ذيب الشمري وسلطان الهاجري....

[سعود المسعودي]

--------------------------------------------------------------------------------
ذيب الشمري وسلطان الهاجري....
--------------------------------------------------------------------------------=

سلطان الهاجري
عن حجاز المملكة عن نجد والشرقية = مرحبا باصحابنا جيراننا الغاليني
شد حيلك واحتزم ياذيب بالجنبية = مار قل لصفوف شمر تنقسم قسميني

ذيب الشمري
بالنيابه عن شمال الكوره الارضيه = البقا باللى جميع اخبارهم تعنيني
صفنا ما يقبل التقسيم فى برقيه = دافعٍ قومي ايقسّمهم ودافع ديني

سلطان الهاجري
ودي اسير عليكم بعد عيد ضحيه = وان طرالي شي ثاني جيتكم ذالحيني
اجدع الجوال واخف ارقامه السريه = واطلع من العازل الصوتي لجل توحيني

ذيب الشمري
صاحبك ناويك يا سلطان نفس النيه = اقنع بفرض الكفايه قبل فرض العيني
تحترق بالنار نصف اشواقك القلبيه = وجايز انه يلتغي عقلك قبل تلغيني

سلطان الهاجري
خلني ياذيب لين اقص راس الحيه = لاتروح الحبحبه تزحف علي السكين
قبل اشيد خيمتي فالفيضه المحميه = وضعها مهوب مزعلني ولا مرضيني

ذيب الشمري
بالخلال ومن خلال الرغبه الشعبيه = امسح اللى كنت كاتب فى قلمك الشيني
لا تفكرها ليالي شارع الحلميه = فيه دسكٍ ما يعالج بالعلاج الصيني

سلطان الهاجري
والله اني مالويت الشوشه الملويه = لين شفت افكاركم تلعب علي الحبليني
شي اكيد ان البشر مامورتن منهيه = بس لاتنسى ترى نص الميه خمسيني

ذيب الشمري
احفظ حقوقك وخل حقوقي الشرعيه = لا تسير براي نابليون واستاليني
المطالب يالهواجر غير قانونيه = مالكم عندي مطالب وينكم غاديني

سلطان الهاجري
حارس الخزنه علامه يسرق الربيه = وان وصله الموت قام يصيح ويناديني
علم اللي لابسن له مشلحن عاريه = قله انه هو سبب نكبتك يا مسكيني

ذيب الشمري
اختلف رمى الرجال وطاحت الطاقيه = والعرب شافت هلال العيد شوف العيني
انت يا سلطان ضمن الجمله الفعليه = بالليال القادمه يطويك ما يطويني

[سعوط المجانين]

الله اكبر

محاوره قمه وشعراء قمه

لاهنت ياصقر

تقديري

..

[شجاع النومسي]

شكراً لك على هالنقل الجميل ..


تحياتي وتقديري

[سعود المسعودي]

الله اكبر

محاوره قمه وشعراء قمه

لاهنت ياصقر

تقديري

..

بارك الله فيك والف شكر على المرور

[سعود المسعودي]

شكراً لك على هالنقل الجميل ..


تحياتي وتقديري

بارك الله فيك والف شكر على المرور

[ناجي الخمشي]

صقر الصقور

الله يعطيك العافيه على اختيارك الراقي وذوقك العالي


شعراء مبدعين والمعنى من اول بيت كل الاثنين فاهمينه

من مازااد حماس المحاوره

مودتي لك

[سعود المسعودي]

صقر الصقور

الله يعطيك العافيه على اختيارك الراقي وذوقك العالي


شعراء مبدعين والمعنى من اول بيت كل الاثنين فاهمينه

من مازااد حماس المحاوره

مودتي لك

الله يعافيك والراقي مرورك الكريم اللي اسعدني ونور متصفحي

[كاتب الجعفري]

شعراء مصااااااااااااااااااايب

الشكر لك ياصقر الصقور على النقل

[سعود المسعودي]

شعراء مصااااااااااااااااااايب

الشكر لك ياصقر الصقور على النقل




بارك الله فيك والف شكر على المرور

[مشهور الرشدان]

استاذي سعود المسعودي شكرا على هذا المحاوره الرائعه دايمن سلطان الهاجري يدفن المعنى
اتمنى اي محاوره له تحصلها تنقلها هنا تقبل مرروي دمت بحفظ البارئ