر الاماكن والعذر ان حدث تقصير

(يامرقب المرقاب خله لمشتاق)= اللي عيونه سبة الحب غرقى
مادام قلبك مالعبت فيه الاشواق=( حول وخل معذب القلب يرقى)

سلامة الجعفري

08/06/09, (07:20 PM)

الاخ غريب الشمال

نعم ماقمت به هو الصحيح

شكرا لك على تفاعلك واجدت التشطير

وكان احرى بالفارس الملثم ان يشطر بيتك لكنه شطر نفس البيت الذي وضعته انا

واجاد كذلك

لكن شكرا لك الاخ الفارس الملثم على تفاعلك

وكاتب شطر بيت غريب الشمال بشكل جيد

لكنه لم يضع بيت ليقوم العضو الذي يليه بتشطيره لذلك ساضع انا بيت ويقوم من بعدي بتشطيره وهو

ربك ليا منه نوى لك مسره = حدر عليك سلوك الاسباب واظهرك

الحميدي بن طالب العنزي

08/06/09, (11:22 PM)

ربك ليامنه نوى لك مسرة.......................ينهاك في بعض المواقف ويامرك

والحظ لامن قام بحره وبره.......................حدر عليك سلوك الاسباب واظهرك

البيت الجاهز للتشطير

ياشينها لاصرت للناس محتاج.......................تصغر بعين الناس من شان حاجة

خلف الغريب

09/06/09, (07:58 AM)

الرائع سلامة شكرا للفكرة الجميلة واشكر كل من تفاعل معها ونحن هنا بانتظار البقية من الاخوان ..

يا شينها لا صرت للناس محتاج...والحظ وسط الليل طافي سراجه
لو كنت شهم وعادتك فك الاحراج...تصغر بعين الناس من شان حاجة

واما اختياري للقادم فهو بيت للشاعر الكبير عايد بن ضافي الجلوي رحمه الله :

مبطي ترا طبع العفون الملابيد..ليا شاركوا بالهينة صعبوها

سلامة الجعفري

09/06/09, (08:06 PM)

العفو ياخلف الغريب وشكرا لتفاعلك وكلماتك الرائعة اما البيت فاقول وبالله التوفيق

مبطي ترا طبع العفون الملابيد = لقيتها والناس قبلي لقوها
ماهم مثل نهج الرجال الاجاويد = ليا شاركو بالهينه صعبوها

اما البيت المطلوب فهو ايضا للشاعر عايد الضافي وهو:

قلبي كما عشبة نفود بمشراق = اقفى الثرى بالصيف واحمس ورقها

كاتب الجعفري

09/06/09, (09:56 PM)

محاوله ثانية وابغى رايكم

قلبي كما عشبة نفـود بمشـراق =فات الربيع اللي بمزنه وسقها

لاعاد عينك تنظر لخضر الاوراق=اقفى الثرى بالصيف واحمس ورقها

البيت

كم واحد ٍ له غاية ٍ ماهرجها = يكنها لوهو للادنين محتاج

الحميدي بن طالب العنزي

10/06/09, (01:25 AM)

كم واحد له غاية ماهرجها..............................يصبر ومن بعد العسر ياتي افراج

مايشتكي والله كفيل بفرجها.............................يكنها لو هو للادنين محتاج

البيت هو::::

اكفخ بجنحان السعد لاتدرى...........................ماقدر المولى على العبد جاري

معيض بن عريفج

10/06/09, (02:43 AM)

البيت هو::::

اكفخ بجنحان السعد لاتدرى...........................ماقدر المولى على العبد جاري

اكفخ بجنحان السعد لاتدرى000000000الخوف لو به خير فك الحباري

مالك عن المقسوم خيرا وشرى00000000مادبر المولى على العبد جاي

قص ولصق من القصيده نفسها ماغير شطر هههههه

بيت التشطير

والله مايذبحك ياغير حاجه000000000لاصار في وجهك حيا وانت محتاج

سلامة الجعفري

10/06/09, (02:06 PM)

والله مايذبــحك ياغير حاجه = من بين حاجات ٍ بها ضيم واحراج
يكثر بها همك ويصعب علاجه = لاصار في وجهك حيا وانت محتاج
البيت

تدري وش اسباب ضيفي واكبر اوجاعي = وجيه ماتستحي وانا استحي منها

خلف الغريب

10/06/09, (02:55 PM)

تدري وش اسباب ضيقي واكبر اوجاعي =مشاكل يا عسى ربي يهونها
وبعض العرب تحرجَك لو مالها داعي = وجيه ماتستحي وانا استحي منها

واما اختياري فهو بيت لللشاعر الكبير متعب التركي :

الموت هين والبلا وش ورا الموت =عند الحساب يهون سهم المنايا

معيض بن عريفج

10/06/09, (03:36 PM)

واما اختياري فهو بيت لللشاعر الكبير متعب التركي :

الموت هين والبلا وش ورا الموت =عند الحساب يهون سهم المنايا[/quote]

الموت هين والبلا وش ورا الموت = يوم الخلايق واقفينن عرايا

روح تحاسب والجنازه بتابوت = عند الحساب يهون سهم المنايا

بيت التشطير

جميع ماتلقاه مكتوب باللوح = على جبينك وانت طفلٍ صغيري

صالح السالم

11/06/09, (03:43 PM)

جميع ما تلقاه مكتوب باللوح ... مهما حصل لك من قليل وكثيري
هذا مدون لك عقب نفخت الروح ...على جبنك وانت طفل صغيري

بيت التشطير

ما كل جرح لاخذا ايام يبرى ... بعض الجروح يزيد شره مع الوقت

سعد النفج

12/06/09, (11:03 AM)

(ماكل جرح لا خذا ايام يبرى) .......... انا من جروح الزمن ما بعد فقت
من قال طب الجرح سلوى و صبرا...........( بعض الجروح يزيد شره مع الوقت)

.
.
بيت الرائع / علي السابل
اليا اعتمت شبيـت بالصـدر الآهـات ......... وضميت وجهـي فـي خناجـر يديـّه

نايف سعد الخمعلي

14/06/09, (05:09 PM)

بيت الرائع / علي السابل
اليا اعتمت شبيـت بالصـدر الآهـات ......... وضميت وجهـي فـي خناجـر يديـّه

اليا اعتمت شبيت بالصدر الآهات...........دام القدر مكتوب غصبٍ عليه
أسرجت خيلي في دروب المتاهات........وضميت وجهي في خناجر يديه

بيت للمبدع /بشير النزال
اصبوحتي اصبوحةٌ تمشي على حد الثرى""""وفي المساء أمسيتي نورٌ دنى حتى ولت

معيض بن عريفج

09/08/09, (12:51 AM)

بيت بشير النزال

اصبوحتي اصبوحة تمشي على حد الثرا=وفي المسا امسيتي نور دنى حتى ولت

التشطير

اصبوحتي اصبوحة تمشي على حد الثرا= ياقبلت الرحمن اذكرها ليامن اقبلت
فالصبح تدنو شئ شئٍ شي ويطير الكرا = وفي المسا امسيتي نور دنى حتى ولت
بيت التشطير

اراجعك ابي جيك وجيك فجوجه عو=وجاك المنام وجفني النوم به مالاج

بنت الكحيلا

21/08/09, (09:58 AM)

بيت التشطير
اراجعك ابي جيكوجيك فجوجه عوج=وجاك المنام وجفني النوم به مالاج

التشطير

اراجعك ابي جيكوجيك فجوجه عوج=وصارع غرامك كني اصارع الأمواج
ماغير اتلوى واسهر من الآلم واسوج=وجاك المنام وجفني النوم به ما لاج

بيت للتشطير

يفز قلبي بين الأضلاع لك فز ....من فزته صارت تضايق ضلوعي

معيض بن عريفج

24/08/09, (07:57 AM)

بيت للتشطير

يفز قلبي بين الأضلاع لك فز ....من فزته صارت تضايق ضلوعي
------------------------

يفز قلبي بين الأضلاع لك فز ....فزت فرح منها تسابق دموعي
بين الضلوع العوج قام يتهزهز000من فزته صارت تضايق ضلوعي

----------------------------------
بيت التشطير

صبرك على نفسك ولاصبراصدق اصحابك عليك---اشتال حملك طالمان المشكلات صغيره

بنت الكحيلا

24/08/09, (05:42 PM)

بيت التشطير

صبرك على نفسك ولاصبراصدق اصحابك عليك---اشتال حملك طالمان المشكلات صغيره

التشطير

صبرك على نفسك ولاصبراصدق اصحابك عليك.....اكتم شقا نفسك ولا تجيب لعدوك سيره

دمع القهر لا من نزل من محجرك زله بيديك.....اشتال حملك طالمان المشكلات صغيره

بيت للتشطير

تولعت فيك ولا عرف وش اخر التوليع ......وياويل القلب كان اخر محبتناهي الفرقى

معيض بن عريفج

25/08/09, (07:14 AM)

بيت للتشطير

تولعت فيك ولا عرف وش اخر التوليع ......وياويل القلب كان اخر محبتناهي الفرقى

تولعت فيك ولا عرف وش اخر التوليع ......على حبك العي مثل ماتلعي الورقى
على امل لقياك حين اعلن التوديع0000وياويل القلب كان اخر محبتناهي الفرقى

بيت التشطير
من عشق شرواك والا لايهاوي 00000الترفع عن بعض الاشياء فضيله

بنت الكحيلا

25/08/09, (07:38 AM)

بيت التشطير
من عشق شرواك والا لايهاوي 00000الترفع عن بعض الاشياء فضيله

التشطير

من عشق شرواك والا لايهاوي ......ومن يحب بلا عقل حبه فشيله

والحبيب ان كان خانك بالهقاوي.....الترفع عن بعض الاشياء فضيله

بيت للتشطير

يا صاحبي بيني وبينك مواثيق.......كانك نسيت العهد انا مانسيته

معيض بن عريفج

25/08/09, (07:55 AM)

بيت للتشطير

يا صاحبي بيني وبينك مواثيق.......كانك نسيت العهد انا مانسيته

يا صاحبي بيني وبينك مواثيق.......انا عطيت العهد وانته عطيته
والعهد محفوض(ن)بوسط الصناديق000كانك نسيت العهد انا مانسيته

بيت التطير

لاتحسب ان الحيا سترن وراحه 0000المحبه والحيا الموت المتاحي

خلف الغريب

25/08/09, (03:00 PM)

اشكرر الاخوة الكرام على التفاعل الطيب ..
لاتحسب ان الحيا سترن وراحة ..ما احد ذاق المحبة واستراحي
وانت كنك ما انت قادر للصراحة00المحبه والحيا الموت المتاحي

البيت القادم ..

للامير عبيد الرشيد رحمه الله ..

اضرب على الكايد ليا صرت بحلان .. وعند الولي وصل ارشا وانقطاعه

بنت الكحيلا

25/08/09, (04:52 PM)

بيت التطير

لاتحسب ان الحيا سترن وراحه 0000المحبه والحيا الموت المتاحي

التشطير

لاتحسب ان الحيا سترن وراحه ......لو كتمت الحب عطره منك فاحي

اعترف لي في غلاك ابغا الصراحه.....المحبه والحيا الموت المتاحي .

بيت للتشطير

ليته دري سهم الغلا ويش سوى..... يا لعن ابو حظه عمل بي عمايل

بنت الكحيلا

25/08/09, (05:26 PM)

البيت القادم ..

للامير عبيد الرشيد رحمه الله ..

اضرب على الكايد ليا صرت بحلان .. وعند الولي وصل ارشا وانقطاعه

التشطير

اضرب على الكايد ليا صرت بحلان .....ورق السنود وخل عندك شجاعة

وحطالأمل باالله لا صرت حيران.....وعند الولي وصل ارشا وانقطاعه

بيت للتشطير
دورت لك في خاطري شي يكرهك...لقيت حتى الكره فيني يحبك

معيض بن عريفج

25/08/09, (10:09 PM)

بيت للتشطيرالسابق

ليته دري سهم الغلا ويش سوى..... يا لعن ابو حظه عمل بي عمايل

ليته دري سهم الغلا ويش سوى.....بالقلب من بين الضلوع النحايل

ماجربوه احفاد ادم وحوى00000 يا لعن ابو حظه عمل بي عمايل

بيت التشطير
0
0
0
0

تدرون وش اصعب محبه بهالكون00000لاصرت تغلي واحد(ن)مادري عنك

بنت الكحيلا

25/08/09, (10:48 PM)

بيت التشطير
0
0
0
0

تدرون وش اصعب محبه بهالكون00000لاصرت تغلي واحد(ن)مادري عنك

التشطير

تدرون وش اصعب محبه بهالكون.....لامن عشقت انسان ماهو مأمنك
تعطيه قلبك وثم يرجعه مطعون...لاصرت تغلي واحد(ن)مادري عنك

بيت للتشطير

ان كان قلبك من هوى البيض خالي .....عطني على صدق المحبه دلا يل

سلامة الجعفري

22/09/09, (01:36 AM)

شكرا للجميع للتعاون

والبيت الذي تم تشطيره من قبل شاعر نتمنى ان لايأتي شاعر وياخذ نفس البيت ويقوم بتشطيره

فانتبهي اختى بنت الكحيلا

ان كان قلبك من هوى البيض خالي = ولاسمعت بما رواه الاوايل
يحرم علي اقول مهما جرالي = عطني على صدق المحبه دلايل

البيت المطلوب تشطيره

للشاعر الكبير عايد الضافي الجلوي رحمه الله

مايسير الاقدام غير القلوبي = ومن لابغى لوتفتح الباب ماجاك

بنت الكحيلا

29/09/09, (05:09 AM)

البيت المطلوب تشطيره

للشاعر الكبير عايد الضافي الجلوي رحمه الله

مايسير الاقدام غير القلوبي = ومن لابغى لوتفتح الباب ماجاك

التشطير
مايسير الاقدام غير القلوبي =والقلب لا طعته بلاشك مشاك
والحب ما يسكن بقلب(ن)كذوبي=ومن لابغى لوتفتح الباب ماجاك

بيت للتشطير

هلت دموعي وجاوبن القوافي = القصايد من شقا قلبي تنوح

**masha3el **

29/09/09, (06:27 AM)

:sm15:
اييييييه
كلكم صحت السنتكم

:sm22: انا وش جابني هنااااا ؟؟؟!!!

صالح السالم

29/09/09, (12:06 PM)

بيت للتشطير

هلت دموعي وجاوبن القوافي = القصايد من شقا قلبي تنوح

التشطير

هلت دموعي وجاوبن القوافي =وانبنت في لحظة الدهشه صروح
لو مسحت الدمع ما به شي خافي=القصايد من شقا قلبي تنوح

البيت المطلوب تشطيره لمتعب التركي

اصعب فراق افراق عكف الأشانيب=ماهو مفارق لابسات الغدافي

بنت الكحيلا

30/09/09, (01:44 PM)

البيت المطلوب تشطيره لمتعب التركي

اصعب فراق افراق عكف الأشانيب=ماهو مفارق لابسات الغدافي

التشطير

اصعب فراق افراق عكف الأشانيب=اللي مجالسهم تجيب العوافي

وافراقهم كم عذب القلب تعذيب=ماهو مفارق لابسات الغدافي

بيت للتشطير
نارٍكوتني وحترقت بلهبها =ماكنت ابي تحرق حياتك وانا اشوف

سلامة الجعفري

09/10/09, (05:59 AM)

نار ٍ كوتني واحترقت بلهبها = ماكنت ابي تحرق حياتك وانا اشوف

نار ٍ كوتني واحترقت بلهبها = (لو مابدت لك حرها داخل الجوف)
(وانا ابتعدت اخشى يطولك سببها) = ماكنت ابي تحرق حياتك وانا اشوف

البيت المطلوب تشطيره :

ياحمود يطلع لك صديق ٍ من القوم = ويطلع من الربع الموالين عدوان