مصافحتي الأولى بين أيديكم .. ( فوق فوق النجوم )

[عبدالعزيز العدواني]

بسم الله الرحمن الرحيم



وعلى الخير نلتقي وبشبكة ويلان العربيه يطيب لي المقام



يسعدني ويشرفني أن أكون هنا بمعية الشعر ولأجل الشعر ولشعرائنا الأفاضل الذين أتشرف بوجودي


بينهم لنتناول الشعر ونبحر بالقوافي كيفما ذهبت بنا الأمواج لنرتقي بالشعر والفكر معا .








وهذه متواضعتي بين أيديكم ومروركم شرف لي وتوقيعا لها :







فوق أنف الشموخ ودون حب الخشوم = يا شلع بي خفوقي ينثني بالعباه

إن فرحت اتباهى وان حزنت مهزوم = وان فتحت المجلد قلت محد(ن) قراه

من حصير الكرامه من تفاصيل يوم = من هدوء الغريب ونظرته مع حياه

من حصاد الليالي من لهيب السموم = من تقاسيم وجه اللي غدا من ضماه

من ذهاب المسافر لين وقت القدوم = من رغيف الفقير الصبح حتى مساه

العزوم القويه تنتحر بالعزوم = والقدر ما يعلم من سأل عن خفاه

للعموم اتكلم وافتخر بالعموم = والهجوس ان تكلم يحتضر من غثاه

صوتت لي هنوف(ن) في خيالي تعوم = واشرت صوب رجم(ن) يتعب اللي رقاه

انتخت بي وقلبي للنخاوي يشوم = واشعلت من ضلوع المشتكي ما طواه

جت غريبه ولكن جت بليا هدوم = عاريه في زمان(ن) ما يحب العراه

النوايا ملابس والتقاليد دوم = بين زيف القناع وبين حصن الرواه

بيتها من حديد وعندها الفرس روم = في ظهرها سهوم وفي يديها حصاه

نوب ترقى الجبال ونوب صعب(ن) تقوم = وان غفت نص ساعه قوموها الغزاه

في لغتها الإشاره للأمام الهجوم = وان توارت ورايه تستفز الرماه

بنت شيخ(ن) شجاع ولا جهل بالعلوم = ما مشى في حرام ولا شكى من حفاه

لا بها ضلع(ن) اعوج والجدار مهدوم = وان بغت لين القاسي يلين بقساه

تحتفل يوم اناجيها تسد اللزوم = تعطي الراي لكن ماتعرف الوجاه

ودها اطلع واعانق في هواها الغيوم = ودها اسبق غريم(ن) مبتلي في أذاه

حطمت واستباحت حاكم(ن) ومحكوم = واستعفت من اللي ما يحصل عشاه

فاخره ما تطالع في نظرها الرخوم = وان نظرها الغشيم يطيح مما غشاه

اتوجد على نفسي واعاتب والوم = وان تشمت عذولي قلت ماذا دهاه

ليه يشمت وحلمي فوق فوق النجوم = والخساره عليه من ورى مستواه

من يدور على الزلات يبطي يحوم = ويتخبط ويضرب ركبته في عصاه

لا يواجه يقال انه أشد الخصوم = ولا يقول الصحيح ولا يذري ذراه

الزوايا تثبت والهدف مايصوم = والدوا حين يفتح ينعرف محتواه

ياخفوقي عليك الله بالك تنوم = اصح حتى تنال المجد والا الصفاه

وانتبه لاتصدق لاتصدق حلوم = تنتهي يوم تصحى واعتبرها وصاه

النظر سهل ياصل لين روس الحزوم = والسواعد تكبل مير ويش السواه

من جهل في زمانه عاش فيه محروم = ومن يجامل على نفسه يضيع دواه

الولد جا معه بنتين والحمل توم = ورثهم قسموه العارفه والقضاه

السوالف قريبه ماتعدى الكموم = والهقاوي على الصقار مثل القطاه

من بغى مايحج انكف ولو بالجموم = ومن بغى الحج حاول لو بعيده خطاه

الطهاره طهاره والخيانه هموم = ولايصيح المعنى غير مما كواه

الحضيض ان تردى الحظ فيه مخدوم = وان رفعه اقتعد وان ضاع حظه لقاه

ماتضيع الغنيمه كان فيها وسوم = وان بغاها عطيه جعلها من فداه

دوم حق الكريم مفرق(ن) ومخصوم = ينفق اللي يجيه ولا رجى من عطاه

الخفايا كثيره والحصاني تسوم = والغلا مايخفى واضح(ن) من غلاه

ليت عمر السعاده بالسعاده يدوم = وليت عمر الشقاوه ضايع(ن) بالفلاه

وليت ليت المعالي للنشاما تروم = وليت سلم طلوع المجد ينسى الوطاه

كان تصفي ولايلقى العزيز مهضوم = وكل طايل قصر له وان بغاه اعتلاه





أخوكم الصغير / عبدالعزيز عبيد العدواني العنزي

[هندي المقبل]

الشاعر الكبير : عبدالعزيز العدواني

في البدايه اهلا وسهلا بك في شبكة ويلان العربيه

نشكرك لإختيارك هذا المنتدى لتنثر عبر صفحاته ابداعك الشعري الي كل المتذوقيت للشعر الجزل .

حياك الله ونتمنى ان نكون عند حسن ظنك في اختيارنا ونكرر لك الشكر .

ليس هناك جديد ولاغريب في هذه القصيده فالجمال والابداع دائما هو انتاج فكرك الراقي

صح لسانك فقد امتعتني كثيرا بهذا النص

[سعد النفج]

الشاعر / عبدالعزيز العدواني

صح لسانك

الله الله الله

ابدعت و حلقت بنا في سماء الابداع

أي ابداع و أي دهشه و أي نص وجدناه خلف هذا الاسم المميز

نص شامخ .. اعتلا قمة هرم الابداع و التميز..

نص يستحق الثناء و المديح

امتعتنا يا عبدالعزيز لله درك..

لا أملك امام هذا النص الا التثبيت و يستحق أكثر من ذلك..

[صالح الجطيلي]

يـا حيا الله ابو مشاري

وهذي الساعة المباركه والله وأحييك في هذا الصرح الشامخ

قصيده رائعه وانت اروع لاهنت

وبشر وش صار على الدفايه:)

[بدر الخلاوي]

صح لساااانك للجزاله موااااااري في قصيدتك الشااااااامخه تقبل مروررررررري بود

[شاعر البيتين]

أولا: حياااك الله في هذا الصرح الشامخ بين أخوانك وخواتك



ثانيا : شكرا على هذه الشامخه وعلى هذا النضوج الشعري الرائع



تقبل تواضع موروري


























تحياتي وتقديري

[ماجد الغانم]

الغااالي

عبد العزيز العدواني


اولاً حيااااااااااك الله بيننا

وتشرفنا بإنظمامك لنا في هذا الصرح الشاامخ

...
.
.

وصح لساااانك على هذه التحفه الجميلة التي صافحتنا بها

لله درك


ابدااع يفوق الوصف


واحساس يفوح عبقه في ارجاء هذه المنتدى الراائع


سجل اعجااابي بشخصك الكريم وببما سطرته من احرف

دمت بكل خير ...وداام هذا الحضور المبهر


تقبل خالص تحياااااااتي

[خلف الغريب]

النـوايـا مـلابـس والتقالـيـد دوم
بين زيف القناع وبين حصـن الـرواه
بيتها من حديد وعندهـا الفـرس روم
في ظهرها سهوم وفي يديهـا حصـاه
نوب ترقى الجبال ونوب صعب(ن) تقوم
وان غفت نص ساعه قوموها الغـزاه
في لغتهـا الإشـاره للأمـام الهجـوم
وان تـوارت ورايـه تستفـز الرمـاه




الرائع عبدالعزيز العدواني ..

اولا احييك في بيتك الثاني شبكة ويلان العربية وكلنا سعادة بهذا الحضور الجميل منك ..

وثانيا الف صح لسانك على هالجزالة غير المستغربة منك ..

قديما ولا زلنا نردد بيت العدواني الشهير رحمه الله :

النوم ساس اللوم بان الردى به .. واللي يبي الطولات نومه شلافيح

واليوم هاهو العدواني عبدالعزيز يتحفنا بهذا النص الجميل ..

تحياتي وودي..

[عبدالعزيز العدواني]

الشاعر الكبير : عبدالعزيز العدواني

في البدايه اهلا وسهلا بك في شبكة ويلان العربيه

نشكرك لإختيارك هذا المنتدى لتنثر عبر صفحاته ابداعك الشعري الي كل المتذوقيت للشعر الجزل .

حياك الله ونتمنى ان نكون عند حسن ظنك في اختيارنا ونكرر لك الشكر .

ليس هناك جديد ولاغريب في هذه القصيده فالجمال والابداع دائما هو انتاج فكرك الراقي

صح لسانك فقد امتعتني كثيرا بهذا النص



الكبير خلقا وحضورا



هندي المقبل



أسعدني حضورك وحرارة ترحيبك ليس إلا لمعدنك الطيب وقلبك الكبير



هنيئا لي أنا وجودي بين نخبه جعلو هذه النافذه صرحا كبيرا من صروح الشعر والمعرفه



حقيقة أخي أنا مسرور ويشرفني أن أكتب بشفافيه كامله لأنني أرى الصدق في ثنايا الحرف يشع نورا



محبتي لك وإعجابي أيها الفذ

[الصقار]

عبدالعزيز عبيد العدواني

اولا حياك الله - والف مرحبا فيك وبابداعك

وصح لسانك

حضور رائع وقصيد جزله من شاعر جزل

دمت وسلمت

[محمد المقبل]

بسم الله الرحمن الرحيم



وعلى الخير نلتقي وبشبكة ويلان العربيه يطيب لي المقام



يسعدني ويشرفني أن أكون هنا بمعية الشعر ولأجل الشعر ولشعرائنا الأفاضل الذين أتشرف بوجودي


بينهم لنتناول الشعر ونبحر بالقوافي كيفما ذهبت بنا الأمواج لنرتقي بالشعر والفكر معا .








وهذه متواضعتي بين أيديكم ومروركم شرف لي وتوقيعا لها :







فوق أنف الشموخ ودون حب الخشوم = يا شلع بي خفوقي ينثني بالعباه

إن فرحت اتباهى وان حزنت مهزوم = وان فتحت المجلد قلت محد(ن) قراه

من حصير الكرامه من تفاصيل يوم = من هدوء الغريب ونظرته مع حياه

من حصاد الليالي من لهيب السموم = من تقاسيم وجه اللي غدا من ضماه

من ذهاب المسافر لين وقت القدوم = من رغيف الفقير الصبح حتى مساه

العزوم القويه تنتحر بالعزوم = والقدر ما يعلم من سأل عن خفاه

للعموم اتكلم وافتخر بالعموم = والهجوس ان تكلم يحتضر من غثاه

صوتت لي هنوف(ن) في خيالي تعوم = واشرت صوب رجم(ن) يتعب اللي رقاه

انتخت بي وقلبي للنخاوي يشوم = واشعلت من ضلوع المشتكي ما طواه

جت غريبه ولكن جت بليا هدوم = عاريه في زمان(ن) ما يحب العراه

النوايا ملابس والتقاليد دوم = بين زيف القناع وبين حصن الرواه

بيتها من حديد وعندها الفرس روم = في ظهرها سهوم وفي يديها حصاه

نوب ترقى الجبال ونوب صعب(ن) تقوم = وان غفت نص ساعه قوموها الغزاه

في لغتها الإشاره للأمام الهجوم = وان توارت ورايه تستفز الرماه

بنت شيخ(ن) شجاع ولا جهل بالعلوم = ما مشى في حرام ولا شكى من حفاه

لا بها ضلع(ن) اعوج والجدار مهدوم = وان بغت لين القاسي يلين بقساه

تحتفل يوم اناجيها تسد اللزوم = تعطي الراي لكن ماتعرف الوجاه

ودها اطلع واعانق في هواها الغيوم = ودها اسبق غريم(ن) مبتلي في أذاه

حطمت واستباحت حاكم(ن) ومحكوم = واستعفت من اللي ما يحصل عشاه

فاخره ما تطالع في نظرها الرخوم = وان نظرها الغشيم يطيح مما غشاه

اتوجد على نفسي واعاتب والوم = وان تشمت عذولي قلت ماذا دهاه

ليه يشمت وحلمي فوق فوق النجوم = والخساره عليه من ورى مستواه

من يدور على الزلات يبطي يحوم = ويتخبط ويضرب ركبته في عصاه

لا يواجه يقال انه أشد الخصوم = ولا يقول الصحيح ولا يذري ذراه

الزوايا تثبت والهدف مايصوم = والدوا حين يفتح ينعرف محتواه

ياخفوقي عليك الله بالك تنوم = اصح حتى تنال المجد والا الصفاه

وانتبه لاتصدق لاتصدق حلوم = تنتهي يوم تصحى واعتبرها وصاه

النظر سهل ياصل لين روس الحزوم = والسواعد تكبل مير ويش السواه

من جهل في زمانه عاش فيه محروم = ومن يجامل على نفسه يضيع دواه

الولد جا معه بنتين والحمل توم = ورثهم قسموه العارفه والقضاه

السوالف قريبه ماتعدى الكموم = والهقاوي على الصقار مثل القطاه

من بغى مايحج انكف ولو بالجموم = ومن بغى الحج حاول لو بعيده خطاه

الطهاره طهاره والخيانه هموم = ولايصيح المعنى غير مما كواه

الحضيض ان تردى الحظ فيه مخدوم = وان رفعه اقتعد وان ضاع حظه لقاه

ماتضيع الغنيمه كان فيها وسوم = وان بغاها عطيه جعلها من فداه

دوم حق الكريم مفرق(ن) ومخصوم = ينفق اللي يجيه ولا رجى من عطاه

الخفايا كثيره والحصاني تسوم = والغلا مايخفى واضح(ن) من غلاه

ليت عمر السعاده بالسعاده يدوم = وليت عمر الشقاوه ضايع(ن) بالفلاه

وليت ليت المعالي للنشاما تروم = وليت سلم طلوع المجد ينسى الوطاه

كان تصفي ولايلقى العزيز مهضوم = وكل طايل قصر له وان بغاه اعتلاه





أخوكم الصغير / عبدالعزيز عبيد العدواني العنزي

الله الله على هذا النص الرائع ياعبد العزيز العدواني

صح لسانك وتعلا شانك شاعر متمكن أعجبتني هذه القصيده كثيرا

وقراتها اكثر من مره ووجدت بها الشعر الحقيقي اتمنى بان نقراء لك الكثر والكثير بهذا منتدى

ولاهو غريب الابداع على الشاعر عبدالعزيز العدواني تقبل اعجابي بهذا النص

ولك تحياتي وحترامي

[سالم صالح]

الشاعر الرائع والمبدع


عبد العزيز العدواني العنزي


اهلاً بك بيننا ولقد شرفتنا بانظمامك الى هذه الكوكبة الرائعة من شعراء ويلان فهلا بك في دارك


لقد اجدت في صياغة القصيدة فظهرت رائعة مليئة بالسبائك الشعرية الذهبية التي تذهل العقول عند قرائتها والتمعن فيها


شاعر متمكن وجزل واابيات تتضاها بالجمال فكل واحد ينفرد بميزة عن الاخر


اخي العزيز لقد استمتعت في قراءة الشعر في هذه القصيدة فهي مليئة بالشعر الحقيقي


عذراً منك على هذا الرد المتواضع الذي لايرتقي لجمال ماكتبت ولكن احتارت العبارات الجميلة ايها يرضي هذه الفاتنة


تقبل تقديري واحترامي

[رابح الغضيان]

الشاعر/المبدع عبدالعزيزالعدوان

صح لسانك على هذه الدرر الجميله

ابداع لاعدمتك

اتمنى لك التوفيق

وإلى الامام يارائع

تحياتي لك يالغالي

[ناصرالسويلم]

عبد العزيز العدواني

حياك الله اخوي

وشكراً لك من القلب على القصيده الرائعه


انت دايم جزل بارك الله فيك

تقبل تحياتي

[نافع عيد الجديد]

صح السانك ملايين

وحياك الله في شبكة ويلان

دمت بسعاده

[عبدالعزيز العدواني]

الشاعر / عبدالعزيز العدواني

صح لسانك

الله الله الله

ابدعت و حلقت بنا في سماء الابداع

أي ابداع و أي دهشه و أي نص وجدناه خلف هذا الاسم المميز

نص شامخ .. اعتلا قمة هرم الابداع و التميز..

نص يستحق الثناء و المديح

امتعتنا يا عبدالعزيز لله درك..

لا أملك امام هذا النص الا التثبيت و يستحق أكثر من ذلك..


القدير / سعد النفج


مرورك شرف لي


شكرا على الترحيب


دمت على النقاء

[عبدالعزيز العدواني]

يـا حيا الله ابو مشاري

وهذي الساعة المباركه والله وأحييك في هذا الصرح الشامخ

قصيده رائعه وانت اروع لاهنت

وبشر وش صار على الدفايه:)

هههههههه

يا بعد قلبي يابو عبدالله

كلك خير وبركه اللي عرفتني بهالمنتدى وتفداك الدفايه وراعيها


شكرا بحجم نقائك

[عبدالعزيز العدواني]

صح لساااانك للجزاله موااااااري في قصيدتك الشااااااامخه تقبل مروررررررري بود



الغالي / بدر الخلاوي


ألف شكر على هذا المرور الكريم


حضورك أسعدني


دمت بووود

[عبدالعزيز العدواني]

أولا: حياااك الله في هذا الصرح الشامخ بين أخوانك وخواتك



ثانيا : شكرا على هذه الشامخه وعلى هذا النضوج الشعري الرائع



تقبل تواضع موروري


























تحياتي وتقديري



الغالي / شاعر البيتين


مرحبا بك وبحضورك


والله يحييك ويبارك فيك


تحياتي لك

[بدرفهد الجعفري]

الشاعر عبدالعزيز العدواني

الله يحييك

شاعر من الوزن الثقيل وقصيده لا يجيدها سواك

صح لسانك

[البدر]

ياهلا والله

الله يحييك وشكرا لك على امتاعنا بهذه المصافحه الجزله

صح لسانك ولاعدمناك

[عبدالعزيز العدواني]

الغااالي

عبد العزيز العدواني


اولاً حيااااااااااك الله بيننا

وتشرفنا بإنظمامك لنا في هذا الصرح الشاامخ

...
.
.

وصح لساااانك على هذه التحفه الجميلة التي صافحتنا بها

لله درك


ابدااع يفوق الوصف


واحساس يفوح عبقه في ارجاء هذه المنتدى الراائع


سجل اعجااابي بشخصك الكريم وببما سطرته من احرف

دمت بكل خير ...وداام هذا الحضور المبهر


تقبل خالص تحياااااااتي



القدير / ماجد الجعفري



حضورك فخر لي ولمتصفحي


دمت بخير أيها الراقي

[عبدالعزيز العدواني]

النـوايـا مـلابـس والتقالـيـد دوم
بين زيف القناع وبين حصـن الـرواه
بيتها من حديد وعندهـا الفـرس روم
في ظهرها سهوم وفي يديهـا حصـاه
نوب ترقى الجبال ونوب صعب(ن) تقوم
وان غفت نص ساعه قوموها الغـزاه
في لغتهـا الإشـاره للأمـام الهجـوم
وان تـوارت ورايـه تستفـز الرمـاه




الرائع عبدالعزيز العدواني ..

اولا احييك في بيتك الثاني شبكة ويلان العربية وكلنا سعادة بهذا الحضور الجميل منك ..

وثانيا الف صح لسانك على هالجزالة غير المستغربة منك ..

قديما ولا زلنا نردد بيت العدواني الشهير رحمه الله :

النوم ساس اللوم بان الردى به .. واللي يبي الطولات نومه شلافيح

واليوم هاهو العدواني عبدالعزيز يتحفنا بهذا النص الجميل ..

تحياتي وودي..



مشرفنا القدير وشاعرنا الجميل / خلف الغريب


حضورك شرف كبير لي


وكلماتك وساما أعتز به


دمت كما أنت أيها النقي

[عبدالعزيز العدواني]

عبدالعزيز عبيد العدواني

اولا حياك الله - والف مرحبا فيك وبابداعك

وصح لسانك

حضور رائع وقصيد جزله من شاعر جزل

دمت وسلمت



القدير / ابن هندي


صح بدنك ولا هنت يالغلا


تحياتي لك

[عبدالعزيز العدواني]

الله الله على هذا النص الرائع ياعبد العزيز العدواني

صح لسانك وتعلا شانك شاعر متمكن أعجبتني هذه القصيده كثيرا

وقراتها اكثر من مره ووجدت بها الشعر الحقيقي اتمنى بان نقراء لك الكثر والكثير بهذا منتدى

ولاهو غريب الابداع على الشاعر عبدالعزيز العدواني تقبل اعجابي بهذا النص

ولك تحياتي وحترامي


القدير / محمد المقبل


صح قلبك وفكرك على هذا الحضور


دمت للشعر ومحبيه

[عبدالعزيز العدواني]

الشاعر الرائع والمبدع


عبد العزيز العدواني العنزي


اهلاً بك بيننا ولقد شرفتنا بانظمامك الى هذه الكوكبة الرائعة من شعراء ويلان فهلا بك في دارك


لقد اجدت في صياغة القصيدة فظهرت رائعة مليئة بالسبائك الشعرية الذهبية التي تذهل العقول عند قرائتها والتمعن فيها


شاعر متمكن وجزل واابيات تتضاها بالجمال فكل واحد ينفرد بميزة عن الاخر


اخي العزيز لقد استمتعت في قراءة الشعر في هذه القصيدة فهي مليئة بالشعر الحقيقي


عذراً منك على هذا الرد المتواضع الذي لايرتقي لجمال ماكتبت ولكن احتارت العبارات الجميلة ايها يرضي هذه الفاتنة


تقبل تقديري واحترامي


القدير / سالم صالح


حضور أمثالك يكفيني


وكفيت ووفيت


لا خلا ولا عدم


محبتي لك

[عبدالعزيز العدواني]

الشاعر/المبدع عبدالعزيزالعدوان

صح لسانك على هذه الدرر الجميله

ابداع لاعدمتك

اتمنى لك التوفيق

وإلى الامام يارائع

تحياتي لك يالغالي



القدير / رابح الغضيان


صح بدنك ولا هنت


تحيتي لك

[عبدالعزيز العدواني]

عبد العزيز العدواني

حياك الله اخوي

وشكراً لك من القلب على القصيده الرائعه


انت دايم جزل بارك الله فيك

تقبل تحياتي


القدير / ناصر السويلم


صح بدنك اخوي ولا هنت


تحيتي وتقديري

[عبدالعزيز العدواني]

صح السانك ملايين

وحياك الله في شبكة ويلان

دمت بسعاده



القدير / نافع عيد الجديد


صح بدنك ولا هنت


والله يحييك يالغلا


تحيتي وتقديري

[عبدالعزيز العدواني]

الشاعر عبدالعزيز العدواني

الله يحييك

شاعر من الوزن الثقيل وقصيده لا يجيدها سواك

صح لسانك



القدير / بدر فهد الجعفري


صح بدنك


حضورك الكبير أسعدني بحق


دمت على النقاء

[عبدالعزيز العدواني]

ياهلا والله

الله يحييك وشكرا لك على امتاعنا بهذه المصافحه الجزله

صح لسانك ولاعدمناك



القدير / البدر


هلا بك اخوي


وألف شكر على الحضور


دمت بووود