جمال اللميع
14/05/09, (11:40 AM)
الى كل من زوّر التاريخ وبدّل الحقائق وهم كثر
الى كل من شكك في مسلماتنا التاريخية وهم كثر
الى كل من شكك في نسب ملوكهم بدافع الحسد وهم كثر
الاعداء كثر والحرب شرسه
شبيت من خافي المعاليق نيره =يحرق لظاها كل من كان عايل
تلفي لثله ما تعم العشيره= الظلم ظلمه درب حندس ومايل
مانيب اعم اجوادهم بالسعيره =باخصها لاهل الردى والدغايل
اللي تزوّر بالعلوم وتديره=عاثت فساد ٍ في رصيد الاوايل
تكتب وهي لاسمائها مستعيره =من شان تنهش في وكيد الفعايل
تغمز وتلمز والايادي قصيره=مستخدمين اخس وادنى وسايل
ياهل النفوس الميته والحقيره=خوفو من الله وضّحو بالدلايل
لاتنقصون امجادنا يالدشيره=ماهو بحنا بس ..كل القبايل
الكل له فعل ورجال ومسيره=كل ٍ على ماقيل وافي خصايل
والا عنزة دولة بها كم ديره=ديار عز وتنحدر من سلايل
ديرة (سهيل) وديرة (عبيد) غيره= ديرة (وهب) و(جلاس ٍ) ديار وايل
بسعود( ابن هذال) للدار اميره=(اخوان بتلا )مقحمين الدبايل
حنا العنوز محشّمين القصيره=حنا العنوز معذّبين الاصايل
من هو قبلنا ماتنحّى مصيره =بايمان ربعي دم الاضداد سايل
وان كان جولات الزمن مستديره=لاشك نغلب مير هذه قلايل
حنا العنوز اللي نحط الكثيره =نذبح من خيار السمينات حايل
الارض تشكي قوم وايل نثيره =اللي بها واللي عليها ثقايل
ماهم بكثرة دون فعلٍ ودبيره =افعالهم يشهد لها كل قايل
يشهد لها صفحات كتب ٍ شهيره=ومولفات ٍ من دقاق وجلايل
يشهد لها عود ٍ وعقله ينيره=من هو يعد الصدق ماهوب شايل
من اولن قدنا العرب بالجزيره = (خزاز) ثم (ذي قار) هذه مثايل
واليوم ايضا ً قايدين المسيره =نصف الجزيرة حكمها لآل وايل
(آل السعود) عنوز لو قيل غيره =و(آل الصباح) مع( الخليفه) عوايل
من صلب وايل يالعقول الصغيره=غصب ٍ عليكم والهفو من ملايل
ملاليل الحقد وحسدكم وغيره =النجم ساطع والرضم بالنثايل
هذه علوم ٍ قلتها والذخيره =ثارت يوم انه نيش روس الفتايل
كل ٍ مبرقع هاجسه في ستيره=ولا يهده غير وقت النزايل
والدهمشي لاهد بالجو طيره =ماهو يصيد الا السمان الجزايل
الى كل من شكك في مسلماتنا التاريخية وهم كثر
الى كل من شكك في نسب ملوكهم بدافع الحسد وهم كثر
الاعداء كثر والحرب شرسه
شبيت من خافي المعاليق نيره =يحرق لظاها كل من كان عايل
تلفي لثله ما تعم العشيره= الظلم ظلمه درب حندس ومايل
مانيب اعم اجوادهم بالسعيره =باخصها لاهل الردى والدغايل
اللي تزوّر بالعلوم وتديره=عاثت فساد ٍ في رصيد الاوايل
تكتب وهي لاسمائها مستعيره =من شان تنهش في وكيد الفعايل
تغمز وتلمز والايادي قصيره=مستخدمين اخس وادنى وسايل
ياهل النفوس الميته والحقيره=خوفو من الله وضّحو بالدلايل
لاتنقصون امجادنا يالدشيره=ماهو بحنا بس ..كل القبايل
الكل له فعل ورجال ومسيره=كل ٍ على ماقيل وافي خصايل
والا عنزة دولة بها كم ديره=ديار عز وتنحدر من سلايل
ديرة (سهيل) وديرة (عبيد) غيره= ديرة (وهب) و(جلاس ٍ) ديار وايل
بسعود( ابن هذال) للدار اميره=(اخوان بتلا )مقحمين الدبايل
حنا العنوز محشّمين القصيره=حنا العنوز معذّبين الاصايل
من هو قبلنا ماتنحّى مصيره =بايمان ربعي دم الاضداد سايل
وان كان جولات الزمن مستديره=لاشك نغلب مير هذه قلايل
حنا العنوز اللي نحط الكثيره =نذبح من خيار السمينات حايل
الارض تشكي قوم وايل نثيره =اللي بها واللي عليها ثقايل
ماهم بكثرة دون فعلٍ ودبيره =افعالهم يشهد لها كل قايل
يشهد لها صفحات كتب ٍ شهيره=ومولفات ٍ من دقاق وجلايل
يشهد لها عود ٍ وعقله ينيره=من هو يعد الصدق ماهوب شايل
من اولن قدنا العرب بالجزيره = (خزاز) ثم (ذي قار) هذه مثايل
واليوم ايضا ً قايدين المسيره =نصف الجزيرة حكمها لآل وايل
(آل السعود) عنوز لو قيل غيره =و(آل الصباح) مع( الخليفه) عوايل
من صلب وايل يالعقول الصغيره=غصب ٍ عليكم والهفو من ملايل
ملاليل الحقد وحسدكم وغيره =النجم ساطع والرضم بالنثايل
هذه علوم ٍ قلتها والذخيره =ثارت يوم انه نيش روس الفتايل
كل ٍ مبرقع هاجسه في ستيره=ولا يهده غير وقت النزايل
والدهمشي لاهد بالجو طيره =ماهو يصيد الا السمان الجزايل