اللغز ياأحبابي

[رابح الغضيان]

الاعضاء الافاضل إليكم هذا اللغز


أسألك عن رجلٍ هميم=منوة عينه يوم يهم
خادمٍ لأربع حريم=وإن أمرته قال سم

[شيهانه]

جاري التفكير




هههههههههههه

[رابح الغضيان]

بنتظارك

مشرفتنا

القديرة

[عبدالعزيز السعود]

هلا والله بشاعرنا القدير ..

عندي رمعة على الطاير ..

وش رايك بالأبهـــــــام ..

[أبو غرام]

بنتظار رد الاخ الشاعر رابح الغضيان ابو هيثم

[رابح الغضيان]

هلا والله بشاعرنا القدير ..

عندي رمعة على الطاير ..

وش رايك بالأبهـــــــام ..

هلابك اكثر

الرائع/عبدالعزيزالسعود

مالك لوى يالغالي

[أبو غرام]

هذا مطواع

جاري التفكير بعد ما ابعد ابو سعود

[عبدالعزيز السعود]

طيب // القلم//

[سالم صالح]

هلا بشاعرنا الرائع ابوهيثم نورتنا

انا ابرمع لي مرماع واذا صار صح تراه هدية لهبوب ابلشتني لها بكا تبيلها حل ووعدتها اني احل لها لغز وعسى الله يساعدنا


----------النظر-------

[رابح الغضيان]

عبدالعزيز مالك لوى يالغالي

[رابح الغضيان]

هلا ابودانة

مالك لوى

يمكن الاخت هبووب تحله بدون مساعدة

[الجادل]

مساء الخير ...... عندي رمعة قبل لاتسبقني هبوب

يمكن يكون مفتاح السيارة

والحريم الأربع / كفرات السيارة

[رابح الغضيان]

الجادل

مالك لوى

[شيهانه]

يمكن يكون

الدبل


حق السياره

او مفتاح الكفر



...........

[رابح الغضيان]

شيهانه

انتي والجادل رمعاتكن بصراحه قويه

والادوات التي تكلمتن عنهن ادوات بالحاضره

وهذا الشي من ادوات الباديه والبر فالوقت الحالي

تحياتي مشرفتنا العزيزة

[شيهانه]

طيب

يمكن
بيت الشعر

[نافع عيد الجديد]

الاعضاء الافاضل إليكم هذا اللغز


أسألك عن رجلٍ هميم=منوة عينه يوم يهم
خادمٍ لأربع حريم=وإن أمرته قال سم

هلا وغلا بابو هيثم نورت قسم الالغاز يالغالي

عندي مرماع وشكله يوديني لعائلة من جنبها

الدربيل

[هبوب العنزي]

هبوووب<<تعصر مخها عصار :sm31:


اممممممممممممممم اممممممممممممممممممم وشوو ياربي وشووو هو على طرف لساني


شوي واجيبه شووووووووويه:more68:



الدافور سح؟؟؟

[رابح الغضيان]

هلابك مشرفنا عيد

مبروك انظمامك للقبيله العريقه قبيلة من جنبها

ولكن تراك مواطن عادي الشيخه والختم مع شيهانه

والاصطبه مع الجادل

وفارس القبيله سالم

ومفكرالقبيله عبدالعزيز

وانتظر هبوب جاهزة اوراقها للأنظمام لك

[عبدالعزيز السعود]

ومفكرالقبيله عبدالعزيز



الله يرفع قدرك ياابو هيثم :cool: وبمناسبة هالمنصب خذ هالرمعه الخطافية (( الطريق المزفلت ))..;)

خادمٍ لأربـع حريـم اللي هن الكفرات ..:)
وش رايكم يالربع ويالربعات ماهي رمعة جيدهـ ..:(

[ماجد الغانم]

ابو هيثم

الرحى

والله يستر من انظمامي لعائلتنا الكريمه


ابو هيثم تعوذ من ابليس


لا تقولهاااااااااااااا

تكفى تكفى

[سعود المسعودي]

ابو هيثم



جاري التفكير

[هبوب العنزي]

هبوووب<<خاب ثناها من التفكير وراحت تاكل خبزه بترجع لاحد يحله ترا الحل على طرف لسانها


:sm31:


ماجد ان صار حلك صح بحسن حواجبي وهدب عيوني على الصفر وعد وعهد وتنتقل الى العائله



هبوووب<<تسذوووووب:more68:

[الصقار]

مرحبتين كبااااااااااار -ابو هيثم

الحل عندي وانا ابو هندي -

هذا طال عمرك -- المغزل

ارجو من عائله من جنبها الترحيب لرفع المعنويات

[سالم صالح]

يابو هيثم والله انك زعلت هبوب علينا كان مفرحها بالجواب لو من باب المجاملة


لغز رائع وروعته مرور الاعضاء الجميل


والله انك توهتنا تقول انه للبر بالوقت الحالي وانا ابقول ---وش رايك ____بالقارمن__

[هبوب العنزي]

اي صح بغيت اقوله بس سبقني سالم هو القارمن:sm31:




هبوووب<<تسذوووب اصلن ماتعرف وشو القارمن:more68:

[رابح الغضيان]

عزوز مازلت من جنبها يالغالي



مشاءالله أنظمام أسماء كبيرة إلى قبيلة من جنبها

شاعر القبيلة ماجد

صقرالصقور اوراقه جاهز عن قريب

استاذ القبيله سالم صالح

قبيلة بصراحه كذا لها وزنها

ولازالت شيهانه متمسكه بالشيخه

مع مطالبة الجادل وهبوب بالتنحي او اجراء انتخابات غير نزيهه

بمراقبة ابن هندي الشيخ السابق

[ماجد الغانم]

ابو هيثم

اخر مره والا بعتزل وبطلع ولا انت شايف وجهي

اتوقع الملقااااط

وحريمه النار ...والدله ..والمحماسه ...والمدخنه

من اليوم وانا اعصر هالمخ يما طلع هالشي

الله يستر منك ومن لقبك الجاااي

[رابح الغضيان]

ابو هيثم

اخر مره والا بعتزل وبطلع ولا انت شايف وجهي

اتوقع الملقااااط

وحريمه النار ...والدله ..والمحماسه ...والمدخنه

من اليوم وانا اعصر هالمخ يما طلع هالشي

الله يستر منك ومن لقبك الجاااي







مبروووووووووووووووكـ

صــــــــــــــــــــــــــح

مراقبنا العزيز

على قولت الغالي نافع تم انتقالك إلى قبيلة صح لساااااااانكـ

تحياتي للجميع لاعدمت حضوركم ومروركم الجميل,,,,,,,,,,,,