الشاعر منصور الجلعود حياك الله

[كاتب الجعفري]

هلا يامرحبا ترحيبة تزهى بابن جلعود = ارحب من ضميري والعرب تزهم باساميها
يقولون العرب من طول الغيبات جاب الفود=بعد منصور غاب وغيبته فيها ومافيها

[أبو غرام]

بعد منصور غاب وغيبته فيها ومافيها


صح لسانك وبنتظار الاخ منصور للمحاوره

متابعين بصمت

[خلف الغريب]

الله الله يا كاتب ..

صح لسانك ..

بانتظار ابو جلعود وبعدين مبطين عن محاوراته ..

طبعا انا بصفك يا كاتب لأن العلاقة ما صفت مع منصور بعد محاورة قديمة بيننا وناوي له نية ..

تحياتي ..

[نافع عيد الجديد]

الله الله صح ا لسانك

وانا بين الصفين

بنتظار منصور الجلعود

[كاتب الجعفري]

ابو غرام
صح بدنك ومتابعتك تشرفنا

خلف الغريب
صح بدنك واللعب مع منصور عندي له طابع خاص
لوان انت يابوخالد طايح بالتحقيق تالي الوقت واكيد منصور جايه الدور
شرفنا مرورك يالذيب

نافع الجديد
صح بدنك وشرفتنا يالغالي

[منصور الجلعود]

كاتب الجعفري
أبو مرام
خلف الغريب
نافع الجديد


سعيد بتواجدكم وبحضوركم الراقي
وصفي وصف أخوي الغالي/كاتب واحد

خلوهاااااااااااااااااااااااااااااا:


هلابك يالمرحب والخلايق عمرها معدود=وعلوم الماضي الماضي مضت مع فعل ماضيها
ولاكن عطني علومك مدامك تفهم المقصود=علام الناس يابن الناس ماتنسى مآسيها

[تركي صالح]

كا تب الجعفري مبدع الى اخر حدود الابداع

منصور الجلعود رائع الى اخر حدود الروعه

شاعرين مميزين

نعشق ما تكتبون

لانكم لاتكتبون الا الجزاله

متابعين عن قرب

[منصور الجلعود]

كا تب الجعفري مبدع الى اخر حدود الابداع

منصور الجلعود رائع الى اخر حدود الروعه

شاعرين مميزين

نعشق ما تكتبون

لانكم لاتكتبون الا الجزاله

متابعين عن قرب

أخوي الرائع/تركي صالح

الابداع كل الابداع في متابعة المبدعين أمثالك

لاعدمنا متابعتك الرائعة


,

[الصقار]

مرحبا بالجزاله --

كاتب --
منصور

رائعين وبدايه قويه

متاااااااابع وانا فني الصوت حتى لاانشغل عن المتابعه

بالتوفيق للجميع

[ناصرالسويلم]

الله الله

رائعين

منصور وكاتب

عاشو عاشو

متابعين لكم ونصفق للجميع

تحياتي

[منصور الجلعود]

ابن هندي
ناصر السويلم


حضوركم ومتابعتكم شرف

لاعدمنا مشاعركم الأخوية الراقية

وبانتظار أحونا الغالي/كاتب


,

[كاتب الجعفري]

عسى فيك البقا لوان مسعد عارفٍ مسعود= تناساها يابن جلعود والا صدق ناسيها
جرى لك ماجرى لك والسوالف حبلها ممدود= اظن الدار دارك وانت حاميها حراميها

[كاتب الجعفري]

جميع الاخوان الذين مروا بدو ن تخصيص

لكم الشكر ومروركم شرفنا لاهنتوا

[سعد النفج]

مبدعييييين الى ابعد الحدود

انا مع الصفوف و متااااابع بقووووه

نبي نتعلم أخاف بكره يطلبني ابو خالد..

[أبو غرام]

مبدعييييين الى ابعد الحدود

انا مع الصفوف و متااااابع بقووووه

نبي نتعلم أخاف بكره يطلبني ابو خالد..

الولد هذا ماغير يمشي ويعرّض قدام ابو خالد

به بلا مابها شك

=

المحاوره طيبه من طيب شعرائها

متابعين وننتظر احتدام الصفوف بالملعبه

[منصور الجلعود]

صح لسانك أخوي كاتب واستلم لاهان راسك:

حليمه وش بلاها ماتخلي طبعها المعهود=علومك تشبه حلومك عسا الرحمان يمحيها
أحب الكاش كان انك تحب القسط والمعدود=عيون الناس مكحوله وعينك أنت معميها

,

[أبو غرام]

صح لسانك أخوي كاتب واستلم لاهان راسك:

حليمه وش بلاها ماتخلي طبعها المعهود=علومك تشبه حلومك عسا الرحمان يمحيها
أحب الكاش كان انك تحب القسط والمعدود=عيون الناس مكحوله وعينك أنت معميها

,

لاهنتووو

مبعدين اخوتي

[منصور الجلعود]

أبو غرام

مرورك شرف لاعدمناك

,

[منصور الجلعود]

أخوي الغالي/كاتب

الليله سرت

اعتبر الطاروق مفتوح ونكمل في ووقت آخر باذن الله


,

[نافع عيد الجديد]

الله الله دمتم جمعيا مبدعين لاهنتو

وانا بصف منصور الجلعود
حليمه وش بلاها ماتخلي طبعهـا المعهـود
علومك تشبه حلومك عسا الرحمان يمحيهـا
أحب الكاش كان انك تحب القسط والمعدود
عيون الناس مكحوله وعينك أنت معميهـا
ههههههههههههههه انتبه يكاتب ذيبان

[ماجد الغانم]

كاتب الجعفري

منصور الجلعود


متابع لهذا الحضور المتميز

لاهنتم

[كاتب الجعفري]

انا علومي حقايق والحقايق تزعل المضهود= عسى ربي يقاضي للبنيخي من بنيخيها
الا ياصويحبي ليتك تحلل عقدها المعقود=لكن هذي براقش صوتها نكبة لاهاليها

[كاتب الجعفري]

ابو غرام

نافع الجديد

ماجد الجعفري

لاهنتوا جميعا وشرفتونا

[ناصرالسويلم]

متابعين

ونصفق للجميع

عاش منصور
عاش كاتب

[سعود المسعودي]

كا تب الجعفري مبدع الى اخر حدود الابداع

منصور الجلعود رائع الى اخر حدود الروعه

شاعرين مميزين

[كاتب الجعفري]

ناصر السويلم

متابعتك تشرفنا لاهنت

صقر الصقور

الابداع مرورك لاهنت

[سلامة الجعفري]

يقولون العرب من طول الغيبات جاب الفود
بعد منصور غاب وغيبته فيهـا ومافيهـا



ولاكن عطني علومك مدامك تفهم المقصود
علام الناس يابن النـاس ماتنسـى مآسيهـا


كاتب الجعفري


منصور الجلعود


مبدعين ومتابعين لكم

[كاتب الجعفري]

سلامة الجعفري

متابعتك تشرفنا

[منصور الجلعود]

كل الشكر لكل من يتابعنا
وصح لسانك اخوي /كاتب

واستلم لاهان راسك:


علوم جهينه ماتخفى على المضهود يالنمرود=وعن الحجاج لاتنشد رجال ٍ ما يواليها
يحل العقد من يعقد حباله يا عضيد سعود=على هامان يا فرعون ما تخفى دعاويها

[كاتب الجعفري]

انا لامن لقيت اللي يخلط البيض ويا السود = اكبه لين يلقى ناس ٍ سواته يخاويها
احسب انك تطور واثرك انت الصاحب المقرود= ليا حصلت لك كورة على كيفك تدربيها

[منصور الجلعود]

صح لسانك أخوي الرائع كاتب واستلم لاهان راسك:


علامك مت من قبل الجلعودي يطلق البارود=علامك ياااا أ بو زيد الهلالي خفت تاليها
ترى العربان ماتجهل صحيح القول والمنقود=وتعيش الحيه الرقطا وتموت وسمها بيها

[حمد الخمعلي]

منصور الجلعود

كاتب الجعفري


حرام انها محاوره قويه


متابع بصمت

[منصور الجلعود]

منصور الجلعود

كاتب الجعفري


حرام انها محاوره قويه


متابع بصمت


أخوي الرائع/حمد الخمعلي

متابعتك شرف لاعدمناك

وبانتظار أخوي المتألق/كاتب الجعفري


,

[كاتب الجعفري]

صح لسانك يامنصور


الا ياراعي البارود بارودك عليك يعود= رصاصك مايتعدى جلستك واللي حواليها
انا مالي مطامع يااجودي في رزقك المحدود= ماحد شفقان يامنصور لطروق تغنيها

[كاتب الجعفري]

حمد الخمعلي


متابعتك شرف لاهنت

[منصور الجلعود]

صح لسانك يامنصور


الا ياراعي البارود بارودك عليك يعود= رصاصك مايتعدى جلستك واللي حواليها
انا مالي مطامع يااجودي في رزقك المحدود= ماحد شفقان يامنصور لطروق تغنيها

الله الله

أخوي الشاعر القدير/كاتب الجعفري

صح لسانك مليار وتكرار
تشرفت باللعب معك واللعب معك له نكهة خاصة
أشكرك على اتاحة هذه الفرصة لأتشرف باللعب معك
وأشكر كل من تكرم بالمتابعة بس استلم لاهان راسك والقلوب صحاح:


مدامك واقف ا قبالي تراك بجلستي مصيود=شعمت النار يا كاتب ومت وأنت واطيها
نصيحه يالحوير للتّحرّش بالجمل لاتعود=وسلام الله على اللي يشعم النيران ويحييها




,

[كاتب الجعفري]

صح لسانك اخوي الشاعر المخضرم منصور الجلعود
والشرف الاكبر لي باللعب معك والاستفادة منك
والشكر لكل من يتابعنا


انا بيني وبينك ياعميلي شاشة وكيبورد= ترى ماني قبالك وانت تاخذها وتعطيها
نخبر انك جمل من قال بانك ياجودي مفرود= من جمال لك الله تشتكي من قصر رجليها

[منصور الجلعود]

صح لسانك اخوي الشاعر المخضرم منصور الجلعود
والشرف الاكبر لي باللعب معك والاستفادة منك
والشكر لكل من يتابعنا


انا بيني وبينك ياعميلي شاشة وكيبورد= ترى ماني قبالك وانت تاخذها وتعطيها
نخبر انك جمل من قال بانك ياجودي مفرود= من جمال لك الله تشتكي من قصر رجليها


أخوي الرائع/كاتب الجعفري

صح لسانك مليار وتكرار

أكرر تقديري شكري لك ولكل من تابعنا
لنا لقاءات أخرى باذن الله وفقك الله لكل خير واعذرنا عن كل تقصير

أخوك/أبو جلعود

,

[كاتب الجعفري]

تشرفت باللعب معك يابو جلعود



تحياتي لك ولجميع من تابعنا

[فهد الشافي]

الله الله يا كاتب ..

صح لسانك ..

تحياتي

[شجاع النومسي]

الله يعطيكم العافيه على الابداع والحضور الرائع