موال وبيتين بعد استلام الاشراف والطارف سديد

[سلامة الجعفري]

سلام مني على ربعي رجال اللزوم= عداد مايبرق البراق بين الغيوم
يالله عساني من اللي بالمهمه يقوم= والارض يجبالها والدار برجالها



سلام مني على ربعي كعام الطليب = اقولها والعرب مبطي يقولونها
يالشاعر الي تودي علم والا تجيب=نبغى السوالف معك ينباح مكنونها

[سعود المسعودي]

سلامه
صح لسانك ومبروك مهمة الاشراف

وتستاهل كل خير

[سعوط المجانين]

يامرحبا بالعميل اللي عطوه الوسام = ماعطوه الا لأنه رجل قد المهام

وانته مقامك كبير ونظرتك للامام = الارض بجبالها والدار برجالها



يامرحبا بالعميل اللي ترشح نقيب = سر المعاني يابن عمي على هونها

اصعد براس الجبل لاتنزل امع الشعيب = والكلمه الثانيه مالوني بلونها

[الصقار]

صح لسانك مشرفنا العزيز سلامه والى الامام والف مبروك

وصح لسانك ياسعوط المجانين

رائعين-----كما عوتمونا الله يعطيكم العافيه

متااااااااااااابع

[نافع عيد الجديد]

صح لسانك مشرفنا الغالي سلامه والى الامام والف مبروك الاشراف وتستاهل

وصح لسانك ياسعوط المجانين

شعراء مبدعين

وتراي بين الصفين

[سلامة الجعفري]

دام البقا والنشاما ماعليهم قصور= وانته بعد تصلح تسلم زمام الامور
لو انك احيان رجال ٍ تلف وتدور= والارض بجبالها والدار برجالها


دام البقا واعرف ان الطيب يجزى بطيب = والا الامانه تراها عند مامونها
مانته من اللي طريقه فيه شك ٍ وريب = وش فيك عودت جمره فوق غليونها

[سلامة الجعفري]

اشكر جميع المتابعين بدون تخصيص

لهم جزيل الشكر

[سعوط المجانين]

الله يعزك ولكن لاتضيع الحقوق = انا رجل ماألف وفي حياتي صدوق

ليش التهم وانت رجال ٍ حبيب وخلوق = الارض بجبالها والدار برجالها



من بعد جساس ماخان برفيقه كليب = رحل كليب ولقى له دار من دونها

انا احسب انك لبيب آثرك منته لبيب = مير انتبه للذياب السحم وسنونها

[سعوط المجانين]

ابن هندي , نافع الجديد , سعد النفج

لاهنتم على المرور وصحة ابدانكم

[سعوط المجانين]

تعديل البيت


انا احسبك لبيب آثرك منته لبيب = مير انتبه للذياب السحم وسنونها

[هندي المقبل]

مـــــــتابع

عساكم سالمين جميعا

[سليمان الجعفري]

الله لايهينكم

سلامه الجعفري

سعوط المجانين

صح السنتكم جميعاً

وانا تراني داخل الصف

[هبوب العنزي]

:more45:<<هبوووب تمر من جمب الصفوف بسيارتها وتناظر

[سلامة الجعفري]

الصدق طيب وبين الناس راعيه زين =وانا ماحطك يسار القوم والا يمين
لكن ليا انك زعلت ابشر بسمن وسمين = والارض بجبالها والدار برجالها



ناس ٍ بليا نصيب وناس تلقا نصيب = خلك بشونك وخل الناس في شونها
اللي يوصف علاج الجرح عند الطيبب= ملقوف واهل اللقافه مايخلونها

[سعوط المجانين]

انته علومك تجي من كل حدب ٍ وصوب = احيان تهرج شمال احيان تهرج جنوب

مير اعتنز بي ليا ضاقت عليك الدروب = والارض بجبالها والدار برجالها





مانرجي المد غير امن السميع الرقيب = يوم اكثر الناس بعض الناس يعطونها

انته طبيب وجروحك من سنه ماتطيب = ياوجد حال العلوم اللي تقولونها

[خلف الغريب]

الله على الابداع ..

صح لسانك اخوي سلامة ومبروك الاشراف وتستاهل يا بعدي بس انتبه من سعوط المجانين تراه بلشة الله يامنك ..

الف صح لسانك يا سعوط المجانين وعز الله انك مبدع ..

طارووووق كاااااااااايف ولا زلنا بشوق للمتابعة ..

وااصلواااااااااااا..

[تركي صالح]

سلمتوا على هذا الابداع

وترونا متابعين بحماااااااااااااااااااااس

الله يقويكم

[رابح الغضيان]

الله الله على الابداع

شي جميل ورائع

عساكم ع القوهـ

متابع بس عالفرشه مو بالسيارة زي هبوب

[حمد الخمعلي]

سلامه الجعفري
مبروك على الشراف اولا

سعوط المجانين

صح الله السنتكم0