سليمان الجعفري
31/12/08, (11:53 PM)
الشاعر الكبير بندر بن سرور العتيبي (اسطورة عتيبه )
هو: بندر بن سرور بن خضير العتيبي ولد وترعرع في القراره بمدينه الدوادمي
سنه 1360هجري توفي والده وهو صغيرالسن وعاش مع عمه بعد زواج والدته من رجل اخر.
عاش الحرمان منذ صغره وربما هو السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء الحرب
وتهديدات عبد الكريم قاسم حتي وصل الى رتبه عريف في الجيش
قال بيت له عندما اتاه احد الدائنين يطالبه بماله
الدين واجد و الوظايف تعيسة = والعسكرية خلت الراس شايب
من اشهر قصائد بندر ابن سرور علي الاطلاق والتى يرددها الجميع ( ياسخيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر
وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك
وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج
واخذت كلمتها تلك موقعٍ من الاسيءفي نفسه وكان بندر معروف لدي الجميع وقد انشد قصيدته تلك
ياسخيف الذرعان مانيب مرجوج = رجتني الأيام غدر وحيله
والله يالولا اللي على تاسع الفوج = لاكب نجد وعزوة بالقبيلة
لاشك حاديني على نجد هادوج = مسقي الفيافي لين يدرج مسيله
تركي ليا من الليلي غدت عوج = حملة عتيبة كلها ماتشيلـــه
يرسي كما ترسي البواخر على الموج = ومنين ماهب الهواء ترتكيله
مادام تركي حي ماودي أدوج = وإن غاب غبت من الرجوم الطويلة
وله بيت يؤكد ما قيل عنه
أنااليا مني نويت أفتل البيت = فتلت والشعاري ما ينقضونه
وله قصيده مشهور ايضا قالها عندما كان في الامارات وهي طويله لكم منها تلك الابيات:
متى يجي في نجد بعض التدابير= حتى يجي للصابرين انفراجي
يالله ثبتني على الارض لااطير = لين اشرب الشاهي واكل علاجي
ويامنير خذ الفرت واخذ الفواتير = واحرص عليه ودخله بالكراجي
ان كان يبغى بنزين كبر مواصير = وان كان يبغى نار غير بواجي
واليا استعد وصخر البعد تصخير = تصخير شيهانن لفرخ الزراجي
عده على اللي مايعد المخاسير = وركز عمدان الخشب للنعاجـــــي
ثم قل لبو ماجد ترى وقتنا غير = واتبدلت سحب المطر بالعجاجــي
من قصايد بندر بن سرور (في الصبر)
أنا الذي ما ابدي على الناس سرّي = من خوف سودان الوجيه الغضيبه
أصبر على ظيم الدهر و التعرّي = من شان من يرضى عليّ الغليبة
و ابعد مجالي عن عيال التزرّي = من لا هوى قلبي دواه المغيبة
واخاف لي من مجلسٍ ما يذرّي = في جانبه بومٍ حساسه صليبه
و سوالفٍ مابين بحث و تحرّي = يجرح فؤادي فيّه اوابتلي به
يرضيني المقسوم خيري و شري = سبحان من لا تعلم الناس غيبه
أحدٍ على ربعه يحب التحري = للشر بلاس و خيره بجيبه
هذاك يالربع انا منه متبرّي = لو عضّني ناب الدهر ما انتخي به
من خوف يضحك لي وهو يستغرّي = يفتل حبال السّوْ ما يندري به
يفرح عليّ بكل شيٍّ يمرّي = وان شاف يمّي خير عنّي نهيبه
من قصايد بندر بن سرور :
الا ياوجودي وجد من صك دونه الباب = بقفل اعجمي مغلقات مساميره
عَدَو به على اللي كنه النسر بالمرقاب = على الجمس الأصفر كاملات شراشيره
معه فرت خمسة طن ياخذ مية ركاب = من المال عيّن ينقلنّه تغاييره
دخل هو و حِمله للحكومة بغير حساب = و راعيه عشر سنين و يعاد تقريره
على اللي كواني كيّة العظم بالمشهاب = على أقصى عراوِ القلب محمي مناشيره
عشيري ورا الكوده وانا من ورا مشعاب = بعيد قريب تعيب يا هون تيسيره
ولا يوصله كود " فرت " عليه اسطاب = ليا حاسب السوّاق تقدح مواخيره
صنايع بياطير الكفر لابسين الكاب = عصاة اليهود اللي مشاريبها البيرة
ألا يا نديبي فوق فرتٍ ورد من شرق = على راس قيره للعليمي تعاشيقه
من الوارد اللي جمركه عند راعي عرق = على المطرق مجبور ياخذ قماريقه
ومن قصايد بندر بن سرور :
من بلاد الشام جينا بالمكينة = فوق فرتٍ ما تخثع بالطماني
يحتدي مثل الجمل تسمع رطينه = مع طمان القاع مثل الثعلباني
والشـُفير من المدارس مطلعينه = عن ظلام الليل شب الكهرباني
كل ما جاه تل يلعن والدينه = باليمين اللي على كل اليماني
ما تجيه يسار رجله شوف عينه = غير يسرى الطار شيٍّ بالاماني
يوم قال له الخوي عاشت يدينه = شد رجله للكمك واحد و ثاني
يالله انك تنصره من نصر دينه = إن عطى له مع غبا ولا بياني
قلت يالمطنوخ أنا عيني حزينه = من شراب اللف أبيه و عنك كاني
قد رمى بالكيس قدمي قال وينه = دوك ما بالجيب عن شيٍ لهاني
قلت ثالث قال يالله لا تهينه = قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة = قال لي من يرحم القاسي لياني
قلت والله يرحمونه صانعينه = قد زعلت من اللهيب اللي حداني
قال ما ناثق بمن هم متقنينه = عن مشاور غير عرفي قد كفاني
قاطع عرقين مادري وين وينه = قد وصلت الأرض واسمع صوت ثاني
قلت دوك اللف خابوا شاربينه = غطّني عن شوف شي ما خفاني
وله ايضا
راكب اللي مخ ساقه خنازيروهوا = أشهب في مقدمه بارقين وعكس تاج
متر في مترين مستبرم كله سوا = حايفه حطاب ما سمكره راعي الكراج
إن نعشته بالثلاثة مع اللفة عوا = عوي ذيب محتدينه مربية النعاج
ثابت ما يختلف كلما لف إنزوا = و ارتفع ثم ارتخى مثل طايرة المراج
كن ضرب المرو في الويل قدام وورا = ضرب هملول البرد و ان تقفاه العجاج
منوة اللي مشفقن لهله و لهم نوا = من بعد طول المسافة يبي فلّة الحجاج
من قصايد بندر بن سرور:
القصيده هذي جبل من المعاني والمفردات والحكم والعبر
يالله يا جال الأمور المهمة = تجلى وهق قلب برى حال راعيه
البر دجته و البحر رحت يمّه = أدرج سبب حظ على الله مساعيه
يوم إن ولد اللاش رزقه على أمه = رزقي على اللي ميّت القشع يحييه
ماني وانا بندر ببياع دمه = يقطعك يا بيّاع دمّه و مهفيه
اللي يبيّع لابسات الأزمه = ثور يبي بيض العماهيج تغنيه
يزعل ليا جت ليلة الدور يمّه = يرضى بسوق المال بأخيه
و أبيه خطو البخيل اللي يكبّر معمه = يقرا الكتاب و واجب الله مخليه
أما هرج له في رفيقه بنمّه = والا عطا و أمه تضيّع هقاويه
يا مل قلب كل ما مات همّه = دارت دواليب الدهر لين تحييه
فرّاق شمل الناس عيّا يلمه = وقتن يشيب الراس من شاية فيه
أحدن ينام و حط راسه بكمه = و أحد تخم النوم عينه و تخطيه
و أحدن يحاول بالردى بنت عمه = و أحدن يحاول ستر عذرا عوانيه
تخالف الأنظار شرقن و يمّه = كلٍ هدف رايه من الناس مرضيه
أنشدك ياللي كل شي تتمه = تقرا الكتاب كل فرض تصليّه
ويش القليب اللي عميق مجمّه = ما سرّ غرسه ماه عطشى سوانيه
سم السبب يا عارفن عنه سمه = سم السبب يا عارفه قبل اسميه
وله ايضا بالحكمه
والله يا لا لا كلمة قيل ذلّيت = لاترك مقاصى اللاش نقص ومهونة
لا شك ضرّاب المثل به تقدّيت = من حرّك المجنون ناطح جنونه
ومن قصايده
يا رشيد يوم أتعبتني بالتناشيد = خذ لك من الدرويش زبدة قصيده
ليا عبدت الله ولا أشركت تعبيد = ترى محمد صفوة الخلق سيده
و ترى أبرك الحاجات يوم صدف عيد = جمعة اسبوع و صادفت يوم عيده
و اذكر لك الاجواد صد وصواميد = و ؟؟؟؟؟ لا صدت ولا من صميده
و اذكر لك اقشر ما على السيد و البيد = اللي طمع بنت القصير الحديده
فضح قصيره عنده انه كسب فيد = سولف بها للناس خطو البليدة
سولف بجرحٍ ما لجرحه تضاميد = زوّد لجرحه جرح ينزف صديده
ليا وطاك اللي وطاني تراديد = رد السؤال ولا تخبر بريده
اضرب ثلاث بعشر و اجمع تفاريد = و فرق على العشر القليد بقليده
واللي بقى لو تفرقه للمواديد = كم تفرقه بين الوديد و وديده
أنا الذي قد مرني سلك تجنيد = خدمت علم به سنيناً عديده
مرحول هم و كل شي له أجيد = اجيد زين و شين و الهم اصيده
اسمع صرير القلب بين الجواريد = حدّنه الاضلاع واسمع صريده
صرير فرخ حده اقطم صواريد = اول طرد قرناس ثاني حريده
هذا و انا شفت الوزاء والتزاهيد = لا اقول حي ولا تحت قبر ريده
والله ما أهني قاضي العمر ترغيد = ابن اللئيم اللي حياته رغيده
أهنّي القلب الخطا بالمراقيد = و ضب الخلا لو ياكل رديده
وله ايضا:
ما يطلع القرناس من عش بطّه = و الجبو ما يحيي النوامي شفيطه
ليا صار من ربعك اقيشر ونِطّة = هزّ المحالة لين يفرط شريطه
تراه ما ينفع عساها تلطّه = خيال دجل ومثل عنزٍ ربيطه
وسأذكر لكم احدى قصائده الجميله التي وصف بها الجمس
وله ايضا
يأهل الونيت اللي على دنقله ميم = نقل الرياض الخط ماتوصلونه
مارهموا له في الكراجات ترهيم = ولا قد فك ايديتره ينفخـونـه
صناعته مخطين ملة ابراهيم = حمران روم ولونهم زي لونه
امل ان شاء الله اني ماطولت عليكم
وان موضوعي اعجبكم
وسلامتكم
هو: بندر بن سرور بن خضير العتيبي ولد وترعرع في القراره بمدينه الدوادمي
سنه 1360هجري توفي والده وهو صغيرالسن وعاش مع عمه بعد زواج والدته من رجل اخر.
عاش الحرمان منذ صغره وربما هو السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء الحرب
وتهديدات عبد الكريم قاسم حتي وصل الى رتبه عريف في الجيش
قال بيت له عندما اتاه احد الدائنين يطالبه بماله
الدين واجد و الوظايف تعيسة = والعسكرية خلت الراس شايب
من اشهر قصائد بندر ابن سرور علي الاطلاق والتى يرددها الجميع ( ياسخيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر
وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك
وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج
واخذت كلمتها تلك موقعٍ من الاسيءفي نفسه وكان بندر معروف لدي الجميع وقد انشد قصيدته تلك
ياسخيف الذرعان مانيب مرجوج = رجتني الأيام غدر وحيله
والله يالولا اللي على تاسع الفوج = لاكب نجد وعزوة بالقبيلة
لاشك حاديني على نجد هادوج = مسقي الفيافي لين يدرج مسيله
تركي ليا من الليلي غدت عوج = حملة عتيبة كلها ماتشيلـــه
يرسي كما ترسي البواخر على الموج = ومنين ماهب الهواء ترتكيله
مادام تركي حي ماودي أدوج = وإن غاب غبت من الرجوم الطويلة
وله بيت يؤكد ما قيل عنه
أنااليا مني نويت أفتل البيت = فتلت والشعاري ما ينقضونه
وله قصيده مشهور ايضا قالها عندما كان في الامارات وهي طويله لكم منها تلك الابيات:
متى يجي في نجد بعض التدابير= حتى يجي للصابرين انفراجي
يالله ثبتني على الارض لااطير = لين اشرب الشاهي واكل علاجي
ويامنير خذ الفرت واخذ الفواتير = واحرص عليه ودخله بالكراجي
ان كان يبغى بنزين كبر مواصير = وان كان يبغى نار غير بواجي
واليا استعد وصخر البعد تصخير = تصخير شيهانن لفرخ الزراجي
عده على اللي مايعد المخاسير = وركز عمدان الخشب للنعاجـــــي
ثم قل لبو ماجد ترى وقتنا غير = واتبدلت سحب المطر بالعجاجــي
من قصايد بندر بن سرور (في الصبر)
أنا الذي ما ابدي على الناس سرّي = من خوف سودان الوجيه الغضيبه
أصبر على ظيم الدهر و التعرّي = من شان من يرضى عليّ الغليبة
و ابعد مجالي عن عيال التزرّي = من لا هوى قلبي دواه المغيبة
واخاف لي من مجلسٍ ما يذرّي = في جانبه بومٍ حساسه صليبه
و سوالفٍ مابين بحث و تحرّي = يجرح فؤادي فيّه اوابتلي به
يرضيني المقسوم خيري و شري = سبحان من لا تعلم الناس غيبه
أحدٍ على ربعه يحب التحري = للشر بلاس و خيره بجيبه
هذاك يالربع انا منه متبرّي = لو عضّني ناب الدهر ما انتخي به
من خوف يضحك لي وهو يستغرّي = يفتل حبال السّوْ ما يندري به
يفرح عليّ بكل شيٍّ يمرّي = وان شاف يمّي خير عنّي نهيبه
من قصايد بندر بن سرور :
الا ياوجودي وجد من صك دونه الباب = بقفل اعجمي مغلقات مساميره
عَدَو به على اللي كنه النسر بالمرقاب = على الجمس الأصفر كاملات شراشيره
معه فرت خمسة طن ياخذ مية ركاب = من المال عيّن ينقلنّه تغاييره
دخل هو و حِمله للحكومة بغير حساب = و راعيه عشر سنين و يعاد تقريره
على اللي كواني كيّة العظم بالمشهاب = على أقصى عراوِ القلب محمي مناشيره
عشيري ورا الكوده وانا من ورا مشعاب = بعيد قريب تعيب يا هون تيسيره
ولا يوصله كود " فرت " عليه اسطاب = ليا حاسب السوّاق تقدح مواخيره
صنايع بياطير الكفر لابسين الكاب = عصاة اليهود اللي مشاريبها البيرة
ألا يا نديبي فوق فرتٍ ورد من شرق = على راس قيره للعليمي تعاشيقه
من الوارد اللي جمركه عند راعي عرق = على المطرق مجبور ياخذ قماريقه
ومن قصايد بندر بن سرور :
من بلاد الشام جينا بالمكينة = فوق فرتٍ ما تخثع بالطماني
يحتدي مثل الجمل تسمع رطينه = مع طمان القاع مثل الثعلباني
والشـُفير من المدارس مطلعينه = عن ظلام الليل شب الكهرباني
كل ما جاه تل يلعن والدينه = باليمين اللي على كل اليماني
ما تجيه يسار رجله شوف عينه = غير يسرى الطار شيٍّ بالاماني
يوم قال له الخوي عاشت يدينه = شد رجله للكمك واحد و ثاني
يالله انك تنصره من نصر دينه = إن عطى له مع غبا ولا بياني
قلت يالمطنوخ أنا عيني حزينه = من شراب اللف أبيه و عنك كاني
قد رمى بالكيس قدمي قال وينه = دوك ما بالجيب عن شيٍ لهاني
قلت ثالث قال يالله لا تهينه = قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة = قال لي من يرحم القاسي لياني
قلت والله يرحمونه صانعينه = قد زعلت من اللهيب اللي حداني
قال ما ناثق بمن هم متقنينه = عن مشاور غير عرفي قد كفاني
قاطع عرقين مادري وين وينه = قد وصلت الأرض واسمع صوت ثاني
قلت دوك اللف خابوا شاربينه = غطّني عن شوف شي ما خفاني
وله ايضا
راكب اللي مخ ساقه خنازيروهوا = أشهب في مقدمه بارقين وعكس تاج
متر في مترين مستبرم كله سوا = حايفه حطاب ما سمكره راعي الكراج
إن نعشته بالثلاثة مع اللفة عوا = عوي ذيب محتدينه مربية النعاج
ثابت ما يختلف كلما لف إنزوا = و ارتفع ثم ارتخى مثل طايرة المراج
كن ضرب المرو في الويل قدام وورا = ضرب هملول البرد و ان تقفاه العجاج
منوة اللي مشفقن لهله و لهم نوا = من بعد طول المسافة يبي فلّة الحجاج
من قصايد بندر بن سرور:
القصيده هذي جبل من المعاني والمفردات والحكم والعبر
يالله يا جال الأمور المهمة = تجلى وهق قلب برى حال راعيه
البر دجته و البحر رحت يمّه = أدرج سبب حظ على الله مساعيه
يوم إن ولد اللاش رزقه على أمه = رزقي على اللي ميّت القشع يحييه
ماني وانا بندر ببياع دمه = يقطعك يا بيّاع دمّه و مهفيه
اللي يبيّع لابسات الأزمه = ثور يبي بيض العماهيج تغنيه
يزعل ليا جت ليلة الدور يمّه = يرضى بسوق المال بأخيه
و أبيه خطو البخيل اللي يكبّر معمه = يقرا الكتاب و واجب الله مخليه
أما هرج له في رفيقه بنمّه = والا عطا و أمه تضيّع هقاويه
يا مل قلب كل ما مات همّه = دارت دواليب الدهر لين تحييه
فرّاق شمل الناس عيّا يلمه = وقتن يشيب الراس من شاية فيه
أحدن ينام و حط راسه بكمه = و أحد تخم النوم عينه و تخطيه
و أحدن يحاول بالردى بنت عمه = و أحدن يحاول ستر عذرا عوانيه
تخالف الأنظار شرقن و يمّه = كلٍ هدف رايه من الناس مرضيه
أنشدك ياللي كل شي تتمه = تقرا الكتاب كل فرض تصليّه
ويش القليب اللي عميق مجمّه = ما سرّ غرسه ماه عطشى سوانيه
سم السبب يا عارفن عنه سمه = سم السبب يا عارفه قبل اسميه
وله ايضا بالحكمه
والله يا لا لا كلمة قيل ذلّيت = لاترك مقاصى اللاش نقص ومهونة
لا شك ضرّاب المثل به تقدّيت = من حرّك المجنون ناطح جنونه
ومن قصايده
يا رشيد يوم أتعبتني بالتناشيد = خذ لك من الدرويش زبدة قصيده
ليا عبدت الله ولا أشركت تعبيد = ترى محمد صفوة الخلق سيده
و ترى أبرك الحاجات يوم صدف عيد = جمعة اسبوع و صادفت يوم عيده
و اذكر لك الاجواد صد وصواميد = و ؟؟؟؟؟ لا صدت ولا من صميده
و اذكر لك اقشر ما على السيد و البيد = اللي طمع بنت القصير الحديده
فضح قصيره عنده انه كسب فيد = سولف بها للناس خطو البليدة
سولف بجرحٍ ما لجرحه تضاميد = زوّد لجرحه جرح ينزف صديده
ليا وطاك اللي وطاني تراديد = رد السؤال ولا تخبر بريده
اضرب ثلاث بعشر و اجمع تفاريد = و فرق على العشر القليد بقليده
واللي بقى لو تفرقه للمواديد = كم تفرقه بين الوديد و وديده
أنا الذي قد مرني سلك تجنيد = خدمت علم به سنيناً عديده
مرحول هم و كل شي له أجيد = اجيد زين و شين و الهم اصيده
اسمع صرير القلب بين الجواريد = حدّنه الاضلاع واسمع صريده
صرير فرخ حده اقطم صواريد = اول طرد قرناس ثاني حريده
هذا و انا شفت الوزاء والتزاهيد = لا اقول حي ولا تحت قبر ريده
والله ما أهني قاضي العمر ترغيد = ابن اللئيم اللي حياته رغيده
أهنّي القلب الخطا بالمراقيد = و ضب الخلا لو ياكل رديده
وله ايضا:
ما يطلع القرناس من عش بطّه = و الجبو ما يحيي النوامي شفيطه
ليا صار من ربعك اقيشر ونِطّة = هزّ المحالة لين يفرط شريطه
تراه ما ينفع عساها تلطّه = خيال دجل ومثل عنزٍ ربيطه
وسأذكر لكم احدى قصائده الجميله التي وصف بها الجمس
وله ايضا
يأهل الونيت اللي على دنقله ميم = نقل الرياض الخط ماتوصلونه
مارهموا له في الكراجات ترهيم = ولا قد فك ايديتره ينفخـونـه
صناعته مخطين ملة ابراهيم = حمران روم ولونهم زي لونه
امل ان شاء الله اني ماطولت عليكم
وان موضوعي اعجبكم
وسلامتكم