لغز التحدي من يحله

[نافع عيد الجديد]

انشدك عن هرش والاسدس والا حاشي
رخـــوالشـــواكل مانبتله وبـــــر
وانشـــدك عـــن ثلاث ايـــبوس
وانشدك عن مره تلاعب ذكر حالة المره ولقح الذكر


هذا اللغز صاحبه ان لم تخني الذاكره هو التبيناوي احد كبار شعارقبيلة شمر طرحه على احد شعار قبيله اعنزه امام احد شيوخ شمر وهدفه التحدي وقام الشاعر العنزي بحله بنفس الوقت وحصل على الجائزه التي وضعها الشيخ الشمري

[هبوب العنزي]

هبوووب<<ابطت عليكي تحلينه انقلعي:sm15:

[سعود المسعودي]

جاري--------------------------- التفكير

[سليمان الجعفري]

استفسارالاخ العزيز/ نافع الجديد

هل اللغز يخص حاله واحده او مقسم الى ثلاثة اقسام
مثل :

1- انشدك عن هرش والاسدس والا حاشي = رخـــوالشـــواكل مانبتله وبـــــر

2- وانشـــدك عـــن ثلاث ايـــبوس

3- وانشدك عن مره تلاعب ذكر حالة المره ولقح الذكر

هل الحل يخص شي واحد او ثلاثة اشيا مثل ماذكرت انا سابقاً

امل التوضيح

ولك تحياتي

[نافع عيد الجديد]

استفسارالاخ العزيز/ نافع الجديد

هل اللغز يخص حاله واحده او مقسم الى ثلاثة اقسام
مثل :

1- انشدك عن هرش والاسدس والا حاشي = رخـــوالشـــواكل مانبتله وبـــــر

2- وانشـــدك عـــن ثلاث ايـــبوس

3- وانشدك عن مره تلاعب ذكر حالة المره ولقح الذكر

هل الحل يخص شي واحد او ثلاثة اشيا مثل ماذكرت انا سابقاً

امل التوضيح

ولك تحياتي

الاخ العزير سليمان الجعفري
الله يحييك
اللغز فعلا ثلاثة الغاز في لغز واحد اي له ثلاثة حلول

[سليمان الجعفري]

على العموم انا عندي محاولة عساء ان تكون صحيحه

1- انشدك عن هرش والاسدس والا حاشي = رخـــوالشـــواكل مانبتله وبـــــر

ربما يكون (الضب)

3- وانشـــدك عـــن ثلاث ايـــبوس

ربما تكون الهوادي (هوادي القدر)

2- وانشدك عن مره تلاعب ذكر حالة المره ولقح الذكر

ممكن يكون( الممخض) التي تلاعبه المرة ولقح بازبده

[نافع عيد الجديد]

على العموم انا عندي محاولة عساء ان تكون صحيحه

1- انشدك عن هرش والاسدس والا حاشي = رخـــوالشـــواكل مانبتله وبـــــر

ربما يكون (الضب)

3- وانشـــدك عـــن ثلاث ايـــبوس

ربما تكون الهوادي (هوادي القدر)

2- وانشدك عن مره تلاعب ذكر حالة المره ولقح الذكر

ممكن يكون( الممخض) التي تلاعبه المرة

ولقح بازبده

صح السانك يالذيب

اما رد الشاعر العنزي فقد اتى كاالتالي

كان ماهرشك اللي سدس اوحاشي = رخو الشواكل مانبتله وبر
ابو حمد عاتي وثم عاتي = جاله براس حيد شديد واحتفر (قصده الضب)
اما الثلاث الايبوس طيرن انفوس طارن على اعظام صادراتي (قصده ثلاث بيظات طير)
اما المره اللي تلاعب ذكر حالة المره ولقح الذكر المره واسقاها والزبده البيظاء ماعندي غيرها خبر(قصده الصميل والزبده)

الف شكر لك تحياتي للجميع

[بندر البجيدي]

شكراً لك يانافع على ايراد هذا اللغز ...

وسالفته : أن مريبد العدواني غزى على ابو شويربات
من مطير وخذى نياقه .. وبعدها راح ابو شويربات شكى
لمحمد بن رشيد على مريبد بإنه يرجّع النياق .. لانه عيّا مريبد عليه ..
ويوم استدعى ابن رشيد بـ مريبد .. ورحب به .
وجلّسه بجنبه ... دري ابو شويربات ان مريبد غالي عند ابن رشيد .
وقال ابقول هاللغز . وان حليته يامريبد لك النياق مابيهن .
وان ماحليته ترجّع لي نياقي .. قال تم .
وقال ابو شويربان اللغز ... ويوم حل اللغز مريبد ..
قال : اهب ... قال مريبد : يهبا انت وانا اخو هيا
( اللي خليتك تقص نياقك بعيالهن مثل عميان المسجد )
قال ابن رشيد : خلاص يبو شويربات .. اللي تبيه خذه من نياقي انا
مالك طلابه عند مريبد ... وانتهت على كذا ..

[عبدالله مقبل]

مشكور اخوي نافع على هاللغز وطرحه خصوصا وانه يعتبر موروث جميل

وصح لسانك اخوي سليمان الجعفري كفو يالذيب

والشكر موصول للاخ بندر اللي اورد لنا السالفه


تحياتي للجميع