يا عيـــــــد كن الــقـلب

[المطرفي]

السلام عليكم ورحمة الله وبركاته


اهدي هذه الابيات لأيديكم الطاهر أولاً


ومن ثم اسندها للأخ العزيز


عيد المطرفي،
،
،
،


يا عيد كن القلب وسطه قذايف = قذايف(ن) تصلاه من عدة أيام
وكن الحشاء وسطه سيوف(ن) رهايف = من تضربه ياعيد يشراله الخام
بأسباب من قرنه سوات السفايف = من هامته كالموج ضافي للأقدام
واليا انتثر قرنه تشاف الكلايف = طوله ولونه للمشاشيط لطام
والعين عين اللي مع الجو طايف = طير(ن) وحش ما ساومه كل سوام
اليا سمع صوت(ن) زبن راس نايف = عوايده يظلم ولاهوب منظام
والعنق عنق الريم والخصر هايف = وبيض الثنايا كنها بروحي سهام
مثل اللهب بالعين حمر الشفايف = من دونها ياخوك طير الهوى حام
وليا مشى كنه من القاع خايف = خايف خشاش القاع يوذيله بهام
أدعج غنج يزهاه لبس الغدايف = زينه للزين الخلق بالعون هدام
ماله حلين مع جميع الطوايف = يقوله اللي جفنه اليوم مانام
لو جن بنات الكون يمشن ردايف = عن غيرها قلبي قطع دينه وصام
وختامها ياللي للأحوال شايف = يا مقدي(ن) خطوات عبدك ليا هام
طالبك أنا عفوك نهار الحسايف = يا غافر الزلات ما غيركم دام


والعذر كل العذر للغياب الحاصل

اخوكم

المطرفي

[بندر المطرفي]

السلام عليكم ورحمة الله وبركاته


اهدي هذه الابيات لأيديكم الطاهر أولاً


ومن ثم اسندها للأخ العزيز


عيد المطرفي،
،
،
،


يا عيد كن القلب وسطه قذايف = قذايف(ن) تصلاه من عدة أيام
وكن الحشاء وسطه سيوف(ن) رهايف = من تضربه ياعيد يشراله الخام
بأسباب من قرنه سوات السفايف = من هامته كالموج ضافي للأقدام
واليا انتثر قرنه تشاف الكلايف = طوله ولونه للمشاشيط لطام
والعين عين اللي مع الجو طايف = طير(ن) وحش ما ساومه كل سوام
اليا سمع صوت(ن) زبن راس نايف = عوايده يظلم ولاهوب منظام
والعنق عنق الريم والخصر هايف = وبيض الثنايا كنها بروحي سهام
مثل اللهب بالعين حمر الشفايف = من دونها ياخوك طير الهوى حام
وليا مشى كنه من القاع خايف = خايف خشاش القاع يوذيله بهام
أدعج غنج يزهاه لبس الغدايف = زينه للزين الخلق بالعون هدام
ماله حلين مع جميع الطوايف = يقوله اللي جفنه اليوم مانام
لو جن بنات الكون يمشن ردايف = عن غيرها قلبي قطع دينه وصام
وختامها ياللي للأحوال شايف = يا مقدي(ن) خطوات عبدك ليا هام
طالبك أنا عفوك نهار الحسايف = يا غافر الزلات ما غيركم دام


والعذر كل العذر للغياب الحاصل

اخوكم

المطرفي





على الهقوة ياخال ابوي




صح لسانك




دمت فخرا لنا




بناخيك
بندر المطرفي
14/7/2005

[مزيد المزيد]

هلابك يالمطرفي

ونعم بك وبمن اسندت له

سلمت يمينك وقصيده جميله تحمل الكثير من المعاني الجميله

وصح لسانك واتمنى ان لايطول غيابك علينا

دمت بكل خير

[محمد المقبل]

الاخ الفاضل المطرفي

صح لسانك على هذه القصيده التي تحمل الكثير من المعاني

وهي قصيده جميله سلمت يمينك ولاهنت على نشرها هنا

ودمت بكل خير

[هندي المقبل]

المطرفي ..............>>>>>>>>>>>>>> صح الله لسانك

قصيده رائعه بمعانيها واسلوبها تستحق الاشاده

نشكرك على طرحها لنا في هذا المنتدى

.......>>>>>>>> اسجل اعجابي بها

ونتمنى ان نرى رد عيد المطرفي عليها في هذا المنتدى
7
ودمت بكل خير

[فهد الخدلي الفدعاني]

المطرفي صح الله لساااااااااااااااااااانك

ولاهنت على هذه القصيده الرائعه

احترامي وتقديري

[صالح العرجان]

صح لسانك يا المطرفي

ونعم بك وباللي مسند عليه القصيده


هذا سلمن عندنا يا عنزه

[الذيب]

المطرفي



صح السانك ولاهنت على هذه القصيده

[عبدالله الحجيلان]

المطرفي











لاهنت والله وصح لسانك



تقبل تقديري

[saad saif]

المطرفي



صح السانك قصيده تستحق الاعجاب




تحياتي



(سعدسيف)

[المطرفي]

بندر المطرفي



هلااااااااااااااااااااابك مليووووووووووووووووووون



وصح بدنك طال عمرك



لك احترامي وتقديري
اخوك
المطرفي

[المطرفي]

مزيد المزيد



هلاااااااااااااااااااابك يابعد راسي والله



صح بدنك وسلمت يمينك

وماعليك زود يابو راكان


وان غابت المشاركات ماغاب عن القلب طاريكم


لك احترامي وتقديري

[المطرفي]

الاخ العزيز


محمد المقبل


يامرحبابك مليوووووووووووون


وصح بدنك طال عمرك

والجميل هو مرورك


لك احترامي وتقديري

[المطرفي]

السيف القادم



صح بدنك طال عمرك


وتشكر كل الشكر على مرورك الذي زاد من روعته وجود اسم " السيف القادم "



نحن ومانكتب ملك للشبكة ويلان


لك احترامي وتقديري

[المطرفي]

فهد الخدلي الفدعاني


صح بدنك طال عمرك


ولاهنت على الرد والكلمات العطره


لك احترامي وتقديري

[المطرفي]

صالح الفدعاني



هلاااااااابك مليوووووووووووووون


وصح بدنك طال عمرك


وماعليك زود


وهذا سلمن عندنا وعند غيرنا الطيب اللي شروا عيد وشرواكم يسند عليه


لك احترامي وتقديري

[المطرفي]

الذيب


صح بدنك طال عمرك


ولاهنت على المرور

لك الاحترام والتقدير

[المطرفي]

سعد صالح المطرفي



هلاااااااااااااااااااااااااااابك مليوووووووووووووووووووون يابو صالح



وصح بدنك طال عمرك وسلمت يمينك



لك فائق الاحترام والتقدير الصادق

اخوك
المطرفي

[عيد الوطيف]

خجل بعد طول غياب ، يخففه العلم بسعة صدور الإخوة لهم من الإعتذار أجمله ومن السلام أزكاه ...


أدعج غنـج يزهـاه لبـس الغدايـف
زينه للزيـن الخلـق بالعـون هـدام

الغالي ... سعود ..

حارت مفردات الكلم على طرف لساني .. وخان الحرف مقصدي لهول ما قرأت .

فتوارت كلماتي خجلا .. وانثنت غنجا أمام شاعر يمتلك الشاعرية الفذة .. ويملك زمام الكلمة .. آخذ بناصية اللغة ..

آسرة التصوير .. بديعة الجمال .. نص تزدحم به الكلمات الشاعرية الأخاذة التي تعمل عملها في ذوق المتلقي بإذن ربها ..

تقبل هذه الكليمات على عجل .. ولو أنها لا تليق بالمقام .. ولكن أوسعني بذلك قلبك الطيب ونفسك السمحه .. وأملي بعودة أبهى تليق بهذه الشاعرية الفذة .. تحياتي ..

[المطرفي]

عبدالله الحجيلان





ياهلا ويامرحبا



وصح بدنك طال عمرك




والله يحفظك

اخوك
المطرفي

[عبدالله المطرفي]

المطرفي .. !!





لقصائدك نكهه وشفافيه رااائعه .. !!
قصيده كتبت من ماء التوت .. !!



جزاله عرفت عنك وروعه اكتساها متصفحك .. !!
ابدعت وتألقت يا مبدع .. !!




أما المسنده له القصيده / عيد / او / عبدالله .. !!
يفخر به القصيد / وتفخر به القصيده .. !!




لله دركما ودر ابيكمااااا .. !!
صحت قلوبكم مليون ولا يكفووون .. !!







عبدالله الوطيف .. !!

[عيد الوطيف]

خان القصيد اللي بظهر الصحايف=وحارت بي الكلمه على روس الاقلام
واخذت لي مده من الرد خايف=عذري معي يا خوك من خوف لنلام
والحال يا خالي مثل منت شايف=من قوة ابياتك حَـدَنَّــي للاحجام
الين شفت الراس جوّه تكايف=يحوم به من شارد الفكر حوام
والبال طوّف به من الشعر طايف=وقعدت الوّنها تقل لوح رسام
ياسعود ما والله تشوف الحسايف=نطيح دون الموت من قبل تنضام
ربعك هل العشوى نهار الكلايف=امغمقين الطعن في مر الايام
خيولهم بالكون تقبل وجايف=لحوض المنايا وِردهم ورد صيام
ان كان همك من حسِين الوصايف=ام الغنج والدلعنه بنت الاكرام
اللي زهاها لبسها للغدايف=اكبر امانيها تشوفك بالاحلام
ويلك على مصة حمار الشفايف=لا شفت طلع التين في صدرها زام
ابو ثمانٍ يوم يبسم صفايف=كسولة الرمشين نظراتها اسهام
نمشي لشوقك من جميع الطوايف=بالدين والسنه على شرع الاسلام
ونجيبها يا سعود لو هي خطايف=بس انت اشّر .. والمطانيخ قداااااااام
هذي هي الدنيا بحال الولايف=قانونها بالحب معكوس الاحكام
حياتهم ياخوك همّ وكسايف=واوقاتهم ما بين لايم ولوّام
طبعي .. اعاف اللي عن الوصل عايف=والله ولامثله قعد عندي وقام
وعلاجها ياخوك بارض المصايف=( لا ضاق بالك اكد الحجز للشام)

[عبدالله الثابت]

المطرفي صح لسانك


نعم بك وبمن اسندت عليه



كتبت وابدعت



تقبل تحياتي

[مصلح النشمي]

.



الله على هالابداع اخوي المطرفي


صح لسااانك مليوووون


بس تعال وين الغيبات ترانا فاقدينك:)


تحياتي لك

[المطرفي]

سعد سيف


صح بدنك طال عمرك


والعذر كل العذر للتأخر بالرد

ونبي منك العذر طال عمرك

اخوك المطرفي

[المطرفي]

عبدالله المطرفي


صح بدنك طال عمرك

ولا هنت على الرد

ومهما قلت يبقى اللي بالقلب بالقلب

والمعذره للتأخر بالرد

ونبي منك العذر طال عمرك


اخوك المطرفي

[المطرفي]

عبدالله الثابت


ماعليك زود طال عمرك

وصح بدنك ولا هنت على المرور

والمعذره للتأخر بالرد


اخوك المطرفي

[المطرفي]

مصلح النشمي


صح بدنك طال عمرك


والابداع هو مرورك ومرور شرواك من الوجيه الطيبه



وتراني موجود طال عمرك بس بهالفتره الاخيره انشغلت شوي


وحنا اللي فاقدينك وبعدين الحق جاي الماسنجر وشعلمك ما تفتحه ....................;)


والمعذره للتأخربالرد ولا اقولك لا لا ابي اعتذر ونبي منك السموحه


اخوك المطرفي

[المطرفي]

الاخ

عيد المطرفي

هلااااااااااااااااااااااااابك مليوووووووووووووووووووووووووووووووون


صح لسااااااااااااااااااااااااااااانك كثرهن مليوووووووووووووووون



وكفيت ووفيت وانت راع الاوله

ويعلم الله ياعيد ان صوتك يكفيني عن كل شئ

وارجوا ان تقبل مني هالابيات وتراها موجهه ولا نبي غير صوتك


يا مرحبا يامصخر القاف تصخير = عد النجوم وعد شوف الأهله
وعداد ماتنشي مزونِِِ(ن) مزابير = بأمر الولي سيقن وهن ماعصله
ياعيد ابن فرحان ماشفت تقصير = مثلك شهاب وكل حي(ن) فطنله
من راس قرم ماحسب للمخاسير = يوم ان ولد الاش عرقه يتله
وربعك ليا صارت وصفوا طوابير = والكل سيفه من جفيره يسله
مطارفه بالكون تنصا الصوابير = واللي عواء بالجال صاروا عشنله
وختامها مامن ترى اليوم تأخير = والصوت كفاني عن القاف كله
هذا جواب سعود والحرف تعبير = واللي لجاء بالروح لازم نحله


اخوك

المطرفي