معلقة امري القيس الجديده بالاسهم2008

[عبدالله التركي]

معلقة أمري ألقيس الجديدة بالأسهم

قفا نبك من ذكرى نزول المؤشر .
وسوق بأنواع الخسائر ممتلي
قفا نبك والجهاز كدر خاطري
عسا وراهذا سيصبح اخضري
قفا نبك أيام مضت لنا وتداول
وكنا نبيع السهم حين يدبلي
قفا نبك والشاشات أعمت عيوننا
ونحن نطالع لونها أحمرا كالجلي
وكم غرنا ذاك المؤشر مرة
وقلت أدبل رأس مالك يا علي
وقلنا اخترقنا فوق عشرين نقطة
ومن بعدها صار المؤشر يدلدلي
وأصبح ذياك المؤشر أحمرا
مطعون في قلب ودم مغربلي
قفا نبك والأيام تبري جراحنا
من الغيم يأتينا وآخر سينجلي
مكر مفر مقبل مدبر معاً
كمستثمر مسكين قد حطه السوق من علي
تعالوا نعود لاستثمار العقار فإنه.
يعد لتبديل الدراهم أفضلي

[محمد الدلماني]

تعالوا نعود لاستثمار العقار فإنه.
يعد لتبديل الدراهم أفضلي


والله انه صدق لان هالاسهم لعبه كبيره وتحتاج من يجيدها


لاهنت ياخوي عبدالله وعسى اسهمك خضرا دوم :)

[سعود المسعودي]

لاهنت ياخوي عبدالله وعسى اسهمك خضرا دوم

[خلف الغريب]

يا سوق يا سوق النكد والخسارة .....مافيه واحد من خسايرك ما صاح
بعد المكاسب والغلا والشطارة.....يا ليت راس المال ما ودي ارباح
عفت السهم من بد كل التجارة ... وقررت اعةد اليوم ( شاوي وفلاح )


تذكرت هالابيات من معلقة امرئ القيس الجديدة ..

شكرا لك اخوي عبدالله وياليت الدعوى بقت على الاسهم ما وصلت لهالغلاء الفاحش الله يحمانا ,,

ودي وتقديري..

[عاشق المعالي]

الله عليك يالاسهم

كم حولتي ناس من حال الي حال

الجميل الوحيد فيك هو انك استثرتي قريحة الكثير من الشعراء فكتبوا شعرا جميل وحزين

عبدالله التركي تقبل مروري

[رابح الغضيان]

عبدالله التركي/

اسم غني عن التعريف بهذا المنتدى

شكرا من الاعماق على هذه الرائعه

اختيار جميل

تحياتي لك