نافع الاسود حياك الله

[كاتب الجعفري]

كاتب الجعفري


سلام تسليمة اللي مابقلبه غرور=الصدق عنوانها والطيب قانونها
لوان نافع رحل من دور في وسط دور=ماكل من حب ليلى صار مجنونها



نافع الاسود

يامرحبا من بخيص ودارين بالامور=ترحيبت المخلصين اللي اتعرفونها
ماتبني البدو بيت ولاتعمر قصور=الاٍ بعد مايشيب وقتها اعيونها



كاتب الجعفري

دام البقا بك لو ان الليل يجلاه نور= دايم نقول الامانه عند مامونها
الصايم اللى صبر يبغى المسى والفطور= الخوف لو مات و النعمه بماعونها



نافع الاسود


ماضاقت افجوج نجد ولا تضيق الصدور = والناس من خلقت ادم توفي اديونها

لوهي على كيف عباد الصنم والقبور = مكه قبل يرسل محمد يهدونها



كاتب الجعفري

الصبر طيب عسى ربي يعيض الصبور= مار البلا بالصدور ان باح مكنونها
الله لوانا لقينا البيت قبل معمور= لكن خل القدم تمشي على هونها



نافع الاسود

لوان ماني على بعض السوالف غيور = هدمت كل البيوت اللي تعمرونها

ياباشة الروم يامبعوثهم بالنشور = اليا بعثتم على الدنيا تولونها



كاتب الجعفري

لاتذخر الجهد والا اليا بلشت معذور = ليتك على قد كلمات تقولونها
ماانته بصاير يانافع مع طوال الشبور= الا ليا حجة البقرة على قرونها



نافع الاسود
الله كتبلك ياكاتب في زمانك ظهور = لو انت فوق البسيطه مثل ليمونها

حنا وصلنا وجينا وانت مالك حضور = والعوشزه ماندور الظل بغصونها



كاتب الجعفري

مالك مع القوم رايه من قديم العصور= قصرت يمنيك عن النخله وعرجونها
اللي بعمرك طلع لكنك انت معثور= الله يعينك على دنياك وغبونها



نافع الاسود

من جابكم يوم جدك وابو ابوك محشور = ياجاحدين الثنا وشلون تنسونها

منته على سرج خيل ولنت من فوق كور = اليا سحبنا الحصانه وش تسمونها



كاتب الجعفري

الشعر ماهو نسب والي تريد مخبور=يوم انت كالجمره اللي فوق غليونها
مانته براقي جبل مانته بسابح بحور= واليا عطيناك شيله تعرف لحونها



نافع الاسود

انا مسامحك ونته لاتلف وتدور = بعض السواليف تكفى لاتعودونها

ياكاتب اركد وهد ودمكم لايفور = الداب تحت الحصاه ولا تشدونها
[align=center]

[نافع الاسود]

كاتب انت موجود الان

[سعوط المجانين]

الله الله عليكم صح لسانك ياكاتب وبدعه طيبه ورد طيب من شاعر جزل لاهنتو وانا متابع وماسك لكم الصفوف

[جبار بن عابر]

متابع


يعطيكــــم العافيه شباب

[الصقار]

الييييييييييييييييييييل --
الصايم اللى صبر يبغى المسى والفطور
الخوف لو مات و النعمـه بماعونهـا

نافع الاسود

كاتب الجعفري

شعار من الوزن الثقيل

الله معكم وااااااصلو

[خلف الغريب]

نافع وكاتب ..

ابداع في ابداع ..

اعتقد سنعيش ملعبة فريدة من نوعها ...

انا بصف نافع ولا يهون اخوي كاتب ..

[كاتب الجعفري]

الجميع لاهنتوا على المرور

وبما ان نافع موجود الان نبيها مباشره

[نافع الاسود]

سعوط المجنين



يزن علا
ابن هندي

خلف الغريب

شاكرن ومقدر لكم
هذا المرور والكلمات الراقيه
فشكرا لكم من القلب الى القلب
فحياكم الله في اي مكان وزمان


تحياتي وتقديري

[نافع الاسود]

الجميع لاهنتوا على المرور

وبما ان نافع موجود الان نبيها مباشره


حياك الله اخي كاتب

واسف على التأخير


ولك ماطلبت نبدأمباشر



تحياتـــــــــــي

[سلامة الجعفري]

كاتب الجعفري

نافع الاسود

متابعين

امتعونا

[نافع الاسود]

حياك الله
اخي وصديقي


سلامه الجعفري

فأهلا بك وبمتابعتك


تحياتـــــــــــــــــــــــــــــــــــــــــــــ ـــــي

[نافع الاسود]

اليل ياكاتب

سرعة الرد مطلوبه بالمحاوره

[كاتب الجعفري]

الرد موجود ربما انك لم تنتبه

[نافع عيد الجديد]

شعراء مبدعين لاهنتوا جميعا


لوان ماني على بعض السوالف غيور
هدمت كل البيوت اللـي تعمرونهـا
ياباشة الـروم يامبعوثهـم بالنشـور
اليا بعثتـم علـى الدنيـا تولونهـا


صح السانك ياسمي

[نافع الاسود]

حياك الله
يابن عيد

شرفتنا بهذا الحضور المشرق


تحياتي لك

[سعوط المجانين]

الله الله


صح لسانك يانافع وياكاتب وعزالله ابدعتوا

[كاتب الجعفري]

الشكر للجميع على المرور الذي اسعدنا وشرفنا


تقديري للجميع

[نافع عيد الجديد]

ابداع في ابداع

لاهنتوا جميعا

[كاتب الجعفري]

يعطيك العافيه اخوي نافع وكما قلت هي شعر فقط ولاتمس الاشخاص

وانت انسان عزيز وشاعر قدير يستفاد منه


شكري لجميع الاخوان الذين مروا واتحفونا بمرورهم فلهم كل التقدير والاحترام

محبتي وتقديري للجميع

[سلامة الجعفري]

شكرا للشاعر ين وانا سوف انسق المحاورة في البداية

[خلف الغريب]

عز الله كما توقعت ..

محاورة نارية والسبب شاعرين كبيرين ...

دمتم مبدعين..

[فهد الشافي]

محاورة مميزة بابيات رائعة

للشاعرين الشكر والتقدير

تحياتي

[سعود المسعودي]

شعراء مبدعين لاهنتوا جميعا