( الله يـمـسـي صـاحــب الــذوق بـالـخــيــر )

[منصور الرويلي]

والله واللي قدرته ترزق الطير = أميسر أمر المعضلات الشدايد
أن الشعر نبعه مثل جمة البير = يغيض جم البير والشعر زايد
والشعر مرسول المحبه وتحذير = وسمً ذحاح لكبد راع المكايد
الشعر مضمون وتفـّرد وتصوير = روحه سمو ومفرداته فرايد
ماهو حكايات وسوالف واساطير = كايد يبقي طرق معناه كايد
مار أسمعوني يالوجيه المسافير = أوجزت شرحي بالبيوت الجدايد
الله يمسي صاحب الذوق بالخير = ويصلح صدور مدورين الفوايد
لو وقفة الشاعر تهز الجماهير = ماكثرت الاسما .. وقـلــّت قصايد
اليا متى ندرا حدود ومحاذير = والعلم واضح مايبي له نشايد
أعزي اللي للجزاله مداوير = في ساحةٍ في وسطها الغث سايد
فيها يشد صوير وايقطع عوير = ماعاد باقي للقصايد شرايد
لكن عزانا بالرجال المناعير = بذل سبب والا رضى الناس كايد
وليا حصل منا على الشعر تقصير = يضيع شعر ولا تضيع العوايد

[فهد الشافي]

الاستاذ والشاعر المبدع

منصور الرويلي

صح الله لسانك وسلم بنانك

رائع ومبدع بكل بيت تسطره

[عبدالعزيز السعود]

أعزي اللـي للجزالـه مداويـر=في ساحةٍ في وسطها الغث سايد
فيها يشد صوير وايقطع عويـر=ماعاد باقـي للقصايـد شرايـد

الشاعر منصور الرويلي ..

بيض الله وجهك وصح الله لسانك على هالقصيدة الرائعة على ما حملته من جزاله في كل مفردة من مفرداتها ..
فشكراً لك من القلب ..
تقبل مروري ..

[رحـــــال]

الشاعر

صح لسااانك


لكن استغرب كل اللي با الساحه يشكون منها

وكلن يعد قصيده جزل طيب اللي قصيده عادي وينه


تبي الصراحه يا منصور اشوف القصيده هذي عاديه واقل من عاديه

وجهة نظر وارى انها لا تستحق الأجتياز

[منصور الرويلي]

الغالي فهد الشافي

الله لا يحرمنا متابعة الاوفياء شرواك

دمت كما تحب

[أبو غرام]

صح لسانك يالغالي

دمت بود وتقبل مروري من هنا

[طلال الايداء]

صح الله لساانكـ

الشااعر الكبير منصووووووور الرويلي


وانا اعتبرها ليست قصيده بل هي حكمه

[سعود المسعودي]

الشاعر منصور الرويلي ..



الله ياسلام عليك والله رائعة

بيض الله وجهك مبدع كعادتك

صح لسانك ماقصرت


ننتظر ابداعك

[صالح الضويحي]

لا .. للعبارة المتعارف عليها .. صح لسانك ..

فـهـنـاك نصوص .. التوقف عندها أمرٍ لابد منهُ
الا أن يكون حضورنا لمجرّد الحضور ..!

أقرب صورة لتعريف الشِعر .. رغم انه الوحيد الذي
لم يستطع احدٍ تعريفه .. تعريفاً يتفق عليه الجميع ..
لكن الشِعر ..مضموناً سامي .. وتفرّدٍ لغوي وتصويرا يجيّر لحظاتنا للأصغاء دون ارادةٍ منا ..

الشعر مضمون وتفّرد وتصويـر
روحه سمـو ومفرداتـه فرايـد
ماهو حكايات وسوالف واساطير
كايد و
يبقي طـرق معنـاه كايـد

ويبقى الصعب الذي لايصل اليه سوى من ارضى غروره وأرتوى انهاره العذبه ..
وماعدأ .. ذلك فهي مجرّد اصواتٍ غاويه .. تستنسخ مايقوله الآخرون .. نعم
جل مانقراء هم اولئك ..


لو وقفة الشاعر تهز الجماهيـر
ماكثرت الاسما .. وقلّت قصايـد


ومع قلّة القصايد .. سيبقى الشِعر بـ قليله كثير .. وسيبقى
كثيرهم قليل في نهاية المطاف .. لاعليك .. فقاعات صابون ..


لساحة الشِعر ..
فيها يشد صوير وايقطع عويـر
ماعاد باقـي للقصايـد شرايـد

وسينتهي من يشد ويقطع سوياً .. دون أن يسجل التاريخ لهم
حضور .. مسألة وقت فقط .. وأن غدٍ لـ ناظرة قريب ..

وليا حصل منا على الشعر تقصير
يضيع شعر ولا تضيـع العوايـد


وهنا .. الصورة الأكثر ألماً ..ولكن الشِعر باقي مابقيت العوايد والقيم
وأن أختفى فهو قريب .. في امكنةٍ لاتصل اليها تعريات الأزمنه.. ولاتنالها
ايدي العابثين .. ثق من ذلك ..


منصور الرويلي



قمة الحضور .. مضمونا .. وفكرا وشِعرٍ ..


تحياتي لك

[منصور الرويلي]

عبدالعزيز السعود

الشعر والشكر بكل تفاصيله لك

[منصور الرويلي]

رحال

شكراً لك .. خالف تعرف

[حتمــاوويه]

صح لسانك وعلا شانك

[منصور الرويلي]

ابو غرام


اشكرك على الاطراء الجميل

[رحـــــال]

ههههههههههههههههههههههههههه

[منصور الرويلي]

طلال

تسلم على الاشادة ولاعدمتك

[منصور الرويلي]

صقر الصقور

تسلم على الاشادة ياصقر

[منصور الرويلي]

الاستاذ صالح الضويحي

عاجز عن الشكر ايها النبيل

[منصور الرويلي]

حتماويه

لك الشكر والتقدير

[احساس قلم]

وكيف يضيع الشعر
ومنصور الرويلي موجود
شاعري الذي ابحث دايما عن قصايدكـ
التي تروي عطشي
لله دركـ مااروع ماتخطه
تحية تقدير لكـ بمعمق السماء
ننتظر جديدكـ فلا تحرمنا اياه

[منصور الرويلي]

احساس قلم

حضورك واطرائك يجسد طيب ذاتك

[صالح المزيني]

وليا حصل منا على الشعر تقصير
يضيع شعر ولا تضيـع العوايـد

منصور الرويلي

صح لسانك على هذه القصيدة

و الله يعطيك العافيه

[بنت الكحيلا]

اخوي منصور الرويلي صح السانك

والله يعطيك العافية على هذه الرائعة

لك تحياتي وتقديري

[منصور الرويلي]

ابو فهد

شكراً لرقي فكرك وذائقتك

[منصور الرويلي]

بنت الكحيلا
،
امثالك الانقياء هم
،
اكبر دافع لكتابة الاجمل
،
دام شموخك
_