سعوط المجانين او ماجد المري

[كاتب الجعفري]

ياماجد الولدعي ياماجد المري= اصبحت تالي زمانك من بني مرة
الظاهر انك موظف مخبرٍ سري= لكن ما انته بخيصٍ زين بالجرة

[سعوط المجانين]

من هرج هذا الولد ياناس متبري = ماشفت خيره وجاب اليوم لي شره

ان قلت قول الحقيقه تزعل وتسري = لكنّي ماعاد اقول الحق بالمره

[صالح السالم]

صح السنكم جميعاً


القافيه صعبه لكن غير صعبه على شعراء بأحجامكم


تقبلو مروري

[سعوط المجانين]

صالح السالم

صح بدنك ولاهنت وعسى الله يجملنا

تقديري

[كاتب الجعفري]

لايالغليم ماني بالظلم متجرّي= من امس وانته تحاول تصنع الذره
محدن مغير برايك وانت متورّي= لكن ياصاحبي لاتعاود الكرة

[جبار بن عابر]

ياسلام ......

متابعيين الله يعطيكم العافيه جميعا .

[نافع عيد الجديد]

الله الله شعراء مبدعين

بين الصفوف ومتابع

[سعوط المجانين]

مادمت واثق اجل وشوله تطرّي = سوالف ٍ من ثلاث ايام مفتره !!

اليا دبلت الحكم لاتحاول تثرّي = اخاف تسري وكبدك مني محتره

[أبو غرام]

مادمت واثق اجل وشوله تطرّي = سوالف ٍ من ثلاث ايام مفتره !!

اليا دبلت الحكم لاتحاول تثرّي = اخاف تسري وكبدك مني محتره

صح لسان الجميع

وانا مع صف سعوط المجانين

[كاتب الجعفري]

ماني من اللي عن الهبات متذري =صاحبك رجل يمرك قبل لا تمره
اللي معك قدمه ويش انت متحري= اكشف لنا صرتك ياراعي الصرة

[كاتب الجعفري]

الشكر لجميع المتابعين

[أبو غرام]

ماني من اللي عن الهبات متذري =صاحبك رجل يمرك قبل لا تمره
اللي معك قدمه ويش انت متحري= اكشف لنا صرتك ياراعي الصرة

متابعين حتى الان

[كاتب الجعفري]

ابو غرام

لاهنت على المتابعة

[سعود المسعودي]

صح لسانكم جميعا وقواكم الله

[سعوط المجانين]

وشلون تبغى الستر والثوب متعرّي = لكن ّ ثوبك عن سموم الدهر زره

مدري تكلم صحيح او انت متزرّي = الولدعي منت قادر انك تغرّه

[كاتب الجعفري]

مانته بقادر تحجب الكوكب الدرّي= ثوبي مقاسي وثوبك ياولد عره
ماكنت اظنك ياماجد احول برّي= الحق قلناه ما هو لازم تقره

[سلامة الجعفري]

وشلون تبغى الستر والثوب متعرّي
لكن ّ ثوبك عن سموم الدهـر زره




مانته بقادر تحجب الكوكب الدرّي
ثوبي مقاسي وثوبك ياولد عـره



سعوط المجانين .... كاتب الجعفري


مبدعين اثننكم وانا بصف كاتب ضد ماجد راع التحقيقات ههههه

واصلوا

[خلف الغريب]

لا بالله انا بصف سعوط المجانين وانا معه بهالتحقيق وناوي افتح ملف جديد اذا ما حصلنا المطلوب ..

واصلوا يا مبدعين ..

شهادة لله ..

طواريق على مستوى ابطالها سعوط المجانين وكاتب وسلامة ولا يهون البقية ..

تحياتي واستمروا ..

[كاتب الجعفري]

ابو خالد حياك الله

لازم تفزع لسعوط المجانين ماهو توزه وتهرب

ههههههههه

اسعدنا مرورك لاهنت

تقديري واحترامي

[كاتب الجعفري]

صقر الصقور

شرفتنا بالمرور لاهنت

[كاتب الجعفري]

سلامه الجعفري

الابداع مرورك وازهل اهل التحقيق

انقلب السحر على الساحر ههههههه

تقديري

[سعوط المجانين]

لاتبتني منزلك والساس متهرّي = حجتك ياضعفها ياعاقل المره

ماكنت اظنك ياكاتب مجرم وشري = تمشي على الارض ثم ٍ تدفن الجره

[سعوط المجانين]

صقر الصقور

صح بدنك يالغالي

[سعوط المجانين]

سلامه الجعفري

خلك بصف كاتب بس ترى ماهو فاكك من تحقيق ٍ يبي يجيك عن قريب ههههه

خلف الغريب

كفو ياسنايدي هههههههههه ايه كثر من الملفات

شهادتك محل تقدير واعتزاز يشهد الله يابو خالد ولا عليك زود

تقديري

[سلامة الجعفري]

ابو خالد ننتظر تحقيقك على احر من الجمر

مار عجل تلقا سنعك هههههه

وانت ياكاتب خلك على مبداك سعوط المجانين يحفر عن قبره هههه

التحقيق جاري والنتايج مالها طاري

[كاتب الجعفري]

ياراعي الكرّ صار اطيب لك الفرّي=ماودنا ذبحتك يامحمد الدره
اسبوع كامل وشغلك خري ومرّي=شابت قوافيك لاحلوه ولامرة


يعطيك العافية استمتعنا معك لاهنت

والشكر لكل من تابعنا

[سعوط المجانين]

الله يعافيك

وصح لسانك ولاهنت

تقديري