~~الى بدر الحنيف مع التحيه~~

[الصقار]

اشوف بدر حنيف يظهر بالشهر( يوم) ويغيب ... يالله عساه بخير. والواجب يحتم بالسؤال
حنا بهذا المنتدى.ربع.اصدقاء .واخوان طيب .... تعال نلعبها كذا بين القصيره والطوال

[خلف الغريب]

كفو والله يا ابن هندي ..

صح لسانك ونحن جميعا في انتظار شاعرنا المبدع بدر الحنيف ..

متابع بشغف...

[محمد الدلماني]

كفو يابن هندي وصح لسانك

[سعد النفج]

ابن هندي

كفووووووووووووووو

والله يعطيك العاااافيه

و انا متاااااابع بقووووووووووووووووووه

[الصقار]

الاخوه الكرام

خلف الغريب .........

محمد الدلماني.......

سعد النفج..........

ماعليكم زود ..الله يحفظكم
ويرعاكم

تقبلو فائق تحياتي

[بدر الحنيف]

:::




قبل كل شئ أعتذر عن التأخير .. اخي الكريم ..
لكن والله ما شفتها إلا الآن .. بسبب أبتعادي عن النت .. بشكل عاام بالفتره الماضيه ..


وتأكد اني سعيد جدا باللعب معك ..







ماغبت عن .. لازم صحيب .. ومن وفــا تسأل .. وأجيب = أنا يامال الخير .. في خير ٍ .. لو أني بإنشغال


صحيح قولك .. بس من حول الحقيقة نام ريب = يا مفتي الديره... ابا استفتيك وأرشد للحلال















::::

[بدرفهد الجعفري]

مـــــــــــــــتـــــــــــــــــــابع

صح لسان الجميع

[بدر الحنيف]

بدر فهد الجعفري ،،




صح بدنك ... وشكرا على مرورك من هنا ..


تقديري

[الصقار]

:::




قبل كل شئ أعتذر عن التأخير .. اخي الكريم ..
لكن والله ما شفتها إلا الآن .. بسبب أبتعادي عن النت .. بشكل عاام بالفتره الماضيه ..


وتأكد اني سعيد جدا باللعب معك ..







ماغبت عن .. لازم صحيب .. ومن وفــا تسأل .. وأجيب = أنا يامال الخير .. في خير ٍ .. لو أني بإنشغال


صحيح قولك .. بس من حول الحقيقة نام ريب = يا مفتي الديره... ابا استفتيك وأرشد للحلال



















::::


ياهلا بك ..يابدر ونسعد بوجودك معنا دائما ..

استلم

ماقلت لك غايب عن الواجب ولاكن لاتغيب .... حنا تراء نشفق على شوفت صناديد الرجال

وهات العلوم الي تشب النار وتزيد الهيب ......نبي نولعها كذا بين الحقيقه والخيال

[بدر الحنيف]

:::


الله يسعدك بالعافيه .. والرااااحه ..





ابشر .. بما يرضيك ..وأفطن في علومي يا الحبيب = برضو .. تراي أشفق على شرواك وقروم العيال
عله بسيطه .. كيف عدت.. ما من عيادات الطبيب =حتى غدى منها التأكسد في قيود الأختزال




الــــــلييييييييييييييييييييييل

[سعوط المجانين]

صح لسانك يابن هندي وصح لسانك يابن حنيف

متابع

,,

[الصقار]

:::


الله يسعدك بالعافيه .. والرااااحه ..





ابشر .. بما يرضيك ..وأفطن في علومي يا الحبيب = برضو .. تراي أشفق على شرواك وقروم العيال
عله بسيطه .. كيف عدت.. ما من عيادات الطبيب =عسى التأكسد قومته .. تعمي عيون الأختزال




الــــــلييييييييييييييييييييييل

استلم

تراي فاطن لك وصوت الذيب ياصل يم ذيب.....وليا سمع صوته قنب جاوب وهو فوق الجبال

والزير مابانت فعوله لو بقى حياً كليب.......وبعض التأكسد يخنق الرجال لوهوعال عال

[الصقار]

صح لسانك يابن هندي وصح لسانك يابن حنيف

متابع

,,

صح بدنك ..وجودك يشرفني

[بدر الحنيف]

:::




يا ذيب يدوشك العيار أللي يمرك ما يصيب = دام التأكسد فيه عز ومرجله في كل حال
الزير ولا كليب .. يا رجال ماضايع ذهيب = وش فيك يادفع البلااا .. صاير سريع الأشتعال



:::

[بدر الحنيف]

صح لسانك يابن هندي وصح لسانك يابن حنيف

متابع

,,

صح بدنك .. ولاهنت



وشكرا لك على مرورك الكريم من هنا


تقديري لك

[الصقار]

:::




يا ذيب يدوشك العيار أللي يمرك ما يصيب = دام التأكسد فيه عز ومرجله في كل حال
الزير ولا كليب .. يا رجال ماضايع ذهيب = وش فيك يادفع البلااا .. صاير سريع الأشتعال



:::

بعض الرماه يضيع النيشان لو انه قريب .....لو يحمل الروسي وطلقاته محولها لصال

ياقو صبرك ياوسيع البال والراي الصليب....لاشك كلش له حدود وكل شيء له مجال

[نافع عيد الجديد]

عاشووووووووووو الشعار انا بين الصفوف

طاورق من الوزن الثقيل

[الصقار]

عاشووووووووووو الشعار انا بين الصفوف

طاروق من الوزن الثقيل


هلا بك .....اخوي نافع ..

وجودك يشرفني

[ماجد الغانم]

ابن هندي

بدر الحنيف
الله لا يهينكم ..

ابدااع وتمكن بيض الله وجيهكم

اناااا مع صف بدر يابن هندي

تحياااتي لكم

[بدر الحنيف]

:::






اغلض من الشعره ترى الفتنه وأدق من السبيب =تقود من لا يبعد النظره على الجرف الهيال
بعد النظر غير الصبر ياراعي العقل اللبيب = كنك حجازي يارجل ماكنك من اهل الشمال




:::

[بدر الحنيف]

عاشووووووووووو الشعار انا بين الصفوف

طاورق من الوزن الثقيل


ماعليك زود ياخوك ..


شكرا لك على مرورك الكريم من هنا ..

احترامي

[بدر الحنيف]

ابن هندي

بدر الحنيف
الله لا يهينكم ..

ابدااع وتمكن بيض الله وجيهكم

اناااا مع صف بدر يابن هندي

تحياااتي لكم

الرائع ماجد الجعفري ،،


وحهك أبيض ... ولا تهوون ..


شكرا لك لمرورك الكريم هنا .. وتقديري لما شرفتني به


احترامي

[الصقار]

:::






اغلض من الشعره ترى الفتنه وأدق من السبيب =تقود من لا يبعد النظره على الجرف الهيال
بعد النظر غير الصبر ياراعي العقل اللبيب = كنك حجازي يارجل ماكنك من اهل الشمال




:::


بدر .صح لسانك ....وستلم

بعض السكوت يدهور الرجال في وسط القليب...ان كان صاحبنا عمى لازم يربط له حبال

وترى الصدور الواسعه يابدر من حظ النسيب...الوضع هادي دائماً ماتشتكي بنت الحلال

[الصقار]

ماجد الجعفري ..

ياهلا بك واسعدني وجودك ..الكريم

تقبل فائق تقديري

[الصقار]

بدر الحنيف ..

تشرفت بالمحاوله والدردشه معك وانا الكسبان في جميع الاحوال
1---اقول لعبت مع بدر الحنيف
2--خليتك ماتطول بالغيبه عنا

اسمحلي اذا بدر مني اي تقصير ..

تقبل فائق تقديري

[محمد المقبل]

شعراء رائعين بن هندي وبدرالحنيف

امتعتمونابهذا الطاروق الممتع

الذي يستحق القراه والتمعن بمعانيه النزيهه والرائعة

شكرا لكم جميعاواخص بالشكر ابن هندي الذي جعلنا نرى شاعرنا الرائع بدر من خلال هذه المحاوره

أدام الله هذا التميز وهذاالابداع

ولكم جميعاحبي ومودتي

[بدر الحنيف]

بدر .صح لسانك ....وستلم

بعض السكوت يدهور الرجال في وسط القليب...ان كان صاحبنا عمى لازم يربط له حبال

وترى الصدور الواسعه يابدر من حظ النسيب...الوضع هادي دائماً ماتشتكي بنت الحلال



صح بدنك.. يا ابن هندي ... ولا تهوون ...




بعض الكلام يصير به قدر الرجل حبة زبيب =وان كان صاحبنا يشوف الدرب مافيه اعتدال
لكن ترى ضيق الصدر ضيّع مقص من الرقيب =والوضع عادي والرجل يشكي لربه ذو الجلال

[بدر الحنيف]

بدر الحنيف ..

تشرفت بالمحاوله والدردشه معك وانا الكسبان في جميع الاحوال
1---اقول لعبت مع بدر الحنيف
2--خليتك ماتطول بالغيبه عنا

اسمحلي اذا بدر مني اي تقصير ..

تقبل فائق تقديري




ابن هندي ،،،

اعتذر عن الغياب .. قبل كل شي .. وانا اخوووك ..

وانت الشرف يا بعد خشمي .. والمكسب الحقيقي من الشعر كله مكسب الرجال الانقياء ..

شرواك

وكلامك وسام على صدر اخووك .. وانشالله ما تطوّل غيبتي بإذن الله .. واللعب معك شرف ..



وااافي ولاهنت .. يا بعدي ..




تقديري لك ،،

[بدر الحنيف]

شعراء رائعين بن هندي وبدرالحنيف

امتعتمونابهذا الطاروق الممتع

الذي يستحق القراه والتمعن بمعانيه النزيهه والرائعة

شكرا لكم جميعاواخص بالشكر ابن هندي الذي جعلنا نرى شاعرنا الرائع بدر من خلال هذه المحاوره

أدام الله هذا التميز وهذاالابداع

ولكم جميعاحبي ومودتي


ابو ساره ،،



مرورك من هنا .. تتويج لهذا الطاروق ..

وتشريف لاخوانك ..



شكرا لك على مرورك الكريمحتى ترضى ..


تقديري لك ،،