جايبه لكم موضوع جديد

[النايفة]

جايبة لكم موضوع حلو ويستاهل مشاركة الشعراء
لوخانك أعز ناسك وش البيت أو الابيات اللي ترسلها له؟؟؟
طبعا اللي يشارك تكون الأبيات له؟
تفضلوا يالشعراء
بأبدا
لاصار مالي وسط قلبك مكانة
لاتحسبني بذرف دموع فرقاك
قلبي واعرفه معتلي دوم شانة
أكبر من انه يرتجي يوم لقياك

[شجاع النومسي]

صح لسانك موضوع رائع ومميز

[النايفة]

صح بدنك بس نبي شعر وين الشعراء

[النايفة]

صراحة صدمتوني وين مشاركاتكم بالأخص الشعراء

[عبدالعزيز السعود]

النايفة ..
الله يعطيك العافيه على هالموضوع الجمــيل .
حقيقة ً أنا لست بشاعر ولكني أتذوق الشعر و سمعت هالابيات القوية عن الخيانه واعجبتني ..

ليتك تموت اليوم وارتاح انا منك ... يرتاح قلب بالخيانة طعنته

ليتك تموت وبثوب اسود اكفنك ... واطوي معك صفحة عذاب رسمته

ليتك تموت و داخل القبر انا ادفنك ... وادفن مع الجثمان جرح جرحته

ليتك تموت اليوم محد درى عنك ... غير الخفوق اللي وفا لك وخنته

ليتك قبل لا تموت في صدرك اطعنك ... واصيح باعلى الصوت حقي اخذته

يلعنك قلبي والاحاسيس تلعنك ... و يلعنك دمع صادق لك نثرته

منتب كفو قلبي له سنين صاينك ... منتب كفو للي من اجلك فعلته

غدار خاين خنت قلب مأمنك ... قلبي عطاك الحب وبيدك ذبحته


وشو موقفك لو كنت انا اليوم خاينك ... وشو هو شعورك لو فؤادك غدرته

.

.

.
تقبل مروري بكل ود

http://www.kll2.com/upfiles/CDs06168.gif

[النايفة]

اخوي عبدالعزيز السعود شكرا على مرورك وأزهم على الشعراء خلهم يشاركون

[مزيد المزيد]

كلا ً على مذهب وكلا ً بمله = وكلا ً على كيفه يكون علاقه

وكانك تحاسبني على كل زله = ماعاد ابي لك يارفيقي صداقه

[عبدالعزيز السعود]

اخوي عبدالعزيز السعود شكرا على مرورك وأزهم على الشعراء خلهم يشاركون

أبشري هذا مزيد أول وأحد والبقية في الطريق ..

[أبو غرام]

كان الخيانه سيفها بايد الاصحاب
........................... ماعاد لي في حرصي اليوم حاجه

طعن الصحيب اقسى من طعون الاغراب

.............................. جمرِ يشب القلب من تحت صاجه


تفاعل سريع وعلى عجل آمل ان تتقبلوها كما هي

[النايفة]

أخوي أبو غرام واخوي مزيد شكرا على المشاركة

[فهد الشافي]

النايفة موضوع رائع

بأبدا
لاصار مالي وسط قلبك مكانة
لاتحسبني بذرف دموع فرقاك
قلبي واعرفه معتلي دوم شانة
أكبر من انه يرتجي يوم لقياك

صح لسانك على هذا الابداع

[لمى القصيم]

كلا ً على مذهب وكلا ً بمله = وكلا ً على كيفه يكون علاقه

وكانك تحاسبني على كل زله = ماعاد ابي لك يارفيقي صداقه

====================================
بصراحة قويه كلماتك يابو راكان يعطيك العافيه على هالبيتين وخصوصا المقطع

وكانك تحاسبني على كل زله ماعاد ابي يارفيقي صداقه

[حمد الوايلي]

اختي النايفه موضوع رائع وفيه تحريك شعور كل شاعر والخيانه ممقوته بطبيعة الحال اقدم لكم هذه الابيات المتنوعه من مقتطات قريحتي



اقطع عروقي ولاتخون وتخاذل=ترى الخيانه جرح ماله من اطباب
وان خنتني حط الغدربايد عاذل=ولا تحط الغدر من بين الاقراب &&&&&&&&&&&&

من خان قلبي لارجيته ولا ارجيه=اقطع عروقه من عروقي وادوسه
انسى مزايا صحبته مع مساويه=دام الغدر بين ودقت اجروسه
&&&&&&&&&&&&

راجع حساباتك من اول بدايه =تلقى الخطيه في سجلك على طول
انا سجلي ناسخن به وفايه =وانت اللذي في بعدنا كنت مسؤل
منك البدايه وتنحرف بالنهايه= مالك عذر عندي انا ارجوك لاتقول

[النايفة]

أخواني وخواتي الشكر لله وشكرا على تفاعلكم مع الموضوع

[منصور الجلعود]

من قبل ما أحكم بالخيانه على انسان=لابد ماعيني تناظر عيونه
واليا لقيته للوفا صار خوان=أبقا وفي ٍ له وما أقدر أخونه
لأن الوفا طبعي على طول الأزمان=واللي يخون الناس وقته يخونه

[النايفة]

أخوي منصور شكرا على المرور

[خلف الغريب]

شكرا للأخت النايفة على الموضوع واشكر كل من تفاعل ..

من قديمي .


كان انت مبغضني ولاني بغلطان=البغض مبطي ما لقي من يداويه
مع السلامة مكفي الشر ومعان=دربك خضر .. وانا اتعوضك يا هيه
خلك على ما قال بندر بالالحان =( كل هدف عقله من الناس مرضيه )
لا بد يوم فيه للحق ميزان=وتبي تبين السالفة دون تشويه
وايضا ..


روحي بدربك جعله ورود واعشاب =وانا طريقي جعل الازهار تكسيه
ما انتي مثل نوت وانا ماني عقاب=كلن عسى الله في طريقه يهينيه
لو ما بقا في كوكب الارض جذاب=بدري عليك انكس الراس واحنيه
عزي ومقداري وراسي وانا شاب =حتما علي من المذلات لاحميه

[النايفة]

أخوي خلف الغريب صح لسانك وطال عمرك وشكرا على مرورك

[رابح الغضيان]

شكراً أختي النايفه على هذا الطرح الجميل





الكرهـ .. والبغضا .. قبيحه بالانسان=لكن بقول الله يسهل طريقك
وإلا أنت غلطه ومنك انا اليوم ندمان=غرتني الكشخه ولمعة بريقك


راااابح

[النايفة]

أخوي رابح الغضيان صح لسانك وشاكره مرورك

[لمى القصيم]

من قبل ما أحكم بالخيانه على انسان=لابد ماعيني تناظر عيونه
واليا لقيته للوفا صار خوان=أبقا وفي ٍ له وما أقدر أخونه
لأن الوفا طبعي على طول الأزمان=واللي يخون الناس وقته يخونه
============================
الله الله كلمات رائعة لاعدمنا جديدك

[حمد الخمعلي]

الخت النايفه


موضوع يستحق التفاعل





رسمتك للأمل بسمه على وجه الصباح وغبت=ونا من غبت جرح الوقت بغيابك مغيبني
رميت رماح صدك في حشايه ياغلاي وصبت=ونا مقدر اقاوم رمح صدك ونت صايبني
ان اللي يوم شلتك في خفوقي للملا ماهبت=حفظتك في خفوقي مير ضني فيك خيبني

[حمد الخمعلي]

الخت النايفه


موضوع يستحق التفاعل




ان غبت جعل الله يسهل طريقك=ون جيت تلقاني حمد زي ماكنت

[النايفة]

أخوي حمد صح لسانك وسلم الله بنانك ماقصرت

[مرزوق نومان]

الاخت النايفه انا راح اقول
خذالخيانه لك وخل الوفا لي
هاذي سلومي وانت هاذي سلومك
ياجاهلن تاكل لحم صاحبك ني
مدام هاذي عادتك كيف الومك

[النايفة]

أخوي مرزوق نومان صح لسانك

[عايدالعنزي]

الله حسيبـك ليـه
^
^
^
فينـي
^
^
^
تخونـيـن؟

>>>>>>00000000000000اليوم اشوفـك تطلبيـن الوصالي

الله حسيبـك وش نويتـي
^
^
^
تسـويـن؟
>>>>>>>>0000000000000تبيـن اتزيديـن الجروح الثقالي.؟

الاخت العزيزه

النايفه

برغم ان حضوري اتى متاخر

الا ان موضوعكِ مهمى يطول الوقت سوف يبقى لكل من اراد الفضفضه عن مايكن

دمتِ بهذا الحضور النور ياطهر

لكِ

احترامي
وتـقـديري




^
^

[النايفة]

أخوي عايد العنزي صح لسانك والموضوع متجدد لكل من أراد أن يشارك وشاكرة مرورك

[النايفة]

معقولة خلصو الشعراء؟؟

[زياد الشمري]

انهنت في حبــك وانا حــر ماأنهان
والحــر ما يرجع لشخص يهينــه
والله احبــك حب والقلب ما خان
حافظ عهوود الحب يومك تبينه !
بس للاسف ما أقدر على حب خوان
يمشى يشيل اسمىوبكره يهينه

[النايفة]

زياد الشمري صح لسانك وشاكرة مرورك

[نايف سعد الخمعلي]

تسلمين ع الموضوع يالنايفه
ناديت لك يامهجتي ياحنيني........
ناديت لك ياهيه صيري طيوعه
رددتها في لهفتي وبأنيني..........
وقلبي لوانه صد صعبٍ رجوعه
واليوم روحي فات وقتك تجيني......
عقب العذاب النفس ماهي خضوعه
إبكي ونوحي واخلصي واتركيني.....
حسي من اللي يستحق المطوعه

[النايفة]

اخوي نايف صح لسانك